Posts by Bartaman Odisha

ନବୀନଙ୍କୁ ବାଏ-ବାଏ କରିବେ କି ଭୂପିନ୍ଦର

0 Comments read News
Bhupinder Singh may rejoin congress

ଧିରେଧିରେ ବିଜୁ ଜନତା ଦଳକୁ ମୁହଁ ମୋଡ଼ୁଛନ୍ତି ବରିଷ୍ଠ ନେତା । ପାଣ୍ଡିଆନ ପଲିଟିକ୍ସ ପାଇଁ କିଛି ବରିଷ୍ଠ ନେତା ନବୀନଙ୍କୁ ସିଧାସିଧା ଅବଗତ କରୁଥିଲା ବେଳେ ଆଉ କିଛି ନେତା ଏବେ ଅନ୍ୟ ଦଳ ମୁହାଁ ହେଲେଣି । ୟାରି ଭିତରେ BJDର ବରିଷ୍ଠ ନେତା ଭୂପିନ୍ଦର ସିଂହ କଂଗ୍ରେସକୁ ପ୍ରଂଶସା କରିଛନ୍ତି। ରାଜ୍ୟ ସହିତ ଦେଶରେ କଂଗ୍ରେସ ବଢୁଛି। ଯଦି ବିଜେଡି ରାଜ୍ୟରେ ଠିକ୍ ଭାବେ ମୁଖ୍ୟ ବିରୋଧୀ ଦଳର ଭୂମିକା ନ ନେବ, ତେବେ କଂଗ୍ରେସ ଆହୁରି ଆଗକୁ ବଢ଼ିବ ବୋଲି ସେ କହିଛନ୍ତି। ଯେଉଁଥିପାଇଁ ସେ ବିଜେଡି ଛାଡ଼ିବା ଚର୍ଚ୍ଚା ଜୋର ଧରିଛି । ଲୋକ ମୋ ପାଇଁ ଶ୍ରେଷ୍ଠ, କେଉଁ ଦଳ ନୁହେଁ । ଲୋକ ଯାହା ବି ନିଷ୍ପତ୍ତି ନେବେ, ତାଙ୍କର ଭବିଷ୍ୟତ ସେଇଆ ହେବ ବୋଲି କହି ପରୋକ୍ଷରେ ବିଜୁ ଜନତା ଦଳ ପ୍ରତି ମୋହ ତୁଟୁଥିବା ବାରି ହେଉଛି । ପୂର୍ବରୁ ମଧ୍ୟ କଂଗ୍ରେସ ନେତା ତାଙ୍କୁ ଡାକୁଥିବା କହି ସେ ଚର୍ଚ୍ଚାକୁ ଆସି ସାରିଛନ୍ତି ।

ବିଜେଡି-ବିଜେପି ଭିତରେ କିଛି ବି ଫରକ ନାହିଁ
ବିଜେଡିକୁ ତେରେଛା ତୀର ମାରି ଭୂପିନ୍ଦର କହିଛନ୍ତି

  • ବିଜେଡି-ବିଜେପି ଭିତରେ କିଛି ବି ଫରକ୍ ନାହିଁ ବୋଲି ଲୋକ ଅନୁଭବ କରୁଛନ୍ତି ।
  • ଯେହେତୁ ବିରୋଧୀ ଭାବେ ବିଜେଡି ଠିକ୍ ପ୍ରସଙ୍ଗ ଉଠାଉନି, ତେଣୁ କଂଗ୍ରେସ ଏହାର ଫାଇଦା ନେଉଛି ।
  • ୨୦୨୪ ପରଠୁ ଆଜି ପର୍ଯ୍ୟନ୍ତ ସଂସଦରେ ବିଜେଡିର ଷ୍ଟାଣ୍ଡ କ୍ଲିୟର ହେଇପାରିନି ।

