ଦୁର୍ଗାପୁଜା ପରେ କାହିଁକି ଫୁଟେନି କାଶତଣ୍ଡି

0 Comments read Entertainment
The Untold Love Story Of Kashatandi

ମା‘ ଦୁର୍ଗା ଆସିବା ବେଳ ହେଲେ କାଶତଣ୍ଡି ଆସେ ଆଉ ମା ଫେରିଗଲେ,ସିଏ ବି ଫେରିଯାଏ। ଦୁର୍ଗା ମା‘ ବିସର୍ଜନ ନେଲା ପରେ ଧିରେ ଧିରେ ମଉଳିଯାଏ କାଶତଣ୍ଡି। କାଶତଣ୍ଡିର  ସୌନ୍ଦର୍ଯ୍ୟତା କିଏ ବା ନଜାଣେ? କାଶତଣ୍ଡୀକୁ  ଦେଖିଲେ କବିର କଲମ ହୁଏ ଚଳଚଞ୍ଚଳ।ଖୁସି ହୁଅନ୍ତି ପ୍ରକୃତି ପ୍ରେମୀ। ତା ସୁନ୍ଦରତା ପାଇଁ ଅଟକିଯାଏ ଆଖି। ଭାବୁକ ମାନେ ଭାବନା ରାଇଜରେ ବୁଡ଼ିଯାଆନ୍ତି।ମା ଦୁର୍ଗା ଧରାବତରଣ କରିବା ଠିକ ପୂର୍ବରୁ କାଶତଣ୍ଡି ବି ଧରାବତରଣ କରେ ଆଉ ମା ଦୁର୍ଗା ଧରାରୁ ବିଦାୟ ନେଲେ କାଶତଣ୍ଡି ବି ମୌଳିଯାଇ ବିଦାୟ ନିଏ।ପୁଣି ମାଆଙ୍କ ଆସିବା ବାଟକୁ ଅପେକ୍ଷା କରିଥାଏ।

 କୁହାଯାଏ କାଶତଣ୍ଡି ଥିଲା ଦଳିତ ଘରର ଝିଅ।ଦେଖିବାକୁ ସେ ବହୁତ ସୁନ୍ଦର।ସବୁଦିନ ସକାଳେ ନଦୀ ପଠାକୁ  ବୁଲିବାକୁ ଯାଏ।ସେଇ ରାସ୍ତାଦେଇ ପ୍ରତିଦିନ ରାଜକୁମାର ସକାଳ ଭ୍ରମଣରେ ଯାନ୍ତି।କାଶତଣ୍ଡୀ ରାଜକୁମାରଙ୍କୁ ଦେଖି ମନେ ମନେ ଭଲ ପାଇ ବସିଥିଲା।ସବୁଦିନ ରାଜକୁମାରଙ୍କୁ ଦେଖିବା ଲାଗି ନଦୀ ପାଠକୁ  ଧାଇଁ ଆସୁଥିଲା। ରାଜକୁମାରଙ୍କ କାଶତଣ୍ଡି ଉପରେ ନଜର ପଡିଲା ଆଉ ସେ ସୌନ୍ଦର୍ଯ୍ୟତାରେ ବିଭୋର ହୋଇଗଲେ।ରାଜକୁମାର ମଧ୍ୟ୍ୟ କାଶତଣ୍ଡିକୁ ଭଲପାଇ ବସିଲେ। ଧୀରେ ଧୀରେ ଉଭୟଙ୍କ ମଧ୍ୟ୍ୟରେ ପ୍ରେମ ସମ୍ପର୍କ ଗଢି ଉଠିଲା।ସବୁଦିନ କାଶତଣ୍ଡୀ ଆଉ ରାଜକୁମାର ପରସ୍ପରକୁ ଦେଖା କରିବାକୁ ଲାଗିଲେ।ରାଜକୁମାର କାଶତଣ୍ଡୀକୁ ଜୀବନ ସାଥି କରିବାକୁ ଚାହୁଁଥିଲେ।ରାଜକୁମାର ଓ କାଶତଣ୍ଡୀର ପ୍ରେମ କାହାଣୀ ମହାରାଜାଙ୍କ ପାଖରେ ପହଁଚିଲା।ଆଉ ସେ କାଶତଣ୍ଡୀକୁ ଗ୍ରହଣ କରିବାକୁ ରୋକଠୋକ୍ ମନା କରିବା ସହ ରାଗିଯାଇ ରାଜକୁମାରଙ୍କୁ ତୁରନ୍ତ ତାଙ୍କ ସାମ୍ନାରେ  ହଜାର କରିବାକୁ ନିର୍ଦ୍ଦେଶ ଦେଇଥିଲେ। ରାଜକୁମାର ସେ ସମୟରେ ନଦୀ ପଠାରେ କାଶତଣ୍ଡୀ  ସହିତ ଥିଲେ।

ସେନାପତି ରାଜକୁମାରଙ୍କୁ ମହାରାଜାଙ୍କ ନିର୍ଦ୍ଦେଶ ସମ୍ପର୍କରେ ଜଣେଇଲେ ଓ ତୁରନ୍ତ ତାଙ୍କ ସାଙ୍ଗରେ ଆସିବାକୁ କହିଲେ।କିନ୍ତୁ ରାଜକୁମାର କାଶତଣ୍ଡିକୁ ଛାଡି ଯିବାକୁ ଚାହୁଁନଥିଲେ। ରାଜକୁମାରଙ୍କ ଏକା ଜିଦି  ସେ ଯଦି  ଯିବେ କାଶତଣ୍ଡିକୁ ସାଙ୍ଗରେ ନେଇ ରାଜଉଆସକୁ ଯିବେ।ବୋହୁ ବୁଝା ବୁଝି ପରେ ରାଜକୁମାର ନ ମାନିବାରୁ ସେନାପତି ରାଜକୁମାରଙ୍କ ଜିଦି ସମ୍ପର୍କରେ ମହାରାଜଙ୍କୁ ଜଣାଇଲେ। କାଶତଣ୍ଡିକୁ ହତ୍ୟା କରି ବଳପୂର୍ବକ ରାଜକୁମାର ଉଠାଇ ଆଣିବାକୁ ନିର୍ଦ୍ଦେଶ ଦେଇଥିଲେ। ରାଜ କୁମାରଙ୍କ ଲୁହ,ବ୍ୟାକୁଳତା  ଅନୁରୋଧ ଜୀବନ ହରିବାର ଧମକ କାଶତଣ୍ଡୀର  ଜୀବନ ରକ୍ଷା କରିପାରିଲା ନାହିଁ। କାଶତଣ୍ଡିକୁ ହତ୍ୟା କରାଯାଇ ନଦୀପଠାରେ ପୋତିଦିଆ ଗଲା।ମରିବା  ପୂର୍ବରୁ କାଶତଣ୍ଡି  ରାଜକୁମାରଙ୍କୁ ସବୁ ବର୍ଷ ଶରତର ଫେରିବାକୁ କଥା ଦେଇଥିଲା।

ସେବେଠାରୁ,କାଶତଣ୍ଡିକୁ ପୋତା ଯାଇ ଥିବା ସ୍ଥାନ ସହିତ ଅନ୍ୟ ସ୍ଥାନରେ ସୁନ୍ଦର କାଶତଣ୍ଡୀ ଫୁଲ ଫୁଟେ।ରାଜକୁମାର ଧାଇଁଆସନ୍ତି ନଦୀପଠାକୁ  କାଶତଣ୍ଡିକୁ ଦେଖିବା ପାଇଁ। ମାଆଙ୍କ ଆଗମନରେ କାଶତଣ୍ଡି ଆସେ,ମାଆଙ୍କ  ବିଦାୟ ସହିତ କାଶତଣ୍ଡି ବି ମଉଳି ଯାଏ।ଏହା ଥିଲା କାଶତଣ୍ଡିର ପ୍ରେମ ଆଉ ବିରହର କାହାଣୀ।
ଏ ଷ୍ଟୋରୀ ଲେଖିଛନ୍ତି-ରଶ୍ମିତା ବେହେରା

କାହିଁକି ଅବିବାହିତ ରହିଗଲେ ରତନ ଟାଟା?

0 Comments read News
Ratan Tata's Untold Love Story

ଆରପାରିରେ ରତନ ଟାଟା। ରତନ ଟାଟାଙ୍କ ଦେହାନ୍ତରେ ଏକ ସ୍ୱର୍ଣ୍ଣିମ ଯୁଗର ଅବସାନ ଘଟିଛି। ମୁମ୍ବାଇର ବ୍ରିଚ କ୍ୟାଣ୍ଡି ହସ୍ପିଟାଲରେ ୯ ତାରିଖ ସନ୍ଧ୍ୟାରେ ୮୬ ବର୍ଷ ବୟସରେ ରତନ ଟାଟା ଶେଷ ନିଶ୍ୱାସ ତ୍ୟାଗ କରିଛନ୍ତି। ୧୯୩୭ରେ ପ୍ରସିଦ୍ଧ ଟାଟା ପରିବାରରେ ରତନ ଟାଟାଙ୍କ ଜନ୍ମ। ମାତ୍ର ୧୦ ବର୍ଷ ହୋଇଥିବା ବେଳେ ତାଙ୍କ ବାପାମା’ଙ୍କ ବିବାହବିଚ୍ଛେଦ ଘଟିଥିଲା। ତାଙ୍କର ଲାଳନପାଳନ ଜେଜେମା’ କରୁଥିଲେ। ହାଇସ୍କୁଲ ଶିକ୍ଷା ପରେ କର୍ଣ୍ଣେଲ ବିଶ୍ୱବିଦ୍ୟାଳୟରୁ ଆର୍କିଟେକଚରରେ ଡିଗ୍ରି ହାସଲ କରି ହାଭାର୍ଡ ବିଜିନେସ ସ୍କୁଲରେ ମ୍ୟାନେଜମେଣ୍ଟ ପଢ଼ିଥିଲେ। ତାଙ୍କ ନେତୃତ୍ୱରେ ଟାଟା ଗ୍ରୁପ ଦେଶରେ ବୈପ୍ଳବିକ ପରିବର୍ତ୍ତନ ଆଣି ଅନେକ ସଫଳତା ଦେଇଥିଲେ ବି ପ୍ରେମରେ ଫେଲ୍ ହେଇଥିବା ରତନ ଟାଟା ତାଙ୍କ ପ୍ରେମ ପାଇଁ ଉଦାହରଣ ହେଇ ରହିବେ।

