Category Politics

CMଙ୍କ ପସନ୍ଦ ଅଣଓଡ଼ିଆ IPS !

0 Comments read News, Politics

ଧର୍ମରାଜ ଯୁଧିଷ୍ଠିରଙ୍କର ବନବାସ 12 ବର୍ଷରେ ସରିଥିଲା । ନିଜ ବଂଶର ଭାଇଙ୍କ ପାଇଁ ହିଁ ତାଙ୍କୁ ବନବାସ ଭୋଗିବାକୁ ପଡ଼ିଥିଲା । ପୁଣି କୌରବଙ୍କ ସହ ଯୁଦ୍ଧରେ ଜିତିଲା ପରେ ସେ ହସ୍ତିନାପୁରର ରାଜା ହେଲେ । କିନ୍ତୁ ଓଡ଼ିଆ ଆଇପିଏସ୍ ଅଫିସରଙ୍କର ବନବାସ ଶେଷ ହେଉନାହିଁ । 12 ବର୍ଷରୁ ଅଧିକ ସମୟ ହେଇଗଲାଣି କୌଣସି ଓଡ଼ିଆ ଆଇପିଏସ୍ ଅଫିସର ଓଡ଼ିଶାର ପୋଲିସ ମହାନିର୍ଦ୍ଦେଶକ ହୋଇ ପାରି ନାହାନ୍ତି । ଡିଜିପି ପଦରୁ ପ୍ରକାଶ ମିଶ୍ର 2014 ମସିହା ଜୁଲାଇ 6 ରେ ହଟିଥିଲେ । ଏହା ମଧ୍ୟରେ ଆଠ ଜଣ ଓଡ଼ିଶାର ଡିଜିପି ହୋଇଗଲେଣି । ସେମାନଙ୍କ ମଧ୍ୟରେ 6 ଜଣ ହେଉଛନ୍ତି ଅଣ ଓଡ଼ିଆ ଆଇ ପିଏସ୍ ଅଫିସର। ଯଦିଓ ବିଜୟ ଶର୍ମା ଏବଂ ଅରୁଣ ଷଡ଼ଙ୍ଗୀ ଡିଜିପି ଦାୟିତ୍ୱରେ ରହିଥିଲେ କିନ୍ତୁ ସେମାନେ ପୂର୍ଣ୍ଣକାଳୀନ ଦାୟିତ୍ୱରେ ନଥିଲେ ଅର୍ଥାତ ସେମାନେ ଥିଲେ ଆକ୍ଟିଂ ଡିଜିପି । ପ୍ରକାଶ ମିଶ୍ର ହଟିବା ପରେ ପୂର୍ଣ୍ଣକାଳୀନ ଡିଜିପି ହୋଇଥିବା 6 ଜଣ ଅଣଓଡ଼ିଆ ଆଇ ପି ଏସ ଅଫିସର ହେଉଛନ୍ତି ସଞ୍ଜୀବ ମାରିକ, କେ ବି ସିଂହ, ରାଜେନ୍ଦ୍ର ପ୍ରସାଦ ଶର୍ମା, ଅଭୟ, ସୁନୀଲ ବଂଶଲ ଏବଂ ୱାଇ ଭି ଖୁରାନୀଆ । ଆଶା କରାଯାଉଥିଲା ଓଡ଼ିଆ ଅସ୍ମିତାର ଦ୍ୱାହି ଦେଉଥିବା ଭାରତୀୟ ଜନତା ପାର୍ଟି ସରକାର ଓଡ଼ିଆ ଆଇପିଏସ ଅଫିସରଙ୍କ ଉପରେ ଆସ୍ଥା ପ୍ରକଟ କରିବ । କିନ୍ତୁ ମୋହନ ମାଝୀଙ୍କ ସରକାର ଓଡ଼ିଆ ଆଇପିଏସ ଅଫିସ ସୁଧାଂଶୁ ଷଡ଼ଙ୍ଗୀଙ୍କୁ ସାଇଡ କରି ୱାଇ ଭି ଖୁରାନୀଆଙ୍କୁ ଡିଜିପି କରିଥିଲା ।

