ବୁମେରାଂ ମନ୍ଦିର ରାଜନୀତି : ଶାସକ ଦଳଙ୍କୁ ଝଟକା !

0 Comments read Politics

ଭାରତୀୟ ରାଜନୀତିରେ ମନ୍ଦିରକୁ କେନ୍ଦ୍ର କରି ଭୋଟ୍ ରାଜନୀତି କରିବା କିଛି ନୂଆ କଥା ନୁହେଁ । କିନ୍ତୁ ସବୁବେଳେ ଏହା ପଲିଟିକାଲ ପ୍ରଫିଟ ଦେଇ ନଥାଏ । ଧର୍ମକୁ ଆଧାର କରି ରାଜନୀତି କରି କିଏ ସଫଳ ହୋଇଛି ତ ପୁଣି କିଏ ବିଫଳ । ଗତ 2 ବର୍ଷର ନିର୍ବାଚନ ଫଳାଫଳକୁ ଅନୁଧ୍ୟାନ କଲେ ଏ କଥା ସ୍ପଷ୍ଟ ହୁଏ ଯେ ମନ୍ଦିର ରାଜନୀତି ଶାସକ ଦଳ ପାଇଁ ବୁମେରାଂ ହେଉଛି। ଦୀର୍ଘଦିନରେ ଶାସନରେ ଥିବା ଶାସକଦଳ ମନ୍ଦିର ରାଜନୀତି କରି ଚିତପଟାଙ୍ଗ ହୋଇଛନ୍ତି । ନବୀନ ପଟ୍ଟନାୟକଙ୍କଠାରୁ ଆରମ୍ଭ କରି ମମତା ବାନାର୍ଜୀଙ୍କ ପର୍ଯ୍ୟନ୍ତ ଦୀର୍ଘ ବର୍ଷର ଶାସନ କ୍ଷମତାରୁ ବିଚ୍ୟୁତ ହୋଇଛନ୍ତି। ଓଡ଼ିଶାରେ ନବୀନ ପଟ୍ଟନାୟକ ପରାଜିତ ହେବା ସହ ଦିଦିଙ୍କୁ ମଧ୍ୟ କ୍ଷମତଚ୍ୟୁତ ହେବାକୁ ପଡ଼ିଛି।

ଯୋଗୀଙ୍କୁ କାଳ ହେଲା ରାମମନ୍ଦିର ରାଜନୀତି
2024 ଜାନୁଆରି 22ରେ ଅଯୋଧ୍ୟାରେ ରାମ ମନ୍ଦିରରେ ରାମଲଲାଙ୍କ ପ୍ରାଣ ପ୍ରତିଷ୍ଠା ହେଲା । ତିନି ମାସ ପରେ  ଏପ୍ରିଲରେ ଲୋକସଭା ନିର୍ବାଚନ ହେଲା । ବିଜେପି ଓ ଏନଡିଏ ସାଂସଦଙ୍କ ସଂଖ୍ୟା 36କୁ କମିଗଲା । 2019ରେ ବିଜେପି ସାଂସଦ ସଂଖ୍ୟା 62 ଥିଲାବେଳେ 2024 ରେ ଏହା ବଢିବା ପରିବର୍ତ୍ତେ ଅଧାରେ ରହିଗଲା ।  ସବୁଠାରୁ ଗୁରୁତ୍ୱପୂର୍ଣ୍ଣ  କଥାଟି ହେଉଛି ଫୈଜାବାଦ ଲୋକସଭା ଆସନ, ଯାହା ଅଧୀନରେ ଅଯୋଧ୍ୟା ରାମମନ୍ଦିର ରହିଛି ସେଠାରେ ମଧ୍ୟ ବିଜେପି ପ୍ରାର୍ଥୀ ଲଲୁ ସିଂହ ପରାଜିତ ହୋଇଛନ୍ତି । ଦେଶରେ ୪୦୦ରୁ ଅଧିକ ଆସନ ପାଇବାକୁ ଆଶା ରଖି ଅବ୍ କୀ ବାର୍ ୪୦୦ ପାର୍ ସ୍ଲୋଗାନ ଦେଉଥିବା ଦଳର ଆସନ ସଂଖ୍ୟା ୨୪୦ରେ ସୀମିତ ରହିଯାଇଥିଲା

