ନୂଆପଡ଼ାରେ AI ପ୍ରଚାର

0 Comments read News
AI Campaign Takes Center Stage in Nuapada By-Election

ନୂଆପଡ଼ା ପଲିଟିକ୍ସରେ AI, କେଉଁଠି ସମ୍ପର୍କ  ଭାଙ୍ଗୁଛି ତ ପୁଣି କେଉଁଠି ଖେଳ ବିଗାଡ଼ୁଛି । ଅଡ଼ୁଆ ହେଉଛି ଏଆଇ ଫଟୋ ଏବଂ  ଡିପ୍ ଫେକ୍ ଭିଡିଓ।ବର୍ତ୍ତମାନ ସବୁ କ୍ଷେତ୍ରରେ ଦିନକୁ ଦିନ ଆର୍ଟିଫିସିଆଲ ଇଣ୍ଟେଲିଜେନ୍ସର ବ୍ୟବହାର ବଢୁଥିଲାବେଳେ ସେଥିରୁ ବାଦ୍ ପଡ଼ିନି ନୂଆପଡ଼ା ବାଇ ଇଲେକ୍ସନ୍ । ନିଜ ଦଳର ଭୋଟ୍ ବଢେଇବାକୁ ଏଆଇର ବ୍ୟବହାର ସାଙ୍ଗକୁ ଅପୋଜିସନ୍ ପାର୍ଟିର ଭୋଟ୍ କମାଇବାକୁ ମଧ୍ୟ ଏଆଇର ବ୍ୟବହାର କରାଯାଉଛି ।ଭୋଟ ପୂର୍ବରୁ ବିଭିନ୍ନ ରାଜନୈତିକ ଦଳର ଏଆଇ ଜେନେରେଟେଡ୍ ଫଟୋ, ଭିଡ଼ିଓ ମୋବାଇଲରୁ ମୋବାଇଲକୁ ଘୂରି ବୁଲୁଛି। ପ୍ରାର୍ଥୀମାନେ ଜିତିବା ପାଇଁ ନୂଆ ନୂଆ ସମୀକରଣ ତିଆରି କରୁଥିବା ବେଳେ ଏଆଇ ଜେନେରେଟେଡ ଗୋଟିଏ ଫଟୋ କିମ୍ବା ଭିଡିଓ ସବୁ ଖେଳ ବିଗାଡ଼ି ଦେଉଛି।

ନୂଆପଡ଼ା ଜିଲ୍ଲାର ବିଭିନ୍ନ ସୋସିଆଲ ମିଡ଼ିଆ ଗ୍ରୁପରେ ଭାଇରାଲ ହେଉଛି ଏଆଇ ଜେନେରେଟେଡ ଫଟୋ ଭିଡିଓ । ଏକ ଭିଡିଓରେ ତ ଏମିତି ଦେଖାଯାଉଛି ଯେଉଁଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ରାଜ୍ୟ ସଭାପତି ନବୀନ ପଟ୍ଟନାୟକ ଓ ପ୍ରଦେଶ କଂଗ୍ରେସ ସଭାପତି ଭକ୍ତଚରଣ ଦାସ ଦୌଡ଼ ପ୍ରତିଯୋଗିତାରେ ଭାଗ ନେଇଛନ୍ତି। ଏଥିରେ ସମସ୍ତେ ଚାମ୍ପିଅନ ହେବାକୁ ଚେଷ୍ଟା କରୁଛନ୍ତି କିନ୍ତୁ ସମସ୍ତଙ୍କୁ ପଛରେ ପକାଇ ନବୀନ ପଟ୍ଟନାୟକ ବିଜୟୀ ହେଉଛନ୍ତି । ବିଜେଡିର ସମର୍ଥକ ଏହି ପ୍ରକାରର ଭିଡିଓ ପୋଷ୍ଟ କରି ଅପୋଜିସନଙ୍କୁ ଟାର୍ଗେଟ କରିବାରେ ଲାଗିଛନ୍ତି । ସେହିପରି ବସନ୍ତ ପଣ୍ଡା, ଅଭିନଦନ ଏବଂ ଜୟ ଢୋଲକିଆଙ୍କୁ ନେଇ ଏକାଧିକ ଏଆଇ ଫଟୋ ମଧ୍ୟ ଚର୍ଚ୍ଚାର ବିଷୟ ହୋଇଛି। ଜୟ ଢୋଲକିଆ ଗୀତ ଗାଉଥିଲା ବେଳେ ଅଭିନନ୍ଦନ ତାଙ୍କ ମୁଣ୍ଡ ପୋଛିଦବା ଓ ରାଲିରେ ପାଣିବୋତଳ ଧରି ଜୟଙ୍କ ପଛରେ ବୁଲୁଥିବାର ଡିପ୍ ଫେକ୍ ଭିଡିଓ ଭାଇରାଲ ହେଉଛି ।
କିଛି ଫଟୋ ଏମିତି ଅଛି ଯେଉଠି ବିଜେପି ପ୍ରାର୍ଥୀ ଜୟ ଛିଡ଼ା ହୋଇ ହାତଯୋଡ଼ି ଜୁହାର କରୁଛନ୍ତି । ଜୟଙ୍କ ପାର୍ଶ୍ଵରେ ବିଜେପି ପୂର୍ବତନ ରାଜ୍ୟ ସଭାପତି ବସନ୍ତ ପଣ୍ଡା ଓ ଯୁବମୋର୍ଚ୍ଚା ଜିଲ୍ଲା ସଭାପତି ଅଭିନନ୍ଦନ ପଣ୍ଡା କାନ୍ଦୁଛନ୍ତି। ପଣ୍ଡା ବାପା-ପୁଅଙ୍କୁ ଭଗବାନ ଧୈର୍ଯ୍ୟ ଦିଅନ୍ତୁ ବୋଲି ଲେଖା ହୋଇଛି । ଅନ୍ୟ ଏକ ଫଟୋରେ ଜୟ ବିଜେପି ଟିକେଟ୍ ଧରି ହସୁଥିଲା ବେଳେ ପଣ୍ଡା ବାପପୁଅ ଶିଶୁପାଳ ବୋଲି ଲେଖାଯାଇଛି ।

