Category Politics

ହସ୍ପିଟାଲରେ ଥିଲେ ଢୋଲକିଆ, ସାହାଯ୍ୟ କଲେନି ବବି !

0 Comments read News, Politics
Nuapa Politics : Dholkia Family Unhappy with BJD Leadership

ବିଜୁ ଜନତା ଦଳ ସଭାପତି ନବୀନ ପଟ୍ଟନାୟକ ଓ ତାଙ୍କ ବଡ଼ ଭାଇ ପ୍ରେମ ପଟ୍ଟନାୟକଙ୍କ ରାସ୍ତାରେ ପୂର୍ବତନ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଓରଫ ବବି ।

  • 1997 ମସିହା ଏପ୍ରିଲ 17ରେ ଯେତେବେଳେ ବିଜୁ ପଟ୍ଟନାୟକଙ୍କ ଦେହାନ୍ତ ହୋଇଥିଲା, ସେ ସମୟରେ ଦିଲ୍ଲୀର ଏସକର୍ଟ ହସ୍ପିଟାଲ୍ ବିଲ୍ ଦେବାକୁ ପଛଘୁଞ୍ଚା ଦେଇଥିଲେ ବିଜୁ ବାବୁଙ୍କ ଦୁଇ ପୁଅ ପ୍ରେମ ଓ ନବୀନ ।
  • ଏସକର୍ଟ ହସ୍ପିଟାଲ୍ ଅଧିକାରୀ, ଚିକିତ୍ସା ବିଲ୍ ମାଗିବା ବେଳେ, ଦୁଇ ଭାଇ ହାତ ଠାରି ଦେଇଥିଲେ ତତ୍କାଳୀନ ଜନତା ଦଳ ରାଜ୍ୟସଭା ସାଂସଦ ଦିଲ୍ଲୀପ ରାୟଙ୍କ ଆଡ଼କୁ । କାରଣ ଶେଷ ସମୟରେ ବିଜୁ ବାବୁ ରହୁଥିଲେ, ଦିଲ୍ଲୀପ ରାୟଙ୍କ ପାଖରେ। ଦିଲ୍ଲୀପ ରାୟ ହିଁ ପୈଠ କରିଥିଲେ ଏସକର୍ଟ ହସ୍ପିଟାଲ ବିଲ୍ ।

ନବୀନଙ୍କ ରାସ୍ତାରେ ବବି
ଏହି ଘଟଣାର କିଛି ଅଂଶ ମିଶୁଛି, ନୂଆପଡାର ଦିବଂଗତ ବିଧାୟକ ରାଜେନ୍ଦ୍ର ଢୋଲକିଆଙ୍କ କ୍ଷେତ୍ରରେ । ହେଲେ ଏଠି ସ୍କ୍ରିପ୍ଟ ଟିକେ ଅଲଗା । ବିଜୁ ଜନତା ଦଳର ପୂର୍ବତନ ବିଧାୟକ ରାଜେନ୍ଦ୍ର ଢୋଲକିଆ, ଚେନାଇର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ସମୟରେ ତାଙ୍କ ପୁଅ ଜୟଙ୍କ ବ୍ୟାଙ୍କ କାରବାରକୁ ନେଇ ଅସୁବିଧା ଥିଲା ବୋଲି ଶୁଣିବାକୁ ମିଳୁଛି ।

  • ସେଥିପାଇଁ ଜୟ କୁଆଡେ ବବି ଦାସଙ୍କୁ 15ରୁ 20 ଲକ୍ଷ ଟଙ୍କା ଧାର ମାଗିଥିଲେ । ବ୍ୟାଙ୍କ ଟ୍ରାଞ୍ଜାକସନ୍ ସ୍ୱାଭାବିକ ହେବା ମାତ୍ରେ ଟଙ୍କା ଫେରାଇ ଦେଇଥାନ୍ତେ । ସେହି ପ୍ରସ୍ତାବରେ ବବି ରାଜି ହୋଇଥିଲେ ବି ଚର୍ଚ୍ଚା ହେଉଛି ।
  • କ’ଣ ହେଲା କେଜାଣି, ଆଉ ଜୟଙ୍କ ଫୋନ ଉଠାଇଲେ ନାହିଁ ବବି ଦାସ।
  • ଅନ୍ୟ ଆଡୁ ଟଙ୍କା ଯୋଗାଡ଼ କରି ହସ୍ପିଟାଲ୍ ବିଲ୍ ପୈଠ କରିଥିଲେ ଜୟ। କିନ୍ତୁ ବାପାଙ୍କୁ ବଞ୍ଚାଇ ପାରିଲେ ନାହିଁ।
       ବବି ଦାସଙ୍କ ଏହି ଦୋମୁହାଁ ଗୁଣ ଯୋଗୁଁ ଆଜି ଢୋଲକିଆ ପରିବାର, ବିଜେଡି ଉପରେ ଖପ୍ପା ଥିବା ଶୁଣୁବାକୁ ମିଳୁଛି । ସେପଟେ ବବି ଦାସଙ୍କୁ ଅଘୋଷିତ ଭାବେ ନୂଆପଡା ଦାୟିତ୍ୱ ଦେଇଛନ୍ତି ବିଜେଡିର ଛାୟା ସୁପ୍ରିମୋ ଭୈରବ ପାଣ୍ଡିଆନ । ଯାହାକୁ ବିରୋଧ କରୁଛନ୍ତି ଢୋଲକିଆ ପରିବାର । ଯଦି ବବି ଦାସ ନୂଆପଡା ଉପନିର୍ବାଚନ ଦାୟିତ୍ୱ ନେବେ, ଜୟ BJP ଯିବେ, ନ ହେଲେ BJP ପ୍ରାର୍ଥୀଙ୍କୁ ସମର୍ଥନ ଦେବେ ବୋଲି ନୂଆପଡାରେ ଚର୍ଚ୍ଚା ହେଲାଣି ।