ପୁଣି କଂଗ୍ରେସ ଫେରିବେ କି ଭୂପିନ୍ଦର
କଂଗ୍ରେସ ଟିକେଟରେ ବିଧାନସଭାକୁ ଏଣ୍ଟ୍ରି କରିଥିଲେ ଭୂପିନ୍ଦର ସିଂହ। 2009ରେ ନର୍ଲା ସିଟରେ କଂଗ୍ରେସ ଟିକେଟରେ ଜିତିଥିବା ଭୂପିନ୍ଦର ସିଂହ କଂଗ୍ରେସରେ ଥାଇ ବିରୋଧୀ ଦଳ ନେତା ଥିଲେ। 2014ରେ ସେ କଂଗ୍ରେସ ଛାଡ଼ି ବିଜେଡିରେ ମିଶିଥିଲେ। ରାଜ୍ୟସଭା ସାଂସଦ ହେବା ସହ 2019ରେ ବିଜେଡି ଟିକେଟରେ ବିଧାୟକ ହୋଇଛନ୍ତି । ମାତ୍ର 2024ରେ ତାଙ୍କ ପରିବର୍ତ୍ତେ ବିଜେଡି ମନୋରମା ମହାନ୍ତିଙ୍କୁ ଟିକେଟ ଦେଇଥିଲା । ଟିକେଟ ନ ପାଇବାର କ୍ଷୋଭ ସାଙ୍ଗକୁ ଦଳରେ ବରିଷ୍ଠଙ୍କ ଅବହେଳିତ ସ୍ଥିତି ହେତୁ ସେ ପୁଣି କଂଗ୍ରେସ ଫେରି ପାରନ୍ତି ବୋଲି ଚର୍ଚ୍ଚା ।

ବାଣୀବିହାରରୁ କେବେ ବିଦା ହେବେ ଅଣଛାତ୍ର

0 Comments read News
Utkal University under the control of Student Leader

ଉତ୍କଳ ୟୁନିଭରସିଟିରେ ଅଣଛାତ୍ରଙ୍କ ପତିଆରା ବଢିବାରେ ଲାଗିଛି। ଅଣଛାତ୍ରଙ୍କ କବଜାରେ କ୍ୟାମ୍ପସ୍ । ଯାହାକୁ ଏବେ ଗମ୍ଭୀରତାର ସହ ନେଇ ଆକ୍ଟିଭ୍ ହେଉଛି ୟୁନିଭରସିଟି । ସେପ୍ଟେମ୍ବର ୪ ସୁଦ୍ଧା ଭଲରେ ଭଲରେ ହଷ୍ଟେଲ୍‌ ନ ଛାଡ଼ିଲେ କଠୋର ପଦକ୍ଷେପ ନେବାକୁ ୱାର୍ଣ୍ଣିଂ ଦିଆଯାଇଛି । କେବଳ ସେତିକି ନୁହେଁ, ହଷ୍ଟେଲ୍‌ ରୁମ୍‌ ଆଲଟ୍‌ ହୋଇଥିବା ଛାତ୍ର ଯଦି ତାହାକୁ ଭଡ଼ା କିମ୍ବା ବିକ୍ରି କରିଥିବାର ଜଣାପଡ଼େ, ସେମାନଙ୍କ ବିରୋଧରେ ବି କାର୍ଯ୍ୟାନୁଷ୍ଠାନ ବୋଲି କଡ଼ା ଚେତାବନୀ ଦିଆଯାଇଛି। ମାତ୍ର  ନୋଟିସ୍‌ ଲାଗିବାର ୨୪ ଘଣ୍ଟା ନ ପୂରୁଣୁ ଉତ୍କଳ ବିଶ୍ୱବିଦ୍ୟାଳୟରେ ଅଣଛାତ୍ରଙ୍କ ଦୌରାତ୍ମ୍ୟ ଆରମ୍ଭ ହୋଇଛି। ଅଧିକାରୀଙ୍କୁ ପଥର ମାଡ଼ କରିଛନ୍ତି ଅଣଛାତ୍ର ।