ରତନ ଟାଟାଙ୍କ ପ୍ରେମ କାହାଣୀ
ମଣିଷ ହୁଏତ ଦିନେ ନା ଦିନେ ମରେ,କିନ୍ତୁ ସରେନା ପ୍ରେମ କାହାଣୀ। ସବୁ ପ୍ରେମ ନାଟକର ଅନ୍ତିମ ଅଧ୍ୟାୟ ସିନ୍ଦୁର ହେଇନଥାଏ। ବେଦୀ ନିଆଁ ପୂର୍ବରୁ କିଛି ପ୍ରେମ ଜଳିଯାଏ କ୍ୟାମ୍ପସର କ୍ୟାମ୍ପ ଫାୟାରରେ। ବ୍ୟକ୍ତି ଯେତେ ବି ସଫଳ ହେଉ ନା କାହିଁକି ପ୍ରେମରେ ହୁଏତ ସଫଳତା ସମସ୍ତଙ୍କ ଭାଗ୍ୟରେ ନଥାଏ। ଏପରି ଅନେକ ସଫଳ ବ୍ୟକ୍ତି ଅଛନ୍ତି ଯିଏ ପ୍ରେମରେ ବିଫଳ ହେଇଛନ୍ତି। କିଏ ବାଧ୍ୟ ହେଇ ଅନ୍ୟ କାହାକୁ ବିବାହ କରିଛି ତ ଆଉ କିଏ ଏକା ଜୀବନ ଜିଇ ସାରା ଜୀବନ ପାଇଁ ଅବିବାହିତ ରହି ଯାଇଛନ୍ତି। ରତନ ଟାଟାଙ୍କ କାହାଣୀ ଠିକ୍ ଏମିତି।

ସଫଳ ବ୍ୟବସାୟୀ,ବିଫଳ ପ୍ରେମିକ
ଜଣେ ସଫଳ ବ୍ୟବସାୟୀ ଭାବେ ରତନ ଟାଟା ଯେତିକି ପରିଚିତି ତା ଠୁ ବେଶି ପରିଚିତ ନିଜ ମାନବିକତା ପାଇଁ। ମହାନୀୟତାର ମହାନାୟକ ଭାବେ ତାଙ୍କ ଚେହେରା ସ୍ବତନ୍ତ୍ର। ମାତ୍ର ସବୁଥିରେ ସଫଳ ହେଇଥିବା ରତନ ଟାଟା କାହିଁକି ଅବିବାହିତ ରହିଗଲେ ତାହା ବେଶ୍ ରୋଚକ।
ଯୁଦ୍ଧ ପାଇଁ  କରିପାରିଲେନି ସଂସାର
ରତନ ଟାଟା ବାହା ନହେବା ପଛର ମୁଖ୍ୟ କାରଣ ଥିଲା ନିଚ୍ଛକ ପ୍ରେମ। ନିଜ ମନରେ ସାଇତା ପ୍ରେମକୁ କବର ଦେଇ ନ ପାରି ସବୁଦିନ ପାଇଁ ଅବିବାହିତ ରହିଗଲେ। ଯାହା ତାଙ୍କୁ ଅବିବାହିତ ଉଦ୍ୟୋଗପତିର ପରିଚୟ ଦେଇଛି। ସବୁ ପ୍ରେମ ସିନ୍ଦୁରରେ ଶେଷ ସ୍ବାକ୍ଷର କରେନି,ସବୁ ପ୍ରେମ ବେଦୀର ହୋମ ନିଆଁରେ ସ୍ବୀକୃତି ପାଏନି। କିଛି ପ୍ରେମ ଅବଶୋଷ ପାଲଟି ସାରା ଜୀବନ ରହିଯାଏ। ରତନ ଟାଟାଙ୍କ ଜୀବନରେ କିଛି ଏମିତି ହିଁ ଘଟିଥିଲା। ୧୯୬୨ର ଇଣ଼୍ଡୋ-ଚାଇନା ଯୁଦ୍ଧ ତାଙ୍କ ପ୍ରେମକୁ ପ୍ରତାରଣାର ନାଁ ଦେଇଥିଲା। ଶେଷରେ ଯୁଦ୍ଧ କାଳୀନ ଭିତ୍ତିରେ ବନ୍ଧା ପଡିଥିଲା ରତନ ଟାଟାଙ୍କ ପ୍ରେମ କାହାଣୀ।

ରତନ ଆମେରିକାରେ ଥିଲା ବେଳେ ଲସ ଆଞ୍ଜେଲସ ସହରର ଜଣକୁ ଭଲ ପାଉଥିଲେ। ତାଙ୍କ ପ୍ରେମ ଏତେ ନିବିଡ ଥିଲା ଯେ ସେ ବିବାହ କରିବାକୁ ନିଷ୍ପତ୍ତି ବି ନେଇଥିଲେ। ମାତ୍ର ଗୋଟାଏ ଫୋନକଲରେ ସବୁ କିଛି ଚୁରମାର ହେଇଗଲା। ତାଙ୍କ ଜେଜେମାଙ୍କ ସ୍ବାସ୍ଥ୍ୟ ଖରାପ ଶୁଣି ସେ ଭାରତ ଆସିବାକୁ ବାଧ୍ୟ ହୋଇଥିଲେ। ତାଙ୍କ ପ୍ରେମିକା ଭାରତ ଆସିବାକୁ ରାଜି ଥିଲେ ସୁଦ୍ଧା ଯୁଦ୍ଧ ପାଇଁ ପରିବାର ଲୋକଙ୍କ ବାରଣ ପାଇଁ ଆସିପାରି ନଥିଲେ। ରତନ ଅଧିକ ଦିନ ଭାରତରେ ରହିବା ପରେ ବାଧ୍ୟ ହୋଇ ତାଙ୍କ ପ୍ରେମିକା ଅନ୍ୟ ଜଣଙ୍କୁ ବିବାହ କରିଥିଲେ। ରତନ ବହୁଦିନ ପରେ ଜାଣିବାକୁ ପାଇଲେ ତାଙ୍କ ପ୍ରେମିକା ଅନ୍ୟ କାହାକୁ ବିବାହ କରିଛନ୍ତି। ଯାହା ଫଳରେ ସେ ସବୁଦିନ ପାଇଁ ଅବିବାହିତ ରହିଗଲେ।

ପଲିଟିକ୍ସରେ ଓଡ଼ିଆ ସିନେଷ୍ଟାର

0 Comments read Entertainment

ଧିନତାର ଦୁଇ ଦଶନ୍ଧି ପରେ ପଲିଟିକ୍ସରେ ଆରମ୍ଭ ହୋଇଥିଲା ଏକ ନୂଆ ଟ୍ରେଣ୍ଡ। ପଲିଟିକ୍ସରେ ଏଣ୍ଟ୍ରି କରିଥିଲେ ସିନେଷ୍ଟାର୍। କେବଳ ଏଣ୍ଟ୍ରି କାହିଁକି ବେଶ୍ କିଛି ସଫଳତା ମଧ୍ୟ ପାଇଥିଲେ।

Continue reading →

ହରିୟାଣା ବିଧାନସଭାରେ, ଭାରତର ସବୁଠୁ ଧନୀ ମହିଳା

0 Comments read Entertainment

ହରିୟାଣାର ହିସାର ଆସନ ଜିତିଲେ ଦେଶର ସବୁଠାରୁ ଧନୀ ମହିଳା। ସ୍ୱାଧୀନ ଭାବରେ ଲଢ଼ି ବିଜୟୀ ହୋଇଛନ୍ତି ସାବିତ୍ରୀ ଜିନ୍ଦଲ। ବିଜେପି ଏବଂ କଂଗ୍ରେସ ପ୍ରାର୍ଥୀଙ୍କୁ ପଛରେ ପକାଇ, ବିଧାନସଭା ଆସନ ଅକ୍ତିଆର କରିଛନ୍ତି ସାବିତ୍ରୀ ଦେବୀ।

Continue reading →

କୋରୋନାଠୁ ଅଧିକ ଭୟଙ୍କର ଭାଇରସ୍

0 Comments read News
‘Bleeding Eye’ Virus Sparks Global Alarm; Raises Health Fears,Travel Warnings Issued|

ଚିନ୍ତା ବଢାଉଛି ଭାଇରସ।ମାରବର୍ଗ ଭାଇରସର ବିପଦ ଆଶଙ୍କା କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି।ଯାହାକୁ ଦୃଷ୍ଟି ରେ ରଖି ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ସତର୍କ ସୂଚନା ଜାରି କରିଛି। କରୋନା ଅପେକ୍ଷା ଅଧିକ ବିପଜ୍ଜନକ ବିବେଚନା କରାଯାଉଥିବା ଏହି ଭାଇରସ ଶରୀରରେ ଅନେକ ବର୍ଷ ପର୍ଯ୍ୟନ୍ତ ରହିପାରେ ବୋଲି କୁହାଯାଇଛି।ଏଭଳି ସ୍ଥିତିରେ ସମସ୍ତେ ସାବଧାନତାର ସହିତ ରହିବା ପାଇଁ ବିଶ୍ବ ସ୍ବାସ୍ଥ୍ୟ ସଂଗଠନ ପକ୍ଷରୁ କୁହାଯାଇଛି।

ମାରବର୍ଗ ଭାଇରସକୁ ବ୍ଲିଡିଂ ଆଇ ଭାଇରସ୍ ମଧ୍ୟ କୁହାଯାଏ। ଏହି  ଭାଇରସ ବର୍ତ୍ତମାନେ  ସବୁଠାରୁ ଘାତକ  ପ୍ରମାଣିତ ହୋଇଛି।ଆଫ୍ରିକାର ସତରଟି ଦେଶରେ ଦୃତ ଗତିରେ  ସଂକ୍ରମିତ ହେବାରେ ଲାଗିଛି  ମାରବର୍ଗ ଭାଇରସ।ଏହି ରୋଗରେ ସଂକ୍ରମିତ ହେଉଥିବା ପଚାଶ ପ୍ରତିଶତ ରୋଗୀ ପ୍ରାଣ ହରାଉଛନ୍ତି ।ଏହି ରୋଗରୁ   ସୁସ୍ଥ ହେବା ପରେ ମଧ୍ୟ୍ୟ ଏହାର ଭୂତାଣୁ   ଅନେକ ବର୍ଷ ପର୍ଯ୍ୟନ୍ତ ଶରୀରର ବିଭିନ୍ନ ସ୍ଥାନରେ ଲୁଚି ରହିଥାଏ।