ହେଲିକପ୍ଟର ଭଡ଼ା କରିଥିଲେ
ତେବେ ବବି ଦାସଙ୍କ ଠାରୁ ଧାର ନେଇ ଟଙ୍କା ଫେରାଇ ଦେଇଥାନ୍ତେ ଜୟ, ଏ କଥାରେ ଦ୍ୱିମତ ନାହିଁ । କାରଣ ଢୋଲକିଆ ପରିବାର ଏକ ସମ୍ଭ୍ରାନ୍ତ ଇତାହାସ ରଖନ୍ତି । ବ୍ୟବସାୟୀ ପରିବାର, ଆର୍ଥିକ ଦୃଷ୍ଟିରୁ ଖୁବ ସ୍ୱଚ୍ଛଳ ।  2014 ରେ ନିର୍ବାଚନ ହାରିବା ସତ୍ୱେ, ତତ୍କାଳୀନ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଦେବୀପ୍ରସାଦ ମିଶ୍ରଙ୍କୁ ନିଜ ସ୍କୁଲ କାର୍ଯ୍ୟକ୍ରମରେ ହେଲିକପ୍ଟର ଭଡ଼ା କରି ନୂଆପଡ଼ା ନେଇଥିଲେ ରାଜେନ୍ଦ୍ର ଢୋଲକିଆ। କିନ୍ତୁ ବବି ଦାସ ନିଜ ଦଳର ବରିଷ୍ଠ ବିଧାୟକଙ୍କ ପରିବାରର ଅନୁରୋଧ ରଖିଲେନି । ଯେଉଁଠି ଆଜି ବି ବବିଙ୍କୁ ଅନେକ ବିଜେଡି ନେତା Closest to ପାଣ୍ଡିଆନ ମାନନ୍ତି ।
ଜୟ ନ ଲଢ଼ିବେ ପଛେ, ବବି ଦାସଙ୍କୁ ପାନେ ଚଖାଇ, ବିଜୁ ଜନତା ଦଳର ଅସ୍ତିତ୍ୱ ଦୋହଲାଇବାକୁ ବିଦ୍ରୋହୀ ହେବେ, ସେ କଥା ଏଡାଇ ହେବ ନାହିଁ !…
ଏହି ଷ୍ଟୋରୀକୁ ଲେଖିଛନ୍ତି-ଦେବେନ୍ଦ୍ର କୁମାର ନାୟକ

ସମୟ ନଥାଇ କଂଗ୍ରେସର ଅନାସ୍ଥା ପ୍ରସ୍ତାବ

0 Comments read Politics
  • BJD ପାଇଁ ଭକ୍ତ ଦାସଙ୍କ ଷଡ଼ଯନ୍ତ୍ର
  • କେବଳ ସରକାର ନୁହେଁ, ବରଂ ବିରୋଧି ଦଳକୁ ହରଡ଼ଘଣାରେ ପକାଇବାକୁ ଚାହୁଁଛି କଂଗ୍ରେସ
  • ସମର୍ଥନ ଆଳରେ ବିଜୁ ଜନତା ଦଳ ପ୍ରତି, ସମାଲୋଚନାକୁ ନିମନ୍ତ୍ରଣ
  • BJDକୁ ଅଡୁଆରେ ପକାଇବାକୁ ଭକ୍ତଙ୍କ ଫର୍ମୁଲା ଅନାସ୍ଥା
  • ଅନାସ୍ଥା ପାଇଁ ସମୟ ନଥିଲା ବେଳେ କେବଳ ପଲିଟିକାଲ ଡ୍ରାମା କରୁଛି କଂଗ୍ରେସ
  • ମୌସୁମୀ ଅଧିବେଶନର ପ୍ରଥମ ଦିନ ପରି ଦ୍ୱିତୀୟ ଦିନ ବି ଚାଲି ପାରିଲାନି ବିଧାନସଭା