1 ନମ୍ବର, 2 ନମ୍ବର ଓ 3 ନମ୍ବର ହଷ୍ଟେଲରେ ପ୍ରାୟ ୧୪୪ଟି ରୁମ୍‌ ଅଣଛାତ୍ରଙ୍କ କବ୍‌ଜାରେ । ବିଜ୍ଞପ୍ତି ଆଧାରରେ ହଷ୍ଟେଲ୍‌ ରୁମ୍‌ ଆଲଟ୍‌ ହୋଇଥିବା ଛାତ୍ରଙ୍କୁ ଏକ ନମ୍ବର ଛାତ୍ରାବାସରେ ରଖିବାକୁ ସ୍ଥିର ହୋଇଥିଲା। ସେହି ଅନୁଯାୟୀ ଡେପୁଟି ୱାର୍ଡେନ୍‌ ଓ ସୁପରିନ୍‌ଟେଣ୍ଡେଣ୍ଟ ଏକ ନମ୍ବର(ଗୋପବନ୍ଧୁ) ଛାତ୍ରାବାସ ଯାଇଥିବା ବେଳେ ସେଠାରେ ଥିବା ଅଣଛାତ୍ରମାନେ ସେମାନଙ୍କୁ ଅଟକ ରଖିଥିଲେ। ହ‌ଷ୍ଟେଲ୍‌ ଲାଇଟ୍‌କୁ ସମ୍ପୂର୍ଣ୍ଣ ଭାବେ ବନ୍ଦ କରିଦେଇଥିଲେ। ଅଣଛାତ୍ରମାନେ ଟେକାପଥର ମାଡ଼ କରିଥିଲେ। ପୁଲିସ ମଧ୍ୟ ସେମାନଙ୍କ ଆକ୍ରୋଶରୁ ବର୍ତ୍ତି ପାରି ନ ଥିଲା। ଘନ ଘନ ପଥର ମାଡ଼ କରିଥିଲେ। ଛାତ୍ରାବାସରେ ଦୌରାତ୍ମ୍ୟ କରିଥିବା ଅଣଛାତ୍ରଙ୍କ ମଧ୍ୟରେ ତିନି ରାଜନୈତିକ ଦଳର ଛାତ୍ରନେତା ରହିଛନ୍ତି। ଏକ ନମ୍ବର ଛାତ୍ରାବାସର ୨୪ଟି, ଦୁଇ ନମ୍ବର ଛାତ୍ରାବାସର ୩୬ଟି ଓ ତିନି ନମ୍ବର ଛାତ୍ରାବାସର ଶତାଧିକ ରୁମ୍‌ ଏବେ ଅଣଛାତ୍ରଙ୍କ କବ୍‌ଜାରେ ରହିଛି। ରୁମ୍‌ ଭଡ଼ାରେ ଦେଇ ସେମାନେ ପ୍ରଚୁର ଅର୍ଥ ଉପାର୍ଜନ କରୁଛନ୍ତି। ଶିକ୍ଷାବର୍ଷ ଅଧାରୁ ଯଦି ଅଣଛାତ୍ରଙ୍କୁ କଢ଼ାଯାଏ ତେବେ ସେମାନଙ୍କ ବେପାର ଠପ୍‌ ହୋଇଯିବ।ବସ୍ତି ହଟାଇଲେ ଆମେ ହଷ୍ଟେଲ୍‌ ଛାଡ଼ିବୁ ବୋଲି ଯୁକ୍ତି କରିଛନ୍ତି ଅଣଛାତ୍ର ।

ତେବେ ଅଣଛାତ୍ରଙ୍କ କବଳରୁ ଯଦି ଉତ୍କଳ ବିଶ୍ୱବିଦ୍ୟାଳୟକୁ ମୁକ୍ତ କରା ନ ଯାଏ ତାହେଲେ ବିଶ୍ୱବିଦ୍ୟାଳୟର ଅପାରଗତା ବାହାରେ ପଡ଼ିବା ସହ ଉପଯୁକ୍ତ ଛାତ୍ର ହଷ୍ଟେଲ ସୁବିଧାରୁ ବଞ୍ଚିତ ହେବେ ।