କେବଳ ଏତିକି ନୁହେଁ ନବୀନଙ୍କ ସହ ରାଜୁ ଢୋଲକିଆଙ୍କ ସମର୍ଥନ ଦର୍ଶାଇ ଭିଡ଼ିଓ ଜାରି ହୋଇଛି ।ଆଉ କିଛି ଏମିତି ଫଟ ପୋଷ୍ଟ ହୋଉଛି ଯୋଉଥିରେ ଜୟ ଢୋଲକିଆ ଟିକେଟ ପାଇଁ ବିକ୍ରି ହୋଇଯାଇଥିବାର ବାର୍ତ୍ତା ଆସୁଛି ।ଏସବୁ ଫଟ ଏବଂ ଭିଡିଓ ଦେଖିବାକୁ ମଜା ଲାଗୁଥିଲେ ବି ରାଜନୀତିର ଘିଅରେ ନିଆଁ ଢାଳୁଛି। ବସନ୍ତ ପଣ୍ଡା ଏବଂ ଅଭିନନଦନ ପଣ୍ଡା ଜୟ ଢୋଲକିଆଙ୍କ ପାଇଁ ପ୍ରଚାର ଜାରି ରଖିଥିଲା ବେଳେ ଡିଫ ଫେକ୍ ଭିଡ଼ିଓ ଏବଂ ଏଆଇ ଫଟ ଭିନ୍ନ ବାର୍ତ୍ତା  ଦେଉଛି । ଯାହା ପଣ୍ଡା ଫ୍ୟାମିଲି ସପୋର୍ଟରଙ୍କୁ କଷ୍ଟ ଦେଉଛି । ନୂଆପଡ଼ା ଉପନିର୍ବାଚନରେ ଏଆଇ ଜେନେରେଟେଡ ଫଟୋ ଓ ଭିଡ଼ିଓରେ ବ୍ରେକ୍ ନ ଲାଗିଲେ  ଏହା ନିର୍ବାଚନକୁ ପ୍ରଭାବିତ କରିପାରେ ।