ପ୍ରକାଶ ମିଶ୍ର ହଟିବା ପରେ ପୂର୍ଣ୍ଣକାଳୀନ DGP ହୋଇଥିବା 6 ଅଣଓଡ଼ିଆ IPS ଅଫିସର ହେଉଛନ୍ତି ସଞ୍ଜୀବ ମାରିକ, କେ.ବି ସିଂହ, ରାଜେନ୍ଦ୍ର ପ୍ରସାଦ ଶର୍ମା, ଅଭୟ, ସୁନୀଲ ବଂଶଲ ଏବଂ ୱାଇ.ଭି. ଖୁରାନୀଆ । ଆଶା କରାଯାଉଥିଲା ଓଡ଼ିଆ ଅସ୍ମିତାର ଦ୍ୱାହି ଦେଉଥିବା ଭାରତୀୟ ଜନତା ପାର୍ଟି ସରକାର ଓଡ଼ିଆ IPS ଅଫିସରଙ୍କ ଉପରେ ଆସ୍ଥା ପ୍ରକଟ କରିବ କିନ୍ତୁ ମୋହନ ମାଝୀଙ୍କ ସରକାର ଓଡ଼ିଆ IPS ଅଫିସର ସୁଧାଂଶୁ ଷଡ଼ଙ୍ଗୀଙ୍କୁ ସାଇଡ୍ କରି ୱାଇ ଭି ଖୁରାନୀଆଙ୍କୁ DGP କଲେ ।ଉଭୟ ଖୁରାନୀଆ ଏବଂ ସୁଧାଂଶୁ ଷଡ଼ଙ୍ଗୀ 1990 ବ୍ୟାଚର IPS ଅଫିସର,କିନ୍ତୁ 2024ରେ ଖୁରାନୀଆ DGP ହେଲାବେଳକୁ ଧର୍ମରାଜ ଯୁଧିଷ୍ଠିରଙ୍କ ପରି ଓଡ଼ିଆ IPS ଅଫିସର ମାନଙ୍କର 12 ବର୍ଷର ବନବାସ ଶେଷ ହୋଇନଥିଲା । ସେଥିପାଇଁ ବୋଧହୁଏ ସୁଧାଂଶୁ ଷଡ଼ଙ୍ଗୀଙ୍କ ବଦଳରେ ହରିୟାଣାର ମୂଳନିବାସୀ ୱାଇ.ଭି ଖୁରାନୀଆଙ୍କୁ DGP କରିଥିଲେ ମୋହନ ମାଝୀ ସରକାର । ଆଉ ଆସନ୍ତା 16 ତାରିଖରେ, ଅର୍ଥାତ ଅଗଷ୍ଟ 16ରେ ଖୁରାନୀଆ ରିର୍ଟାୟଡ୍ କରୁଛନ୍ତି, ଏହା ଭିତରେ ଓଡ଼ିଆ IPS ଅଫିସରଙ୍କ DGP ପଦରୁ ଦୂରେଇ ରହିବାର ସମୟ ସୀମା ଧର୍ମରାଜ ଯୁଧିଷ୍ଠିରଙ୍କର ବନବାସ ସହ ସମାନ ହେଇଗଲାଣି, ତେବେ ଓଡ଼ିଆଙ୍କ ଭିତରେ ପ୍ରଶ୍ନ ପରବର୍ତ୍ତୀ DGP କ’ଣ ଜଣେ ଓଡ଼ିଆ ହେବେ? ବରିଷ୍ଠତା ଦୃଷ୍ଟିରୁ 3 ଜଣ IPS ଅଫିସରଙ୍କ ମଧ୍ୟରୁ ଜଣେ DGP ହେବା କଥା। ସେମାନେ ହେଲେ 1990 ବ୍ୟାଚର ସୁଧାଂଶୁ ଷଡ଼ଙ୍ଗୀ, 1993 ବ୍ୟାଚର ସୁଶାନ୍ତ ନାଥ ଏବଂ 1993 ବ୍ୟାଚର ବିନୟ ତୋଷ ମିଶ୍ର ଏବଂ ସେହି 1993 ବ୍ୟାଚର ଆର ପି କୋଚେ

  • ବିନୟତୋଷ ମିଶ୍ରଙ୍କ ଅବସର ସମୟ ହେଉଥିବାରୁ ସେ DGP ହୋଇପାରିବେ ନାହିଁ
  •  ଶୁଣିବାକୁ ମିଳୁଛି ସୁଶାନ୍ତ ନାଥ, DGP ହେବାକୁ ଅନିଚ୍ଛୁକ ବୋଲି ସରକାରଙ୍କୁ ଜଣାଇ ଦେଇଛନ୍ତି
  • ସେଥିପାଇଁ 1994 ବ୍ୟାଚର ସଞ୍ଜୀବ ପଣ୍ଡା ଏବେ DGP ରେସକୁ ଆସି ଯାଇଛନ୍ତି
    ସୁଧାଂଶୁ ଷଡ଼ଙ୍ଗୀଙ୍କୁ ରାଜ୍ୟର ପୋଲିସ ମହାନିର୍ଦ୍ଦେଶକ କରିବା ପାଇଁ ପୂର୍ବତନ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଚହୁଁଥିଲା ବେଳେ RSS ମଧ୍ୟ ସମର୍ଥନ କରୁଛି । 

ମୁଖ୍ୟମନ୍ତ୍ରୀଙ୍କର ଆଡଭାଇଜର ପ୍ରକାଶ ମିଶ୍ର, ସଞ୍ଜୀବ ପଣ୍ଡାଙ୍କୁ DGP କରିବା ପାଇଁ ଲବି କରୁଛନ୍ତି ।  କିନ୍ତୁ ଅଣଓଡ଼ିଆ IPS ଅଫିସର ଆର ପି କୋଚେଙ୍କ ସହ CMଙ୍କର ସପୋର୍ଟ ରହିଛି । କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଉପରେ ନଜର ରହିଛି । କାରଣ କେନ୍ଦ୍ର ହୋମ ଡିପାର୍ଟମେଣ୍ଟ ଯୋଉ ଅଫିସରରଙ୍କ ନାଁରେ ମୋହର ଲଗାଇବ ସେହି ବ୍ୟକ୍ତି ଓଡ଼ିଶାର ପରବର୍ତ୍ତୀ DGP ହେବେ । ତେବେ ସିନିୟରିଟି, ଦକ୍ଷତା ଏବଂ ଓଡ଼ିଆ ଅସ୍ମିତାରେ ସୁଧାଂଶୁ ଷଡ଼ଙ୍ଗୀ ଫିଟ୍ ହେଉଛନ୍ତି । କିନ୍ତୁ ଢେଙ୍କାନାଳ ଜିଲ୍ଲାର ଅଫିସରଙ୍କ ଉପରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କର ରାଗ ଥିଲା ପରି ଲାଗୁଛି ।
ଢେଙ୍କାନାଉ ଉପରେ ମୁଖ୍ୟମନ୍ତ୍ରୀଙ୍କ ରାଗ

  • ପ୍ରଥମେ ଢେଙ୍କାନାଳର ମୂଳନିବାସୀ IAS ଅଫିସର ସତ୍ୟବ୍ରତ ସାହୁଙ୍କୁ ଚିଫ୍ ସେକ୍ରେଟାରୀ କରାଇ ଦେଲେ ନାହିଁ
  • ତା’ପରେ ଏଭଳି ପରିସ୍ଥିତି ସୃଷ୍ଟି କଲେ ଯେ ଢେଙ୍କାନାଳର ମୂଳନିବାସୀ ରିଟାୟାର୍ଡ ଚିଫ୍ ସେକ୍ରେଟାରୀ ପ୍ରଦୀପ ଜେନା, OERC ଅଧ୍ୟକ୍ଷ ପଦରୁ ରିଜାଇନ୍ କରିଦେଲେ
  • ଆଉ ଏବେ ଢେଙ୍କାନାଳ ଜିଲ୍ଲାର ମୂଳନିବାସୀ ସୁଧାଂଶୁ ଷଡ଼ଙ୍ଗୀ DGP ଦୌଡ଼ରେ
     ଏସବୁ ସତ୍ତ୍ୱେ ସଡ଼ିଆ ଅସ୍ମିତାର କଥା କହି ସରକାରକୁ ଆସିଥିବା ବିଜେପି ଯଦି ସୁଧାଂଶୁଙ୍କୁ ଗୁରୁତ୍ୱ ଦେବ ତେବେ ଢେଙ୍କାନାଳର ସମ୍ମାନ ରକ୍ଷା ହେଲା ବୋଲି ବୁଝିବାକୁ ପଡ଼ିବ । କେବଳ ଏତିକି ନୁହେଁ  ଓଡ଼ିଆ IPS ଅଫିସର ମାନଙ୍କର ବନବାସ ଶେଷ ହେଲା ବୋଲି ମଧ୍ୟ ଧରି ନବାକୁ ପଡ଼ିବ।
    ଏ ଷ୍ଟୋରୀ ଲେଖିଛନ୍ତି- ବିଜୟ କେତନ ବରାଳ