ରାଜଧାନୀରେ ପାଠ ପଢିବାକୁ ରାଜି ନାହାନ୍ତି ପୁଅ

0 Comments read News
Dropout Rate Among Boys Rises in Bhubaneswar

ଭୁବନେଶ୍ୱରରେ ପ୍ରାଥମିକ ଶିକ୍ଷାର ସ୍ଥିତି ଧିରେଧିରେ ସଙ୍କଟାପନ୍ନ ହେଉଛି । ରାଜଧାନୀରେ ଶିକ୍ଷା ବ୍ୟବସ୍ଥା ସୁଦୃଢ ହେବା ପରିବର୍ତ୍ତେ ଦୂର୍ବଳ ହେଉଛି । ଶିକ୍ଷକ ଶିକ୍ଷୟତ୍ରୀଙ୍କଠାରୁ ଆରମ୍ଭ କରି  ଜିଲ୍ଲା ଶିକ୍ଷା ଅଧିକାରୀଙ୍କଉଦ୍ୟମ ସତ୍ତ୍ୱେ ଟାର୍ଗେଟ ହାସଲ ହେଇ ପାରୁନାହିଁ। ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସାରା ରାଜ୍ୟରେ ଚାଲୁଥିବା ‘ଆସ ସ୍କୁଲ୍‌ ଯିବା’ ସଫଳ ହୋଇ ପାରୁନାହିଁ । ଏହି ଅଭିଯାନରେ ଭୁବନେଶ୍ୱର ସମେତ ଖୋର୍ଦ୍ଧା ଜିଲ୍ଲାର ଯେଉଁ ଚିତ୍ର ନଜରକୁ ଆସିଛି, ତାହା ବେଶ୍‌ ଚିନ୍ତାଜନକ। ଭୁବନେଶ୍ୱର ମହାନଗର ନିଗମ(BMC) ଓ ଭୁବନେଶ୍ୱର ବ୍ଲକ୍‌ ଅଞ୍ଚଳରେ ୧୩୦୦ରୁ ଅଧିକ ଛାତ୍ରଛାତ୍ରୀ ସ୍କୁଲ ବାହାରେ ରହିଛନ୍ତି। ଭୁବନେଶ୍ବର ବ୍ଲକ୍‌‌ରେ ୬ରୁ ୧୮ ବର୍ଷ ବୟସ ମଧ୍ୟରେ ପ୍ରାୟ ୪୦୦ ଛାତ୍ରଛାତ୍ରୀ ସ୍କୁଲ୍‌ ବାହାରେ ଅଛନ୍ତି। BMCରେ ଏହାର ସଂଖ୍ୟା ୧୦୦୦ରେ ପହଞ୍ଚିଛି। ଏମାନଙ୍କ ମଧ୍ୟରୁ ଆଦୌ ସ୍କୁଲ୍‌ ଆସି ନଥିବା ପିଲାଙ୍କଠାରୁ ଡ୍ରପ୍‌ ଆଉଟ୍‌ ସଂଖ୍ୟା ଅଧିକ। ପାଠପଢ଼ା ଛାଡ଼ୁଥିବା ଝିଅଙ୍କ ତୁଳନା‌ରେ ପୁଅଙ୍କ ସଂଖ୍ୟା ଢ଼େର୍‌ ଅଧିକା ।