ଢୋଲକିଆଙ୍କ ସ୍ତ୍ରୀଙ୍କ ପ୍ରଚାର : ନବୀନ କରିବେ କାଉଣ୍ଟର

0 Comments read Politics

ନୂଆପଡ଼ାକୁ ଓହ୍ଲାଇବେ ନବୀନ ପଟ୍ଟନାୟକ । ରାଜୁ ଢୋଲକିଆଙ୍କ ସ୍ତ୍ରୀଙ୍କ ପ୍ରଚାରକୁ କରିବେ କାଉଣ୍ଟର ।ବିଧାନସଭା ଯାଉନଥିବା ନବୀନ ଯିବେ ନୂଆପଡ଼ା ।ଥରେ ନୁହେଁ ୨ ଥର ଯିବେ ବିଜେଡି ସୁପ୍ରିମୋ ।ନୂଆପଡ଼ା ଉପନିର୍ବାଚନର ପ୍ରଚାର ମଇଦାନକୁ ଓହ୍ଲାଇବେ ନବୀନ ପଟ୍ଟନାୟକ । ପୂର୍ବତନ ମୁଖ୍ୟମନ୍ତ୍ରୀ ଥରେ ନୁହେଁ ଦୁଇ ଦୁଇ ଥର ନୂଆପଡ଼ା ଯିବାର ଅଛି । BJD ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ପାଇଁ ସାଧାରଣ ସଭା ସହ ରୋଡ ସୋ କରିବେ । ଆସନ୍ତା ନଭେମ୍ବର 3’ରେ ନବୀନଙ୍କ ପ୍ରଥମ ପ୍ରଚାର ସଭା ହେବ କୋମନା ବ୍ଲକରେ । ଆଉ ଦ୍ୱିତୀୟ ଥର ନଭେମ୍ବର 7’ରେ ନୂଆପଡ଼ାରେ ଡେରା ପକାଇବେ BJD ସୁପ୍ରିମୋ। ଖରିଆର ରୋଡ ଠାରୁ ନୂଆପଡ଼ା ଯାଏଁ ରୋଡ ସୋ କରିବେ ନବୀନ ପଟ୍ଟନାୟକ ।

ଧାମନଗରକୁ ଯାଇନଥିଲେ
ତେବେ ନୂଆପଡ଼ା  ଉପନିର୍ବାଚନ ପାଇଁ ଦୁଇ ଦିନ ନବୀନଙ୍କ ପ୍ରଚାର ପ୍ରୋଗ୍ରାମକୁ ନେଇ ଆଶ୍ଚର୍ଯ୍ୟ ଲାଗୁଛି। କାରଣ ଧାମନଗର ଉପନିର୍ବାଚନରେ ନବୀନ ପଟ୍ଟନାୟକ ପ୍ରଚାର ମଇଦାନକୁ ଓହ୍ଲାଇ ନଥିଲେ। ଭିଡିଓ କନଫରେନ୍ସିଂରେ ଦଳୀୟ ପ୍ରାର୍ଥୀଙ୍କ ପାଇଁ କ୍ୟାମ୍ପେନ୍ ସାରି ଦେଇଥିଲେ। ସେଥିପାଇଁ BJDକୁ ଦବାକୁ ପଡ଼ିଥିଲା ବହୁମୂଲ୍ୟ। BJD ପ୍ରାର୍ଥୀ ଅବନ୍ତୀ ଦାସଙ୍କୁ ପଛରେ ପକାଇ ବାଜି ମାରି ନେଇଥିଲେ BJPର ଯୁବନେତା ସୁରଜ ସୂର୍ଯ୍ୟବଂଶୀ। BJDର ବଡ଼ ଲସ ପରେ ବାଧ୍ୟ ହୋଇ ନବୀନ ପଟ୍ଟନାୟକ ପଦମପୁର ଉପନିର୍ବାଚନରେ BJDର ମଙ୍ଗ ଧରିଥିଲେ। ଆଉ ସେଠାରେ ତତ୍କାଳୀନ ଦିବଙ୍ଗତ ବିଧାୟକ ବିଜୟ ରଞ୍ଜନ ସିଂହ ବରିହାଙ୍କ ଝିଅ ବର୍ଷାଙ୍କୁ ବିଜୟୀ କରିବାରେ ପ୍ରମୁଖ ଭୂମିକା ନେଇଥିଲେ ନବୀନ।

BJDର ଟେନସନ୍ କଳ୍ପନା
ଆଉ ଏବେ ପଦମପୁରର ପଡ଼ୋଶି ନିର୍ବାଚନ ମଣ୍ଡଳୀ ନୂଆପଡ଼ାରେ ହେଉଛି ଉପନିର୍ବାଚନ। କିନ୍ତୁ ମୁଖ୍ୟମନ୍ତ୍ରୀ ଆସନରେ ଆଉ ନାହାନ୍ତି BJD ସୁପ୍ରିମୋ। ଏପରିକି ନୂଆପଡ଼ାର ପୂର୍ବତନ ବିଧାୟକ ରାଜୁ  ଢୋଲକିଆଙ୍କ ପରିବାର ଏବେ BJP ଶିବିରରେ । ଏବେ BJD ପାଖରେ ନା’ ଅଛି ସିମ୍ପାଥୀ କାର୍ଡ ନା’ ସରକାରରେ ଅଛି ବିଜୁ ଜନତା ଦଳ । ଅନ୍ୟପଟେ ରାଜୁ ଢୋଲକିଆଙ୍କ ସ୍ତ୍ରୀ କଳ୍ପନା ଢୋଲକିଆ, ପୁଅ ଜୟଙ୍କ ପାଇଁ କଲେଣି ମାରାଥନ ପ୍ରଚାର ।