ନିଜ ଲୋକଙ୍କୁ ମନ୍ତ୍ରୀ କରିବାକୁ ମୋହନଙ୍କ ଇଚ୍ଛା !

0 Comments read News, Politics

ଜୁଲାଇ 2 ତାରିଖରେ ଅମିତ ଶାହଙ୍କୁ ଦିଲ୍ଲୀରେ ସାକ୍ଷାତ କଲେ ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ପୁଣି ଜୁଲାଇ 31 ତାରିଖରେ ନୂଆଦିଲ୍ଲୀରେ ଅମିତ ଶାହଙ୍କ ସହ ମୁଖ୍ୟମନ୍ତ୍ରୀଙ୍କର ମିଟିଂ ହେଲା । ଆଉ ଏବେ ଶୁଣା ଯାଉଛି ରାଷ୍ଟ୍ରପତିଙ୍କ 3 ଦିନିଆ ଓଡ଼ିଶା ଗସ୍ତ ସରିବା ପରେ ପୁଣି ଅଗଷ୍ଟ 6 ତାରିଖରେ ମୁଖ୍ୟମନ୍ତ୍ରୀ ଦିଲ୍ଲୀ ଯାଇପାରନ୍ତି । ମୁଖ୍ୟମନ୍ତ୍ରୀଙ୍କ ବାରମ୍ବାର ଦିଲ୍ଲୀ ଗସ୍ତକୁ ନେଇ ରାଜ୍ୟ ରାଜନୀତିରେ ଚର୍ଚ୍ଚା ଜୋର ଧରୁଛି। 29 ଦିନ ମଧ୍ୟରେ ଦୁଇ ଥର ଦିଲ୍ଲୀ ଯାଇ ଅମିତ ଶାହଙ୍କୁ  ଭେଟିଛନ୍ତି ମୋହନ ମାଝୀ । ବିଜେପି ଏକ ଜାତୀୟ ଦଳ, କେନ୍ଦ୍ରୀୟ ନେତୃତ୍ୱଙ୍କ ସହ ଆଲୋଚନା ପାଇଁ ମୁଖ୍ୟମନ୍ତ୍ରୀ ଦିଲ୍ଲୀ ଯିବାରେ କିଛି ଅସୁବିଧା ନାହିଁ । ମାତ୍ର ଲଗାତର ଗସ୍ତ ପଲିଟିକାଲ ଚର୍ଚ୍ଚାକୁ ସରଗରମ କରୁଛି । ଜୁଲାଇ 2 ତାରିଖରେ ଅମିତ ଶାହ ମୁଖ୍ୟମନ୍ତ୍ରୀଙ୍କୁ ଡାକିଥିଲେ । ଯେଉଁ ବୈଠକରେ ଓଡ଼ିଶାର ଆଇନ ଶୃଙ୍ଖଳା ପରିସ୍ଥିତି ଏବଂ ସରକାରୀ ସ୍କୁଲର ବହିରେ ବ୍ୟାପକ ତ୍ରୁଟିକୁ ନେଇ ଭୀଷଣ ବିରକ୍ତ ହୋଇଥିଲେ ଅମିତ ଶାହ । ଜୁଲାଇ 2 ତାରିଖରେ ଅମିତ ଶାହଙ୍କ ସହ ହୋଇଥିବା CMଙ୍କ ମିଟିଂର ଫଟୋ ବାହାରକୁ ଆସିଲା ନାହିଁ । ସେହି ବୈଠକର ଫଟୋ ନ ଉଠାଇବାକୁ ଗୃହମନ୍ତ୍ରୀ ଅମିତ ଶାହଙ୍କର ଅଫିସ ପକ୍ଷରୁ କଡ଼ା ନିର୍ଦ୍ଦେଶ ଥିଲା । ଏପରିକି ଓଡ଼ିଶାର BJP ନେତୃବର୍ଗଙ୍କୁ କୁହାଯାଇଥିଲା ଯେ ଶାହଙ୍କୁ ଭେଟିବା ସମୟରେ ଫୁଲତୋଡ଼ା ଉପହାର ଦେବେ ନାହିଁ । କିନ୍ତୁ ଜୁଲାଇ 31 ତାରିଖରେ ମୁଖ୍ୟମନ୍ତ୍ରୀଙ୍କୁ ଦିଲ୍ଲୀରୁ ଡ଼କରା ନଥିଲା ! ମୋହନ ମାଝୀ ନିଜ ଆଡୁ ଯାଇଥିଲେ। ଅମିତ ଶାହଙ୍କୁ ଭେଟିବା ସହ ଫୁଲତୋଡ଼ା ଏବଂ ଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କର ଫଟୋଚିତ୍ର ଦେଉଥିବାର ଫଟୋ ଭାଇରାଲ ହୋଇଛି।