ମାରବର୍ଗ ମଣିଷଙ୍କ ଶରୀରରେ ଦେଖାଯାଉଥିବା ଏକ ବିରଳ ପ୍ରଜାତିର  ଭାଇରସ ଅଟେ। 1967 ମସିହାରେ ଜର୍ମାନୀର ମାରବର୍ଗ ଏବଂ ଫ୍ରାଙ୍କଫୋର୍ଟ୍ ସହରର ଲାବୋରେଟୋରୀରେ ଏହା ପ୍ରଥମେ ଚିହ୍ନଟ ହୋଇଥିଲା। ସଂକ୍ରମିତ ବ୍ୟକ୍ତି କିମ୍ବା ଜିନିଷକୁ ସ୍ପର୍ଶ କଲେ ଏହି ଭାଇରସ ବ୍ୟାପିଥାଏ। ଏହାର ଲକ୍ଷଣ ମଧ୍ୟରେ ଉଚ୍ଚ ଜ୍ୱର, ନାକରୁ ରକ୍ତ ପଡିବା, ବାନ୍ତି ରକ୍ତ ଝାଡ଼ା, ମୁଣ୍ଡବିନ୍ଧା, ମାଂସପେଶୀ ଯନ୍ତ୍ରଣା, ଜଣ୍ଡିସ୍ ଭଳି ଲକ୍ଷଣ ଦେଖାଯାଇଥାଏ। ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ଯେ ମାରବର୍ଗ ଜୀବାଣୁ ପୁରୁଷଙ୍କ ଟେଷ୍ଟିକଲରେ ରହିପାରେ। କିନ୍ତୁ ଏନେଇ ଅଧ୍ୟୟନ ବର୍ତ୍ତମାନ ପର୍ଯ୍ୟନ୍ତ ଶେଷ ହେଇ ନାହିଁ। WHO ପକ୍ଷରୁ କୁହାଯାଇଛି ଯେ ଜଣେ ବ୍ୟକ୍ତି ଏହି ଜୀବାଣୁରୁ ସୁସ୍ଥ ହେବାର 7 ସପ୍ତାହ ପରେ ମଧ୍ୟ ଭାଇରାସ ଜଣଙ୍କ ପାଖରୁ ଅନ୍ୟଜଣଙ୍କୁ ଡେଇଁପାରେ।

ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ସମ୍ପତ୍ତି କେତେ

0 Comments read Politics
Maharashtra's New CM Devendra Fadnavis Unveils Shocking Net Worth

ପୁଣି ଥରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଦେବେନ୍ଦ୍ର ଫଡନାଭିସ୍। ମହାରାଷ୍ଟ୍ରର ନିର୍ବାଚନୀ ଫଳାଫଳ ପରେ ଅନେକ ଦିନ ଧରି ଜାରି ଥିବା ସିଏମ୍ ପଦ ସସପେନ୍ସ ଉପରେ ଶେଷରେ ପୂର୍ଣ୍ଣଛେଦ ପଡ଼ିଛି। ମୁମ୍ବାଇରେ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଉପସ୍ଥିତିରେ ଦେବେନ୍ଦ୍ର ଫଡନାଭିସ୍ ବିଧାୟକ ଦଳର ନେତା ଭାବରେ ନିର୍ବାଚିତ ହେଲେ । ସେଥିପାଇଁ ଡିସେମ୍ବର ୫ ତାରିଖରେ ସିଏମ୍ ଭାବରେ ଶପଥ ଗ୍ରହଣ କରିଛନ୍ତି।ତେବେ ଆପଣ ଜାଣନ୍ତି କି,ପୁଣି ଥରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହୋଇଥିବା ଦେବେନ୍ଦ୍ର ଫଡନାଭିସ କେତେ ସମ୍ପତ୍ତିର ଅଧିକାରୀ?

ବିଧାନସଭା ନିର୍ବାଚନ ସମୟରେ ଦେବେନ୍ଦ୍ର ଫଡନାଭିସ୍ ନିର୍ବାଚନ ଆୟୋଗଙ୍କ ନିକଟରେ ଦାଖଲ କରିଥିବା ସମ୍ପତ୍ତିର ବିବରଣୀ ଅନୁଯାୟୀ ତାଙ୍କର ମୋଟ ସମ୍ପତ୍ତି ମୂଲ୍ୟ ୧୩.୨୭ କୋଟି। କିନ୍ତୁ ସେ ୬୨ ଲକ୍ଷର ଲୋନ୍ ମଧ୍ୟ ଦେଇଛନ୍ତି। MYNETA.COM ଅନୁସାରେ ୨୦୨୩-୨୪ ଆର୍ଥିକ ବର୍ଷରେ ଫଡନାଭିସଙ୍କ ଇନକମ୍ ଥିଲା ୭୯.୩ ଲକ୍ଷ। ତା’ପୂର୍ବ ବର୍ଷର ଆୟ ଥିଲା ୯୨ ଲକ୍ଷ ୪୮ ହଜାର।

ନିର୍ବାଚନ ଆଫିଡେଭିଟ୍ ଅନୁଯାୟୀ ଦେବେନ୍ଦ୍ର ଫଡନାଭିସ୍ ଏବଂ ତାଙ୍କ ପତ୍ନୀଙ୍କ ବ୍ୟାଙ୍କ ଆକାଉଣ୍ଟରେ ୫ ଲକ୍ଷରୁ ଅଧିକ ଟଙ୍କା ଜମା ରହିଛି। ଏହା ବ୍ୟତୀତ ଦେବେନ୍ଦ୍ର ଫଡନାଭିସଙ୍କ ଡାକ ସଞ୍ଚୟ ଆକାଉଣ୍ଟରେ ୧୭ ଲକ୍ଷ ଟଙ୍କା ଜମା ଥିବାବେଳେ ତାଙ୍କର ୩ ଲକ୍ଷ ଟଙ୍କା ମୂଲ୍ୟର  LIC ପଲିସ ମଧ୍ୟ ରହିଛି । କିନ୍ତୁ ଷ୍ଟକ୍ ମାର୍କେଟ ବା ବଣ୍ଡରେ ନିବେଶ କରିନାହାନ୍ତି।ହେଲେ ସ୍ତ୍ରୀ ଅମୃତା ଫଡନାଭିସ ବଣ୍ଡ, ସେୟାର ଏବଂ ମ୍ୟୁଚୁଆଲ୍ ଫଣ୍ଡରେ ୫ କୋଟି ୬୩ ଲକ୍ଷ ଇନଭେଷ୍ଟ କରିଛନ୍ତି।

ସେହିପରି ଫଡନାଭିସଙ୍କ ପାଖରେ ପ୍ରାୟ ୪୫୦ ଗ୍ରାମ ସୁନା ଏବଂ ତାଙ୍କ ସ୍ତ୍ରୀଙ୍କର ୯୦୦ ଗ୍ରାମ ସୁନା ଅଛି, ଯାହାର ମୂଲ୍ୟ ପ୍ରାୟ ୯୮ଲକ୍ଷ ଟଙ୍କା। ମହାରାଷ୍ଟ୍ର ସିଏମଙ୍କ ନାମରେ କୌଣସି କାର ନାହିଁ କିମ୍ବା ତାଙ୍କ ପତ୍ନୀଙ୍କର ମଧ୍ୟ ୪ ଚକିଆ ଯାନ ନାହିଁ।ଦେବେନ୍ଦ୍ର ଫଡନାଭିସ ଓ ତାଙ୍କ ସ୍ତ୍ରୀଙ୍କ ନାମରେ ୧ କୋଟି ୨୭ ଲକ୍ଷର ଜମି ରହିଛି। ଏହା ବ୍ୟତୀତ ହେବାକୁ ଯାଉଥିବା ମୁଖ୍ୟମନ୍ତ୍ରୀଙ୍କ ନାମରେ ୩ କୋଟି ଟଙ୍କା ଓ ୪୭ ଲକ୍ଷ ଟଙ୍କାର ଘର ଅଛି। କେବଳ ଏତିକି ନୁହେଁ ୩୬ ଲକ୍ଷ ଟଙ୍କାର ଆବାସିକ ସମ୍ପତ୍ତି ତାଙ୍କ ସ୍ତ୍ରୀଙ୍କ ନାମରେ ପଞ୍ଜିକୃତ ଅଛି।

ଓଡ଼ିଶାରେ ବନ୍ଦ ହେବ ଗୋରୁ ଚାଲାଣ

0 Comments read News, Politics
Odisha Govt Considers Bill To Ban Cow Slaughter And Meat Trade: Prithviraj Harichandan

ବନ୍ଦ ହେବ ଗୋରୁ ଚାଲାଣ,ଗୋ ଚାଲାଣକାରୀଙ୍କୁ ମିଳିବ କଠୋର ଦଣ୍ଡ।ଗୋରୁ ଚାଲାଣ ଏବଂ ଗୋ ମାଂସ ଚାଲାଣରେ ଲାଗିବ ରୋକ୍,ଗୋମାତାର ସୁରକ୍ଷା ପାଇଁ ତିଆରି ହେବ ଆଇନ୍।ବିଧାନସଭାରେ ଏ ନେଇ ଆଲୋଚନା ଗୁରୁତର ହେଉଥିବା ସୁଚନା ଦେଇଛନ୍ତି ଆଇନ୍ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ।ଦିନକୁ ଦିନ ଗୋରୁ ଚାଲାଣ ବୃଦ୍ଧି ପାଇବା ସହ ଗୋ ମାଂସର ଚାଲାଣ ମଧ୍ୟ ବଢିବାରେ ଲାଗିଛି।ଆଖିବୁଜା ଗୋ ଚାଲାଣ କରୁଛନ୍ତି ଅସାଧୁ ବ୍ୟବସାୟୀ। ବେଧଡ଼କ୍ ଚାଲିଥିବା ଗୋରୁ ଚାଲାଣରେ ଅନେକ ସରକାରୀ ଅଧିକାରୀ ବି ହାତ ଗୁଞ୍ଜା ନେଇ ଚୁପ୍ ରହୁଛନ୍ତି।ଅନେକ ସ୍ଥାନରେ ପୋଲିସ ଅଧିକାରୀ ବି ହାତଗୁଞ୍ଜା ନେଇ ଅନୈତୀକ କାରବାରକୁ ଗ୍ରୀନ୍ ସିଗନାଲ୍ ଦେଉଛନ୍ତି।ଯାହାଫଳରେ ଗୋ ଚାଲାଣ ଦିନକୁଦିନ ବଢିବାରେ ଲାଗିଛି।ଯୋଉ ପ୍ରସଙ୍ଗକୁ ଗୁରୁତର ସହ ନେଇଛି ଭାରତୀୟ ଜନତା ପାର୍ଟିର ସରକାର।

