ଆଧାର କାର୍ଡରୁ ହଟିବ ପର୍ସନାଲ ଡିଟେଲ୍ସ । ନାଁ, ଠିକଣା ଫୋନ୍ ନମ୍ବର ହେବନି ସାର୍ବଜନୀନ । Qr କୋର୍ଡରେ ରହିବ କାର୍ଡହୋଲ୍ଡରଙ୍କ ତଥ୍ୟ । ଆଧାର କାର୍ଡରେ କେବଳ ଫଟ ରଖିବାକୁ ଯୋଜନା । 2009ରୁ ଆଇଡେଣ୍ଟି ହିସାବରେ ଆରମ୍ଭ ହୋଇଥିବା ଆଧାରକାର୍ଡରେ ସଂଶୋଧନ ହେବାକୁ ଯାଉଛି। ଆଧାରକାର୍ଡରେ ନାଁ ,ଠିକଣା ଆଦିର ତଥ୍ୟକୁ ଗୋପନ ରଖିବାକୁ ଯୋଜନା ହେଉଛି। ଆଧାର କାର୍ଡ ଆଗକୁ ପୂର୍ବ ଭଳି ଦେଖାଯିବନି। କାର୍ଡରେ ପରିବର୍ତ୍ତନ କରିବାକୁ Unique Identification Authority of India ଯୋଜନା କରୁଛନ୍ତି।
ଏବେକାର ଆଧାର କାର୍ଡରେ ଫଟୋ ସହିତ ନାଁ, ଠିକଣା ରହୁଛି। ବିଭିନ୍ନ ସମୟରେ ବିଭିନ୍ନ କାମପାଇଁ ଆଧାର କାର୍ଡ ବ୍ୟବହାର ହେଉଥିବାରୁ ପରିଚୟରେ ଗୋପନୀୟତା ରହୁନାହିଁ । ତଥ୍ୟ ଅପବ୍ୟବହାରର ଆଶଙ୍କା ରହୁଛି। ଆଧାରକୁ ଅନେକ ସ୍ଥାନରେ ପରିଚୟପତ୍ର ଭାବେ ବ୍ୟବହାର କରି ଜେରକ୍ସ ରଖାଯାଉଥିବାରୁ ବ୍ୟକ୍ତିଙ୍କର ପରିଚୟ ସାର୍ବଜନୀନ ହେଉଛି। ଯୋଉ ସମସ୍ୟାର ସମାଧାନ କରିବା ପାଇଁ ୟୁଆଇଡିଏଆଇ ପକ୍ଷରୁ କ୍ୟୁଆର୍ କୋଡ୍ ଆଧାରିତ ଆଧାର କାର୍ଡ ଜାରି କରିବାକୁ ଯୋଜନା ହେଉଛି । ନୂଆ କାର୍ଡରେ କେବଳ ଲୋକଙ୍କ ଫଟୋ ଓ କ୍ୟୁଆର କୋଡ୍ ରହିବ । ସମସ୍ତ ବ୍ୟକ୍ତିଗତ ତଥ୍ୟ ଯେପରିକି ନାଁ, ଠିକଣା, ଫୋନ ନମ୍ବରର ଡିଟେଲ୍ସ କ୍ୟୁଆର୍ କୋଡ୍ରେ ରହିବ । ଡିସେମ୍ବର ମାସରୁ ଆଧାର କାର୍ଡରେ ଏ ଚେଞ୍ଜ କରିବାକୁ ଯୋଜନା ଅଛି । ହୋଟେଲ ସହିତ ବିଭିନ୍ନ ସଂସ୍ଥା ଅଫଲାଇନରେ ଆଧାର ଯାଞ୍ଚ କରୁଛନ୍ତି।ଆଧାର ତଥ୍ୟ ସଂଗ୍ରହ, ସଂରକ୍ଷଣ ଓ ପ୍ରସାରକୁ ରୋକିବା ପାଇଁ କଡ଼ା ଆଇନ ଥିବା ସତ୍ତ୍ବେ ଅଫଲାଇନ୍ରେ ତାହାର ବ୍ୟାପକ ଅପବ୍ୟବହାର କରାଯାଉଛି। କ୍ୟୁଆର୍ କୋଡ୍ରେ ତଥ୍ୟ ରହିଲେ ଆଉ କେହି ଅଫଲାଇନ୍ରେ ପ୍ରଘଟ କରିପାରିବେ ନାହିଁ। ସବୁ କିଛି ଅନଲାଇନ୍ରେ ହେବ । ଆଧାରକୁ ଦସ୍ତାବିଜ୍ ଭାବେ ବ୍ୟବହାର ନ କରି କେବଳ ପ୍ରମାଣୀକରଣ ପାଇଁ ବ୍ୟବହାର କରାଯିବ । ଡିସେମ୍ବର ପହିଲାରୁ ନୂଆ ଆଧାର ଆପ୍ ଜରିଆରେ ଡିଜିଟାଲ ପ୍ରମାଣୀକରଣ ହୋଇପାରିବା ନୂଆ କାର୍ଡରେ କ୍ୟୁଆର୍ ଆଧାରିତ ଡାଟା ଓ ଫଟ ରହିବ। ଯାହା ଫଳରେ ତଥ୍ୟର ଗୋପନୀୟତା ବଜାୟ ରହିବ ।