ମନ୍ତ୍ରୀ ପଦ ଯିବା ପରେ ଧର୍ମେନ୍ଦ୍ର ପ୍ରଧାନ ଜୁଲାଇ 28 ତାରିଖରେ ଓଡ଼ିଶା ଆସିଥିଲେ । ଧର୍ମେନ୍ଦ୍ରଙ୍କର ପାଓ୍ୱାର ଶୋର 24 ଘଣ୍ଟା ପରେ ଅର୍ଥାତ ଜୁଲାଇ 29 ତାରିଖରେ ଦିଲ୍ଲୀ ଗଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଧର୍ମେନ୍ଦ୍ରଙ୍କୁ ରିସିଭ୍ କରିବାକୁ ଏୟାରପୋର୍ଟକୁ 21 ଜଣ ବିଧାୟକ ଏବଂ 5 ଜଣ ମନ୍ତ୍ରୀ ଯାଇଥିଲେ। ଧର୍ମେନ୍ଦ୍ର ପ୍ରଧାନଙ୍କର ବାସଭବନ ଅନ୍ୟ 3 ଜଣ ବିଧାୟକ ଏବଂ 2 ଜଣ ମନ୍ତ୍ରୀ ଯାଇ ସାକ୍ଷାତ କଲେ । ଧର୍ମେନ୍ଦ୍ରଙ୍କ ପାୱାର ଶୋ ଦେଖି ମୋହନ ମାଝୀ ଚାଲ ଚଲୋଉଥଇବା ଚର୍ଚ୍ଚା ହେଉଛି । ଜୁଲାଇ 29 ତାରିଖରେ ଦିଲ୍ଲୀ ଯାଇ ନୀତି ଆୟୋଗର ଅଧିକାରୀଙ୍କୁ ଭେଟିଲେ, BJP ସାଂସଦ ମାନଙ୍କ ସହ ମିଟିଂ କଲେ ଏବଂ ମହାନଦୀର ଜଳ ବିବାଦର ସମାଧାନ କରିବା ଲାଗି ଛତିଶଗଡ଼ ମୁଖ୍ୟମନ୍ତ୍ରୀଙ୍କ ସହ ବୈଠକ କଲେ କିନ୍ତୁ 30 ତାରିଖ ସଂଧ୍ୟାରୁ ମୁଖ୍ୟମନ୍ତ୍ରୀ ନିଜ ମିଶନରେ ଲାଗି ପଡିଲେ  । ପ୍ରଧାନମନ୍ତ୍ରୀଙ୍କର ପ୍ରିନିସପାଲ୍ ସେକେଟ୍ରାରୀ ପି.କେ.ମିଶ୍ର ଏବଂ ଶକ୍ତିକାନ୍ତ ଦାସଙ୍କୁ ଭେଟିଲେ । ତାର ପରଦିନ ଅର୍ଥାତ ଜୁଲାଇ 31 ତାରିଖରେ Railway Minister ଅଶ୍ୱିନୀ ବୈଷ୍ଣବଙ୍କ ସହ ଘଣ୍ଟାଏରୁ ଅଧିକ ସମୟ ସିରିୟସ୍ ବୈଠକ ଚାଲିଲା । ରାଜ୍ୟସଭା ସାଂସଦ ଦିଲ୍ଲୀପ ରାୟଙ୍କ ସହ ମଧ୍ୟ ମିଟିଂ କରିଛନ୍ତି ମୁଖ୍ୟମନ୍ତ୍ରୀ ।

ମୋହନଙ୍କୁ ମିଳୁନି ଶାହଙ୍କ ଗ୍ରୀନ୍ ସିଗନାଲ
ଓଡ଼ିଶାର ମନ୍ତ୍ରିମଣ୍ଡଳ ରିସଫଲ୍ କରିବା ପାଇଁ ଏକ ଲିଷ୍ଟ ଧରି ମୁଖ୍ୟମନ୍ତ୍ରୀ ଅମିତ ଶାହଙ୍କ ନିକଟକୁ ଯାଇଥିବା ଚର୍ଚ୍ଚା ହେଉଛି । କିନ୍ତୁ ଅମିତ ଶାହ ମାତ୍ର 5ରୁ 7ମିନିଟ୍ ସମୟ ଦେଇ ଏ ଆଲୋଚନାରେ ଆଗ୍ରହ ଦେଇ ନଥିବା ଚର୍ଚ୍ଚା ହେଉଛି । ମନ୍ତ୍ରିମଣ୍ଡଳ Reshuffle ସଂପର୍କରେ ଅମିତ ଶାହଙ୍କ ଠାରୁ ଗ୍ରୀନ୍ ସିଗନାଲ୍ ମିଳିନି । ବରଂ BJPର ଅର୍ଗନାଇଜିଂ ସେକ୍ରେଟାରୀ B.L.ସନ୍ତୋଷଙ୍କୁ ଭେଟିବା ପାଇଁ ଶାହଙ୍କ ପକ୍ଷରୁ ମୁଖ୍ୟମନ୍ତ୍ରୀଙ୍କୁ କୁହାଗଲା  । ଫଳରେ ମନ୍ତ୍ରିମଣ୍ଡଳ ଅଦଳ ବଦଳ କରି ନିଜ ଲୋକଙ୍କୁ ମିନ୍ତ୍ରୀ କରାଇ ଓଡ଼ିଶା ସରକାର ଉପରେ ଫୁଲ୍ କମାଣ୍ଡ ରଖିବାର ସ୍ୱପ୍ନ ଦେଖୁଥିବା ମୋହନ ମାଝୀଙ୍କର ଏଜେଣ୍ଡାକୁ ଝଟକା ଲାଗିଛି । ଅଗଷ୍ଟ 6ତାରିଖରେ ପୁଣି ଦିଲ୍ଲୀ ଯାଇ ମୁଖ୍ୟମନ୍ତ୍ରୀ ମନ୍ତ୍ରିମଣ୍ଡଳର ସଂପ୍ରସାରଣ ସଂପର୍କରେ ଆଲୋଚନା କରିପାରନ୍ତି । କାରଣ ଅମିତ ଶାହଙ୍କ ଠାରୁ ଗ୍ରୀନ୍ ସିଗନାଲ୍ ନମିଳିବା ପର୍ଯ୍ୟନ୍ତ ମନ୍ତ୍ରିମଣ୍ଡଳ ସଂପ୍ରସାରଣ ଅସମ୍ଭବ ! ଅନ୍ୟପଟେ ବିଜେପିର ରାଜ୍ୟ ନେତା ଏବଂ କର୍ମକର୍ତ୍ତା ବିଭିନ୍ନ କର୍ପୋରେସନରେ ଅଧ୍ୟକ୍ଷ ନିଯୁକ୍ତି କରିବାରେ ବିଫଳତା ପାଇଁ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଦାୟୀ କରୁଛନ୍ତି । ତେବେ ବିଜେପିର ଇଣ୍ଟରନାଲ୍ ଫାଇଟିଂ ଓଡ଼ିଶାର ବିକାଶକୁ କେବଳ ଅଟକାଉ ନାହିଁ ଅଫିସର ରାଜକୁ ସଂପୂର୍ଣ୍ଣ ବାଟ ଖୋଲି ଦେଇଛି ।
ଏ ଷ୍ଟୋରୀ ଲେଖିଛନ୍ତି-ବିଜୟ ବରାଳ

