ନବୀନ ପଟ୍ଟନାୟକଙ୍କ ପରି ଭୟ ନକରି କଲେଜ ଏବଂ ୟୁନିଭରସିଟି ଛାତ୍ରସଂସଦ ନିର୍ବାଚନ କରାଇବାକୁ ସାହସ କଲେ ମୁଖ୍ୟମନ୍ତ୍ରୀ ମୋହନ ମାଝୀ। 8 ବର୍ଷ ପରେ ଛାତ୍ରସଂସଦ ନିର୍ବାଚନ ହେଲା। ସରକାରୀ ଦଳର ସମର୍ଥନ ପାଇ ଅଖିଳ ଭାରତୀୟ ପରିଷଦ-ABVP ଆଗରେ ରହିଲା, କିନ୍ତୁ ବିଜୁ ଜନତା ଦଳର ଛାତ୍ର ୟୁନିଟ୍ ଦେଲା କଡ଼ା ଟକ୍କର । ଉତ୍କଳ ୟୁନିଭରସିଟି, ବ୍ରହ୍ମପୁର ବିଶ୍ୱବିଦ୍ୟାଳୟ, କେନ୍ଦୁଝରର ଧରଣୀଧର ବିଶ୍ୱବିଦ୍ୟାଳୟ, କଳାହାଣ୍ଡିର ମା’ ମାଣିକେଶ୍ୱରୀ, ଗଙ୍ଗାଧର ମେହେର ବିଶ୍ୱବିଦ୍ୟାଳୟ ଏବଂ ସମ୍ବଲପୁର ୟୁନିଭରସିଟି ପରି 6ଟି ବିଶ୍ୱବିଦ୍ୟାଳୟରେ ABVPର ଦବଦବା ରହିଛି । କିନ୍ତୁ ରମାଦେବୀ ମହିଳା ବିଶ୍ୱବିଦ୍ୟାଳୟରେ ଛାତ୍ର ବିଜେଡିର ପ୍ରାର୍ଥୀ ବିଜୟୀ ହୋଇଛନ୍ତି । ସେହିଭଳି ଖଲ୍ଲିକୋଟ ୟୁନିଭରସିଟିରେ ଦଳୀୟ ପ୍ରାର୍ଥୀଙ୍କୁ ପଛରେ ପକାଇ ବାଜିମାତ କରିଛନ୍ତି ସ୍ୱାଧୀନ ପ୍ରାର୍ଥୀ। ବାରିପଦାର ମହାରାଜା କୃଷ୍ଣଚନ୍ଦ୍ର ଭଞ୍ଜଦେଓ, ବାଲେଶ୍ୱରର ଫକୀର ମୋହନ ୟୁନିଭରସିଟି, ରେଭେନ୍ସା ବିଶ୍ୱବିଦ୍ୟାଳୟ, ମଧୁସୂଦନ ଲ ୟୁନିଭରସିଟି ଏବଂ ଜୟପୁରର ବିକ୍ରମଦେବ ବିଶ୍ୱବିଦ୍ୟାଳୟରେ ବିଜେପି ସମର୍ଥିତ ABVPର ସଭାପତି ପ୍ରାର୍ଥୀଙ୍କୁ ଝଟକା ଲାଗିଛି।

ରାଜ୍ୟର 17ଟି ସରକାରୀ ବିଶ୍ୱବିଦ୍ୟାଳୟରେ ଚିଟିଂ ଷ୍ଠାଫଙ୍କ ଘୋର ଅଭାବ ଛାତ୍ରସଂସଦ ନିର୍ବାଚନକୁ ଯଥେଷ୍ଟ ପ୍ରଭାବିତ କରିଛି । ସରକାରୀ ବିଶ୍ୱବିଦ୍ୟାଳୟ ଗୁଡିକରେ 2086 ଜଣ ପ୍ରଫେସର, ଆସୋସିଏଟ୍ ପ୍ରଫେସର ଏବଂ ଆସିଷ୍ଟାଣ୍ଟ ପ୍ରଫେସର ଶିକ୍ଷାଦାନ କରିବା କଥା । କିନ୍ତୁ ଏବେ ପାଠ ପଢ଼ାଉଛନ୍ତି ମାତ୍ର 636 ଜଣ ଶିକ୍ଷକ। ଅର୍ଥାତ 1450ଟି ଟିଚିଂ ଷ୍ଟାଫ୍ ପଦ ଖାଲି ପଡିଛି । ଶିକ୍ଷାଦାନରେ ଅବ୍ୟବସ୍ଥା, ଛାତ୍ରସଂସଦ ନିର୍ବାଚନକୁ ପ୍ରଭାବିତ କଲା। ଯାହା ଫଳରେ ବିଶ୍ୱବିଦ୍ୟାଳୟ ଗୁଡିକରେ ବିଜେପି ସମର୍ଥିତ ABVP ପ୍ରାର୍ଥୀଙ୍କୁ ଅଡୁଆ ହେଲା । ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ଜିଲ୍ଲା ଭଦ୍ରକରେ ବାଜି ମାରିଛି ଛାତ୍ର ବିଜେଡି। ଭଦ୍ରକ ଏବଂ ଚାନ୍ଦବାଲି ନିର୍ବାଚନ ମଣ୍ଡଳୀର ବିଭିନ୍ନ କଲେଜରେ ପ୍ରେସିଡେଣ୍ଟ,ସେକ୍ରେଟାରୀ ସମେତ ଅନ୍ୟ ପୋଷ୍ଟ ହାତେଇଛି ବିଜେଡି । ତେବେ ଉଚ୍ଚଶିକ୍ଷାମନ୍ତ୍ରୀ ସୂରଜ ସୁର୍ଯ୍ୟବଂଶିଙ୍କ ନିର୍ବାଚନ ମଣ୍ଡଳୀ ଧାମନଗର ଅଞ୍ଚଳରେ ଥିବା କଲେଜ ଗୁଡିକରେ ABVP ପ୍ରାର୍ଥୀ ବିଜୟୀ ହୋଇଛନ୍ତି।ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ସମର୍ଥିତ ସଭାପତି ପ୍ରାର୍ଥୀ ନିମାପଡ଼ା କଲେଜରେ ହାରିଛନ୍ତି। ବିଜେପି ନେତା ସମୀର ଦାଶଙ୍କ ଗୋଟି ଚାଳନାରେ ଫେଲ୍ ମାରିଛନ୍ତି ଡେପୁଟି ସିଏମ୍। ସେହିଭଳି ବାଚସ୍ପତି ସୁରମା ପାଢୀ ଏବଂ ବିଜେପି ଯୁବମୋର୍ଚ୍ଚାର ରାଜ୍ୟ ସଭାପତି ଅଭିଳାଶ ପଣ୍ଡାଙ୍କ ନୟାଗଡ଼ ଜିଲ୍ଲାରେ ବି ସମାନ ଅବସ୍ଥା । ବିଜେପି ପାୱାରରେ ଥାଇବି ପଛରେ ପଡ଼ିଲା ABVP। ବୈଜୟନ୍ତ ପଣ୍ଡାଙ୍କ ଗଡ଼ କେନ୍ଦ୍ରାପଡ଼ା ଅଟୋନୋମସ୍ କଲେଜରେ ଭିକ୍ଟ୍ରି ହାତେଇଛି ବିସିଜେଡି। ବିଜେପିର ନ୍ୟାସନାଲ ସ୍ପୋକ୍ ପର୍ସନ୍ ସମ୍ବିତ ପାତ୍ରଙ୍କର ସଂସଦୀୟ କ୍ଷେତ୍ର ପୁରୀ ୱୋମେନ୍ସ କଲେଜରେ ବିସିଜେଡି ୱିନ୍ କରିଥିଲା ବେଳେ ଏସିସିଏସ୍ କଲେଜରେ ଷ୍ଟୁଡେଣ୍ଟସଙ୍କ ଭରସା ଜିତିଛନ୍ତି ସ୍ୱାଧୀନ ପ୍ରାର୍ଥୀ। ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀଙ୍କ ସଂସଦୀୟ କ୍ଷେତ୍ରରେ ତ ସାଙ୍ଘାତିକ ଅବସ୍ଥା । ବାଲେଶ୍ୱରର 17 କଲେଜରୁ ABVPକୁ ମାତ୍ର 5 ପ୍ରେସିଡେଣ୍ଟ ସିଟ୍ ମିଳିଥିଲା ବେଳେ ବିସିଜେଡିକୁ ମିଳିଛି 10 ସିଟ୍। ଯୋଉ କଣ୍ଟାବାଞ୍ଜି ନବୀନ ପଟ୍ଟନାୟକଙ୍କୁ ଅସ୍ୱୀକାର କରିଥିଲା, ସେହି କଣ୍ଟାବାଞ୍ଜି ଭୋକେସନାଲ କଲେଜରେ ଛାତ୍ରଛାତ୍ରୀଙ୍କ ଭରସା ଜିତିଛି ବିସିଜେଡି। ତେବେ ଅସଲ କଥା ହେଲା ବିଭିନ୍ନ ୟୁନିଭରସିଟିରେ ଟିଟିଂ ଷ୍ଟାଫ ସର୍ଟେଜ ରହିବା ଏବଂ ବିଜେପିର 28 ମାସର ସରକାରରେ ସନ୍ତୋଷ ଜନକ ପୋଷ୍ଟିଂ ନହେବା ଏବିଭିପିକୁ କାଳ ବୋଲି ଚର୍ଚ୍ଚା।