ଫେବୃଆରୀ 18 ରେ ସରକାର ବିରୁଦ୍ଧରେ ଅନାସ୍ତା ପ୍ରସ୍ତାବ ଆଣିଛି କଂଗ୍ରେସ । କଂଗ୍ରେସର 14 ବିଧାୟକ ସହ CPM ବିଧାୟକ ଲକ୍ଷ୍ମଣ ମୁଣ୍ଡାଙ୍କୁ ମିଶାଇ 15 ଜଣଙ୍କ ସମର୍ଥନ ରହିଛି । କଂଗ୍ରେସ ବିଧାୟକ ଦଳ ନେତା ରାମ ଚନ୍ଦ୍ର କାଡାମ, ତାରା ବାହିନୀପତି ବିଜେଡିର ଉପମୁଖ୍ୟ ସଚେତକ ପ୍ରତାପ ଦେବଙ୍କୁ ସାକ୍ଷାତ କରି ସମର୍ଥନ ମଧ୍ୟ ମାଗିଥିଲେ। ମାତ୍ର କଂଗ୍ରେସର ଏ ଫନ୍ଦିରେ ପଡ଼ି ନଥିଲା ବିଜେଡି ।
ତେବେ ଏ ଅନାସ୍ଥା ପ୍ରସ୍ତାବ ଆଜିର ନୁହେଁ । ବହୁ ପୂର୍ବରୁ ଏ ନେଇ ଗ୍ରୀନ୍ ସିଗନାଲ୍ ଦେଇ ସାରିଛନ୍ତି କଂଗ୍ରେସ ପ୍ରଦେଶ କମିଟି ଅଧ୍ୟକ୍ଷ ଭକ୍ତ ଦାସ। ଏମିତି କି ବିଜେଡି ପରି ସଂଖ୍ୟା ଗରିଷ୍ଠତା ଥିଲେ ବିଧାନସଭା ଚଲେଇ ଦିଅନ୍ତେ ନାହିଁ ବୋଲି ଖୋଲା ଧମକ ବି ଦେଇଥିଲେ । ଯାହାର ରେଜଲ୍ଟ ଏ ଅନାସ୍ଥା।

ମାତ୍ର ଏ ଅନାସ୍ଥା କଂଗ୍ରେସକୁ ଲୋକହସା କରାଇଛି । ସରକାରୀ ଦଳରେ ସ୍ୱାଧିନ ବିଧାୟକଙ୍କୁ ମିଶାଇ 81 ସଦସ୍ୟ ଥିଲା ବେଳେ ମାତ୍ର 15 ସଦସ୍ୟଙ୍କୁ ନେଇ କଂଗ୍ରେସର ଏ ପ୍ରହସନ କେବଳ ସମୟ ବର୍ବାଦର ବାର୍ତ୍ତା ଦେଉଛି । ମାତ୍ର 7 ଦିନର ସଂକ୍ଷିପ୍ତ ଅଧିବେଶନରେ ସଂଖ୍ୟାଗରିଷ୍ଠତା ଥିବା ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣି କଣ ପ୍ରମାଣ କରିବାକୁ ଚାହୁଁଛି କଂଗ୍ରେସ ? ରବିବାରକୁ ଛାଡ଼ି ବାକିଥିବା  6 ଦିନର କାର୍ଯ୍ୟଦିବସରୁ ଦୁଇ ଦିନ ମୁଲତବିରେ ଗଲାଣି। ଆଉ 4 ଦିନରେ କେଉଁ ନିଷ୍ପତ୍ତି  ଅପେକ୍ଷାରେ ଅଛି କଂଗ୍ରେସ। ଆଲୋଚନା ହେବାର ସମ୍ଭାବନା କ୍ଷୀଣ ଥିଲାବେଳେ କାହିଁକି ଏ ଅନାସ୍ଥା ଗେମ୍ ଖେଳୁଛି । କଣ କେବଳ ଭକ୍ତଦାସ ନିର୍ଦ୍ଦେଶ ଦେଲେ ବୋଲି?
          ଅନ୍ୟ ପାର୍ଶ୍ୱରେ ଦେଖିବାକୁ ଗଲେ ଯଦିଓ କଂଗ୍ରେସ ବିଜେଡିର ସମର୍ଥନ ମାଗୁଛି କିନ୍ତୁ ଯେଉଁ ପ୍ରସ୍ତାବରେ ଆଲୋଚନାର ସମ୍ଭାବନା ନାହିଁ ତାକୁ କାହିଁକି ସମର୍ଥନ କରିବ ବିଜେଡି ? ଯାହାର ପସିବିଲିଟି କମ୍ ତାକୁ ନେଇ କି ପଲିଟିକ୍ସ? ଏମିତି କରି ବିଜୁ ଜନତା ଦଳକୁ ଲୋକଙ୍କ ଆଖିରେ ନୀଚ୍ଚା କରୁନି ତ କଂଗ୍ରେସ? ବିଜେଡି ବିରୋଧି ଦଳର ଭୂମିକା ଠିକରେ କରୁନାହିଁ ବୋଲି ପ୍ରମାଣ କରିବାକୁ ଏ କଂଗ୍ରେସର ଚାଲାକି ନୁହେଁ ତ?