 

BJDରେ ସୁଜାତା, ମାଷ୍ଟରଷ୍ଟ୍ରୋକ୍ ନା ରିସ୍କ

0 Comments read Politics
VK Pandian's wife Sujata Karthikeyan Joins BJD: Strategic Move or Political Risk?

ଭି କାର୍ତ୍ତିକେୟନ୍ ପାଣ୍ଡିଆନଙ୍କ ସ୍ତ୍ରୀ ସୁଜାତା ପାଣ୍ଡିଆନ ବିଦ୍ଧିବଦ୍ଧ ଭାବରେ ବିଜୁ ଜନତା ଦଳରେ ଯୋଗ ଦେଇଛନ୍ତି । ବିଜେଡି ସୁପ୍ରିମୋ ନବୀନ ପଟ୍ଟନାୟକ ତାଙ୍କୁ ଜଣେ ସାଧାରଣ ସଦସ୍ୟ ବୋଲି କ୍ଲିୟର କରିବା ସହିତ ଆଗାମୀ ନିର୍ବାଚନରେ ନିଜେ ଲିଡ୍ ନେବେ ବୋଲି କହିଛନ୍ତି । ତେବେ ସୁଜାତାଙ୍କ ଏଣ୍ଟ୍ରି ଯେତିକି ରୋଚକ ତା ଠୁ ଅଧିକ ରୋଚକ ହେଉଛି ନବୀନଙ୍କ ମନ୍ତବ୍ୟ । ବିଜେଡିରେ ଲିଡରସିପ ସଙ୍କଟକୁ ଭୋଟର ଅଗ୍ରାହ୍ୟ କରିଥିବା ବୁଝି ପାରିଛନ୍ତି ନବୀନ । 

  • ୨୦୦୦ ବ୍ୟାଚ୍‌ର IAS ଅଫିସର ହେଉଛନ୍ତି ସୁଜାତା ଆର୍. କାର୍ତ୍ତିକେୟନ ପାଣ୍ଡିଆନ
  • କେନ୍ଦ୍ରାପଡ଼ାର ମୂଳନିବାସୀ ସୁଜାତା ରାଉତ ଅଣଓଡ଼ିଆ IAS ଅଫିସର ଭି. କେ ପାଣ୍ଡିଆନଙ୍କ ସ୍ତ୍ରୀ
  • ଜଣେ IAS ଅଫିସର ଭାବରେ ସାଇକେଲ ବଣ୍ଟନ, ମଧ୍ୟାହ୍ନଭୋଜନରେ ଅଣ୍ଡା ବଣ୍ଟନ, ମମତା ଟଙ୍କା ବଣ୍ଟନ କ୍ଷେତ୍ରରେ ପ୍ରମୁଖ ଭୂମିକା ଲିଭେଇଛନ୍ତି ସୁଜାତା
  • ୨୦୨୧ ଜୁନ୍ ୧ରେ ସ୍ୱତନ୍ତ୍ର ମିଶନ ଶକ୍ତି ବିଭାଗ ଗଠନ ହେବା ପରେ କମିଶନର-କମ୍-ସଚିବ ଭାବେ ଦାୟିତ୍ୱ ଗ୍ରହଣ କରିଥିଲେ ସୁଜାତା ।
  • ୨ ମେ ୨୦୨୪ରେ ନିର୍ବାଚନ ଆୟୋଗ, ସରକାରୀ କାର୍ଯ୍ୟାଳୟର ଅପବ୍ୟବହାର ଅଭିଯୋଗ ଦର୍ଶାଇ ତାଙ୍କୁ ମିଶନ ଶକ୍ତିର କମିଶନର-କମ୍-ସଚିବ ପଦରୁ ବଦଳି କରିବାକୁ ନିର୍ଦ୍ଦେଶ ଦେଇଥିଲେ। ଏହା ପରେ ତାଙ୍କୁ ଅର୍ଥ ବିଭାଗର ସ୍ୱତନ୍ତ୍ର ସଚିବ ଦାୟିତ୍ୱ ମିଳିଥିଲା
  • ବିଜୁ ଜନତା ଦଳର ପରାଜୟ ପରେ ପ୍ରଶାସନୀକ ଅଧିକାରୀ ଭାବେ କାମ କରୁଥିବା ମିସେସ ପାଣ୍ଡିଆନ
    ମାର୍ଚ୍ଚ ୧୩, ୨୦୨୫ରେ voluntary retirement ନେଇ ଏବେ ପଲିଟିକ୍ସରେ ଏଣ୍ଟ୍ରି କରିଛନ୍ତି ।
  • ପୂର୍ବରୁ ସୁଜାତାଙ୍କ ସ୍ୱାମୀ ଭି. କେ ପାଣ୍ଡିଆନ ମଧ୍ୟ ଚାକିରୀରୁ ଭି ଆର ଏସ ନେଇ ବିଜେଡିର ନେତୃତ୍ୱ ନେଇଥିଲେ ।
  • ବିଜେଡିର ପରାଜୟ ପରେ ଅଣଓଡ଼ିଆ ଫ୍ୟାକ୍ଟରକୁ ବୁଝିପାରି ସ୍ତ୍ରୀ ସୁଜାତାଙ୍କୁ ଆଗକୁ ଛାଡ଼ି ଥାଇ ପାରନ୍ତି ପାଣ୍ଡିଆନ ।
  • ତେବେ ଏବେ ଦେଖିବା ବାକି ରହିଲା ବିଜେଡି ପାଇଁ ଆସେଟ୍ ନା ବୁମେରାଂ ହେବେ ମିସେସ ପାଣ୍ଡିଆନ ?

