ମନ୍ଦିର ହୁଣ୍ଡିରୁ ଗୋଟେ କୋଟି, ବର୍ଷକୁ ଭକ୍ତ ଦେଉଛନ୍ତି ୪ କୋଟି ଟଙ୍କା

0 Comments read News
Temples & Economy: Maa Majhighariani's Donation Box Yields Over ₹1 Crore

ମନ୍ଦିର ସହିତ ଅର୍ଥନୀତିର ରହିଛି ଗଭୀର ସଂପର୍କ । ବିଶ୍ୱାସରେ ଭଗବାନଙ୍କୁ ଭକ୍ତଟିଏ ଅର୍ପଣ କରୁଥିବା ଧନ-ସଂପତ୍ତିରେ କେବଳ ମନ୍ଦିରର ବିକାଶ ହୁଏନାହିଁ, ଅଞ୍ଚଳର ହେଉଛି ସାମଗ୍ରିକ ବିକାଶ। ସରକାରଙ୍କ ନିୟନ୍ତ୍ରଣରେ ରହୁଥିବା ବିଭିନ୍ନ ମନ୍ଦିରର ଆୟରୁ କେବଳ ହିନ୍ଦୁଙ୍କର ନୁହେଁ, ଅନ୍ୟ ଧର୍ମର ଲୋକମାନଙ୍କର ହେଉଛି ବିକାଶ।  ରାୟଗଡ଼ାର ମା‘ ମଝିଘରିଆଣୀ ମନ୍ଦିର ଭକ୍ତଙ୍କ ଆସ୍ଥା ଓ ସମର୍ପଣ ସାଙ୍ଗକୁ ଟେମ୍ପଲ୍ ଇକୋନୋମୀର ବଳିଷ୍ଠ ପ୍ରମାଣ।

ରାୟଗଡ଼ା ସହର ଉପକଣ୍ଠରେ ବୋହି ଯାଉଥିବା ନାଗାବଳୀ ନଦୀ କୂଳରେ ପୂଜା ପାଉଛନ୍ତି ମା ମଝିଘରିଆଣୀ । ସେହି ମନ୍ଦିର ଦାନହୁଣ୍ଡିରୁ ମିଳିଛି ୧ କୋଟି ୪ ଲକ୍ଷ ୩୬ ହଜାର ୯୬୩ ଟଙ୍କା ସହିତ ୩୮ ଗ୍ରାମ ସୁନା ଏବଂ ୨୫୦୫ ଗ୍ରାମ ରୂପା। ଇୟ ଏମିତି ଏକ ମନ୍ଦିର, ଯୋଉଠି କେବଳ ଓଡ଼ିଶାର ଭକ୍ତ ନୁହେଁ, ବରଂ ବିଦେଶୀ ଭକ୍ତଙ୍କର ମଧ୍ୟ ଭିଡ଼ ଜମୁଛି । ହୁଣ୍ଡିରୁ ମିଳିଛି ୫ଟି ଦେଶର ୧୨ ଟି ବିଦେଶୀ ନୋଟ୍ ।ପୂର୍ବରୁ ଗତ ଜାନୁୟାରୀ ୨୭‘ରେ ହୁଣ୍ଡିରୁ ୯୪ ଲକ୍ଷ ୪୯ ହଜାର ୫୪ ଟଙ୍କା ସହିତ ୯୩ ଗ୍ରାମ ସୁନା ଓ ୨୧୭୦ ଗ୍ରାମ ରୂପା ବାହାରିଥିଲା। ୧୨ ଟି ବିଦେଶୀ ନୋଟ୍ ମଧ୍ୟ ବାହାରିଥିଲା। ଏ ହିସାବ ଦୃଷ୍ଟିରୁ ଦେଖିବାକୁ ଗଲେ ମନ୍ଦିରର ବାର୍ଷିକ ଆୟ ପାଖାପାଖି ୪ କୋଟି ଛୁଇଁଛି । ଚଳିତ ବର୍ଷ ଦୁଇଟି ପର୍ଯ୍ୟାୟରେ ୨ କୋଟି  ୧୫ ଲକ୍ଷରୁ ଅଧିକ ଟଙ୍କା ଆଦାୟ ହୋଇଥିଲା ବେଳେ ଆହୁରି ଅଧା ସମୟ ବାକି ଅଛି। ବର୍ଷକୁ ୩ରୁ ୪ ଥର ହୁଣ୍ଡି ଖୋଲାଯାଇ ଗଣତି ହୁଏ। ହୁଣ୍ଡି ଟଙ୍କା ବ୍ୟାଙ୍କରେ ଜମା ହେଉଛି । ଆଉ ସୁନା ଓ ରୂପା ଜିଲ୍ଲା ଟ୍ରେଜେରୀରେ ରଖାଯାଉଛି ।
ଏ ଟଙ୍କା ମନ୍ଦିରର ବିକାଶ ସାଙ୍ଗକୁ ଆଞ୍ଚଳିକ ସମୃଦ୍ଧିରେ ମଧ୍ୟ ସହାୟକ ହେଉଛି ।