ଗୋଟାଏ ପଟେ ସରକାରରେ BJP, ତା’ ସହ ମା’ଙ୍କ ପ୍ରଚାର ଜୟଙ୍କ ପାଇଁ ସ୍ଥିତି ସହଜ କରୁଛି । ଅନ୍ୟପଟେ ବିଜୁ ଜନତା ଦଳର ବିଧାୟକ, ପୂର୍ବତନ ବିଧାୟକ, ସାଂସଦ ମାନଙ୍କର ଘେରାବନ୍ଦୀ ଧିରେ ଧିରେ ଦୁର୍ବଳ ହେଉଛି । ଏଥିପାଇଁ ନବୀନ ପଟ୍ଟନାୟକ ନିଜେ ପ୍ରଚାରର ମଙ୍ଗ ଧରିବାକୁ ଯାଉଛନ୍ତି । ତେବେ ବିଧାନସଭାରେ ସମ୍ପୂଣ୍ଣ ଅନୁପସ୍ଥିତ ରହୁଥିବା ବିରୋଧି ଦଳ ନେତା ନବୀନ ପଟ୍ଟନାୟକଙ୍କ ଓଡ଼ିଶା ପଲିଟିକ୍ସରେ ପ୍ରାସଙ୍ଗିକତାକୁ ହୁଏତ ନୂଆପଡ଼ା ଉପନିର୍ବାଚନ ବଜାୟ ରଖିପାରେ ।
ଏ ଷ୍ଟୋରୀକୁ ଲେଖିଛନ୍ତି- ବିଜୟ କେତନ ବରାଳ

ସେବାୟତଙ୍କ ପରିବାରରେ କମୁଛି ଝିଅ ସଂଖ୍ୟା

0 Comments read News

ସେବାୟତ ପରିବାରଙ୍କୁ  ଘାରିଲାଣି କନ୍ୟାରତ୍ନଙ୍କ ଚିନ୍ତା । ପୁଅଙ୍କ ସଂଖ୍ୟା ତୁଳନାରେ କନ୍ୟାରତ୍ନଙ୍କ ସଂଖ୍ୟା କମୁଛି । ବିଭିନ୍ନ ଯୋଜନା ସତ୍ତ୍ୱେ କନ୍ୟାରତ୍ନଙ୍କ ସଂଖ୍ୟାର ଅନୁପାତ ସମାନ ହେଉନାହିଁ। ତଥ୍ୟ ଅନୁସାରେ ହଜାରେ ପୁଅରେ ଅଛନ୍ତି ୮୭୩ ଝିଅ । କନ୍ୟାରତ୍ନଙ୍କ ସଂଖ୍ୟା ବଢ଼ାଇବା ପାଇଁ ପ୍ରୋତ୍ସାହନ ଦିଆଯାଉଛି । ବିଭିନ୍ନ ନିଯୋଗ ଏଥିପାଇଁ ପଦକ୍ଷେପ ମଧ୍ୟ ନେଉଛନ୍ତି । ଉଚ୍ଚଶିକ୍ଷାରୁ ଆରମ୍ଭ କରି ବିଭିନ୍ନ କଲ୍ୟାଣମୂଳକ ଯୋଜନା କାର୍ଯ୍ୟକାରୀ ହୋଇଥିଲେ ମଧ୍ୟ ସଂଖ୍ୟା ବହୁନାହିଁ । ଏଣୁ ପୁଅ ବିବାହକୁ ନେଇ ଚିନ୍ତାରେ ସେବାୟତ ପରିବାର।