ଗୋ ମାଂସ ଚାଲାଣ ଏବଂ ଗୋରୁ ଚାଲାଣ ରୋକିବାକୁ ବିଜେପି ସରକାର କଡ଼ା ଆଭିମୁଖ୍ୟ ଗ୍ରହଣ କରିବା ପ୍ରସଙ୍ଗରେ ସୁଚନା ଦେଇଛନ୍ତି ଆଇନ୍ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଏବଂ ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲିକ।ଉଭୟ ଗୋରୁଚାଲାଣକୁ ନେଇ ଉଦବେଗ ପ୍ରକାଶ କରିବା ସହ ଚାଲାଣକାରୀଙ୍କ ବିପକ୍ଷରେ କଡା ପଦକ୍ଷେପ ଗ୍ରହଣ କରାଯିବା ନେଇ ସୁଚନା ଦେଇଛନ୍ତି।ଗୋ ଚାଲାଣକାରୀଙ୍କୁ କଠୋର ଦଣ୍ଡ ଦିଆଯିବା ନେଇ ମତ ରଖିଛନ୍ତି ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲିକ।

ତେବେ ଆଇନ୍ ମନ୍ତ୍ରୀ ମଧ୍ୟ ଗୋ ଚାଲାଣକାରୀଙ୍କୁ ଆଗାମୀ ଦିନରେ କ୍ଷମା ଦିଆଯିବ ନାହିଁ ବୋଲି ପ୍ରକାଶ କରିଛନ୍ତି।ଗୋ ଚାଲାଣ ରୋକିବାକୁ ନୂଆ ସରକାର ଗୋ ହତ୍ୟା ନିରୋଧ ଆଇନର ପ୍ରଣୟନ ହେବାକୁ ଥିବା ବି ମତ ରଖିଛନ୍ତି।ତେବେ ଆସାମର ହିମନ୍ତ ବିଶ୍ୱ ଶର୍ମା ସରକାର ପୂରା ରାଜ୍ୟରେ ଗୋମାଂସ ଉପରେ ପ୍ରତିବନ୍ଧକ ଲଗାଇବାକୁ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ପୋଷ୍ଟ କରିବା ସହ ଓଡ଼ିଶାରେ ମନ୍ତ୍ରୀଙ୍କ ଏ ଦୃଢୋକ୍ତି ଗୋ ଚାଲାଣ ବ୍ୟାନ୍ କରିବାରେ କେତେ ସଫଳ ହେଉଛି ତାହା ଦେଖିବା ବାକି।

୧୦୨ ରନରେ ବିରାଟ କରିବେ ୱାର୍ଲ୍ଡ ରେକର୍ଡ

0 Comments read Sports
Virat Kohli Needs 102 Runs To Break Brian Lara's Massive Record

କିଙ୍ଗ କୋହଲିଙ୍କୁ ନେଇ କ୍ରିକେଟରେ ରହିଛି ଅଲଗା କ୍ରେଜ୍।ଯଦିଓ ଜୀବନରେ ସେ ଅନେକ ଉତ୍ଥାନ ପତନ ଦେଖିଛନ୍ତି ତଥାପି କୋହଲିଙ୍କ ପ୍ରତି କ୍ରିକେଟ ଲଭରଙ୍କ ରହିଛି ଅଲଗା ଇମୋସୋନ୍।ନିଜ ଚାଇଲ୍ଡିସ୍ ବିହେଭିୟର୍ ପାଇଁ ବିରାଟ ଯେତିକି ଲୋକପ୍ରିୟ ଠିକ୍ ସେତିକି ପ୍ରଶଂସନୀୟ ତାଙ୍କ ପରଫାନ୍ସକୁ ନେଇ ।ତେବେ ବିରାଟଙ୍କ ସହ ଆଗକୁ ବହୁତ କିଛି ଭଲ ହେବାକୁ ଯାଉଛି।୧୦୨ ରନ୍ କଲେ ବିରାଟ ପାଲଟିଯିବେ ବିଶ୍ୱର ଏକ ନମ୍ବର ଖେଳାଳୀ।

ବିରାଟ ପର୍ଥ ଟେଷ୍ଟରେ ଶତକ ଲଗାଇ ରେକର୍ଡ କରିଥିଲେ।ଏବେ ଆଡିଲେଡ୍‌ ଟେଷ୍ଟରେ ରଚିବେ ଇତିହାସ।କୋହଲି ଏହି ମ୍ୟାଚ୍‌ ଜରିଆରେ ଭାଙ୍ଗିପାରନ୍ତି କିଛି ରେକର୍ଡ।ଆଡିଲେଡ୍‌ରେ କୋହଲି ପ୍ରଦର୍ଶନ ସବୁବେଳେ ଦମ୍‌ଦାର ରହିଛି।ଯଦି କୋହଲି ଆଡିଲେଡରେ ଖେଳାଯିବାକୁ ଥିବା ପିଙ୍କ ବଲ୍ ଡେ-ନାଇଟ୍ ଟେଷ୍ଟରେ ୧୦୨ ରନ୍ ସ୍କୋର କରନ୍ତି, ତେବେ ସେ ଓ୍ବାର୍ଲ୍ଡ ରେକର୍ଡ କରିବେ।ସେ ୱେଷ୍ଟଇଣ୍ଡିଜର ପୂର୍ବତନ ବ୍ୟାଟ୍ସମ୍ୟାନ୍ ବ୍ରାଏନ୍ ଲାରାଙ୍କ ରେକର୍ଡ ଭାଙ୍ଗିବେ।

 ବର୍ତ୍ତମାନ ଆଡିଲେଡ୍ ଓଭାଲରେ ସର୍ବାଧିକ ଟେଷ୍ଟ ରନ୍ ସ୍କୋର କରିଥିବା ତୃତୀୟ ବ୍ୟାଟ୍ସମ୍ୟାନ୍ ହେଉଛନ୍ତି କୋହଲି।ସେ ଏପର୍ଯ୍ୟନ୍ତ ୫୦୯ ରନ୍ କରିଛନ୍ତି। ତାଲିକାର ଦ୍ୱିତୀୟ ସ୍ଥାନରେ ଅଛନ୍ତି ମହାନ ୱେଷ୍ଟଇଣ୍ଡିଜ୍ ବ୍ୟାଟ୍ସମ୍ୟାନ୍ ସାର୍ ଭିଭିଆନ୍ ରିଚାର୍ଡସ।ଟେଷ୍ଟ କ୍ରିକେଟରେ ଏହି ଗ୍ରାଉଣ୍ଡରେ ସାର୍ ଭିଭିଆନ୍ ରିଚାର୍ଡସ ୫୫୨ ରନ୍ କରିଛନ୍ତି।ତେବେ ଏହି ଲିଷ୍ଟର ପ୍ରଥମରେ ରହିଛନ୍ତି ବ୍ରାଏନ୍ ଲାରା।ସେ ୬୧୧ ରନ୍ ସ୍କୋର କରିଛନ୍ତି।

 କୋହଲି ଆଉ ଗୋଟିଏ ଶତକ କଲେ ବ୍ରାଡମ୍ୟାନଙ୍କ ରେକର୍ଡ ସହ ସମକକ୍ଷ ହୋଇପାରିବେ।ବ୍ରାଡମ୍ୟାନ ୧୯୩୦ରୁ ୧୯୪୮ ମଧ୍ୟରେ କେବଳ ଇଂଲଣ୍ଡରେ ୧୯ଟି ମ୍ୟାଚ୍‌ ଖେଳି ୧୧ଟି ଶତକ ଅର୍ଜନ କରିଥିଲେ।କୋହଲି କେବଳ ଅଷ୍ଟ୍ରେଲିଆରେ ୪୩ଟି ମ୍ୟାଚ୍‌ ଖେଳି ୧୦ଟି ଶତକ ଅର୍ଜନ କରିସାରିଛନ୍ତି।ତେବେ କୋହଲି ପର୍ଥରେ ଶତକ ଅର୍ଜନ କରି ଭାଙ୍ଗିଥିଲେ ସଚିନ ତେନ୍ଦୁଲକରଙ୍କ ରେକର୍ଡ। 

ତେନ୍ଦୁଲକର କେବଳ ଶ୍ରୀଲଙ୍କାରେ ୯ଟି ଶତକ ଅର୍ଜନ କରିଥିଲେ। ଅନ୍ୟମାନଙ୍କ ମଧ୍ୟରେ ଜ୍ୟାକ୍‌ ହବ୍ସ ଅଷ୍ଟ୍ରେଲିଆରେ ୯ଟି ଶତକ, ସୁନିଲ ଗାଭାସ୍କର ୱେଷ୍ଟ ଇଣ୍ଡିଜ୍‌ରେ ୭ଟି ଶତକ ଓ ଭିଭିଆନ ରିଚାର୍ଡସ ଇଂଲଣ୍ଡ ବିପକ୍ଷରେ ୮ଟି ଶତକ ଅର୍ଜନ କରିଥିଲେ।କେବଳ ଅଷ୍ଟ୍ରେଲିଆରେ ଘରୋଇ ଦଳ ବିପକ୍ଷରେ କୋହଲି ୨୭୧୦ ରନ୍‌ ସଂଗ୍ରହ କରିସାରିଛନ୍ତି।ତେବେ ଯଦି କୋହଲି ଏ ରେକର୍ଡ କରିବାରେ ସଫଳ ହୁଅନ୍ତି ତାହେଲେ ହୁଏତ ଏ ଆଚିଭମେଣ୍ଟ ବିରାଟ ଲଭରଙ୍କ ପାଇଁ ସବୁଠୁ ବଡ଼ ଖବର ପାଲଟିବ।

