ଦୁବାଇରେ ଭାରତୀୟ କ୍ରିକେଟ ଟିମ୍ର ‘ଅପରେସନ ଏସିଆ କପ୍‘ ସଫଳ ହୋଇଛି । ପାକିସ୍ତାନକୁ ୫ ରନରେ ହରାଇ ନବମ ଥର ପାଇଁ ଏସିଆ କପ୍ ହାତେଇଛି ଭାରତ। ମାତ୍ର ବିଜୟ ପରେ ପାକିସ୍ତାନୀଙ୍କ ହାତରୁ ଟ୍ରଫି ନେବାକୁ ସିଧା ସିଧା ଅସ୍ୱୀକାର କରିଛନ୍ତି। ଏସିଆ କପ୍ ଫାଇନାଲ ପରେ ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ହାଇଡ୍ରାମା ଦେଖିବାକୁ ମିଳିଛି। ଏସିସି ଅଧ୍ୟକ୍ଷ ମୋହସିନ୍ ନକଭିଙ୍କ ହାତରୁ ଟ୍ରଫି ନେବାକୁ ଭାରତୀୟ ଖେଳାଳି ରାଜି ହୋଇ ନଥିଲେ ।। ଯାହାକୁ ନେଇ ମ୍ୟାଚ୍ ପରବର୍ତ୍ତୀ ଦେଢ଼ଘଣ୍ଟା ପର୍ଯ୍ୟନ୍ତ ପୋଡିୟମ୍ ଉପରେ ପାକିସ୍ତାନ ଗୃହମନ୍ତ୍ରୀଙ୍କୁ ଅପେକ୍ଷା କରିବାକୁ ପଡ଼ିଥିଲା।
ଟ୍ରଫି ପ୍ରଦାନ ଉତ୍ସବ ଦେଢ଼ଘଣ୍ଟାରୁ ଅଧିକ ବିଳମ୍ବରେ ଆରମ୍ଭ ହୋଇଥିଲା । ଟିମ୍ ଇଣ୍ଡିଆର ଖେଳାଳିମାନେ ପୋଡିୟମ୍ ନିକଟରେ ବସିଥିଲେ ମଧ୍ୟ ଟ୍ରଫି ନେବାକୁ ଯାଇନଥିଲେ। ଯେଉଁଥି ପାଇଁ ଏସୀୟ କ୍ରିକେଟ୍ ପରିଷଦ ତଥା ପାକିସ୍ତାନ କ୍ରିକେଟ ବୋର୍ଡ ଅଧ୍ୟକ୍ଷ ମୋହସିନ୍ ନକଭି, ବହୁତ ସମୟ ପାଇଁ ପୋଡିୟମରେ ଠିଆ ହୋଇଥିଲେ । ଟିମ୍ ଇଣ୍ଡିଆ ପାକିସ୍ତାନ ଗୃହମନ୍ତ୍ରୀଙ୍କ ଠାରୁ ଟ୍ରଫି ଗ୍ରହଣ କରିବାକୁ ମନା କରିଦେଇଥିଲେ। ଦେଶକୁ ପରମାଣୁ ବୋମା ଆଟାକର ଧମକ ଦେଇଥିବା ନକଭିଙ୍କୁ କଡ଼୍ଡ଼ା ଜବାବ ଦେଇଛଇ ଟିମ୍ ଇଣ୍ଡିଆ । ପାକିସ୍ତାନ ଟିମ୍ ସହ ହାତ ନମିଳେଇବା ପରେ ପାକ୍ ଲିଡରଙ୍କ ହାତରୁ ଟ୍ରଫି ନନେଇ ନିଆରା ରେକର୍ଡ କରିଛନ୍ତି ଇଣ୍ଡିଆ ଟିମ୍ । ଏ ଘଟଣା ଏବେ ଦେଶ ସାରା ଚର୍ଚ୍ଚା ହେବା ସହ ପାକିସ୍ତାନ ବିରୁଦ୍ଧରେ କଡ଼ା ଆଭିମୁଖ୍ୟକୁ ସମସ୍ତେ ପ୍ରଶଂସା କରୁଛନ୍ତି । ବଲିଉଡ଼ରେ ଅନେକ ସମୟରେ ଖେଳାଳୀମାନେ ପାକିସ୍ତାନୀଙ୍କ ସପକ୍ଷରେ ମତ ରଖୁଥିଲା ବେଳେ ପାକିସ୍ତାନ ପ୍ରତି ଖେଳାଳୀଙ୍କର ଏ ମନୋଭାବରୁ ଅଭିନେତା/ଅଭିନେତ୍ରୀ ଦେଶପ୍ରେମ ଶିଖନ୍ତୁ ବୋଲି କଟାକ୍ଷ କରାଯାଉଛି ।