୨୦୦୫ରେ ହୋଇଥିବା ସେବାୟତ ଗଣନା ଅନୁଯାୟୀ ସେବାୟତ ପରିବାର ସଂଖ୍ୟା ୧୩୨୧ ରହିଥିବା ବେଳେ ସେବାୟତଙ୍କ ଜନସଂଖ୍ୟା ଥିଲା ୮୧୮୩ ।୨୦୧୩ରେ ପରିବାର ସଂଖ୍ୟା ୧୪୬୨କୁ ବୃଦ୍ଧି ପାଇଥିବା ବେଳେ ଜନସଂଖ୍ୟା ୮୧୧୦କୁ ହ୍ରାସ ପାଇଥିଲା। ଅର୍ଥାତ୍ ୭୦ ଜଣ ସଦସ୍ୟ କମି ଯାଇଥିଲେ । ୨୦୦୫ରେ ଲିଙ୍ଗ ଅନୁପାତ ୧୦୦୦ ପୁରୁଷରେ ୮୬୩ ମହିଳା ଥିବା ବେଳେ ୨୦୧୩ରେ ୧୦୦୦ ପୁରୁଷରେ ଥିଲେ ୮୭୩ ମହିଳା । ଏବେ ସୁଦ୍ଧା ଏ ଅନୁପାତରେ ଏତେଟା ପରିବର୍ତ୍ତନ ହୋଇନାହିଁ । ଖୁଣ୍ଟିଆ, ରୋଷ କୋଠଭୋଗ ପାଣିଆ, ପାଣିଆ, ରାଜଗୁରୁ, ପୁଷ୍ପାଳକ,ପ୍ରତିହାରୀ, ଆପଟ, ଦତ୍ତମହାପାତ୍ର, ଘଟୁଆରୀ, ଚୁନରା, ଯୋଗାଣିଆ ମେକାପ, ମହାଭୋଇ, ଦଳବେହେରା ବିମାନବଡୁ, ପ୍ରଧାନୀ, କୋଠସୁଆଁସିଆ ସେବାୟତ ପରିବାରରେ ସମାନ ଅବସ୍ଥା ।ଗରାବଡୁ ପରିବାରରେ କନ୍ୟାରତ୍ନ ଜନ୍ମ ନେଲେ, ପ୍ରଥମ ଜନ୍ମ ଦିନରେ ତାକୁ ୧୦ ହଜାର ଟଙ୍କା ପ୍ରୋତ୍ସାହନ ରାଶି । ଖୁଣ୍ଟିଆ ପରିବାରରେ କନ୍ୟାରତ୍ନ ହେଲେ  ନିଯୋଗ ତରଫରୁ ୨୫ ହଜାର ଟଙ୍କା ଯୋଗାଇ ଦିଆଯାଉଛି । ପୁଜାପଣ୍ଡା ନିଯୋଗ ମଧ୍ୟ ବର୍ଷକୁ ୧ ଲକ୍ଷ ଟଙ୍କା ପ୍ରଦାନ କରିବାକୁ ଯୋଜନା କରିଛି। ତଥାପି ସଂଖ୍ୟା କମୁଛି ।

ତେବେ ସେବାୟତ ପରିବାରରେ ଅନ୍ୟ କୌଣସି ପରିବାର ବା ଜାତିରେ  ବିବାହ ଗ୍ରହଣୀୟ ହୋଇ ନଥିବାରୁ ଚିନ୍ତା ବଢୁଛି । ଯେଉଁଥିପାଇଁ ଝିଅ ଅଭାବରୁ ଅନେକ ଯୁବକ ଅବିବାହିତ ରହିପାରନ୍ତି ବୋଲି ଅନୁମାନ କରାଯାଉଛି । ଯଦି ଏମିତି ହୁଏ ହୁଏତ ଆଗକୁ ସେବାୟତ ସମସ୍ୟା ସୃଷ୍ଟି ହୋଇପାରେ।