ପାଠ ଛାଡ଼ୁଛନ୍ତି ପୁଅ
‘ଆସ ସ୍କୁଲ୍‌ ଯିବା’ ସର୍ଭେ ତଥ୍ୟ ଅନୁସାରେ ଭୁବନେଶ୍ୱର ବ୍ଲକ୍‌ରେ ୧୪୫ ଝିଅ ଓ ୧୮୩ ‌ପୁଅ ପାଠପଢ଼ା ଛାଡ଼ିଛନ୍ତି। ‌ ୩୨ ଝିଅ ଓ ୪୮ପୁଅ ଆଦୌ ସ୍କୁଲ୍‌ ଆସି ନାହାନ୍ତି। ସେହିଭଳି ବିଏମ୍‌ସି ଅଞ୍ଚଳରେ ଥିବା ସ୍କୁଲରୁ ୩୨୫ ଝିଅ ଓ ୪୬୪ ପୁଅ ଅଧାରୁ ପାଠପଢ଼ା ଛାଡ଼ିଛନ୍ତି। ସେହିପରି ୨୧୧ ଝିଅ ଓ ୨୭୮ ପୁଅ ସ୍କୁଲରେ ଆଦୌ ନାମ ଲେଖାଇ ନାହାନ୍ତି। ଦିବ୍ୟାଙ୍ଗ ପିଲାଙ୍କ ସଂଖ୍ୟାକୁ ମିଶାଇ ମୋଟ୍‌ ୧୨୭୮ଜଣ ବିଦ୍ୟାଳୟ ବାହାରେ ଅଛନ୍ତି।
ମାଟ୍ରିକ୍‌ ଓ ଯୁକ୍ତ ୨ ପରେ ଅଧିକ ଛାତ୍ରଛାତ୍ରୀ ପାଠପଢ଼ା ଛାଡୁଛନ୍ତି। ଭୁବନେଶ୍ୱର ବ୍ଲକ୍‌ରେ ୧୫ ବର୍ଷ ବୟସରେ ୪୯ ପିଲା ଏବଂ ବିଏମ୍‌ସିରେ ୯୨ ପିଲା ପାଠ ଛାଡ଼ିଛନ୍ତି। ୧୬ବର୍ଷ ବୟସରେ ବ୍ଲକ୍‌ରେ ୭୩ ଜଣ ଓ ବିଏମ୍‌ସିରେ ୧୫୦, ୧୭ ବର୍ଷ ବୟସରେ ବ୍ଲକ୍‌ରେ ୮୬ ଓ ବିଏମ୍‌ସିରେ ୨୪୦ ଏବଂ ୧୮ ବର୍ଷ ବୟସରେ ବ୍ଲକ୍‌ରେ ୩୫ ଓ ବିଏମ୍‌ସିରେ ୧୧୩ ପିଲା ପାଠପଢ଼ା ଛାଡ଼ିଛନ୍ତି। ସହରର ବସ୍ତି ଅଞ୍ଚଳରେ ଥିବା ଅନେକ ଛାତ୍ର ଦାଦନ ଖଟିବା ପାଇଁ ବାହାରକୁ ଚାଲି ଯାଇଥିବାରୁ ଏଭଳି ସ୍ଥିତି ସୃଷ୍ଟି ହେଉଥିବା ଚର୍ଚ୍ଚା ହେଉଛି ।

ମାସକୁ ୧୦୦୦ କୋଟି GST ହରାଇବ ଓଡ଼ିଶା

0 Comments read News
Odisha to Lose ₹1,000 Crore GST Revenue Per Month

GST (Goods and Services Tax) କୁ ନେଇ ଓଡ଼ିଶା ବଡ଼ ଧରଣର କ୍ଷତି ସହିବାକୁ ଯାଉଛି । ସେପ୍ଟେମ୍ବର 3 ଓ 4 ରେ GST ପରିଷଦ ବୈଠକ ହେବ । ଯେଉଁଥିରେ ଚାରିଥାକିଆ GST ସ୍ଲାବକୁ 2 ଥାକିଆ କରିବାକୁ ଯୋଜନା ହେବ । GST ସ୍ଲାବରେ ହ୍ରାସ ଘଟିଲେ ରାଜ୍ୟକୁ କ୍ଷତି ସହିବାକୁ ପଡ଼ିବ। ରାଜ୍ୟର ରାଜସ୍ୱ ହାନୀ ହେଲେ ସେ ସବୁକିଏ ଭରଣା କରିବ ଏ ପର୍ଯ୍ୟନ୍ତ ସେ ନେଇ କୌଣସି ସ୍ପଷ୍ଟୀକରଣ ଆସିନାହିଁ । ଏସବୁର କ୍ଷତିପୂରଣ କିଏ ଭରଣା କରିବ ତାହା ଏବେ ବଡ଼ ପ୍ରସଙ୍ଗ । GST ସ୍ଲାବ୍ ହ୍ରାସ ହେଲେ  GST କ୍ଷେତ୍ରରେ 20 % ଲସ୍ ହେବ। ସେ ଆଧାରରେ ଦେଖିଲେ ଓଡ଼ିଶାରେ ମାସକୁ 5000 କୋଟି GST ସଂଗ୍ରହ ହେଉଛି । ସ୍ଲାବ୍ କମିଲେ ମାସକୁ 1000 କୋଟିର ରାଜସ୍ୱ ଓଡ଼ିଶାକୁ ହରାଇବାକୁ ପଡ଼ିବ।