ତେବେ କଥା ହେଉଛି କଂଗ୍ରେସର ଏ ନୋଟିସ ପ୍ରସ୍ତାବ ଆକାରରେ ବିଧାନସଭା  ଗୃହରେ ଆସିପାରିବ କି? ଯଦି ଆସିବ, କେବେ? ଅନାସ୍ଥା ପ୍ରସ୍ତାବ ପାଇଁ ସମୟ କାହିଁ ? ଯଦିବା ବାଚସ୍ପତି କଂଗ୍ରେସର ଅନାସ୍ଥା ପ୍ରସ୍ତାବକୁ ଗ୍ରହଣ କରନ୍ତି ତେବେ ସେ ପ୍ରକ୍ରିୟା ପାଇଁ 15 ଜଣ ସଭ୍ୟଙ୍କୁ ଉପସ୍ଥିତ ରହି ସମ୍ମତି ଦେବାକୁ ପଡ଼ିବ । ପ୍ରସ୍ତାବ ଗ୍ରହଣ ହେଲା ପରେ ଯାଇ ପରବର୍ତ୍ତୀ ପ୍ରକ୍ରିୟା ଚାଲୁ ରହିବ । ଆଉ ଏମିତିରେ ଗୋଟାଏ ଦିନରେ ଏସବୁ କାମ ,ସମ୍ଭବ ନୁହେଁ । କଂଗ୍ରେସ ମଧ୍ୟ ବାଚସ୍ପତିଙ୍କୁ ତୁରନ୍ତ ନିଷ୍ପତ୍ତି ନେବାକୁ ବାଧ୍ୟ କରିପାରିବ ନାହିଁ । ହାତରେ ଆଉ ମାତ୍ର 4 ଦିନର ସମୟ, ବାକି ଥିବା 5 ଦିନରେ ମଝିରେ ରବିବାର ପଡ଼ୁଥିବାରୁ କଂଗ୍ରେସର କାମ ହେବା ଏତେ ସହଜ ନୁହେଁ  । ଏଥିପାଇଁ ସର୍ଚନିମ୍ନ ୧୦ ଦିନ ସମୟ ଆବଶ୍ୟକ।
                          ପ୍ରସ୍ତାବ ଗୃହରେ ଉପସ୍ଥାପିତ ହେବାପରେ ୧୦ ଦିନ ବାଦ୍ ଆଲୋଚନା ହେବ । ଏଥିପାଇଁ ସମୟ ନାହିଁ । ତେବେ ପ୍ରଶ୍ନ ଉଠୁଛି ଏସବୁ କଣ କଂଗ୍ରେସ ନେତାଙ୍କୁ ଅଜଣା? କଂଗ୍ରେସ ଶୀତ ଅଧିବେଶନ ପର୍ଯ୍ୟନ୍ତ ଅପେକ୍ଷା କଲାନାହିଁ କାହିଁକି ? କଂଗ୍ରେସର ଏ ତରବରିଆ ନୀତି ଅପରିପକ୍ୱତାକୁ ଦର୍ଶାଉଛି । ଅନ୍ୟପଟରେ ଏସବୁ ଦେଖି ବିଜେପି ନେତା ବାବୁ ସିଂହ କହିଲେଣି ଜଗତେ କେବଳ ଜନେ ହସିବେ । ବାଣ ମାରି ଜୟ ନାରାୟଣ ମିଶ୍ର କହୁଛନ୍ତି ଆମେ ତ ଗୋଲ୍ଡ ପାଇଛୁ, ସିଲଭର ମେଡାଲ ପାଇଁ ବିରୋଧିଙ୍କ ଏ ପ୍ରତିଯୋଗୀତା । ସତରେ ଏ ରାଜନୀତିର ଦୌଡ଼ରେ ଅନାସ୍ଥାକୁ ନେଇ କିଏ କେଉଁ ଆୱାର୍ଡ ପାଇବ ତାହା ସମୟ କହିବ ।