ମୋଦୀ-ଶାହଙ୍କ ଫେଭରାଇଟ ମନମୋହନ

0 Comments read Politics
Manmohan Samal Files Nomonation For Odisha BJP Presint Post

ଅନୁମାନ ଏବଂ ଆକଳନର ଅନ୍ତ ଘଟିଛି। ପୁଣିଥରେ ରାଜ୍ୟ ବିଜେପି ସଭାପତି ହୋଇଛନ୍ତି ମନମୋହନ ସାମଲ। ନିଜ ରାଜନୈତିକ କ୍ୟାରିୟରରେ ଥରେ ମାତ୍ର ବିଧାୟକ ହୋଇଥିବା ମନମୋହନ ସାମଲଙ୍କ ସାଙ୍ଗଠନିକ କ୍ଷମତାକୁ ସାଲ୍ୟୁଟ ମାରିଛନ୍ତି କେନ୍ଦ୍ରୀୟ ବିଜେପି । ପ୍ରଥମ ଥର ପାଇଁ ବିଜେପି ସରକାରରେ ଥିବାବେଳେ ଦଳର ସଭାପତି ଭାବେ ଗୁରୁତ୍ୱପୂର୍ଣ୍ଣ ଆସନରେ ପୁଣି ମନମୋହନଙ୍କୁ ବସାଇଛନ୍ତି ହାଇକମାଣ୍ଡ । ହ୍ୟାଟ୍ରିକ୍ ମାରି ପୁଣିଥରେ ବିଜେପିର ମଙ୍ଗୁଆଳ ସାଜିଛନ୍ତି ମନମୋହନ ସାମଲ । ସଞ୍ଜୟ ଜଶୱାଲଙ୍କ ଉପସ୍ଥିତିରେ ମନମୋହନ ସାମଲ ନାମାଙ୍କନ ପତ୍ର ଦାଖଲ କରିଛନ୍ତି । ବିଜେପି ତରଫରୁ ଏକମାତ୍ର ପ୍ରାର୍ଥୀ ଭାବେ ସେ ନାମାଙ୍କନ କରିଥିବାରୁ ବିନା ଦ୍ୱନ୍ଦରେ ରାଜ୍ୟ ସଭାପତି ଭାବେ ମନୋନୀତ ହେଇଛନ୍ତି । 8 ତାରିଖ 11ଟାରେ ଏ ନେଇ ବିଦ୍ଧିବଦ୍ଧ ଘୋଷଣା ହେବ ।
1999ରୁ 2004 ଯାଏଁ ପ୍ରଥମ ଥର ରାଜ୍ୟସଭାପତି ହୋଇଥିଲା ବେଳେ 24 ମାର୍ଚ୍ଚ 2023ରୁ ସାମଲ ଦ୍ୱିତୀୟ ଥର ପାଇଁ ସଭାପତି ହୋଇଥିଲେ । ପୁଣିଥରେ ସେ ମଙ୍ଗ ସମ୍ଭାଳିବା ସହ ସଭାପତି ହିସାବରେ ହ୍ୟାଟ୍ରିକ୍ ମାରିଛନ୍ତି ।

BJP ODISHA PRESIDENT LIST

1980 ରେ ବିଜେପି ପ୍ରତିଷ୍ଠା ହେବା ପରଠାରୁ ଓଡ଼ିଶାରେ 9 ଜଣ ରାଜ୍ୟ ସଭାପତି ହୋଇଛନ୍ତି। ତେବେ 45 ବର୍ଷର ଇତିହାସରେ ସର୍ବାଧିକ ବର୍ଷ 1980ରୁ 1988 ଯାଏଁ ବିଶ୍ୱଭୁଷଣ ହରିଚନ୍ଦନ 8 ବର୍ଷ ସଭାପତି ହୋଇଥିଲେ। ତାଙ୍କ ପରେ ଜୁଏଲ ଓରାମ 1997,2004 ଓ 2009ରେ ତିନିଥର ପାଇଁ ସଭାପତି ହୋଇଛନ୍ତି । ତେବେ ଜୁଏଲଙ୍କ ପରି ମନମୋହନ ସାମଲ ମଧ୍ୟ ହ୍ୟାଟ୍ରିକ୍ ମାରିଛନ୍ତି। 1999 ଓ 2023 ପରେ 2025ରେ ବି ହାତେଇଛନ୍ତି ବିଜେପି ସଭାପତିର ଆସନ  ।
BJP ପାଇଁ ଶୁଭଙ୍କର ମନମୋହନ
               ତେବେ ମନମୋହନ ସାମଲ ହେଉଛନ୍ତି  ଏକମାତ୍ର ସଭାପତି ଯାହାଙ୍କ ସମୟରେ ଓଡ଼ିଶାରେ ବିଜେପି କ୍ଷମତାକୁ ଆସିଛି। 2000 ମସିହାରେ ବିଜେଡି ବିଜେପିର ମେଣ୍ଟ ସରକାର ହୋଇଥିଲା ବେଳେ ରାଜ୍ୟ ବିଜେପି ସଭାପତି ଥିଲେ ମନମୋହନ ସାମଲ। ସେହିଭଳି 2024ରେ ରାଜ୍ୟରେ  ବିଜେପି ଏକାକି ସରକାର ଗଠନ କରିଥିଲା ବେଳେ ଓଡ଼ିଶା ବିଜେପିର ସଭାପତି ଥିଲେ ମନମୋହନ ସାମଲ। 2000 ମସିହାରେ ମେଣ୍ଟ କରି ସରକାର କରିବା ଓ 2024ରେ ମେଣ୍ଟ ଆଲୋଚନାକୁ ପ୍ରତ୍ୟାଖାନ କରି ସରକାର କରିବା ପଛର ମୁଖ୍ୟ ବିନ୍ଧାଣି ହେଉଛନ୍ତି ମନମୋହନ ସାମଲ।  ତେଣୁ ମନମୋହନ ସାମଲଙ୍କୁ ସୁସଙ୍ଗଠକ ବା ଜଣେ ଭାଗ୍ୟବାନ ବ୍ୟକ୍ତି ହିସାବରେ ବିଚାର କରି କେନ୍ଦ୍ରୀୟ ନେତୃତ୍ୱ ତାଙ୍କୁ ତୃତୀୟଥର ପାଇଁ ରାଜ୍ୟ ବିଜେପି ସଭାପତି କରିଛନ୍ତି ।