ସିଂଘମ୍ IPS କେ.କେ ବିଷ୍ଣୋଇ କିଏ ? ଯାହାଙ୍କ ପ୍ରଶଂସାରେ ମୁଖ୍ୟମନ୍ତ୍ରୀ ଯୋଗୀ

0 Comments read Uncategorized
Who is IPS Krishan Kumar Vishnoi, praised by Chief Minister Yogi?

IPS କେ.କେଙ୍କ ପାଇଁ ଟଳିଗଲା ବଡ଼ ଅଘଟଣ। ସାଂପ୍ରଦାୟିକ ହିଂସା ବିଶାଳ ରୂପ ନେବା ପୂର୍ବରୁ, କଥା କଥାରେ ସମ୍ଭାଳି ନେଲେ ଏସପି ବାବୁ। ହିଂସାକୁ କେବଳ ହିଂସାରେ ନୁହେଁ ଅହିଂସାରେ ମଧ୍ୟ ଜିତିହୁଏ। ଏହାକୁ ପ୍ରମାଣ କରି ଦେଖାଇଛନ୍ତି ସିଂଘମ୍ IPS କେ.କେ ବିଷ୍ଣୋଇ। ସବୁବେଳେ କଠୋର ପଦକ୍ଷେପ କିମ୍ବା ଲାଠି ଚାର୍ଜ କାମରେ ଆସେନି। କେବେ କେବେ କାମ ହାସଲ ପାଇଁ ନଇଁବାକୁ ମଧ୍ୟ ପଡ଼େ। ଉପଦ୍ରବୀଙ୍କ ସମ୍ମୁଖକୁ ବିନା ଅସ୍ତ୍ରଶସ୍ତ୍ରରେ ଯାଇ ବୁଝାଇ ସୁଝାଇ ହିଂସାକୁ କମ୍ କରିପାରିଛନ୍ତି IPS କେ.କେ।

ଆପଣ ଜାଣିଥିବେ ଉତ୍ତର ପ୍ରଦେଶର ସମ୍ଭଲ ସ୍ଥିତ ଜୁମା ମସ୍ଜିଦ ପରିସରର ସର୍ଭେକୁ ବିରୋଧ ବେଳେ ହିଂସାକାଣ୍ଡ ଘଟି ୪ ଜଣଙ୍କର ମୃତ୍ୟୁ ହୋଇଛି। ସମ୍ଭଲର ସମାଜବାଦୀ ପାର୍ଟି ସାଂସଦ ଜିଆଉର୍ ରହମନ ବର୍କ ଏବଂ ବିଧାୟକ ଇକ୍ବାଲ ମହମଦଙ୍କ ପୁଅ ନଓ୍ୱାବ ସୁହେଲ ଇକ୍ୱାଲଙ୍କୁ ହିଂସା ଘଟଣାରେ ଅଭିଯୁକ୍ତ କରାଯାଇଛି। ତେବେ ଏହି ଅରାଜକତା ମାହୋଲ ଭିତରେ ଉପଦ୍ରବୀଙ୍କୁ ବୁଝାଉଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ ଚର୍ଚ୍ଚାର ବିଷୟ ପାଲଟିଛି।ପୋଲିସ ବର୍ଦ୍ଦି ପିନ୍ଧିଥିବା ଜଣେ ବ୍ୟକ୍ତି ଉପଦ୍ରବୀ ଯୁବଗୋଷ୍ଠୀଙ୍କୁ ବୁଝାଇ କହୁଥିଲେ, ଏ ନେତାଙ୍କ ଚକ୍କରରେ ପଡ଼ି ନିଜ ଭବିଷ୍ୟତକୁ ଅନ୍ଧକାର ଭିତରକୁ ଠେଲି ଦିଅନି । ଏହି ସ୍ୱର ଥିଲା ସମ୍ଭଲର ଏସପି କୃଷ୍ଣ କୁମାର ବିଷ୍ଣୋଇଙ୍କର। ସମ୍ଭଲରେ ହିଂସାକୁ ନିୟନ୍ତ୍ରଣ ଆଣିବାରେ ମୁଖ୍ୟ ଭୂମିକା ଗ୍ରହଣ କରିଥିବା ଆଇପିଏସ ଆଜି ତାଙ୍କ କାମ ପାଇଁ ଖୁବ ପ୍ରଶଂସା ସାଉଣ୍ଟିଛନ୍ତି। ଏସପି ରୂପରେ ସମ୍ଭଲରେ ପ୍ରଥମ ଥର ପାଇଁ ପୋଷ୍ଟିଂ ହୋଇଛି କେକେ ବିଷ୍ଣୋଇଙ୍କର। ଲୋକଙ୍କୁ ବୁଝାଇ ସୁଝାଇ ହିଂସାରୁ ନିବୃତ୍ତ କରିଥିବାରୁ ଦେଶରେ ଏବେ ସେ ଏବେ ଚର୍ଚ୍ଚାର କେନ୍ଦ୍ରବିନ୍ଦୁ।

2018 ମସିହା ୟୁପି କ୍ୟାଡର କେ.କେ, ୩୦ ଲକ୍ଷ ଟଙ୍କା ପ୍ୟାକେଜର ଚାକିରି ଛାଡିଛନ୍ତି, କେବଳ IPS ହେବା ପାଇଁ..।  ଜାତିସଂଘ ଟ୍ରେଡ ସେଣ୍ଟରରେ ବାର୍ଷିକ ୩୦ଲକ୍ଷ ଟଙ୍କା ପ୍ୟାକେଜରେ କେ.କେଙ୍କୁ ନିଯୁକ୍ତ ମିଳିଥିଲା। ସେଠାରେ ଗୋଟିଏ ବର୍ଷ କାମ କରି ଭାରତକୁ ଫେରି ଜେଏନୟୁରୁ MPhil ଡିଗ୍ରୀ ହାସଲ କଲେ । ପରେ ବୈଦେଶିକ ବ୍ୟାପାର ମନ୍ତ୍ରଣାଳୟରେ କାର୍ଯ୍ୟ କଲେ। ହେଲେ ମନ ମାନିଲାନି କେ.କେଙ୍କର। ନିଷ୍ପତ୍ତି କଲେ ମାଟିଆ ବର୍ଦ୍ଦି ପିନ୍ଧି ଲୋକଙ୍କର ସେବା କରିବେ। IPS ଅଫିସର ହେବେ। ବିନା କୋଚିଂରେ ସେକେଣ୍ଡ ଆଟେମ୍ପେଟରେ UPSC  ଏକ୍ସାମରେ କ୍ୱାଲିଫାଏ୍ କରି IPS ଅଧିକାରୀ ହେଲେ କୃଷ୍ଣ କୁମାର ବିଷ୍ଣୋଇ। ଗୋରଖପୁରରେ ପୋଷ୍ଟିଂ ବେଳେ ଅନେକ ମାଫିଆଙ୍କୁ ସାବାଡ଼ କରିବା ସହ ୮୦୩ କୋଟି ଟଙ୍କାର ବେଆଇନ ସମ୍ପତ୍ତି ଜବତ କରିଛନ୍ତି କେ.କେ.। ତାଙ୍କ କାର୍ଯ୍ୟକାଳ ସମୟରେ ଅପରାଧୀ ଭୟରେ ସହର ଛାଡ଼ି ପଳାଉଥିଲେ। ସମ୍ଭଲରେ ପ୍ରଥମ ଥର ପାଇଁ ତାଙ୍କୁ ଏସପି ରୂପରେ ପୋଷ୍ଟିଂ ମିଳିଛି।

ରାଜସ୍ଥାନର ବାଡ଼ମେର ନିବାସୀ କେ.କେ.ବିଷ୍ଣୋଇ ୬ ଭାଇ-ଭଉଣୀ ମଧ୍ୟରେ ସାନ । ସେ ଗାଁର ପ୍ରାଥମିକ ବିଦ୍ୟାଳୟରୁ ଅଧ୍ୟୟନ ଆରମ୍ଭ କରିଥିଲେ। ପରେ ସିକରର ଏକ ଘରୋଇ ସ୍କୁଲରୁ ଦଶମରେ ଫାଷ୍ଟ କ୍ଲାସରେ ପାସ୍ କରି ଦ୍ୱାଦଶ ପଢ଼ା ପାଇଁ ସେଣ୍ଟ୍ରାଲ ସ୍କୁଲରେ ନାମ ଲେଖାଇଥିଲେ। ପରେ ଦିଲ୍ଲୀ ବିଶ୍ୱବିଦ୍ୟାଳୟର ସେଣ୍ଟ ଷ୍ଟିଫେନ୍ କଲେଜରୁ ସ୍ନାତକ ହାସଲ କରିଥିଲେ। ଫ୍ରାନ୍ସ ସରକାରଙ୍କ ଛାତ୍ରବୃତ୍ତିରେ ସେ ପ୍ୟାରିସ୍ ସ୍କୁଲ୍ ଅଫ୍ ଇଣ୍ଟରନ୍ୟାସନାଲ ଆଫେୟାର୍ସରୁ ଇଣ୍ଟର ନ୍ୟାସନାଲ ସିକ୍ୟୁରିଟ୍ କ୍ଷେତ୍ରରେ ମାଷ୍ଟର ଡିଗ୍ରୀ ହାସଲ କରିଛନ୍ତି।

ED ଜାଲରେ ଶିଳ୍ପା ଶେଟ୍ଟିଙ୍କ ସ୍ୱାମୀ

0 Comments read Cinema
Shilpa Shetty's Husband Raj Kundra Raided by ED

ପର୍ଣ୍ଣୋଗ୍ରାଫି ମାମଲାରେ,ଛନ୍ଦି ହେବେ ରାଜ୍ କୁନ୍ଦ୍ରା। EDର କଡ଼ା ନଜର,ହେଇପାରେ କଡ଼ା ପଦକ୍ଷେପ।ତିନି ବର୍ଷ ପରେ ପୁଣି ହେଇପାରନ୍ତି ଗିରଫ।ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ ଏବଂ  ତାଙ୍କ ସ୍ୱାମୀ ରାଜ କୁନ୍ଦ୍ରା ଏବେ ପୁଣି ଅଡୁଆରେ। ତାଙ୍କ ଘର ସହିତ  କାର୍ଯ୍ୟାଳୟ ଏବଂ ଅନ୍ୟାନ୍ୟ ସ୍ଥାନରେ ଚଢାଉ କରିଛି ଇଡି। ଅଶ୍ଲୀଳ ମାମଲା ପାଇଁ ଇଡି ଏହି ପଦକ୍ଷେପ ନେଇଛି।ଅଶ୍ଳୀଳ ଭିଡିଓର ଏହି ମାମଲା ବହୁ ବର୍ଷ ପୁରୁଣା ହେଇଥିଲେ ବି ଏ ନେଇ ଖୋଳତାଡ଼ କରୁଛି ଏନଫୋର୍ସମେଣ୍ଟ ଡିରେକ୍ଟରେଟ।