ଛାତ୍ରସଂସଦ ନିର୍ବାଚନ କରି ପାରିବ ତ BJP

0 Comments read Politics
Uncertainty Over College Elections In Odisha
  • ଛାତ୍ରସଂସଦ ନିର୍ବାଚନକୁ ନେଇ ଦ୍ୱନ୍ଦ
  • କଲେଜ ଇଲେକ୍ସନକୁ ନେଇ ସିରିୟସ୍ ନାହାନ୍ତି ବିଜେପି ସରକାର
  •  ମୁଖ୍ୟମନ୍ତ୍ରୀଙ୍କ ବାରମ୍ବାର ବିବୃତ୍ତି ସତ୍ତ୍ୱେ ପ୍ରକାଶ ପାଇନି ବିଜ୍ଞପ୍ତି
  • ସରକାରଙ୍କଠାରୁ ଆରମ୍ଭ କରି ବିରୋଧୀ, ସମସ୍ତଙ୍କର ଅନାଗ୍ରହ
  •  ବିଜେପିର ଇଚ୍ଛା ନାହିଁ, ବିରୋଧୀଙ୍କ ଦାବୀ ନାହିଁ
  • କେମିତି ହେବ କଲେଜ ଇଲେକ୍ସନ୍?
    2024 ଡିସେମ୍ବର 26ରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଛାତ୍ରସଂସଦ ନିର୍ବାଚନକୁ ନେଇ ଘୋଷଣା କରିଥିଲେ । 2018ରୁ ବନ୍ଦ ହୋଇ ରହିଥିବା କଲେଜ ଇଲେକ୍ସନକୁ 2025ରେ ବିଜେପି ସରକାର କରି ଦେଖାଇବ ବୋଲି ନିର୍ଭରଯୋଗ୍ୟ ପ୍ରତିଶ୍ରୁତି ବି ଦେଇଥିଲେ। ଉଚ୍ଚଶିକ୍ଷାମନ୍ତ୍ରୀଙ୍କ ଘୋଷଣା ପରେ ସେପ୍ଟେମ୍ବର ମାସର ଦ୍ୱିତୀୟ ସପ୍ତାହରେ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ ସ୍ତରରେ ବିଜ୍ଞପ୍ତି ପ୍ରକାଶ କରିବାକୁ ସମ୍ଭାବ୍ୟ ତାରିଖ ଦର୍ଶାଯାଇଥିଲା।  ମାତ୍ର  ଦ୍ୱିତୀୟ ସପ୍ତାହ ସରିଥିଲେ ମଧ୍ୟ ଏଯାଏଁ  ନୋଟିଫିକେସନ୍ ପ୍ରକାଶ ପାଇନାହିଁ।

ସେପ୍ଟେମ୍ବର ୧୭-୧୮ରେ ୯ଟାରୁ ୧୨ଟା ମଧ୍ୟରେ ଆଶାୟୀ ପ୍ରାର୍ଥୀମାନେ ନାମାଙ୍କନପତ୍ର ଦାଖଲ ଏବଂ ୧୮-୧୯ ରେ ୧୧ଟାରେ ଯୋଗ୍ୟ ପ୍ରାର୍ଥୀଙ୍କ ତାଲିକା ପ୍ରକାଶ ହବା କଥା। ସେପ୍ଟେମ୍ବର ୨୫ କିମ୍ବା ୨୬ ତାରିଖ ସକାଳ ୮ଟାରୁ ଅପରାହ୍ନ ୨ଟା ପର୍ଯ୍ୟନ୍ତ ନିର୍ବାଚନ କରିବାକୁ ସ୍ଥିର ହୋଇଥିଲା। ମାତ୍ର ଏପର୍ଯ୍ୟନ୍ତ ନୋଟିଫିକେସନ୍ ପ୍ରକାଶ ପାଇ ନାହିଁ । ବିରୋଧି ଦଳରେ ଥିଲାବେଳେ ଛାତ୍ର ସଂସଦ ନିର୍ବାଚନକୁ ନେଇ ହୋ ହାଲ୍ଲା କରୁଥିବା ବିଜେପି ଏବେ କ୍ଷମତାକୁ ଆସିଲା ପରେ ଇଲେକ୍ସନକୁ ନେଇ ଚୁପ୍ ବସିଥିବା ଅନୁମାନ ହେଉଛି ।
ବିଜୁ ଜନତା ଦଳ ଯଦିଓ ଛାତ୍ର ସଭାପତି ମନୋନୀତ କରି ସାରିଛି କଲେଜ୍ ଇଲେକ୍ସନକୁ ନେଇ ଦାବୀ କରୁଥିବା ଦେଖିବାକୁ ମିଳୁନି। କଂଗ୍ରେସର ଛାତ୍ର ସଭାପତି ଗିରଫ ହେବା ପରଠାରୁ ନେତୃତ୍ୱହୀନ ଏବଂ ନୀରବ। ନୂଆ ଛାତ୍ର ସଭାପତି ହେବା କିମ୍ବା କଲେଜ୍ ଇଲେକ୍ସନକୁ ନେଇ କ୍ୟାମ୍ପସ ସକ୍ରିୟ ହେବା ମଧ୍ୟ ଦେଖିବାକୁ ମିଳୁନି। ବିଜେପିର ଛାତ୍ର ସଙ୍ଗଠନ ଭାବେ ଜଣାଶୁଣା ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) ଏବେ ସମ୍ପୂର୍ଣ୍ଣ ନିରବ।