ହଜିଗଲା ଓଡ଼ିଆ ଅସ୍ମିତା, ଢେଙ୍କାନାଳ IAS/IPSଙ୍କୁ ଅଣଦେଖା

0 Comments read News, Politics

ଅବିଭକ୍ତ ଢେଙ୍କାନାଳ ଜିଲ୍ଲାର ସର୍ବାଧିକ ଚର୍ଚ୍ଚିତ IAS ଅଫିସର ପ୍ୟାରୀମୋହନ ମହାପାତ୍ର । 1963 ମସିହାରେ ସିଭିଲ୍ ସର୍ଭିସ ପରୀକ୍ଷାରେ କୃତକାର୍ଯ୍ୟ ହୋଇ ଭାରତୀୟ ପ୍ରଶାସନିକ ସେବାରେ ଯୋଗ ଦେଇଥିଲେ । ଚାକିରୀରୁ ଅବସର ନେବା ପରେ 2000ରୁ 2012 ମସିହା ପର୍ଯ୍ୟନ୍ତ ନବୀନ ପଟ୍ଟନାୟକଙ୍କ ସରକାରରେ ଦ୍ୱିତୀୟ କ୍ଷମତା କେନ୍ଦ୍ର ଥିଲେ ପ୍ୟାରୀବାବୁ । କିନ୍ତୁ, ମୋହନ ମାଝୀଙ୍କ ସରକାରରେ ଢେଙ୍କାନାଳ ଜିଲ୍ଲାର ଅଫିସର ମାନଙ୍କୁ ଅବହେଳା କରାଯାଉଛି।

ଚିଫ୍ ସେକ୍ରେଟାରୀ ହୋଇପାରିଲେନି ସତ୍ୟବ୍ରତ ସାହୁ
ବିଜେପି ସରକାରରେ ଅଣଓଡ଼ିଆ  ଅଫିସର ଏବଂ କର୍ପୋରେଟ୍ ଲବି ଭିତରେ ଓଡ଼ିଆ ଅସ୍ମିତା ନିଜର  ଅସ୍ତିତ୍ୱ ହରାଇ ସାରିଲାଣି ।  ମୋହନ ମାଝୀ ସରକାରଙ୍କ ଅଣଓଡ଼ିଆ ପ୍ରୀତିରେ ଢେଙ୍କାନାଳ ଜିଲ୍ଲାର ସ୍ୱାଭିମାନକୁ ଜଳାଞ୍ଜଳି ଦିଆଯାଉଛି । 1991 ବ୍ୟାଚର ଆଇଏସ୍ ଅଫିସର ସତ୍ୟବ୍ରତ ସାହୁ ଓଡ଼ିଶାର ମୁଖ୍ୟ ଶାସନ ସଚିବ ହୋଇ ପାରି ଥାଆନ୍ତେ । କିନ୍ତୁ ତାଙ୍କୁ ବୋର୍ଡ ଅଫ୍ ରେଭେନ୍ୟୁକୁ ଠେଲି ଦିଆଗଲା । ଆଉ ସେହି ବ୍ୟାଚର ଅଣଓଡ଼ିଆ IAS ଅଫିସର ଅନୁ ଗର୍ଗଙ୍କୁ ମୁଖ୍ୟ ଶାସନ ସଚିବ କରି ଦିଆଗଲା । ଢେଙ୍କାନାଳ ଟାଉନର ହାଟରୋଡର ମୂଳନିବାସୀ ସତ୍ୟବ୍ରତ ସାହୁ କଣ ଚିଫ୍ ସେକ୍ରେଟାରୀ ହେବାକୁ ଅଯୋଗ୍ୟ ଥିଲେ?
OERCରୁ ପ୍ରଦୀପ ଜେନାଙ୍କ ଇସ୍ତଫା!
ଢେଙ୍କାନାଳ ଜିଲ୍ଲା ଭୁବନର ପ୍ରଦୀପ ଜେନାଙ୍କ କ୍ଷେତ୍ରରେ ବି ସମାନ ଅବସ୍ଥା । OERCର ଅଧ୍ୟକ୍ଷ ଭାବେ ଦାୟିତ୍ୱ ତୁଲାଇଥିବା ପୂର୍ବତନ ଚିଫ୍ ସେକ୍ରେଟାରୀ ପ୍ରଦୀପ ଜେନା 25 ମେ’ରେ ବ୍ୟକ୍ତିଗତ କାରଣ ଦର୍ଶାଇ ନିଜ ପଦରୁ ଇସ୍ତଫା ଦେଲେ । କିନ୍ତୁ ବାସ୍ତବ କଥା ହେଉଛି ଅଣଓଡ଼ିଆ ଶକ୍ତି ସଚିବ, ଶକ୍ତିମନ୍ତ୍ରୀ ଏବଂ ଟାଟା ପାୱାରର ଲବିରେ ଅଣନିଶ୍ୱାସୀ ହୋଇ ପଡ଼ିଥିଲେ ପ୍ରଦୀପ ଜେନା । ବିଦ୍ୟୁତ୍ ଦର ବୃଦ୍ଧିକୁ ବିରୋଧ ଏବଂ ଲୋକମାନଙ୍କ ଘରେ ଅଯଥାରେ ସ୍ମାର୍ଟ ମିଟର ବସାଇବାକୁ ପସନ୍ଦ କରୁ ନଥିଲେ । ଫଳରେ ସମ୍ପୂର୍ଣ୍ଣ ସୁସ୍ଥ ଥାଇ ମଧ୍ୟ ନିଜର ସ୍ୱାଭିମାନକୁ ବଞ୍ଚାଇବା ପାଇଁ ମନ୍ତ୍ରୀ ଅଫିସର ଏବଂ କର୍ପୋରେଟ୍ ଲବିକୁ ଗୁଡବାଏ କହିଲେ। ଆଉ ଏହି ଅଣଓଡ଼ିଆ ରାଜର ପରବର୍ତ୍ତୀ ଟାର୍ଗେଟରେ ଢେଙ୍କାନାଳ ଟାଉନର ଭାଗିରଥୀବିହାରର ମୂଳନିବାସୀ ସୁଧାଂଶୁ ଷଡ଼ଙ୍ଗୀ ।

DGP ହେବେ ତ ସୁଧାଂଶୁ ଷଡ଼ଙ୍ଗୀ?