ସୂଚନାନୁସାରେ,ଇଡି କେବଳ ରାଜ କୁନ୍ଦ୍ରାଙ୍କ ଘରେ ନୁହେଁ ବରଂ ପର୍ଣ୍ଣୋଗ୍ରାଫି ମାମଲାରେ ଥିବା ଅନ୍ୟ ଲୋକମାଙ୍କ ଘର ମଧ୍ୟ ଯାଞ୍ଜ କରୁଛି।ଏହି କାର୍ଯ୍ୟ ମୋବାଇଲ୍ ଆପ୍ ମାଧ୍ୟମରେ ଅଶ୍ଳୀଳ ବିଷୟବସ୍ତୁ ନିର୍ମାଣ ଏବଂ ପ୍ରଚାର ସହିତ ଜଡିତ।ଏହି ଅନୁସନ୍ଧାନ ମୁମ୍ବାଇ ପୋଲିସର ୨୦୨୧ ମାମଲା ଉପରେ ଆଧାରିତ।୨୦୨୧ରେ ରାଜ କୁନ୍ଦ୍ରାଙ୍କୁ ଗିରଫ ମଧ୍ୟ କରାଯାଇଥିଲା ରାଜ କୁନ୍ଦ୍ରାଙ୍କୁ ଜୁଲାଇ ୨୦୨୧ରେ କ୍ରାଇମ ବ୍ରାଞ୍ଚ ଗିରଫ କରିଥିଲା।ଏହି ମାମଲାରେ ସିଟି କୋର୍ଟ ତାଙ୍କୁ ଜାମିନ ପ୍ରଦାନ କରିଥିଲେ। ରାଜ କୁନ୍ଦ୍ରା ତାଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗକୁ ଭୁଲ ବୋଲି କହିଥିଲେ।ଏହି ମାମଲାରେ ସେ ଦୁଇ ମାସ ଜେଲରେ ମଧ୍ୟ ରହିଥିଲେ।

ସୂଚନା ଅନୁଯାୟୀ, ଇଡି ଟିମ୍ ଏହି ମାମଲାରେ ମୋଟ ୧୫ଟି ସ୍ଥାନ ଉପରେ ଚଢାଉ କରିଛି। ଏହି ମାମଲାରେ, ଦେଶରେ ସଂଗ୍ରହ ହୋଇଥିବା ଟଙ୍କା ଏହି ଭିଡିଓ ମାଧ୍ୟମରେ ବିଦେଶକୁ ସ୍ଥାନାନ୍ତର କରାଯାଇଥିଲା।  ଏହିପରି, ବିପୁଳ ପରିମାଣର ଟଙ୍କା ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସ୍ଥାନାନ୍ତରିତ ହୋଇଥିଲା ଏବଂ ବର୍ତ୍ତମାନ ଏନେଇ  ଇଡି ଦ୍ୱାରା ତଦନ୍ତ ଆରମ୍ଭ ହୋଇଛି।ତେବେ ମାମଲାର ତିନି ବର୍ଷ ପରେ ଇଡିକୁ କି ସୁଚନା ମିଳୁଛି ତାହା ଦେଖିବା ବାକି।

 

୧୩ ବର୍ଷରେ କୋଟିପତି

0 Comments read Sports
IPL Auction: Rajasthan Royals make Vaibhav Suryavanshi youngest IPL crorepati

ଇଣ୍ଡିଆନ୍ ପ୍ରିମିୟର ଲିଗ୍ ଇତିହାସରେ ରିଷଭ ପନ୍ତ ସବୁଠାରୁ ମହଙ୍ଗା ଖେଳାଳି ଭାବରେ ରେକର୍ଡ କରିଥିଲା ବେଳେ ତାଙ୍କଠୁ ଅଧିକ ଚର୍ଚ୍ଚାରେ ଅଛନ୍ତି ବିହାରର ସୁନାପୁଅ। କେବଳ ବିହାର କାହିଁକି ବିହାର ବାହାରେ ବି ସାରା ଦେଶରେ ଏବେ ତାଙ୍କୁ ନେଇ ଚର୍ଚ୍ଚା। କ୍ରିକେଟ ଲଭରଙ୍କ ପାଇଁ ପାଲଟିଛନ୍ତି ଡିସକସନର ମେନ୍ ଟପିକ୍। ଏତେ କମ୍ ବୟସରେ ଆକାଶଛୁଆଁ ସଫଳତା ପାଇଁ ଏବେ ଚର୍ଚ୍ଚାରେ ବିହାର  ହିରୋ।ତେବେ ଯାହାକୁ ନେଇ ଏତେ ଚର୍ଚ୍ଚା ସେ ହେଉଛନ୍ତି ବିହାରର ବୈଭବ ସୁର୍ଯ୍ୟବଂଶୀ। ମାତ୍ର ୧୩ ବର୍ଷ ବୟସରେ କ୍ରିକେଟର ବୈଭବ ସୁର୍ଯ୍ୟବଂଶୀ IPL ନିଲାମରେ ସାମିଲ୍ ହୋଇଛନ୍ତି। କେବଳ ସାମିଲ୍ ନୁହେଁ ନିଜ ଡିମାଣ୍ଡ ପ୍ରାଇଜଠୁ ଅଧିକ ରେଟରେ ବି ତାଙ୍କୁ କିଣାଯାଇଛି। ତେବେ ଏକ୍ସପେରିଏନ୍ସ ଥିବା ଅନେକ କ୍ରିକେଟର ଅକ୍ସନରୁ ବାଦ୍ ପଡିଥିଲା ବେଳେ ୧୩ ବର୍ଷର ବୈଭବ ସୁର୍ଯ୍ୟବଂଶୀ ଅନ୍ୟମାନଙ୍କୁ ଚକମା ଦେଖାଇ ଅକ୍ସନରେ ସାମିଲ୍ ହୋଇ ସକ୍ସେସ ପାଇଛନ୍ତି। ଆଇପିଏଲ୍ ନିଲାମରେ କିଣାଯାଇଥିବା ସର୍ବକନିଷ୍ଠ ଖେଳାଳି ହୋଇଥିବାରୁ ଚର୍ଚ୍ଚାରେ ଅଛନ୍ତି ବୈଭବ ସୁର୍ଯ୍ୟବଂଶୀ।

ସାଉଦି ଆରବର ୟେଦାଠାରେ ଅନୁଷ୍ଠିତ ଆଇପିଏଲ୍ 2025 ମେଗା ନିଲାମର ଦ୍ୱିତୀୟ ଦିନରେ ରାଜସ୍ଥାନ ରୟାଲ୍ସ  ବୈଭବ ସୁର୍ଯ୍ୟବଂଶୀଙ୍କୁ ୧ କୋଟି ୧୦ ଲକ୍ଷ ଟଙ୍କାରେ କିଣିଛି। ତେବେ ଆପଣ ଶୁଣିଲେ ଆଶ୍ଚର୍ଯ୍ୟ ହେବେ କି ବୈଭବ ତାଙ୍କ ଫିକ୍ସ ରେଟରୁ ତିନି ଗୁଣ ଅଧିକ ରେଟରେ ସେଲ୍ ହୋଇଛନ୍ତି। ବୈଭବଙ୍କୁ କିଣିବା ପାଇଁ ଦିଲ୍ଲୀ କ୍ୟାପିଟାଲ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଟକ୍କର ଦେଖିବାକୁ ମିଳିଥିଲା।  ମାତ୍ର ଅକ୍ସନରେ ରାଜସ୍ଥାନ ରୟାଲ୍ସ ହିଁ ବୈଭବ ସୁର୍ଯ୍ୟବଂଶୀଙ୍କୁ କିଣିବାରେ ସଫଳ ହୋଇଛି। ବିହାରର ସମାସ୍ତିପୁରରେ ଜନ୍ମଗ୍ରହଣ କରି ମାତ୍ର 4 ବର୍ଷ ବୟସରୁ ନିଜର କ୍ରିକେଟ୍ ଯାତ୍ରା ଆରମ୍ଭ କରିଥିଲେ। ବିହାରର ରଣଜୀ ଟ୍ରଫି ଦଳରେ ସର୍ବ କନିଷ୍ଠ ଖେଳାଳି ହେବା ଏବଂ ଜାତୀୟ ସ୍ତରର ଯୁବ ଟୁର୍ନାମେଣ୍ଟରେ କ୍ରମାଗତ ଭାବେ ସ୍କୋର କରିବା ସହିତ ବୈଭବ ସୁର୍ଯ୍ୟବଂଶୀ ଅନେକ ସଫଳତା ହାସଲ କରିସାରିଛନ୍ତି।

ଚେନ୍ନାଇରେ ଚାରି ଦିନିଆ ଖେଳରେ ଅଷ୍ଟ୍ରେଲୀୟ UNDER 19 ଦଳ ବିପକ୍ଷରେ ବିହାର ପାଇଁ ଡେବ୍ୟୁ କରିଥିବା ବୈଭବ 12 ବର୍ଷ ବୟସରେ ବି  ଡେବ୍ୟୁ କରିଥିଲେ। ଚଳିତ ବର୍ଷ ଜାନୁଆରୀରେ ପାଟନାରେ ମୁମ୍ବାଇ ବିପକ୍ଷରେ ବିହାରର ରଣଜୀ ଟ୍ରଫି 2023-24 ଏଲିଟ୍ ଗ୍ରୁପ୍ ବି ମୁକାବିଲାରେ ବୈଭବ ପ୍ରଥମ ଶ୍ରେଣୀରେ ଡେବ୍ୟୁ କରିଥିଲେ।ରଣଜୀ ଏବଂ IPL ରେ ବି ଡେବ୍ୟୁ କରିଛନ୍ତି ବୈଭବ ସୁର୍ଯ୍ୟବଂଶୀ । ଅଷ୍ଟ୍ରେଲିଆ ବିପକ୍ଷ ମ୍ୟାଚରେ 58 ବଲରେ 104 ରନ୍ କରିଥିଲେ ବୈଭବ ।ତେବେ ଆଉ ଗୋଟାଏ କଥା ହେଉଛି 2011 ମସିହାରେ ଇଣ୍ଡିଆ  ଓ୍ୱାର୍ଲ୍ଡକପ ଜିତିଲା ବେଳକୁ ମାତ୍ର କିଛି ଦିନର ହୋଇଥିବା ବୈଭବ ସୁର୍ଯ୍ୟବଂଶୀ କ୍ରିକେଟରେ ଯେଉଁଭଳି ଡେଭଲପ୍ କରୁଛନ୍ତି ଆଗକୁ ହୁଏତ ସେ ଅନେକଙ୍କ ରେକର୍ଡ ବ୍ରେକ୍ କରି ପାରନ୍ତି ।
-ରଶ୍ମିତା ବେହେରା