ଯାହା ଅନୁମାନ କରାଯାଉଛି ବିଜେପି ସରକାରର ବହୁ ବିଧାୟକ ଓ ଦଳୀୟ ନେତାମାନେ ନିର୍ବାଚନ ସପକ୍ଷରେ ନାହାନ୍ତି। ବିରୋଧୀ ଦଳ ପଟୁ ବି ଜୋର୍‌ଦାର ଚାପ ବି ଆସୁନାହିଁ । ଶିକ୍ଷାନୁଷ୍ଠାନ କର୍ତ୍ତୃପକ୍ଷ ବି ଇଲେକ୍ସନ ଝାମେଲାରେ ପସିବାକୁ ଚାହୁଁ ନାହାନ୍ତି । ତେଣୁ  ହୁଏତ ରାଜ୍ୟ ସରକାର ଏବର୍ଷ ଛାତ୍ର ସଂସଦ ନିର୍ବାଚନଠାରୁ ଦୂରେଇକୁ ଯୋଜନା କରୁଛନ୍ତି।
ବିଜେଡି ସରକାରରେ ଥିଲା ବେଳେ କଲେଜ୍ ଇଲେକ୍ସନକୁ ବନ୍ଦ କରିଥିବା କାରଣରୁ ଏବେ ଇଲେକ୍ସନ୍ ପାଇଁ ଦାବି କରିବା ବୁମେରାଂ ହୋଇପାରେ । ଏମିତିରେ ବି ଦଳର ସ୍ଥିତି ଯାହା ଜାଣିଜାଣି ପରାଜୟକୁ ନିମନ୍ତ୍ରଣ କରିବାକୁ ବିରୋଧୀ ଚାହିଁବେ ନାହିଁ । ଯାହା ବିଜେପି ସରକାରଙ୍କୁ ସୁହାଇବ। ତେବେ ଛାତ୍ର ସଂସଦ ନିର୍ବାଚନକୁ ନେଇ  ବାରମ୍ବାର ବିଜେଡିକୁ ଟାର୍ଗେଟ୍ କରିଥିବା ବିଜେପି ଛାତ୍ର ସମାଜକୁ କି ବାର୍ତ୍ତା ଦେବ? ନେତା ଗଢିବାରେ ନିଜେ ବାଧକ ହେଉନି ତ ବିଜେପି।

ସାବାଡ଼ ହେବେ ନେତା, ମାସେ ଜେଲରେ ରହିଲେ କ୍ଷମତା ଯିବ

0 Comments read Politics
PM, CM and ministers to lose chair if jailed for 30 days Read more at: https://www.deccanherald.com/india/pm-cm-minister-to-lose-chair-if-in-custody-for-30-days-bills-in-lok-sabha-3688155

ମାସେ ଜେଲରେ ରହିଲେ ନେତାଙ୍କୁ ଦବାକୁ ପଡ଼ିବ ବଡ଼ ମୂଲ୍ୟ । ହରାଇବାକୁ ପଡ଼ିପାରେ ପଦ ।ଏମିତିକି ମୁଖ୍ୟମନ୍ତ୍ରୀ କି ପ୍ରଧାନମନ୍ତ୍ରୀ ବି ବାଦ୍ ପଡ଼ିବେନି ।ଯେତେ କ୍ଷମତାର ଅଧିକାରୀ ହେଲେ ମଧ୍ୟ ଲାଗୁ ହେବ ସମାନ ନିୟମ।କୌଣସି ବି ରାଜନେତା, ମନ୍ତ୍ରୀ ମୁଖ୍ୟମନ୍ତ୍ରୀ ହୁଅନ୍ତୁ ଅବା ପ୍ରଧାନମନ୍ତ୍ରୀ ଯଦି ସଙ୍ଗୀନ ଅପରାଧିକ ମାମଲାରେ ଗିରଫ ହୋଇ ଜେଲ ଯାଆନ୍ତି, ତାହାଲେ ତାଙ୍କୁ ପଦ ହରାଇବାକୁ ପଡ଼ିବ ।୩୦ ଦିନରୁ ଅଧିକ ଜେଲ୍‌ରେ ରହିଲେ ଆସନ ଯିବ । କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଲୋକସଭାରେ ୩ଟି ବିଲ ଉପସ୍ଥାପନ କରିବେ। The Constitution (130th Amendment) Bill, 2025, The Jammu and Kashmir Reorganisation (Amendment) Bill, 2025 and The Government of Union Territories (Amendment) Bill, 2025 ଆଗତ ହେବ ।ଏହି ବିଲ ଅନୁଯାୟୀ 30 ଦିନ ଜେଲରେ ରହିଲେ 31 ଦିନରେ ହିଁ ନେତାଙ୍କୁ ତାଙ୍କ ପଦ ହରାଇବାକୁ ପଡ଼ିବ । ନେତାଙ୍କ ଆସନ, କ୍ଷମତା ସବୁ କିଛି ସେ ହରାଇବେ।