କେନ୍ଦ୍ରୀୟ ନେତୃତ୍ୱଙ୍କ ପସନ୍ଦ ମନମୋହନ ସାମଲ
2024 ନିର୍ବାଚନରେ ଚାନ୍ଦବାଲି ଆସନରୁ ବିଜୟୀ ହୋଇଥିଲେ ହୁଏତ ମନମୋହନ ସାମଲ ଓଡ଼ିଶାର ମୁଖ୍ୟମନ୍ତ୍ରୀ ହୋଇ ଥାଆନ୍ତେ । ଏପରିକି 2000 ମସିହାରେ ଧାମନଗର ଆସନରୁ ମାନସ ମଲିକଙ୍କଠାରୁ ହାରି ନଥିଲେ ବିଜେଡି-ବିଜେପି ମେଣ୍ଟ ସରକାରରେ ଉପମୁଖ୍ୟମନ୍ତ୍ରୀ ହୋଇ ଥାଆନ୍ତେ । କିନ୍ତୁ ନାଁ ଚାନ୍ଦବାଲିରେ ନା ଧାମନଗରରେ ମତଦାତା ମନମୋହନ ସାମଲଙ୍କ ଉପରେ ଆସ୍ଥାପ୍ରକଟ କଲେ? ମାତ୍ର କେନ୍ଦ୍ରୀୟ ନେତୃତ୍ୱଙ୍କ ଆସ୍ଥା ମନମୋହନଙ୍କ ଉପରେ ରହିଥିଲା ଏବଂ ରହିଛି ମଧ୍ୟ…  

ଅମାନିଆ OAS ସଙ୍ଘ, ସୁପ୍ରିମକୋର୍ଟଙ୍କ ରାୟକୁ ଅସମ୍ମାନ କରି ଧର୍ମଘଟ

0 Comments read News
OAS Association on Strike Despite Supreme Court Order
  • ସୁପ୍ରିମକୋର୍ଟକୁ ମାନୁ ନାହାନ୍ତି ଓଡ଼ିଶାର Oas ସଙ୍ଘ
  • ସୁପ୍ରିମକୋର୍ଟର 22 ବର୍ଷ ପୂର୍ବର ନିଷ୍ପତ୍ତିକୁ ଫୁ କରି ଉଡ଼େଇଦେଲେ Oas ସଙ୍ଘ
  • 2003 ଅଗଷ୍ଟ 6 ର ରାୟକୁ ବେଖାତିର କରୁଛନ୍ତି ଓଡ଼ିଶା ପ୍ରଶାସନିକ ସେବା ଅଧିକାରୀ ।
  • ସରକାରୀ କର୍ମଚାରୀ ଧର୍ମଘଟ କରିବାର ଅଧିକାର ନାହିଁ ବୋଲି ଦେଶର ସର୍ବୋଚ୍ଚ ନ୍ୟାୟାଳୟ କହିଥିଲେ ମଧ୍ୟ କୋର୍ଟଙ୍କ ନିର୍ଦ୍ଦେଶକୁ ବେଖାତିର କରିଛନ୍ତି ଓଡ଼ିଶାର ଅଫିସର