8 ଟି ଅଣ NDA ଶାସିତ ରାଜ୍ୟ ହିମାଚଳପ୍ରଦେଶ, ଝାଡ଼ଖଣ୍ଡ, ତାମିଲନାଡୁ, ତେଲେଙ୍ଗାନା, କଣ୍ଣାଟକ, କେରଳ, ପଞ୍ଜାବ, ପଶ୍ଚିମବଙ୍ଗର ଫାଇନାନ୍ସ ମିନିଷ୍ଟର କ୍ଷତିପୂରଣ ଭରଣା ନେଇ GST ପରିଷଦକୁ ପ୍ରଶ୍ନ କରିବାର ଯୋଜନା ରହିଛି । ମାତ୍ର ଏନେଇ ଓଡ଼ିଶାର ଆଭିମୁଖ୍ୟ କଣ ରହିବ ତାହା ସ୍ପଷ୍ଟ ହୋଇନି । ଅଗଷ୍ଟ 29ରେ ଭୁବନେଶ୍ୱରରେ ଆୟୋଜିତ ବିକଶିତ ଓଡ଼ିଶା 2026 ସମ୍ମୀଳନୀରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ବକ୍ତବ୍ୟରୁ ଆଭିମୁଖ୍ୟ ସମ୍ପର୍କରେ କୌଣସି ସ୍ପଷ୍ଟୋକ୍ତି ମିଳିନାହିଁ । GST କମିଲେ କଣ ଲାଭ ମିଳିବ ସେ ନେଇ ଆଲୋଚନା କରିଥିଲା ବେଳେ ରାଜସ୍ୱ କ୍ଷତିପୂରଣ ବାବଦରେ କିଛି ବି କହିନାହାନ୍ତି ।

ରିପୋର୍ଟ ଅନୁଯାୟୀ 2017-18 ରେ ଓଡ଼ିଶାକୁ 2348 କୋଟି, 2018-19 ରେ 4241 କୋଟି, 2019-20 ରେ 5332 କୋଟି, 2020-21 ରେ 4243 କୋଟି ଟଙ୍କାର GST କ୍ଷତିପୂରଣ ମିଳିଛି । 2017 ମସିହାରୁ ଏ ପର୍ଯ୍ୟନ୍ତ ଓଡ଼ିଶା ପ୍ରାୟ 16,165 କୋଟି ଟଙ୍କା GST କ୍ଷତିପୂରଣ ପାଇଥିଲା ବେଳେ 2023 ଓ 2024 ରେ କୌଣସି GST କ୍ଷତିପୂରଣ ମିଳିନାହିଁ । 2025-26 ଆର୍ଥିକ ବର୍ଷରେ ଏହି କ୍ଷତିପୂରଣ ବାବଦ ସରକାର 3000 କୋଟି ପାଇବା କଥା । ତେବେ GST କ୍ଷେତ୍ରରେ 3000 କୋଟି ବକେୟା ଥିଲା ବେଳେ ମାସକୁ 1000 କୋଟିର ଲସ୍ ଅର୍ଥନୀତିକୁ ପ୍ରଭାବିତ କରିବ।