ଏହି ବିଲ୍‌ର ପ୍ରାବଧାନ ହେଉଛି , ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ, କେନ୍ଦ୍ରମନ୍ତ୍ରୀ ହୁଅନ୍ତୁ ଅବା କୌଣସି ବି ରାଜନେତା ଯଦି ସଙ୍ଗୀନ ଅପରାଧିକ ମାମଲାରେ ଗିରଫ ହୋଇ ଜେଲ ଯାଆନ୍ତି, ତାହାଲେ ତାଙ୍କୁ ପଦ ହରାଇବାକୁ ପଡ଼ିବ । ଯଦି ନେତା ୩୦ରୁ ଦିନ ଅଧିକ ଜେଲ୍‌ରେ ରୁହନ୍ତି କିମ୍ବା ସେମାନଙ୍କୁ ଅତି କମ୍‌ରେ ୫ ବର୍ଷ ଜେଲ୍‌ ଦଣ୍ଡ ବିଧାନ ହୁଏ, ତାହାଲେ ସେହି ନେତାଙ୍କୁ ତାଙ୍କ ପଦରୁ ବହିସ୍କାର କରାଯିବ । ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ୬ ମାସ ଓ ତାମିଲନାଡୁ ମୁଖ୍ୟମନ୍ତ୍ରୀ ଏମ୍‌. କେ ଷ୍ଟାଲିନ୍ ୨ ମାସ ଜେଲ୍‌ରେ ରହିଥିଲେ ବି ନିଜ ପଦରୁ ଇସ୍ତଫା ଦେଇନଥିଲେ । କେବଳ ଏଇ ଦୁଇଜଣ ନୁହନ୍ତି ଦେଶର ଅନେକ ରାଜନେତା ଜେଲ୍ ଦଣ୍ଡ ଭୋଗିଥିଲେ ବି ପଦ  ନ ଛାଡ଼ିବାର ଉଦାହରଣ ରହିଛି । ନେତାମାନେ ସେମାନଙ୍କ ପାୱାରକୁ ହତିଆର କରି ବିଭିନ୍ନ ଆଇନବିରୋଧୀ କାମ କରିବା ଏବଂ ପଦ ନ ଯିବାର ସମ୍ଭାବନା ହେତୁ ଅପରାଧ ବଢୁଛି । ତେଣୁ ଏ ଆଇନ୍ କାର୍ଯ୍ୟକାରୀ ହେଲେ ନେତାଙ୍‌କ ଅପରାଧିକ ମାମଲାରେ ହୁଏତ ରୋକ୍ ଲାଗିପାରେ  ।

MP ନୁହେଁ, ରାଜ୍ୟପାଳ ହେବାକୁ ଜୁଏଲଙ୍କ ଇଚ୍ଛା

0 Comments read Politics

ଆଉ ନିର୍ବାଚନ ଲଢିବେନି ସୁନ୍ଦରଗଡ଼ ସାଂସଦ ତଥା କେନ୍ଦ୍ରମନ୍ତ୍ରୀ ଜୁଏଲ ଓରାମ। ପ୍ରତ୍ୟକ୍ଷ ରାଜନୀତିରୁ ଦୂରେଇଯିବେ ଆଦିବାସୀ କଲ୍ୟାଣ ମନ୍ତ୍ରୀ। ଦୀର୍ଘ ବର୍ଷ ଧରି ଓଡ଼ିଶା ରାଜନୀତିରେ ପ୍ରଭାବ ବିସ୍ତାର କରିବା ସହ ଅଟଳ ବିହାରୀ ବାଜପେୟୀ ଏବଂ ନରେନ୍ଦ୍ର ମୋଦୀଙ୍କ ସରକାରରେ ମନ୍ତ୍ରୀପଦ ହାତେଇଥିବା ଜୁଏଲ ଆଉ ନିର୍ବାଚନ ଲଢିବାକୁ ଚାହୁଁନାହାନ୍ତି । ଗଙ୍ଗାଧର ମେହେର ବିଶ୍ୱବିଦ୍ୟାଳୟରେ ରୋଜଗାର ମେଳା ଅବସରରେ ଗଣମାଧ୍ୟମକୁ ସେ ନିଜର ପ୍ରତିକ୍ରିୟା ଦେଇଛନ୍ତି। ନୂଆ ନେତାଙ୍କୁ ନିଜ ନିର୍ବାଚନ ମଣ୍ଡଳୀର ଦାୟିତ୍ୱ ଦେଇ ପ୍ରତ୍ୟକ୍ଷ ରାଜନୀତିରୁ ଅବସର ଚାହୁଁଛନ୍ତି ଜୁଏଲ। ଯୁବପିଢିଙ୍କୁ ବାଟ ଛାଡ଼ିବାକୁ ଜୁଏଲ ପ୍ରସ୍ତୁତ ଥିବା କହିଛନ୍ତି ।