ଟି.କେ.ରଙ୍ଗରାଜନ ବନାମ ତାମିଲନାଡ଼ୁ ସରକାର ମାମଲାର ବିଚାର କରି ଜଷ୍ଟିସ୍ ଏମ ବି ଶାହ ଏବଂ ଏ ଆର ଲକ୍ଷ୍ମଣ ଗୁରୁତ୍ତ୍ୱପୁର୍ଣ୍ଣ ରାୟ ପ୍ରଦାନ କରିଥିଲେ । ସମ୍ବିଧାନ ବ୍ୟାଖ୍ୟା କରି ସରକାରୀ କର୍ମଚାରୀଙ୍କ ଆନ୍ଦୋଳନକୁ ରେଡ ସିଗନାଲ ଦେଇଥିଲେ ସୁପ୍ରିମକୋର୍ଟ । ସର୍ବୋଚ୍ଚ ନ୍ୟାୟାଳୟ ଗୁରୁତ୍ତ୍ୱପୁର୍ଣ୍ଣ ନ୍ୟାୟରେ କହିଥିଲେ ଯେ ଭାରତର ସମସ୍ତ କର୍ମଚାରୀଙ୍କ ପରି ରାଜ୍ୟର ପ୍ରଶାସନିକ ଅଧିକାରୀ ମାନଙ୍କର, ଧର୍ମଘଟ କରିବାର ମୌଳିକ କିମ୍ବା ଆଇନଗତ ଅଧିକାର ନାହିଁ । ସରକାରୀ କର୍ମଚାରୀ ମାନେ ଅଭିଯୋଗ ଉପସ୍ଥାପନ କରିବା ପାଇଁ ଧର୍ମଘଟ କରି ପାରିବେ ନାହିଁ। ଧର୍ମଘଟ ସାର୍ବଜନୀନ ସେବାରେ ବାଧା ସୃଷ୍ଟି କରେ ଯାହାକି  ସରକାରୀ ଅଧିକାରୀଙ୍କ କର୍ତ୍ତବ୍ୟ ଓ ଦାୟିତ୍ୱ ସହିତ ଅସଙ୍ଗତ ।

ମାତ୍ର ସୁପ୍ରିମକୋର୍ଟର ଏ ନିଷ୍ପତ୍ତି ବିରୁଦ୍ଧରେ ଯାଇଛନ୍ତି  ରାଜ୍ୟର oas ଏବଂ ors ଅଫିସର । ଏପରିକି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ପ୍ରତିଶ୍ରୁତିକୁ ମଧ୍ୟ କର୍ଣ୍ଣପାତ କରୁ ନାହାନ୍ତି। ଭୁବନେଶ୍ୱର ମହାନଗର ନିଗମ ଅଫିସରେ BMCର ଅତିରିକ୍ତ କମିଶନର ରତିକାନ୍ତ ସାହୁଙ୍କୁ ମାଡ଼ ମାରିବା  ଘଟଣାକୁ ନେଇ ତେଜୁଛି ରାଜନୀତି। ସମୁହ ଛୁଟିରେ ଅଛନ୍ତି ପ୍ରଶାସନିକ ଅଧିକାରୀ । ବ୍ଲକ ଏବଂ ତହସିଲ ଅଫିସ ଛାଡ଼ି ଛୁଟିରେ ସରକାରୀ ବାବୁ । ଏପରିକି ମୁଖ୍ୟମନ୍ତ୍ରୀଙ୍କ ଆସ୍ୟୁରାନ୍ସ ଏବଂ ରାଜସ୍ୱ ମନ୍ତ୍ରୀ ସୁରେଶ ପୁଜାରୀଙ୍କ ଅନୁରୋଧ ପରେ ବି କାର୍ଯ୍ୟରେ ଯୋଗ ଦେବା ନାଁ ଧରୁ ନାହାନ୍ତି । ବିଶ୍ୱ ପ୍ରସିଦ୍ଧ ରଥଯାତ୍ରା  ପରିଚାଳନା ସାଙ୍ଗକୁ ସମ୍ଭାବ୍ୟ ବର୍ଷା ବାତ୍ୟାର ମୁକାବିଲା ପାଇଁ ରେଡି ହେବା ପରିବର୍ତ୍ତେ ଛୁଟି ମୁହାଁ ସରକାରୀ ଅଫିସର । ଆକ୍ରମଣକାରୀଙ୍କୁ ପୋଲିସ୍ ଆରେଷ୍ଟ କଲା ପରେ ବି ୟାଙ୍କ ହୁକୁମ୍ ସରୁନି । ଯଦିଓ BMCର ଅତିରିକ୍ତ କମିଶନର ରତ୍ନାକର ସାହୁଙ୍କୁ ମାଡ ଘଟଣାରେ BJP ମଧ୍ୟ ଆକ୍ସନ ନେଇଛି  ।      
                                     ମାମଲାରେ ସମ୍ପୃକ୍ତ କର୍ପୋରେଟର ଅପରୂପ ନାରାୟଣ ରାଉତ, ସଚିକାନ୍ତ ସ୍ୱାଇଁ, ସଞ୍ଜୀବ ମିଶ୍ର, ରଶ୍ମି ରଞ୍ଜନ ମହାପାତ୍ର ଓ ଦେବାଶିଷ ପ୍ରଧାନଙ୍କୁ ପାର୍ଟି ପ୍ରେସିଡେଣ୍ଟ ମନମୋହନ ସାମଲ  ସସ୍ପେଣ୍ଡ ମଧ୍ୟ କରି ସାରିଛନ୍ତି । ତଥାପି ବାବୁଙ୍କ ମନ ବୁଝୁନି । ବିଜେପି ନେତା ଜଗନ୍ନାଥ ପ୍ରଧାନଙ୍କୁ ଗିରଫ ଦାବିରେ ଅଡି ବସିଛି ସଙ୍ଘ । ଯିଏ କି ସେଦିନ ଘଟଣା ସ୍ଥଳରେ ଉପସ୍ଥିତ ହିଁ ନଥିଲେ । ଏପରିକି ଏ ଦାବି ପୁରଣ ନ ହେବା ପର୍ଯ୍ୟନ୍ତ  ରାଜ୍ୟବ୍ୟାପୀ OAS ଅଫିସର ଛୁଟିରେ ରହିବେ ବୋଲି ଚେତାବନୀ ବି ଦେଇଛନ୍ତି । ଆଉ ଏ ଆନ୍ଦୋଳନର ନେତୃତ୍ୱ ନେଉଛନ୍ତି ବିଜୁ ଜନତା ଦଳର ସରକାରରେ ପାୱାରଫୁଲ ହେଇଥିବା କିଛି ଅଫିସର। ପାୱାର ପ୍ରାକ୍ଟିସରେ ଏମାନେ ଏତେ ବିହ୍ୱଳ ଯେ ନା ସରକାରଙ୍କ କଥା ଶୁଣୁଛନ୍ତି ନା ସୁପ୍ରିମକୋର୍ଟର ନିର୍ଦ୍ଦେଶ ମାନୁଛନ୍ତି ।
                    6 ଅଗଷ୍ଟ 2003ର ରାୟକୁ ଖୋଲାଖୋଲି ଅମାନ୍ୟ କରୁଛନ୍ତି  ଓଏସ୍ ସଙ୍ଘ । ତେବେ ଅଭିଯୁକ୍ତ ଗିରଫ ହେଇ ସାରିଲା ପରେ ବି ପଲିଟିକାଲ ଇଣ୍ଟେନସନ୍ ରଖି କାମବନ୍ଦ କରିବା ଓ ଶେଷରେ ଆଇନର ବିରୁଦ୍ଧରେ ଯାଇ ଛୁଟିରେ ରହିବା ଠିକ୍ ଉପାୟ ତ? ନା ବିଜୁ ଜନତା ଦଳର ପଲିଟିକାଲ ପ୍ରଫିଟ୍ ପାଇଁ ସୁପ୍ରିକୋର୍ଟକୁ ବି  ଏ ବାବୁ ମାନଙ୍କ ଚ୍ୟାଲେଞ୍ଜ?