୨୦ ଲକ୍ଷରୁ ଅଧିକ ଆକାଉଣ୍ଟକୁ ବନ୍ଦ କରିଛି META

0 Comments read News
Pig-Butchering Scams Surge: Unsolicited Text Messages Leading to Financial Fraud

 ପିଗ୍ ବୁଚରିଂ ସ୍କାମ୍ ପାଇଁ କଠୋର ହେଇଛି ମେଟା। ଏହା ଏପରି ଏକ କୌଶଳ, ଯାହାର ବ୍ୟବହାର ସାଇବର ଠକମାନେ କରନ୍ତି। ପ୍ରଥମେ ଲୋକଙ୍କ ବିଶ୍ୱାସ ଜିତିବା ପରେ ଧୀରେ ଧୀରେ ଟଙ୍କା ଆଦାୟ କରିବା ପାଇଁ ଚେଷ୍ଟା କରନ୍ତି। ସୋସିଆଲ ମିଡିଆ, ଡେଟିଂ ଆପ୍ କିମ୍ବା ମେସେଜ୍ ମାଧ୍ୟମରେ ଏମାନେ ଲୋକଙ୍କ ସହ ଯୋଗାଯୋଗ କରନ୍ତି ଏବଂ ପରେ କିଛି ନକଲି ଯୋଜନାରେ ଟଙ୍କା ବିନିଯୋଗ କରିବାକୁ ପ୍ରଭାବିତ କରନ୍ତି। ବିଶ୍ୱାସ ଭାଜନ ହେବା ପାଇଁ ପ୍ରଥମେ କିଛି ଟଙ୍କା ଉଠାଇବାର ସୁଯୋଗ ଦିଅନ୍ତି, କିନ୍ତୁ ମୋଟା ଅଙ୍କର ଟଙ୍କା ପାଇବା ପରେ ଫେରାର ମାରନ୍ତି । ସେହି ଲୋଭନୀୟ ଯୋଜନା ଗୁଡିକ ପ୍ରାୟତଃ କ୍ରିପ୍ଟୋକରେନ୍ସି ସହିତ ଜଡ଼ିତ। ତେଣୁ ସୋସିଆଲ ମଡିଆର ଅଜଣା ପୁରୁଷ ବନ୍ଧୁ ବା ବାନ୍ଧବୀଙ୍କ ପ୍ରତି ସାବଧାନ

ପିଗ୍ ବୁଚରିଂ ସ୍କାମ୍ ଗୁଡିକ ବଡ ଅପରାଧିକ ଗ୍ୟାଙ୍ଗ ଦ୍ୱାରା ପରିଚାଳିତ। କାମ୍ବୋଡିଆ, ଲାଓସ୍ ଏବଂ ମିଆଁମାର ଭଳି ଦେଶରେ ଲୋକଙ୍କୁ ଚାକିରି ଦେବାର ମିଥ୍ୟା ପ୍ରତିଶୃତି ଦେଇ ନିଜ ଦେଶକୁ ନେଇଯାଆନ୍ତି ସାଇବର ଠକ। ଆଉ ସେହି ଦେଶରେ ପହଞ୍ଚିବା ପରେ ସେମାନଙ୍କୁ ସେଠାରେ ଧମକାଇବା ସହ ଅନ୍ୟ ଲୋକଙ୍କୁ ଠକିବାକୁ ବାଧ୍ୟ କରନ୍ତି । ୨୦୨୩ର ଏକ ରିପୋର୍ଟ ଅନୁଯାୟୀ ଏହି ଗ୍ୟାଙ୍ଗରେ ପ୍ରାୟ ୨୦ ଲକ୍ଷ ଲୋକ ଫସି ରହିଛନ୍ତି ଏବଂ ଏହି ଗ୍ୟାଙ୍ଗ ଗୁଡ଼ିକ ପ୍ରତିବର୍ଷ ପ୍ରାୟ ୭୫ ବିଲିୟନ ଡଲାର ଠକେଇ କରୁଛନ୍ତି।

ମେଟା ଗତ ଦୁଇ ବର୍ଷ ଧରି ଏହି ଅନଲାଇନ୍ ସ୍କାମ ବିରୋଧରେ ଲଢ଼େଇ ଲଢ଼ୁଛି। ଅନେକ ବେସରକାରୀ ସଂଗଠନ ଓ ପୋଲିସ ସହ ମିଶି ଏହି ସ୍ମାମରଙ୍କ ଯାଂଚ କରୁଥିଲା। ଖାସ କରି ପିଗ୍ ବୁଚରିଂ ସ୍କାମ୍ ଦକ୍ଷିଣ ଏସିଆରେ ସକ୍ରିୟ ଥିଲା। ପ୍ରଥମେ କାମ୍ବୋଡିଆ ଉପରେ ନଜର ରଖାଯାଇଥିଲା, କିନ୍ତୁ ବର୍ତ୍ତମାନ ୟୁଏଇ ପରି ଅନ୍ୟ ଦେଶରେ ମଧ୍ୟ ଏହି ସାଇବର ଠକଙ୍କ ଲିଂଙ୍କର ଖୋଳତାଡ଼ ହେଉଛି। ସେଥିପାଇଁ ଲକ୍ଷାଧିକ ନକଲି ଆକାଉଣ୍ଟକୁ ବନ୍ଦ କରିଦେଇଛି ମେଟା, ଆଉ ସେହି ଆକାଉଣ୍ଟର ବିବରଣୀ ସର୍ବ-ସାଧାରଣରେ ପ୍ରକାଶ କରିଛି। ଯଦ୍ୱାରା ଲୋକମାନେ ଏହି ଠକମାନଙ୍କ ଜାଲରେ ପଡ଼ିବେ ନାହିଁ।

ଅନଲାଇନରେ ଅପରିଚିତ ବ୍ୟକ୍ତିଙ୍କ ମେସେଜ୍ କିମ୍ବା ଅଫର ଉପରେ ବିଶ୍ୱାସ କରନ୍ତୁ ନାହିଁ। ଯଦି କେହି ଆପଣଙ୍କ ସହ ଅନଲାଇନରେ କୌଣସି ଯୋଜନାରେ ଟଙ୍କା ବିନିଯୋଗ କରିବାକୁ ପରାମର୍ଶ ଦିଅନ୍ତି, ତେବେ ସତର୍କ ରୁହନ୍ତୁ।କୌଣସି ବିପଦ ଅନୁଭବ କଲେ ତୁରନ୍ତ ପୋଲିସ ସହ ଯୋଗାଯୋଗ କରନ୍ତୁ।

VRS ନେବେ ପାଣ୍ଡିଆନଙ୍କ ସ୍ତ୍ରୀ

0 Comments read News, Politics
VK Pandian's Wife Sujata Karthikeyan May Take VRS

ବିଜୁ ଜନତା ଦଳ କ୍ଷମତାରୁ ହଟିଲା ପରେ ହରଡ଼ଘଣାରେ ପାଣ୍ଡିଆନଙ୍କ ସ୍ତ୍ରୀ ସୁଜାତା କାର୍ତ୍ତିକେୟନ୍।ବିଜୁ ଜନତା ଦଳର ସରକାର ସମୟରେ ଯିଏ ନେତା ମନ୍ତ୍ରୀଙ୍କୁ ଆଙ୍ଗୁଠି ଅଗରେ ନଚୋଉଥିଲେ,ସେ ଏବେ ନିଜେ ନାଚାର। ଯାହା  ପାଖରେ ମନ୍ତ୍ରୀ ଅଫିସରଙ୍କ ଭିଡ଼ ଜମୁଥିଲା,ତାଙ୍କୁ ଛୁଟି ଦେବାକୁ ନାରାଜ ବିଜେପି ସରକାର। ଅଫିସର ମନ୍ତ୍ରୀଙ୍କ ସହ ହ୍ୟାଲୋ ହାଏରେ କଥା ହେଉଥିବା ସୁଜାତା ଏବେ କରିବେ କଣ?ନା ସେ ସରକାର ଅଛି ନା ସେ ଅଫିସର ଆଉ ମନ୍ତ୍ରୀ ଅଛନ୍ତି। ସରକାର ବଦଳିଲା ପରେ ବଦଳିଯାଇଛି ଅନେକକିଛି। ପୂର୍ବ ସରକାରରେ ଅଖଣ୍ଡ କ୍ଷମତା ଉପଭୋଗ କରିଥିବା ସୁଜାତା ଯେ ଏ ସରକାରରେ ବହୁତ ଦିନ ତିଷ୍ଠିପାରିବେ ସେଭଳି ଅନୁମାନ କରିହେଉନି।

ନିଜ ଇସାରାରେ ସରକାର ଚଳେଇବାର ଇଛା ରଖିଥିବା ମିସେସ ପାଣ୍ଡିଆନ,ଅର୍ଥ ବିଭାଗର ପ୍ରମୁଖ ଶାସନ ସଚିବ ଶାସ୍ୱତ ମିଶ୍ରଙ୍କ ଅଣ୍ଡରରେ କାମ କରିବେ, ସେକଥା ଆଶା କରାଯାଉନି। ଇଏତ ଆଉ ଶ୍ରୀକାନ୍ତ ଜେନା ନୁହନ୍ତି ଯିଏ ଏଚ୍ ଡି ଦେବଗୌଡାଙ୍କ ସମୟରେ କେନ୍ଦ୍ରରେ କ୍ୟାବିନେଟ ମନ୍ତ୍ରୀର କ୍ଷମତା ଉପଭୋଗ କରିସାରିଲା ପରେ ପୁଣି ମନମୋହନଙ୍କ ସରକାରରେ ରାଷ୍ଟ୍ରମନ୍ତ୍ରୀ ହେବା ଭଳି ନିଜ ଚେୟାରରୁ ତଳକୁ ଆସିବେ।ଇଏତ ବିଜୁ ଜନତା ଦଳ ସରକାରରେ ସର୍ବ ଶକ୍ତିମାନ ମହିଳା ଥିଲେ। ଯିଏ ଅଖଣ୍ଡ କ୍ଷମତା ଉପଭୋଗ କରିଛନ୍ତି ସିଏ ହୁଏତ ବିଜେଡି ବିରୋଧୀ ସରକାରରେ ଚାପଗ୍ରସ୍ଥ ହୋଇ କାମ କରି ନପାରନ୍ତି । ତେଣୁ ଖୁବ୍ ଶିଘ୍ର ସେ ଭିଆରଏସ ନେଇ ପାରନ୍ତି ବୋଲି ଚର୍ଚ୍ଚା।

