ଓଡ଼ିଶାରେ ଆମ ଶାସନ ଲାଗୁ ହୋଇଛି । 5 ଟି ଢାଞ୍ଚାକୁ ବିଜେପି ସରକାର ଆପଣେଇଛନ୍ତି । ଲୋକଙ୍କୁ ସେବା ଦେବାରେ ଅଫିସର ମନମାନି କଲେ ଦୃଢ କାର୍ଯ୍ୟାନୁଷ୍ଠାନ ନିଆଯିବ। 14471 ହେଲ୍ପଲାଇନ୍ ନମ୍ବରକୁ ଫୋନ୍ କରି ଜନସାଧାରଣ ଅଭିଯୋଗ କରି ପାରିବେ। ବିଜେଡ଼ି ସରକାରଙ୍କ ’ମୋ-ସରକାର’ ଢାଞ୍ଚାରେ ଶାସନ ଚାଲିବ ।
ରାଜ୍ୟ ସରକାରଙ୍କ ବିଭିନ୍ନ ଯୋଜନା କେମିତି କାର୍ଯ୍ୟକାରୀ ହେଉଛି ସେନେଇ ଲୋକଙ୍କ ମତାମତ ନିଆଯିବ। ଯଦି କୌଣସି ଅଧିକାରୀ ଲୋକଙ୍କୁ ଠିକରେ ସେବା ନ ଯୋଗାନ୍ତି କିମ୍ବା ଖରାପ ବ୍ୟବହାର ଦେଖାନ୍ତି ତେବେ ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ । କୌଣସି ବି କାମ ପାଇଁ ଲାଞ୍ଚ ମାଗିଲେ ସ୍ଟ୍ରଙ୍ଗ ଆକ୍ସନ ନିଆଯିବ। ଏଥିପାଇଁ ଓଡ଼ିଶା ସରକାର ‘ଆମ ଶାସନ’ ବ୍ୟବସ୍ଥା ଆରମ୍ଭ କରିଛନ୍ତି । ବିଜେଡି ସରକାରରେ ଭି କେ ପାଣ୍ଡିଆନ 5t କୁ ଅକ୍ତିଆର କରି ରଖିଥିଲା ବେଳେ ଆମ ସରକାରରେ କିନ୍ତୁ ସଚିବ କି ଅଧ୍ୟକ୍ଷ ନୁହେଁ ଯେଉଁ ଅଭିଯୋଗ , ବା ପ୍ରସ୍ତାବ ଆସିବ ତାହା ମୁଖ୍ୟମନ୍ତ୍ରୀ ଓ ପ୍ରଶାସନ ସିଧାସଳଖ ଶୁଣିବେ। ଏଥିରେ ପ୍ରାୟ ୨୦ଟି ବିଭାଗର ୧୫୦ରୁ ଅଧିକ ସେବା ଉପଲବ୍ଧ ହେବ । ଏବେ ୮ଟି ବିଭାଗର ୧୬ଟି ସେବା ଉପଲବ୍ଧ ହେବ।
ସରକାରଙ୍କ ତରଫରୁ ଲୋକଙ୍କ ପାଖକୁ ରେକର୍ଡ ହେଉଥିବା ଏକ କଲ୍ ଆସିବ, ସେମାନଙ୍କୁ ଯୋଜନାର କାର୍ଯ୍ୟକାରିତା ଉପରେ ବିଭିନ୍ନ ପ୍ରଶ୍ନ ପଚରାଯିବ । ଏଥିସହ ଲୋକଙ୍କ ଠାରୁ ମତାମତ ସଂଗ୍ରହ ସହିତ ଲୋକ ଫୋନ୍ କରି ମତାମତ ଓ ଅଭିଯୋଗ ଦେବା ପାଇଁ ଏକ କଲ୍ ସେଣ୍ଟର ରହିବ । ଲୋକଙ୍କ ପାଖରେ ସେବା ଠିକ୍ରେ ପହଞ୍ଚୁଛି କି ନାହିଁ, ସରକାର ତଦାରଖ କରିବେ। ଥାନା, ଡାକ୍ତରଖାନା, ଧାନମଣ୍ଡି, ସ୍କୁଲ୍ ସବୁକିଛି ସରକାରଙ୍କ ସ୍କାନରରେ ରହିବ। ଏପରିକି ସୁଭଦ୍ରା ସମ୍ବନ୍ଧୀୟ ଅଭିଯୋଗ ବି କରିହେବ । ମତାମତ ଓ ଅଭିଯୋଗ ପାଇଁ ୧୪୪୭୧ ଟୋଲ୍ ଫ୍ରି ନମ୍ବର ଜାରୀ ହେଉଛି । ସୋମବାରରୁ ଶୁକ୍ରବାର ଯାଏଁ ସକାଳ ୯ଟାରୁ ସଂଧ୍ୟା ୭ଟା ପର୍ଯ୍ୟନ୍ତ ଏ ନମ୍ବରରେ କଥା ହେଇ ହେବ। ତେବେ କେବଳ ଅଫଲାଇନ୍ ନୁହେଁ ଅନଲାଇନ୍ ପ୍ଲାଟଫର୍ମ ଯେପରିକି ହ୍ବାଟସ୍ଆପ୍, ଇ-ମେଲ, ଏକ୍ସରେ ମଧ୍ୟ ମତାମତ ଏବଂ ଅଭିଯୋଗ କରିହେବ। ତେବେ 5 ଟି ତୁଳନାରେ ଏ ସେବା ଅଧିକ ଫଳପ୍ରଦ ହେଉଛି ତାହା ଦେଖିବା ବାକି ।