ଶ୍ରୀଜଗନ୍ନାଥଙ୍କ ନାଁରେ ପର୍ଯ୍ୟାପ୍ତ ସଂପତ୍ତି, କିନ୍ତୁ ସରକାରୀ ଅନୁଦାନ ଭରସାରେ ଶ୍ରୀମନ୍ଦିର ପ୍ରଶାସନ

0 Comments read News
Despite Vast Wealth, Lord Jagannath Temple Still Dependent on Govt Grants
  • ସମ୍ପତ୍ତି ଥାଇ ବି ସରକାରଙ୍କ ଉପରେ ନିର୍ଭରଶୀଳ ଶ୍ରୀମନ୍ଦିର ପ୍ରଶାସନ
  • ହୁଣ୍ଡିରୁ ଆଦାୟ ହେଉଛି କୋଟି କୋଟି ଟଙ୍କା, ତଥାପି ସରକାରଙ୍କ ହାତଟେକାକୁ ଭରସା
  • ଜବର ଦଖଲରେ ଜଗନ୍ନାଥଙ୍କର ଶହ ଶହ ଏକର ଜମି
  • ପ୍ରଶାସନ ପାଖରେ ନାହିଁ ଅଧାରୁ ଅଧିକ ଜମିର ସତ୍ୱଲିପି
  • ଭାଗଚାଷୀଙ୍କ ଠାରୁ ମିଳୁନି ଦେବସ୍ୱ
  • ଖଣି ମାଫିଆଙ୍କ କବଜାରେ ଶ୍ରୀମନ୍ଦିର ସମ୍ପତ୍ତି
    ଶ୍ରୀମନ୍ଦିର ନାଁରେ ରହିଛି ପର୍ଯ୍ୟାପ୍ତ ଧନ ସମ୍ପତ୍ତି। ଓଡ଼ିଶାର ୨୩ଟି ଜିଲ୍ଲାରେ ଶ୍ରୀମନ୍ଦିର ନାଁରେ ଅଛି ୬୦ ହଜାର ୪୧୦ ଏକର ଏବଂ ୬ଟି ବାହାର ରାଜ୍ୟରେ ୩୯୫ ଏକର ୨୫୨ ଡିସିମିଲି ଭୂସମ୍ପତ୍ତି ରହିଛି।
  • ରାଜା ରାଜୁଡା ଓ ଶ୍ରଦ୍ଧାଳୁମାନେ ପୁରୀ ଶ୍ରୀମନ୍ଦିର ପାଇଁ ପ୍ରାୟ ୬୦,୮୦୫ ଏକର ଜମି ବ୍ୟବସ୍ଥା କରିଥିବା ବେଳେ ଏଥିରୁ ଅଧାରୁ ଅଧିକ ଜମିର କାଗଜପତ୍ର ପ୍ରଶାସନ ପାଖରେ ନାହିଁ।
  • ମହାପ୍ରଭୁଙ୍କ ଜମିରୁ ଖଣିଜ ଲୁଟ ବି ଚାଲିଛି।
  • ଗ୍ରିନ୍‍ ଟ୍ରିବ୍ୟୁନାଲ ଭଳି ସଂସ୍ଥା ଶ୍ରୀମନ୍ଦିର ପ୍ରଶାସନକୁ କ୍ଷତିପୂରଣ ପାଇଁ ଦେବାକୁ ନିର୍ଦ୍ଦେଶ ବି ଦେଇଛନ୍ତି।
    କଥା ହେଉଛି ରାଜସ୍ୱ ବିଭାଗ ଚାହିଁଲେ ରାଜ୍ୟର ୨୩ଟି ଜିଲ୍ଲାରେ ଥିବା ଜଗନ୍ନାଥଙ୍କ ଭୂସମ୍ପତ୍ତି, ଶ୍ରୀମନ୍ଦିର ପ୍ରଶାସନ ହାତକୁ ଆସିପାରିବ। ସରକାର ଚାହିଁଲେ ୬ଟି ରାଜ୍ୟରେ ଥିବା ଭୂସମ୍ପତ୍ତିରୁ କୋଟି କୋଟି ଟଙ୍କା ରାଜସ୍ୱ ଆଦାୟ କରିପାରିବେ।