1990 ବ୍ୟାଚର ଆଇପିଏସ ଅଫିସର ସୁଧାଂଶୁ ଷଡ଼ଙ୍ଗୀଙ୍କୁ ପୂର୍ବରୁ DGP କରାଯାଇ ପାରି ଥାଆନ୍ତା । କିନ୍ତୁ  ସୁଧାଂଶୁ ଷଡ଼ଙ୍ଗୀଙ୍କ ବଦଳରେ ତାଙ୍କରି ବ୍ୟାଚର ୱାଇ.ବି ଖୁରାନୀଆଙ୍କୁ ଡିଜିପି କରାଗଲା । ଏବେ ଖୁରାନୀଆଙ୍କ ପରେ ସୁଧାଂଶୁ ଷଡ଼ଙ୍ଗୀ ସବୁଠୁ ସିନିୟର ମୋଷ୍ଟ IPS ଅଫିସର । ଅଗଷ୍ଟ ମାସରେ  ଖୁରାନୀଆଙ୍କର ରିଟାୟାରମେଣ୍ଟ ପରେ ସୁଧାଂଶୁ ଷଡ଼ଙ୍ଗୀ DGP ହେବା କଥା । କିନ୍ତୁ ସୁଧାଂଶୁ ଷଡ଼ଙ୍ଗୀଙ୍କୁ DGP କରାଇ ଦେବାକୁ ଚାହୁଁ ନାହାନ୍ତି ଭିଆରଏସ ନେଇଥିବା ଜଣେ ଅଣଓଡ଼ିଆ ପାୱାରଫୁଲ IAS ଅଫିସର । ଏବେ ଦିଲ୍ଲୀ ରାଜନୀତିରେ ଖୁବ୍ ପାୱାରଫୁଲ ଥିବା ସେହି IAS ଅଫିସର ସୁଧାଂଶୁ ଷଡ଼ଙ୍ଗୀଙ୍କ ସ୍ଥାନରେ ଅଣ ଓଡ଼ିଆ IPS ଅଫିସର ବିନୟତୋଷ ମିଶ୍ର କିମ୍ବା ଆର. ପି କୋଚ୍ଚେଙ୍କୁ DGP କରିବା ପାଇଁ ପୂରା ଦମରେ ଲାଗିଛନ୍ତି । ତାହେଲେ  ବିଜେପି ସରକାର ଯେମିତି ପ୍ରଥମେ ଓଡ଼ିଆ ଅସ୍ମିତାକୁ ବନ୍ଧା ପକାଇଲେ ଏବେ କଣ ଢେଙ୍କାନାଳର ସ୍ୱାଭିମାନକୁ ଦଳି ଚକଟି ଦେବେ? ଓଡ଼ିଆ ଅସ୍ମିତା କ’ଣ ଢେଙ୍କାନାଳ ବିରୋଧୀ? 
ଏ ଷ୍ଟୋରୀ ଲେଖିଛନ୍ତି- ବିଜୟ କେତନ ବରାଳ 

ଧାନର MSP ବଢ଼ିଲା : ଓଡ଼ିଶା ସରକାରଙ୍କ ୬୮୫ କୋଟି ବଞ୍ଚିବ

0 Comments read News, Politics

ଧାନ କ୍ୱିଣ୍ଟାଲ ପିଛା 800 ଟଙ୍କାର ବୋନସ୍ ଦେବାର ପ୍ରତିଶ୍ରୁତିରେ ଖିଲାଫ କରିଛନ୍ତି ରାଜ୍ୟ ସରକାର । କେନ୍ଦ୍ର ସରକାରଙ୍କ MSP ଯେତିକି ବଢୁଛି ରାଜ୍ୟ ସରକାରଙ୍କ ବୋନସ୍ ସେତିକି କମୁଛି । ଧାନ କ୍ୱିଣ୍ଟାଲ ପିଛା ଚାଷୀମାନଙ୍କୁ 800 ଟଙ୍କାର ବୋନସ୍ ପ୍ରଦାନ କରିବାକୁ କଥା ଦେଇ କଥା ରଖି ପାରୁ ନାହାନ୍ତି ସରକାର ।
2024 ମେ’ 5ରେ ବିଜେପି ପକ୍ଷରୁ 60 ପେଜର ମୋଦୀଙ୍କ ଗ୍ୟାରେଣ୍ଟି-2024 ଘୋଷଣାପତ୍ର ପ୍ରକାଶ ପାଇଥିଲା । ସେହି ଘୋଷଣା ପତ୍ରର 21ଟି ସଂକଳ୍ପ ମଧ୍ୟରେ ଦ୍ୱିତୀୟରେ ଥିଲା-ଧାନ
ଆମେ ସମୃଦ୍ଧ କୃଷକ ନୀତି ଆରମ୍ଭ କରିବୁ, ଏହି ନୀତି ଜରିଆରେ..