ବଦଳୁଛି ନବୀନଙ୍କ ଆଭିମୁଖ୍ୟ, ଅଭିଯୁକ୍ତଙ୍କ ସପକ୍ଷରେ BJD

0 Comments read Politics

ବଦଳୁଛି BJDର ଆଭିମୁଖ୍ୟ । ବଦଳିଗଲେଣି ନବୀନ ପଟ୍ଟନାୟକ । ପ୍ରଶ୍ନଘେରରେ ନବୀନ ପଟ୍ଟନାୟକଙ୍କ ଜିରୋ ଟଲରାନ୍ସ ଥିୟୋରି। ଅଭିଯୁକ୍ତଙ୍କ ସପକ୍ଷରେ ଓକିଲାତି କରୁଛି ବିଜେଡି । ସ୍ୟାଡୋ କରପସନ ଅଭିଯୋଗରେ ଦଳର ତୁଙ୍ଗ ନେତାଙ୍କୁ ବହିସ୍କାର କରିଥିବା ବିଜେଡି ସୁପ୍ରିମୋ ଏବେ ଭିନ୍ନ ମୁଦ୍ରାରେ। ପିତବାସ ପଣ୍ଡାଙ୍କ ହତ୍ୟା ଅଭିଯୋଗରେ ଗିରଫ ହୋଇଥିବା ବିକ୍ରମ ପଣ୍ଡାଙ୍କୁ ନିଲମ୍ବନ ତ ଦୂରର କଥା ଓଲଟା ତାଙ୍କ ସପକ୍ଷରେ ଯୁକ୍ତି ବାଢୁଛନ୍ତି ବିଜେଡି ଲିଡର। କେବଳ ସେତିକି ନୁହେଁ କ୍ଷମତାରୁ ଯିବା ପରଠୁ ବିଭିନ୍ନ ଅଭିଯୋଗରେ ଗିରଫ ହୋଇଥିବା ନେତାଙ୍କୁ ଦଳରୁ ନିଲମ୍ବନ କିମ୍ବା ବହିଷ୍କାର କରିପାରୁନି ବିଜେଡି।

ବିଜେଡିର ଇତିହାସ କହୁଛି ନେତାଙ୍କ ବିରୁଦ୍ଧରେ ସାମାନ୍ୟ ଅଭିଯୋଗ ଆସିଲେ ଦଳ ବାହାରର ରାସ୍ତା ଦେଖାଉଥିଲେ ନବୀନ । ନେତା ଯେତେ କ୍ଷମତାଶାଳୀ ଏବଂ ଉପକାରି ହୋଇଥିଲେ ବି କଠୋର ଆଭିମୁଖ୍ୟ ରଖୁଥିଲା ବିଜେଡି । ଦୁର୍ନୀତି ତ ଦୂରର କଥା ଛାୟା ଦୁର୍ନୀତିରେ ବି କଠୋର ହେଉଥିଲେ ନବୀନ । 2002ରେ ନଳିନୀ ମହାନ୍ତି, କମଳା ଦାସ ଏବଂ ପ୍ରଶାନ୍ତ ନନ୍ଦଙ୍କୁ ଦଳ ବାହାରର ରାସ୍ତା ଦେଖାଇଥିଲେ ନବୀନ ପଟ୍ଟନାୟକ । ମନ୍ତ୍ରୀମଣ୍ଡଳରୁ ବହିଷ୍କାର ବି କରିଥିଲେ । ସେହିପରି ନବୀନଙ୍କ ଏକାନ୍ତ ଅନୁଗତ ଥିବା ରାଜନୈତିକ ପରାମର୍ଶଦାଦା ପ୍ୟାରି ମହାପାତ୍ରଙ୍କୁ ମଧ୍ୟ ଦଳ ବିରୋଧୀ ଅଭିଯୋଗରେ ବହିସ୍କାର କରିଛନ୍ତି ।  ଦିନ ଥିଲା ନେତାଙ୍କ ବିରୋଧରେ ସାମାନ୍ୟ ଅଭିଯୋଗ ଆସିଲେ, ପାର୍ଟି ତୁରନ୍ତ କାର୍ଯ୍ୟନୁଷ୍ଠାନ ନେଇଥିଲା । କିନ୍ତୁ କ୍ଷମତାରୁ ହଟିବା ପରେ ବିଜେଡିରେ ଆଉ ଏମିତି ହଉନି । ଗତ ୮ ମାସରେ ବିଜେଡିର ୪ ଟାଣୁଆ ନେତା ଗିରଫ ହୋଇଛନ୍ତି । ମାତ୍ର କେବଳ ଅମରେଶ ଜେନା ଓରଫ ବାଇଁଆଙ୍କୁ ଛାଡ଼ିଦେଲେ ବାକି ୩ଜଣଙ୍କ ବିରୋଧରେ କୌଣସି କାର୍ଯ୍ୟନୁଷ୍ଠାନ ଗ୍ରହଣ କରିନି ବିଜେଡି ।