 ୧୯୯୯ରୁ ୨୦୧୬ ମସିହା ଭିତରେ ୩୦୦ ଏକରରୁ ଅଧିକ ଜମି ବିକ୍ରି କରାଯାଇ ୧୦କୋଟିରୁ ଅଧିକ ଅର୍ଥ ଶ୍ରୀମନ୍ଦିର କର୍ପସ ପାଣ୍ଠିରେ ରଖାଯାଇଛି ।

  • ଯେଉଁ ଭୂସମ୍ପତ୍ତି ଜବର ଦଖଲରେ ଅଛି, ସେଗୁଡିକୁ ମଧ୍ୟ ବିକ୍ରି କରି କର୍ପସ ପାଣ୍ଠି ବୃଦ୍ଧି କରାଯାଇ ପାରନ୍ତା।
  • ବେଦାନ୍ତ ବିଶ୍ୱବିଦ୍ୟାଳୟ ଲାଗି ଶ୍ରୀମନ୍ଦିରର ଯେଉଁ ଅମୃତ ମଣୋହି ଜମି ଦିଆ ଯାଇଥିଲା ତାହା ସୁପ୍ରିମକୋର୍ଟରେ ନାକଚ ହେଲା ପରେ ଏବେ ଶ୍ରୀମନ୍ଦିର ଖାତାକୁ ଫେରିବା କଥା।
  • ସେପଟେ ୧୯୮୩ ମସିହାରୁ ଶ୍ରୀମନ୍ଦିରରେ ହୁଣ୍ଡି ବସା ଯିବା ସହ ସ୍ୱତନ୍ତ୍ର ଅଧିନିୟମ ବଳରେ ଫାଉଣ୍ଡେସନ୍ ଫଣ୍ଡର ବ୍ୟବସ୍ଥା ହୋଇଛି । ତଥ୍ୟ କହୁଛି ଗତ 3ଟି ଆର୍ଥିକ ବର୍ଷରେ ହୁଣ୍ଡି, ବ୍ୟାଙ୍କ ଏବଂ ଅନ୍ୟାନ୍ୟ ସୂତ୍ରରୁ 113 କୋଟି 2 ଲକ୍ଷ 55 ହଜାର 889 ଟଙ୍କା ଆଦାୟ ହୋଇଛି।

ସେହିପରି ଦାନ ସୂତ୍ରରେ ଗତ 3ଟି ଆର୍ଥିକ ବର୍ଷରେ 12 କେ.ଜି 284 ଗ୍ରାମ୍ ସୁନା ଅଳଙ୍କାର ମିଳିଥିବା ବେଳେ ରୂପା ଅଳଙ୍କାର ମିଳିଛି 214 କେ.ଜି 130 ଗ୍ରାମ୍। ହୁଣ୍ଡି ଟଙ୍କା ବ୍ୟାଙ୍କରେ ରଖି ସୁଧ ମଧ୍ୟ ଆସୁଛି । ତଥାପି ସ୍ଥିତି ସୁଧୁରୁନି ।
ଯଦି ଶ୍ରୀମନ୍ଦିର ପରିଚାଳନା କମିଟି ଏବଂ ଓଡ଼ିଶା ସରକାରଙ୍କ ମଧ୍ୟରେ ସମନ୍ୱୟ ରୁହନ୍ତା, ତାହେଲେ ଭୂସମ୍ପତ୍ତିରୁ     ଯଥେଷ୍ଟ ଆୟ ଆସନ୍ତା। ଆଉ ସରକାରଙ୍କ ହାତଟେକାକୁ ଭରସା ନକରି ଶ୍ରୀମନ୍ଦିର ବ୍ୟବସ୍ଥା ନିଜ ସମ୍ପତ୍ତିରେ ଚାଲନ୍ତା।