  • ଧାନ କ୍ୱିଣ୍ଟାଲ ପିଛା କ୍ରୟ ମୂଲ୍ୟ 3100 ଟଙ୍କା ଧାର୍ଯ୍ୟ କରିବୁ
  • ମାନେ 2024 ମସିହାରେ ଧାନ କ୍ୱିଣ୍ଟାଲର ସର୍ବନିମ୍ନ ସହାୟକ(MSP) ଦର ଥିଲା-2300
  • ଓଡ଼ିଶାରେ ଯଦି ବିଜେପି ସରକାର ଆସିବ, ତାହେଲେ ଧାନ କ୍ୱିଣ୍ଟାଲ ପିଛା ଚାଷୀମାନଙ୍କୁ ରାଜ୍ୟ ସରକାର 800 ଟଙ୍କାର ବୋନସ୍ ପ୍ରଦାନ କରିବେ
  • 12 ଜୁନ 2024ରେ ଶପଥ ନେଇ କ୍ୟାବିନେଟର ପ୍ରଥମ ବୈଠକରେ ଧାନ କ୍ୱିଣ୍ଟାଲ ପିଛା 3100 ଟଙ୍କା ପ୍ରଦାନକୁ ମଞ୍ଜୁର ଦେଲେ ମୋହନ ସରକାର
  • 8 ଡିସେମ୍ବର 2024 ମସହିହାରେ ବରଗଡ଼ ଜିଲ୍ଲାର ସୋହେଲା ଠାରେ ଚାଷୀମାନଙ୍କୁ 800 ଟଙ୍କାର ବୋନସ୍ ପ୍ରଦାନ କଲେ
    କିନ୍ତୁ ଏହା ପରବର୍ତ୍ତି ବର୍ଷ ମାନେ 2025 ଖରିଫ ଧାନ କିଣା ହେଲା ବେଳକୁ ମୋହନ ସରକାର ଧାନ କ୍ୱିଣ୍ଟାଲ ପିଛା 800 ଟଙ୍କା ପରିବର୍ତ୍ତେ 731 ଟଙ୍କା ଦେଲେ
  • ଆସନ୍ତା ଖରିଫ ଧାନ ଯେତେବେଳେ 2026 ଡିସେମ୍ବର ମାସରେ କିଣାଯିବ, ସେତେବେଳ 800 ଟଙ୍କାର ବୋନସ୍ ବଦଳରେ ସରକାର 659 ଟଙ୍କା ଦେବେ ।
  • ଧାନ କ୍ୱିଣ୍ଟାଲ ପିଛା କ୍ରୟ ମୂଲ୍ୟ 3100 ଟଙ୍କା ଦେବେ, 800 ଟଙ୍କାର ବୋନସ୍ ପ୍ରଦାନ ତାହା ସ୍ଥାୟୀ ରହିବ ନାହିଁ
  • ଅର୍ଥାତ କେନ୍ଦ୍ର ସରକାରଙ୍କ ଦ୍ୱାରା ଧାନର ଧାର୍ଯ୍ୟ MSP ଯେତେ ବଢ଼ିବ, ଓଡ଼ିଶାର ସରକାରଙ୍କ ବୋନସ୍ ରାଶି ସେତିକି କମିବ

ବର୍ଷ                 MSP      ବୋନସ୍         କ୍ୱିଣ୍ଟାଲ୍ ଦର

୨୦୨୪       ୨୩୦୦        ୮୦୦        ୩୧୦୦

୨୦୨୫       ୨୩୬୯        ୭୩୧        ୩୧୦୦

୨୦୨୬      ୨୪୪୧         ୬୫୯        ୩୧୦୦

  • ମେ 13 ତାରିଖରେ କେନ୍ଦ୍ର କ୍ୟାବନେଟ୍ ନିଷ୍ପତ୍ତି ନେଇଛି ଯେ ଧାନର MSP କ୍ୱିଣ୍ଟାଲ ପିଛା 72 ଟଙ୍କା ବୃଦ୍ଧି ପାଇଛି
  • ଫଳରେ 2026 ଖରିଫ ଋତୁରେ ଧାନ କ୍ୱିଣ୍ଟାଲ ଦର 2441 ଟଙ୍କା ହେବ
  • କିନ୍ତୁ ଓଡ଼ିଶା ସରକାର 2441 ଟଙ୍କା ସହ 800 ଟଙ୍କା ଦେବେ ନାହିଁ
  • ନିଜର ପ୍ରତିଶ୍ରୁତିକୁ ଭୁଲି 800 ଟଙ୍କା ବଦଳରେ 659 ଟଙ୍କା ପ୍ରଦାନ କରିବେ

                  କଥା ଦେଇ କଥା ରଖିଲେନି ମୋହନ ସରକାର

ବର୍ଷ                                           ବୋନସ୍                            

୨୦୨୪                                     ୮୦୦                          

୨୦୨୫                                      ୭୩୧                          

୨୦୨୬                                      ୬୫୯ 

 କଥା ଦେଇ କଥା ରଖୁନଥିବା ମୋହନ ସରକାର ଆସନ୍ତା ଖରିଫ ଋତୁରେ ଧାନ କ୍ୱିଣ୍ଟାଲ ପିଛା 72 ଟଙ୍କା କମ୍ ଦେବେ । କାରଣ କେନ୍ଦ୍ର କ୍ୟାବନେଟ୍ ନିଷ୍ପତ୍ତି ନେଇଛି ଯେ ଧାନର MSP କ୍ୱିଣ୍ଟାଲ ପିଛା 72 ଟଙ୍କା ବୃଦ୍ଧି ହେବ । ଓଡ଼ିଶା ସରକାର ବର୍ଷକୁ ପ୍ରାୟ 95 ଲକ୍ଷ ମେଟ୍ରିକ୍ ଟନ୍ ଧାନ କିଣୁଛନ୍ତି । ଯଦି ଧାନ କ୍ୱିଣ୍ଟାଲ ପିଛା 72 ଟଙ୍କା କମ୍ ବୋନସ୍ ଦେବେ, ତେବେ 95 ଲକ୍ଷ ମେଟ୍ରିକ୍ ଟନ୍ ଧାନ କିଣାରେ ଓଡ଼ିଶା ସରକାରଙ୍କ ବୋନସ୍ ପ୍ରଦାନ ରାଶି 684 କୋଟି ଟଙ୍କା ହ୍ରାସ ପାଇବ । ମୋହନ ମାଝୀଙ୍କ 685 କୋଟି ଟଙ୍କା ଆର୍ଥିକ ବୋଝକୁ କମାଇ ଦେଲେ ମୋଦୀ ସରକାର ।
ଏ ଷ୍ଟୋରୀ ଲେଖିଛନ୍ତି- ବିଜୟ କେତନ ବରାଳ