ସାଂସଦ ନୁହେଁ,ରାଜ୍ୟପାଳ ହେବେ
ଭାରତୀୟ ଜନତା ପାର୍ଟିର ପ୍ରଭାବଶାଳୀ ନେତା ହେଉଛନ୍ତି ଜୁଏଲ ଓରାମ। ବିଧାୟକ, ସାଂସଦ,ଷ୍ଟେଟ ପାର୍ଟି ପ୍ରେସିଡେଣ୍ଟ ହେବା ସହିତ BJP ST Morcha ମୋର୍ଚ୍ଚାର ଜାତୀୟ ସ୍ତରରେ ମଧ୍ୟ ସେ ଉପ ସଭାପତି ହୋଇଛନ୍ତି ।1989ରେ ବିଜେପିରେ ଯୋଗ ଦେଇଥିବା ଜୁଏଲ ଓରାମ ବଣାଇରୁ ବିଧାୟକ ଭାବେ ନିର୍ବାଚିତ ହେବା ସହିତ 1998,1999,2004,2014,2019,2024ରେ ସୁନ୍ଦରଗଡ଼ ଲୋକସଭା ଆସନରୁ ସାଂସଦ ଭାବେ ନିର୍ବାଚିତ ହୋଇଛନ୍ତି। ଆଦିବାସୀ କଲ୍ୟାଣ ମନ୍ତ୍ରୀ ଭାବରେ ତାଙ୍କର ଦୀର୍ଘ ବର୍ଷର ଅଭିଜ୍ଞତା ମଧ୍ୟ ରହିଛି। ମାତ୍ର ସେ ପ୍ରତ୍ୟକ୍ଷ ନିର୍ବାଚନରୁ ଦୂରେଇ ଯାଇ ରାଜ୍ୟପାଳ ହବାକୁ ତାଙ୍କର ଇଚ୍ଛା ବୋଲି ପ୍ରକାଶ କରିଛନ୍ତି ।

ଓଡ଼ିଶା ବିଜେପିରେ ହ୍ୟାଟ୍ରିକ୍,ଜାତୀୟ ସ୍ତରରେ ପ୍ରମୁଖ ପ୍ରଭାବ
ଓଡ଼ିଶା ବିଜେପିରେ ସଭାପତି ଭାବରେ ହ୍ୟାଟ୍ରିକ ମାରିଥିବା ନେତାଙ୍କ ଭିତରେ ରହିଛି ଜୁଏଲ ଓରାମ ଏବଂ ମନମୋହନ ସାମଲଙ୍କ ନାଁ। ମନମୋହନ ସାମଲ 4 ଥର ପାଇଁ ମଙ୍ଗ ସମ୍ଭାଳିଥିଲା ବେଳେ ଜୁଏଲ ଓରାମ ତିନିଥର ବିଜେପିର ମଙ୍ଗ ଧରିଛନ୍ତି। ଜାତୀୟ ସ୍ତରରେ ମଧ୍ୟ ପାର୍ଟିର ଦାୟିତ୍ୱ ନେଇଛନ୍ତି ଜୁଏଲ। 1997-1999, 2004-2006 ଏବଂ 2009-2013 ଯାଏଁ ସେ ଓଡ଼ିଶା ବିଜେପିର ସଭାପତି ହୋଇଛନ୍ତି। ଦୀର୍ଘ 8 ବର୍ଷ ଧରି ଓଡ଼ିଶା ବିଜେପି ତାଙ୍କ ନେତୃତ୍ୱରେ ଚାଲିଥିଲା। 2006 ରୁ 2009 ଯାଏଁ ଜାତୀୟ ସ୍ତରରେ ଉପସଭାପତି ମଧ୍ୟ ହୋଇଛନ୍ତି । ଟ୍ରାଇବାଲ ମ୍ୟାପ୍ ଜରିଆରେ ଆଦିବାସୀମାନଙ୍କର ସ୍ଥିତି ଅନୁଧ୍ୟାନ ଦିଗରେ ତାଙ୍କର ପରାମର୍ଶ ମଧ୍ୟ ତାଙ୍କର ଦୂରଦୃଷ୍ଟି ପ୍ରମାଣ କରିଛି । ତେବେ ସୁନ୍ଦରଗଡ଼ରେ ପ୍ରମୁଖ ପ୍ରଭାବ ରଖିଥିବା ଜୁଏଲ ଓରାମ ଲୋକସଭା ବିଧାନସଭା ଛାଡ଼ି ରାଜ୍ୟପାଳ ହେବାକୁ ଇଛା ରଖିଥିଲା ବେଳେ ଯଦି ତାଙ୍କର ଏ ଇଚ୍ଛା ପୂରଣ ହୁଏ ତେବେ ସୁନ୍ଦରଗଡ଼ରେ କିଏ ହେବେ ବିଜେପିର ଚେହେରା ?