ନବୀନଙ୍କ ମୁମ୍ବାଇ ଗସ୍ତ, ଚିକିତ୍ସା ପାଇଁ ନା’ ଅନ୍ୟ କିଛି…

0 Comments read Politics
Naveen Patnaik’s Mumbai Visit: Political Strategy Over Health Concerns !

ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚିକିତ୍ସା ପାଇଁ ମୁମ୍ବାଇ ଯାଇଛନ୍ତି। ଧୀରୁଭାଇ ଅମ୍ବାନୀ ହସ୍ପିଟାଲରେ ହୋଇପାରେ ସର୍ଭାଇକାଲ୍ ଆର୍ଥ୍ରାଇଟିସ୍ ଅପରେସନ୍। ନବୀନଙ୍କ ଘରୋଇ ଡାକ୍ତର ରମାକାନ୍ତ ପଣ୍ଡାଙ୍କ ତତ୍ତ୍ୱାବଧାନରେ ଜୁନ୍ ୨୨ରେ ସର୍ଜରୀ ହୋଇପାରେ। ଏଥିପାଇଁ ସୋସିଆଲ ମିଡିଆରେ ସୂଚନା ଦେଇ ଜଗନ୍ନାଥଙ୍କ ଆଶୀର୍ବାଦ କାମନା କରିଛନ୍ତି ନବୀନ ।

କିନ୍ତୁ ନବୀନଙ୍କ ମୁମ୍ବାଇ ଗସ୍ତ ପଛରେ ପଲିଟିକ୍ସ ଅଧିକ ଥିବାର ଲାଗୁଛି। ପ୍ରଧାନମନ୍ତ୍ରୀଙ୍କ ଭୁବନେଶ୍ୱରର ରୋଡ୍ ସୋ’ର ପ୍ରାୟ 5 ଘଣ୍ଟା ପୂର୍ବରୁ BJDର କର୍ମୀ-ନେତା, ଏୟାରପୋର୍ଟରେ ଏକାଠି ହେବା, ନବୀନଙ୍କ ପଲିଟିକାଲ୍ ଏଜେଣ୍ଡାକୁ ଉଜାଗର କରିଛି। ବିଜୁ ପଟ୍ଟନାୟକ ଏୟାରପୋର୍ଟରୁ ଜନତା ମୈଦାନ ଯାଏଁ ନରେନ୍ଦ୍ର ମୋଦୀଙ୍କ ରୋଡ୍ ସୋ’ର ସିଡ୍ୟୁଲ୍ ଆଗୁଆ ସ୍ଥିର ହୋଇଛି। କିନ୍ତୁ ମୋଦୀଙ୍କ ପପୁଲାରିଟିକୁ କାଉଣ୍ଟର କରିବାକୁ BJD ସଭାପତିଙ୍କ ଅସୁସ୍ଥତାକୁ ଫୋକସ୍ କରିଛନ୍ତି ନବୀନଙ୍କ କୋଟରୀ। ସେଥିପାଇଁ ହଠାତ୍ ନବୀନ ନିବାସରୁ ଏୟାରପୋର୍ଟ ଯାଏଁ ମହାନାଟକର ଆୟୋଜନ କରାଗଲା। ଅସୁସ୍ଥ ନବୀନ ପଟ୍ଟନାୟକ ଯେପରି ଯୁଦ୍ଧ ଲଢ଼ିବାକୁ ଯାଉଛନ୍ତି, ସେଥିପାଇଁ ମେଲାଣି ପର୍ବର ଆୟୋଜନ କରାଗଲା।
ହୁଳହୁଳି-ବନ୍ଦାପନାର ମହାନାଟକ
ପ୍ଲାନିଂ ଅନୁସାରେ ଏୟାରପୋର୍ଟ ଅଭିମୁଖେ ନବୀନ ପଟ୍ଟନାୟକ ଯିବାବେଳେ BJD ମହିଳା କର୍ମୀମାନେ ତାଙ୍କୁ ବନ୍ଦାପନା କରିବା ସହ ହୁଳହୁଳି ପକାଇଲେ। ଦଳର ବରିଷ୍ଠ ନେତା ଏବଂ ଭୁବନେଶ୍ୱରର ଆଖପାଖ ଅଞ୍ଚଳରୁ କର୍ମୀମାନଙ୍କୁ ବୋହି ଆଣି ଏୟାରପୋର୍ଟରେ ରୁଣ୍ଡ କଲେ। ମୋଦିଙ୍କ ତୁଳନାରେ ନବୀନ ଅଧିକ ଲୋକପ୍ରିୟ ବୋଲି ଦେଖାଇବାର ପ୍ରଚେଷ୍ଠା ହେଲା। BJDର ନେତା-କର୍ମୀ, ଆରୋଗ୍ୟ କାମନା କରି ନବୀନଙ୍କୁ ବିଦାୟ ଦେଲେ।