  ଏ ସବୁକୁ ନେଇ ବିଜେଡିର ଅଘୋଷିତ ସର୍ବେସର୍ବା ଭିକେ ପାଣ୍ଡିଆନଙ୍କ ପତ୍ନୀ ଆଇଏଏସ୍‌ ସୁଜାତା କାର୍ତ୍ତିକେୟନ ଚର୍ଚ୍ଚାରେ। ୬ ମାସ ଛୁଟିରୁ ଫେରିବା ପରେ ସେ ବାଧ୍ୟ ହୋଇ  କାର୍ଯ୍ୟରେ ଯୋଗ ଦେଇଛନ୍ତି। ସୁଜାତାଙ୍କ ସାନି ଛୁଟି ଆବେଦନ ଅଗ୍ରାହ୍ୟ କରିଛି ବିଜେପି ସରକାର।୬  ମାସ ଛୁଟି ନେଲା ପରେ ଆଉ ୬ ମାସ ଛୁଟିରେ ରହିବାକୁ ଆବେଦନ କରିଥିଲେ ସୁଜାତା। ମେ’ ୩୧ରୁ ୬ ମାସ ଛୁଟିରେ ପଳାଇଥିଲେ ସୁଜାତା। ନଭେମ୍ବର 26 ରେ ଛୁଟିର ସମୟସୀମା ସରିଲା ପରେ ପୁଣି ଥରେ ନଭେମ୍ବର 27 ରୁ ଛୁଟି ପାଇଁ ଆବେଦନ କରିଥିଲେ।ହେଲେ ରାଜ୍ୟ ସରକାର ସୁଜାତା କରିଥିବା ଆବେଦନକୁ ଖାରଜ କରିଥିଲେ। ତେବେ ବାଧ୍ୟ ହୋଇ ଜଏନ୍ କରିଥିବା ସୁଜାତା ଖୁବ୍ ଶିଘ୍ର ଭି ଆର ଏସ୍ ନେଇପାରନ୍ତି। ଏମିତିରେ ବି ଦେଖିବାକୁ ଗଲେ ବିଜୁ ଜନତା ଦଳର ସରକାରରେ ସୁଜାତାଙ୍କ ଟ୍ରାକ୍ ରେକର୍ଡ ଭଲ ନାହିଁ ।

ମୁଖ୍ୟ  ଶାସନ ସଚିବଙ୍କୁ ଅମାନ୍ୟ କରିବା ସହ ବିଜୁ ଜନତା ଦଳର ନିର୍ବାଚନ ପରିଚାଳନା କରି, ବିଜେଡି ଭୋଟ ପାଇଁ ଲୋକଙ୍କୁ ପ୍ରବର୍ତ୍ତାଇ ମିଶନଶକ୍ତି ଦାୟିତ୍ୱରୁ ତାଙ୍କୁ ନିର୍ବାଚନ କମିଶନର ବିଦା କରିଥିଲେ। ଯଦିଓ ବିଜେଡି ପାୱାରରେ ସେ ଅର୍ଥ ବିଭାଗର ସ୍ୱତନ୍ତ୍ର ସଚିବ ଭାବେ ନିଯୁକ୍ତି ପାଇଥିଲେ କିନ୍ତୁ ତାଙ୍କର ବିଜୁ ଜନତା ଦଳ ପ୍ରିତି ପାଇଁ ଅନେକ ଅନର୍ଥ ହୋଇପାରେ। ଏବେ ତ ଆଉ ସ୍ୱାମୀ ପାଣ୍ଡିଆନ କ୍ଷମତାରେ ନାହାନ୍ତି ତେଣୁ ଆଗଭଳି ତାଙ୍କୁ ଅନଲିମିଟେଡ ପାୱାର ମିଳି ନପାରେ।

ଅଖଣ୍ଡ କ୍ଷମତା ଉପଭୋଗ କରିଥିବା ସୁଜାତାଙ୍କ ପାଇଁ ଭି ଆର ଏସ୍ ଶେଷ ରାସ୍ତା ହୋଇପାରେ।ତେବେ ଯଦି ସୁଜାତା ଏ ରାସ୍ତା ବାଛନ୍ତି ତାଙ୍କୁ କେବେ ଭିଆରଏସ୍ ମିଳୁଛି ତାକୁ ନେଇ ବି ଚର୍ଚ୍ଚା ଆରମ୍ଭ ହେଇଗଲାଣି। କାରଣ ଯଦିଓ ପୁର୍ବ ସରକାରରେ ସୁଜାତାଙ୍କ ହଜବାଣ୍ଡ ଭୈରବ କାର୍ତ୍ତିକେୟନ୍ ପାଣ୍ଡିଆନଙ୍କୁ ମାତ୍ର ଗୋଟାଏ ଦିନରେ ଭିଆରଏସ୍ ମିଳିଯାଇଥିଲା ଏବେ କିନ୍ତୁ ରାଜ୍ୟରେ ସେ ଅବସ୍ଥା ଆଉ ନାହିଁ । କେନ୍ଦ୍ରରେ ସମାନ ସରକାର ଥିଲେ ବି ରାଜ୍ୟରେ ପାଣିପାଗ ବଦଳିଛି। କ୍ଷମତାରେ ଅଛି ଭାରତୀୟ ଜନତା ପାର୍ଟି। ତେବେ ହଜବ୍ୟାଣ୍ଡଙ୍କ ପାଣ୍ଡିଆନଙ୍କୁ ଦିନକରେ ଭି ଆର ଏସ୍ ମିଲିଥିଲା ବେଳେ ସୁଜାତାଙ୍କ କ୍ଷେତ୍ରରେ କଣ ଘଟୁଛି ତାହା ଦେଖିବା ବାକି।

ବ୍ୟାନ୍ ହେଲେ ଗୋଲ୍ଡ ମେଡାଲ ବିଜେତା

0 Comments read Sports
NADA Suspends Bajrang Punia for Four Years Over Doping Violation

ଖେଳାଳୀରୁ ରାଜନେତା ପାଲଟି ଥିବା ଭାରତର ଷ୍ଟାର୍‌ ରେସଲ୍‌ର ବଜରଙ୍ଗ ପୁନିଆଙ୍କ ବଢ଼ିଲା ଅଡୁଆ।ତାଙ୍କ ଉପରେ ଲାଗିଲା ୪ ବର୍ଷର ବ୍ୟାନ୍‌। ନ୍ୟାସନାଲ ଆଣ୍ଟି ଡୋପିଂ ଏଜେନ୍ସି ତାଙ୍କ ବିରୋଧରେ ଏଭଳି କିଛି ବଡ଼ ଆକ୍ସନ ନେଇଛି। ବଜରଙ୍ଗ ପୁନିଆ ଆଣ୍ଟି ଡୋପିଂ କୋଡ୍‌ର ଉଲ୍ଲଙ୍ଘନ କରିଥିବା ଯୋଗୁ ନାଡା ତାଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ନେଇଛି। ବଜରଙ୍ଗ ପ୍ରତିଯୋଗିତାମୂଳକ କୁସ୍ତିରେ ଭାଗ ନେଇପାରିବେ ନାହିଁ। କେବଳ ସେତିକି ନୁହେଁ ବିଦେଶରେ କୋଚିଂ କିମ୍ବା  ଚାକିରୀ ମଧ୍ୟ୍ୟ ସେ କରିପାରିବେ ନାହିଁ। ଜାତୀୟ ଟିମର ଚୟନ ବେଳେ ଡୋପିଂ ଟେଷ୍ଟକୁ ମନା କରିଥିଲେ ପୁନିଆ। ମାର୍ଚ୍ଚ ୧୦ରେ ଚୟନ ପ୍ରକ୍ରିୟା ହୋଇଥିଲା। ଏହି ସମୟରେ ବଜରଙ୍ଗ ପୁନିଆ ନମୁନା ଦେବାକୁ ମନା କରିଥିଲେ। ଏଥିପାଇଁ ତାଙ୍କୁ ନାଡା ୪ ବର୍ଷ ପାଇଁ ସସ୍‌ପେଣ୍ଡ କରିଛି ।

୨୦୧୮ ଏସିଆନ୍ ଗେମ୍ସ   ୨୦୧୮ ଏବଂ  ୨୦୨୨ ରେ  କମନୱେଲଥରେ ଗୋଲ୍ଡ ମେଡାଲ ଜିତି ଦେଶ ପାଇଁ ଗୌରବ ଆଣିଥିଲେ ରେସଲର୍‌ ବଜରଙ୍ଗ ପୁନିଆ। ସେହିପରି ଟୋକିଓ ଅଲିମ୍ପିକ୍ସ ଗେମ୍ସରେ ସେ ଭାରତ ପାଇଁ ବ୍ରୋଞ୍ଜ ପଦକ ଜିତିଥିଲେ। ଗତ ନିର୍ବାଚନ ପୂର୍ବରୁ  ଭିନେଶ ଫୋଗାଟ୍‌ଙ୍କ ସହ  କଂଗ୍ରେସରେ ସାମିଲ ହୋଇଥିଲେ। 

ଡୋପିଂ  କୋଡ ଉଲଙ୍ଘନ କରିବାରୁ ନାଡା ପ୍ରଥମେ ବଜରଙ୍ଗ ପୁନିଆଙ୍କୁ  ୨୩ ଏପ୍ରିଲରେ ନିଲମ୍ବିତ କରିଥିଲା। ଯାହା ପରେ UWW ମଧ୍ୟ ତାଙ୍କୁ ନିଲମ୍ବିତ   କରିଥିଲେ। ଏହା ପରେ ବଜରଙ୍ଗ ପୁନିଆ ନିଲମ୍ବନ ବିରୋଧରେ ଆବେଦନ କରିଥିଲେ। ତେବେ NADA ର ଅନୁଶାସନାତ୍ମକ ଡୋପିଂ ପ୍ୟାନେଲ୍ (ADDP) ଏହାକୁ ମେ‘ ୩୧ରେ ବାତିଲ କରିଦେଇଥିଲା।ଏହା ପରେ ନାଡା ୨୩ ଜୁନ୍‌ରେ ବଜରଙ୍ଗଙ୍କୁ ନୋଟିସ୍ ଜାରି କରିଥିଲା। ୧୧ ଜୁଲାଇରେ ସେ ଏହି ଅଭିଯୋଗକୁ ଚ୍ୟାଲେଞ୍ଜ କରିଥିଲେ। ଏହାର ଶୁଣାଣି  NADA ର ଅନୁଶାସନାତ୍ମକ ଡୋପିଂ ପ୍ୟାନେଲ କରିଛି। ପ୍ୟାନେଲ ବଜରଙ୍ଗ ପୁନିଆ ଦୋଷ କରିଥିବା ହୃଦୟଙ୍ଗମ  କରି କାର୍ଯ୍ୟାନୁଷ୍ଠାନ ନେଇଛନ୍ତି।