ଅମିତାଭ ବଚ୍ଚନଙ୍କ କାମ ଛଡ଼ାଇ ନେଇଥିଲେ ସଞ୍ଜୟ ଦତ୍ତ । ଅମିତାଭଙ୍କ ପାଇଁ ଲେଖା ହୋଇଥିବା କାହାଣୀରେ ଅଭିନୟ କରିଥିଲେ ସଞ୍ଜୟ । ଅମିତାଭଙ୍କୁ ରିପ୍ଲେସ କରି ହିଟ୍ ବି ହୋଇଥିଲେ । ୧୯୯୩ ମସିହାରେ, ସୁଭାଷ ଘାଇଙ୍କ ଡିରେକ୍ସନରେ ରିଲିଜ ହୋଇଥିଲା ଫିଲ୍ମ ‘ଖଳନାୟକ’ । ଅମିତାଭଙ୍କୁ ଆଖି ଆଗରେ ରଖି ଡାଇଲଗ୍ ପ୍ରସ୍ତୁତ ହୋଇଥିଲା ମାତ୍ର କିଛି ବିବାଦ ଯୋଗୁଁ ଏଥିରେ ଏଣ୍ଟ୍ରି ମାରିଲେ ସଞ୍ଜୟ । ଅମିତାଭଙ୍କ ପରିବର୍ତ୍ତେ ସଞ୍ଜୟ ଦତ୍ତଙ୍କୁ ହିଁ ଲିଡ ରୋଲ ଦିଆଗଲା । ଏହା ବକ୍ସ ଅଫିସରେ ହିଟ୍ ସାବ୍ୟସ୍ତ ହୋଇଥିଲା। ଫିଲ୍ମରେ ସଞ୍ଜୟ ଦତ୍ତ ଚମତ୍କାର ଚରିତ୍ରରେ ନଜର ଆସିଥିଲେ । ମାଧୁରୀ ଦୀକ୍ଷିତ ଓ ଜ୍ୟାକି ଶ୍ରଫ୍ଙ୍କ ଅଭିନୟ ମଧ୍ୟ ଫିଲ୍ମକୁ ଅଧିକ ସଫଳ କରିଥିଲା। ଏହା ଏତେ ଭଲ ପ୍ରଦର୍ଶନ କରିଥିଲା ଯେ ୧୯୯୩ ମସିହାର ଦ୍ୱିତୀୟ ସର୍ବାଧିକ ରୋଜଗାର କରିଥିବା ଫିଲ୍ମ ହୋଇଥିଲା। ଫିଲ୍ମରେ ସଞ୍ଜୟ ଦତ୍ତ ଗ୍ୟାଙ୍ଗଷ୍ଟର ବଲ୍ଲୁ ବଳରାମ ପ୍ରସାଦ ଭୂମିକାରେ ନଜର ଆସିଥିଲେ, ଯାହା ଆଜି ବି ଲୋକପ୍ରିୟ ଚଳଚ୍ଚିତ୍ର ହୋଇ ରହିଛି।
ସୁଭାଷ ଘାଇ ପ୍ରଥମେ ଅମିତାଭ ବଚ୍ଚନଙ୍କ ସହିତ ଏହି ଫିଲ୍ମ କରିବାକୁ ଚାହୁଁଥିଲେ, ଯାହାର ନାଁ ‘ଦେବା’ ହେବାର ଥିଲା। ସଞ୍ଜୟ ଦତ୍ତଙ୍କ ଏଣ୍ଟ୍ରି ପରେ ସୁଭାଷ ଘାଇ ପରେ ନୂଆ ଷ୍ଟାରକାଷ୍ଟ, ଟାଇଟଲ୍ ଚେଞ୍ଜ କରି ଫିଲ୍ମର କାମ ପୁଣି ଆରମ୍ଭ କରିଥିଲେ। ଅମିତାଭଙ୍କ ପାଇଁ ଲେଖାଯାଇଥିବା ସେହି କାହାଣୀରେ ନଜର ଆସିଥିଲେ ସଞ୍ଜୟ ଦତ୍ତ। ୧୯୯୩ ମସିହାରେ ରିଲିଜ୍ ହୋଇଥିବା ସୁଭାଷ ଘାଇଙ୍କ ଫିଲ୍ମ ‘ଖଳନାୟକ’ ବକ୍ସ ଅଫିସରେ ବଡ଼ ହିଟ୍ ସାବ୍ୟସ୍ତ ହୋଇଥିଲା। ଏବେ ‘ଖଳନାୟକ ୨’ ଘୋଷଣା ପରେ ପୁଣିଥରେ ଚର୍ଚ୍ଚାରେ ଆସିଛି ଏହି ସୁପରହିଟ୍ ଫିଲ୍ମର ଅଜଣା କାହାଣୀ। ଦେଖିବାକୁ ବାକି, ସିକ୍ୱେଲରେ ସଞ୍ଜୟ ଦତ୍ତ କେତେ ବଡ଼ ଧମାକା କରୁଛନ୍ତି।