ମୁମ୍ବାଇ ଚିକିତ୍ସାର ପ୍ରଚାର କଣ ପାଇଁ
କିନ୍ତୁ ନବୀନ ପଟ୍ଟନାୟକଙ୍କ କୋଟରୀ ଭୁଲିଗଲେ ଯେ ସାଧାରଣତଃ ଜଣେ ମେଡିକାଲକୁ ଯିବା ସମୟରେ ସମସ୍ତେ ଚିନ୍ତାରେ ଥାଆନ୍ତି। ହେଲେ ନବୀନଙ୍କ ସ୍ୱାସ୍ଥ୍ୟ ଉପଚାରକୁ ପ୍ରଚାର-ପ୍ରସାରର ଉଚିତ ମାଧ୍ୟମ ଭାବିଲେ BJDର ଶୀର୍ଷ ନେତୃତ୍ୱ । କିନ୍ତୁ ସଚେତନ ଓଡ଼ିଆ ଜାଣିଛନ୍ତି ଯେ ପୂର୍ବରୁ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହୁଅନ୍ତି ନବୀନ କିମ୍ବା ହରିଆନା ଗୁରୁଗାଓଁର ମେଦାନ୍ତ ହସ୍ପିଟାଲରେ ଚିକିତ୍ସିତ ହେବାର ଉଦାହରଣ ଅଛି। କିନ୍ତୁ କେବେବି ଗଣମାଧ୍ୟମ ବା ସୋସିଆଲ୍ ମିଡିଆରେ ନିଜର ଚିକିତ୍ସା ସଂପର୍କରେ ଜଣାଇ ନାହାଁନ୍ତି ନବୀନ। ପ୍ରଥମଥର ଚିକିତ୍ସା ପାଇଁ ମୁମ୍ବାଇ ଗଲେ, କିନ୍ତୁ ସେ ସଂପର୍କରେ ସାରା ଦୁନିଆକୁ ଜଣାଇବା ପଛରେ ନବୀନଙ୍କର କି କାରଣ ରହିଛି ?

ତେବେ BJDର ନିଷ୍ପତ୍ତି ନେଉଥିବା ନେତୃତ୍ୱ ଜାଣିବା ଉଚିତ ଯେ 2024 ନିର୍ବାଚନ ନବୀନଙ୍କ ଲୋକପ୍ରିୟତାର ସାର୍ଟିଫିକେଟ୍ ଦେଇଛି। ନବୀନ ପଟ୍ଟନାୟକ ଜଣେ ଅପ୍ରତିଦ୍ୱନ୍ଦ୍ୱୀ ନେତା ନୁହଁନ୍ତି । କଣ୍ଟାବାଞ୍ଝି ଆସନରେ ଲକ୍ଷ୍ମଣ ବାଗଙ୍କ ଠାରୁ 16,344 ଭୋଟ ବ୍ୟବଧାନରେ ପରାଜିତ ହୋଇଛନ୍ତି ନବୀନ ପଟ୍ଟନାୟକ । ସେହିଭଳି ନିଜର ପାରମ୍ପରିକ ଆସନ ହିଞ୍ଜିଳରୁ ପ୍ରାୟ 60,000ରୁ ଅଧିକ ଭୋଟରେ ବିଜୟୀ ହେଉଥିବା ନବୀନ, ଗତ ନିର୍ବାଚନରେ ମାତ୍ର 4636 ଭୋଟରେ ଜିତିଛନ୍ତି।
ତେବେ ମୋଦୀଙ୍କୁ କାଉଣ୍ଟର କରିବା ନବୀନଙ୍କର ମୁମ୍ବାଇ ଗସ୍ତ ପ୍ରଥମ ଚାଲ୍ ନୁହେଁ । 5 ଅଗଷ୍ଟ 2021ରେ ଅଯୋଦ୍ଧାରେ ରାମ ମନ୍ଦିରର ଭୂମି ପୂଜନ ଚାଲିଥିବା ବେଳେ କରୋନା ମୁକାବିଲା ପାଇଁ ଓଡ଼ିଶାରେ ସାମୁହିକ “ବନ୍ଦେ ଉତ୍କଳ ଜନନୀ” ଗାନ କରାଇଥିଲେ ବିଜେଡି ସରକାର। ସେହିପରି ରାମ ମନ୍ଦିର ପ୍ରତିଷ୍ଠା ଆଗରୁ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ ସହ ଗାଁ ଗାଁରୁ ଅର୍ପଣ ଚାଉଳ ସଂଗ୍ରହ କରିଥିଲେ ନବୀନ ଆଣ୍ଡ କମ୍ପାନୀ। ମୋଦୀଙ୍କୁ କାଉଣ୍ଟର କରିବାକୁ ଯାଇ ନବୀନ ପଟ୍ଟନାୟକଙ୍କ ଅସୁସ୍ଥତାକୁ ଆୟୁଧ କରିବାର BJDର ପ୍ରୟାସକୁ ଓଡ଼ିଶାବାସୀ ବୁଝିପାରିବେ ନାହିଁ, ଏଭଳି ଭାବିବା ଠିକ୍ ନୁହେଁ।