ମାର୍ଚ୍ଚ 13ରେ ବିଜେଡିର ଯୁବ ନେତା ରାଜା ଚକ୍ରଙ୍କୁ ଗିରଫ କରିଛି କ୍ରାଇମବ୍ରାଞ୍ଚ। ସେପ୍ଟେମ୍ବର 20ରେ ନିମାପଡ଼ାର ବିଜେଡି ବିଧାୟକ ପ୍ରାର୍ଥୀ ଦୀଲିପ ନାୟକଙ୍କୁ ଗିରଫ କରିଥିଲା EOW । ପାଖାପାଖି 13 କୋଟି ଟଙ୍କାର ଠକେଇ ମାମଲାରେ ଜେଲ୍ ଯାଇଥିଲେ ବି କୌଣସି ପଦକ୍ଷେପ ନେଇ ନଥିଲା ବିଜେଡି । ନିଲମ୍ବନ କିମ୍ବା ବହିଷ୍କାର ହୋଇନଥିଲେ ବିଜେଡି ନେତା। ଓଲଟା ପଲିଟିକାଲ ଇଣ୍ଟେନସନ୍ ରଖି  ଆରେଷ୍ଟ କରାଯାଇଛି ବୋଲି କହିଥିଲେ । ସେହିପରି ଆଇନଜାଦୀ ପୀତବାସ ପଣ୍ଡା ହତ୍ୟା ମାମଲାରେ ବିଜେଡିର ପୂର୍ବତନ ବିଧାୟକ ତଥା ଗଞ୍ଜାମ ଜିଲ୍ଲା ସଭାପତି ବିକ୍ରମ ପଣ୍ଡାଙ୍କ ଗିରଫଦାରି ପରେ ଦଳରୁ ବାହାର କରିବା ପରିବର୍ତ୍ତେ ତାଙ୍କ ସପକ୍ଷରେ ବିଜେଡି ଯୁକ୍ତି ବାଢୁଛି। ଯଦିଓ ନବୀନ ପଟ୍ଟନାୟକ ଏନେଇ କୌଣସି ପ୍ରତିକ୍ରିୟା ଦେଇ ନାହାନ୍ତି ବିଜେଡିର ବରିଷ୍ଠ ନେତା ପ୍ରେସମିଟ କରି ବିକ୍ରମଙ୍କ ସପକ୍ଷରେ କହୁଛନ୍ତି । ନାବାଳିକାଙ୍କୁ ଯୌନ ନିର୍ଯାତନା ମାମଲାରେ ଗିରଫ ହୋଇଥିବା (ବିଏମ୍‌ସି)ର କର୍ପୋରେଟର ଅମରେଶ ଜେନାଙ୍କୁ ଦଳରୁ ବିଦା କରିଥିବା ବେଳେ ରାଜା ଚକ୍ର, ବିକ୍ରମ ପଣ୍ଡା ଏବଂ ଦିଲିପ ନାୟକଙ୍କୁ ଅଣ୍ଟିରେ ପୁରାଇଛି ବିଜେଡି । କ୍ଷମତାରୁ ହଟିଲା ପରେ ନବୀନଙ୍କ ଆଭିମୁଖ୍ୟ ବଦଳିଯାଇଥିବା ଚର୍ଚ୍ଚା ।

ଜଣେ ଶିକ୍ଷକରେ ଚାଲିଛି ସ୍କୁଲ!

0 Comments read News

ସରୁନି ଶିକ୍ଷା ସମସ୍ୟା । ମାଷ୍ଟରଠାରୁ ଆରମ୍ଭକରି ହେଡ଼ ମାଷ୍ଟର ସବୁଠି ସଂଖ୍ୟା ସଟେଜ୍ । 80 % ସ୍କୁଲରେ ହେଡ଼ମାଷ୍ଟର ନଥିଲା ବେଳେ  ଜଣେ ଲେଖାଏଁ ଶିକ୍ଷକରେ ଚାଲିଛି 1100 ସ୍କୁଲ । ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜିଲ୍ଲା ଗଞ୍ଜାମରେ 450 ହେଡମାଷ୍ଟର ପୋଷ୍ଟ ପାଙ୍କା ପଡ଼ିଥିବା ବେଳେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ କେନ୍ଦୁଝର ଜିଲ୍ଲାରେ 300 ହେଡମାଷ୍ଟର ପୋଷ୍ଟ ପାଙ୍କା ପଡ଼ିଛି। ଦୁଇ ପ୍ରମୁଖ ରାଜନେତାଙ୍କ ଜିଲ୍ଲାରେ ଶିକ୍ଷାର ବିକଳ ଚିତ୍ରରୁ ଶିକ୍ଷାର ବିକଳ ଅବସ୍ଥା ଅନୁମାନ କରାଯାଇପାରେ । ରାଜ୍ୟରେ ଅନେକ ସ୍କୁଲ୍ ରହିଛି ଯୋଉଠି ଜଣେ ଲେଖାଏଁ ଶିକ୍ଷକ ଭରସା । ସେହି ଜଣେ ଟିଚର ପାଠ ପଢାଉଛନ୍ତି, ହେଡ଼ ମାଷ୍ଟର ଦାୟିତ୍ୱ ବି ତୁଲାଉଛନ୍ତି । ଶ୍ରେଣୀ ପିଛା ଅତି କମରେ ଜଣେ ଶିକ୍ଷକ ଯୋଗାଇଦେବା ବଦଳରେ ବିଦ୍ୟାଳୟ ପିଛା ନିଯୁକ୍ତି ପାଇଛନ୍ତି ଜଣେ ଟିଚର । ଯାହାକୁ ନେଇ ଚିନ୍ତାରେ ଅଭିଭାବକ ।  ରାଜ୍ୟର ଗୋଟିଏ କି ଦୁଇଟି ସ୍କୁଲରେ ଏପରି ଅବସ୍ଥା ନୁହେଁ। 1100 ସ୍କୁଲରେ ପ୍ରାଥମିକ ଶିକ୍ଷାର ଏ ବିକଳ ଚିତ୍ର ।