ଅଦ୍ଭୁତ ଇଞ୍ଜିନ:୧ ଲିଟରରେ ୧୭୬ କି.ମି ମାଇଲେଜ୍

0 Comments read News
176 KM/L Mileage Engine! Shailendra Singh Gaur’s Revolutionary Invention!

ଗୋଟାଏ ଲିଟର ତେଲରେ ୧୭୬ କିଲୋ ମିଟରର ମାଇଲେଜ୍। ମାତ୍ର ଗୋଟେ ଲିଟର ତେଲ ପକେଇ ଅନ୍ୟ ଗାଡ଼ି ତୁଳନାରେ ୪ ରୁ ୫ ଗୁଣ ଅଧିକ ଦୂର ଯାଇହେବାର ସମ୍ଭାବନା । ଯାହା ଏବେ ଅଟୋମୋବାଇଲ କ୍ଷେତ୍ରରେ ବିରାଟ ବଡ଼ ରିଭୋଲ୍ୟୁସନ୍ ଆଣିବାକୁ ଯାଉଛି । ତେଲ ଖର୍ଚ୍ଚରୁ ମୁକ୍ତି ପାଇବା ପାଇଁ ତିଆରି ହୋଇଛି ନିଆରା ବାଇକ୍ । ଯାହାକୁ ନେଇ ଅଟୋମୋବାଇଲ ଇଣ୍ଡଷ୍ଟ୍ରି କ୍ଷେତ୍ରରେ ଚର୍ଚ୍ଚା ବଢିବାରେ ଲାଗିଛି ।ତେବେ ଏ ଗାଡ଼ିର ମାଇଲେଜ୍ ଏତେ ଯେ ଏହା ଯେ କୌଣସି 2 ହ୍ୱିଲରକୁ ପଛରେ ପକାଇଦେବ । ଇଲେକ୍ଟ୍ରିକ୍ ବାଇକରୁ ବି ଏଥିରେ କମ୍ ଖର୍ଚ୍ଚ ହେବ । ଏ ଗାଡ଼ି ମାର୍କେଟକୁ ଆସିଲେ ସମସ୍ତଙ୍କର ମାର୍କେଟ ଡାଉନ ହେବ । ଗାଡ଼ିର ଡ଼ିମାଣ୍ଡ ସମସ୍ତଙ୍କଠୁ ଅଧିକ ବି  ରହିବ ।

ପ୍ରୟାଗରାଜରେ ଏ ଅସମ୍ଭବ କାମ ସମ୍ଭବ ହୋଇଛି। ସେଠାରେ ରହୁଥିବା ଶୈଳେନ୍ଦ୍ର ସିଂ ଗୌର ଏହାକୁ ସଫଳ କରି ଦେଖାଇଛନ୍ତି । ୧୮ ବର୍ଷ ଧରି ପରିଶ୍ରମ କରି ସେ ଏଥରେ ସଫଳ ହୋଇଛନ୍ତି । ଏହା କୌଣସି ଇଲେକ୍ଟ୍ରିକ୍ ଇଞ୍ଜିନ୍ ନୁହେଁ ବରଂ ଘରୋଇ ଗାଡ଼ିରୁ ସେ ଏହାକୁ ପ୍ରସ୍ତୁତି କରିଛନ୍ତି । ଗୋଟାଏ 4 ଷ୍ଟ୍ରୋକ୍ ଇଞ୍ଜିନକୁ 6 ଷ୍ଟ୍ରୋକ୍ ଇଞ୍ଜିନରେ ପରିଣତ କରିଛନ୍ତି ,ଏ ଇଞ୍ଜିନରେ କେବଳ ପେଟ୍ରୋଲ୍ ନୁହେଁ ଡିଜେଲ ସହ ସିଏନଜି ବି ବ୍ୟବହାର ହେଇପାରିବ। ସବୁ କ୍ଷେତ୍ରରେ ଏ ଇଞ୍ଜିନର ଚାହିଦା ରହିଛି ।
ତେବେ କେବଳ ବାଇକ୍ ନୁହେଁ,କାର୍ ଏବଂ ଟ୍ରକରେ ମଧ୍ୟ ଏ ଇଞ୍ଜିନ୍ ଫିଟ୍ କରିହେବ। କମ୍ ତେଲରେ ଅଧିକ ମାଇଲେଜ୍ ଦେଉଥିବା ଏ ଇଞ୍ଜିନ୍ ପରିବେଶ ପ୍ରଦୂଷଣ ହେବାକୁ ଦେବ ନାହିଁ। ତେବେ ସ୍ପିଡ଼, ମାଇଲେଜ ଏବଂ ପଲ୍ୟୁସନ୍ କଣ୍ଟ୍ରୋଲ ଦୃଷ୍ଟିରୁ ସବୁ କ୍ଷେତ୍ରରେ ଆଗରେ ଥିବା ଏ ଇଞ୍ଜିନ୍ ଏବେ ଅଟୋ ମୋବାଇଲ ଇଣ୍ଡଷ୍ଟ୍ରିରେ ବିରାଟ ରିଭୋଲ୍ୟୁସନ୍ ଆଣିବା ଥୟ।