କୋରାପୁଟ ଜିଲ୍ଲାର କୋଟପାଡ଼ ଅଞ୍ଚଳରେ ୧୦ଟି ସ୍କୁଲରେ ଜଣେ ଶିକ୍ଷକରେ ସମ୍ପୂର୍ଣ ସ୍କୁଲ ପାଠପଢ଼ା ହେଉଛି I ପୁରୀ ଜିଲ୍ଲା ଗୋପରେ ୧୫ରୁ ଅଧିକ ସ୍କୁଲ, ସତ୍ୟବାଦୀ ବ୍ଲକ୍‌ରେ ୬ରୁ ଅଧିକ ସ୍କୁଲରେ ମଧ୍ୟ ସମାନ ଅବସ୍ଥା। ଗଞ୍ଜାମ ଜିଲ୍ଲାର ହିଞ୍ଜିଳିକାଟୁ ବ୍ଲକ୍‌ରେ ୪ ସ୍କୁଲ, ଜଗତସିଂହପୁର ଜିଲ୍ଲା କୁଜଙ୍ଗରେ ୨ଟି ସ୍କୁଲରେ ଜଣେ ଲେଖାଏ ଶିକ୍ଷକ ଅଛନ୍ତି । ଓଡ଼ିଶାରେ ୬୧,୫୬୫ ପ୍ରାଇମେରୀ ସ୍କୁଲରେ ୭୬,୪୪,୦୫୨ ପିଲା ପାଠ ପଢୁଛନ୍ତି । ୩,୪୪,୧୧୬ ଶିକ୍ଷକଙ୍କ ଭରସାରେ ସ୍କୁଲ ଚାଲୁଛି । ହାରାହାରି ୨୨ ଜଣ ପିଲାଙ୍କୁ ପାଠ ପଢ଼ାଇବାକୁ ଜଣେ ଶିକ୍ଷକ ଅଛନ୍ତି। ମାତ୍ର ଏମିତି ଅନେକ ସ୍କୁଲ ଅଛି ଯେଉଁଠି ମାତ୍ର ଜଣେ ଶିକ୍ଷକଙ୍କ ଭରସାରେ ପୁରା ସ୍କୁଲ୍ ଚାଲୁଛି । ଜଣେ  ଶିକ୍ଷକରେ ପୁରା ସ୍କୁଲ୍ ଚାଲିବା କଷ୍ଟକର ହୋଇପଡ଼ିଥିବା ବେଳେ ପିଲାଙ୍କ ପୋଷାକ ବଣ୍ଟନ, ମଧ୍ୟାହ୍ନ ଭୋଜନ ସହ ସରକାରଙ୍କ ବିଭିନ୍ନ କାର୍ଯ୍ୟକ୍ରମ କରୁଛନ୍ତି । ଯାହା ଫଳରେ ଶିକ୍ଷାଦାନରେ ବାଧାପ୍ରାପ୍ତ ହେଉଛି।  ଗୁଣାତ୍ମକ ଶିକ୍ଷା ପ୍ରଦାନ ପାଇଁ ପ୍ରତି ସ୍କୁଲରେ ଶ୍ରେଣୀ ପିନ୍ଧା ଜଣେ ଲେଖାଏ ଶିକ୍ଷକ ନିଯୁକ୍ତି ସହ ଶିକ୍ଷକଙ୍କୁ ଅଣଶିକ୍ଷା କାର୍ଯ୍ୟରୁ ମୁକ୍ତ ମୁକ୍ତ କରିବାକୁ ଦାବି ହେଉଛି ।