ବିଜେପି ରାମମନ୍ଦିରକୁ ନେଇ ରାଜନୀତି କଲା ପରେ ରେସରେ ଯୋଡ଼ି ହେଲେ ନବୀନ ପଟ୍ଟନାୟକ ଓ ମମତା ବାନାର୍ଜୀ । ଓଡ଼ିଶାରେ ଜଗନ୍ନାଥଙ୍କୁ କେନ୍ଦ୍ର କରି ରାଜନୈତିକ ଗୋଟି ଚଲାଗଲା। ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଉଦ୍‌ଘାଟନ ସହ ଗାଁ ଗାଁରେ ଅର୍ପଣ ରଥ ନାଁ ରେ ରାଜନୀତି ଚାଲିଲା । ମହାପ୍ରଭୁଙ୍କୁ ଘରଘର ବୁଲାଇଲା ବିଜେଡି।  ମାତ୍ର ୨୦୨୪ ନିର୍ବାଚନରେ ବିଜେଡି ପରାଜୟର ସମ୍ମୁଖୀନ ହୋଇଥିଲା। ନିରବଚ୍ଛିନ ଭାବେ ଓଡ଼ିଶାର ଶାସନ ଗାଦୀରେ ବସିଥିବା ନବୀନପଟ୍ଟନାୟକ ମୁଖ୍ୟମନ୍ତ୍ରୀ ଆସନରୁ ହଟିଲେ। ଏପରିକି ନିଜେ କଣ୍ଟାବାଞ୍ଜି ଆସନରୁ ପରାଜୟର ସ୍ୱାଦ ଚାଖିଲେ। ବିଧାନସଭାରେ 51 ଆସନରେ ସୀମିତ ରହିଥିବା ବିଜେଡି ଲୋକସଭାରେ ଖାତା ଖୋଲି ପାରିଲା ନାହିଁ। ମମତା ବାନାର୍ଜୀଙ୍କର ମଧ୍ୟ ସମାନ ଅବସ୍ଥା। ତାଙ୍କ ନେତୃତ୍ୱାଧୀନ ତୃଣମୂଳ କଂଗ୍ରେସ ଦୀଘାରେ ଜଗନ୍ନାଥ ମନ୍ଦିର ଉଦ୍‌ଘାଟନ କରି ଧାର୍ମିକ ଭାବନାକୁ ଆକର୍ଷିତ କରିବାର ଚେଷ୍ଟା କରିଥିଲା। ‘‘ଜଗନ୍ନାଥ ଧାମ” ଭାବେ ଦୀଘାକୁ ଘୋଷଣା କରାଯିବାକୁ ନେଇ ବିବାଦ ସୃଷ୍ଟି ହୋଇଥିଲା। ପଣ୍ଡିତମାନେ ପୁରୀ ଛଡ଼ା ଅନ୍ୟ କୌଣସି ସ୍ଥାନକୁ ଏହି ପଦବୀ ଦିଆଯିବାକୁ ବିରୋଧ କରିଥିଲେ। ଚଳିତ ବିଧାନସଭା ନିର୍ବାଚନରେ ତୃଣମୂଳ କଂଗ୍ରେସ ଭାରି ଝଟକା ଖାଇଛି। ୧୫ ବର୍ଷର ଶାସନ ପରେ ଦଳ କ୍ଷମତାରୁ ବଞ୍ଚିତ ହୋଇଛି।ଦୀଘା ଅଞ୍ଚଳ ଅଧୀନରେ ପଡ଼ୁଥିବା ରାମନଗର ଆସନରେ ମଧ୍ୟ ତୃଣମୂଳ କଂଗ୍ରେସ ପ୍ରାର୍ଥୀ ପରାଜିତ ହୋଇଛନ୍ତି। TMC ପ୍ରାର୍ଥୀ ଅଖିଲ ଗିରିଙ୍କୁ ପରାସ୍ତ କରିଛନ୍ତି BJP ପ୍ରାର୍ଥୀ ଚନ୍ଦ୍ର ଶେଖର ମଣ୍ଡଳ। ଧର୍ମୀୟ ଭାବନାକୁ ଭୋଟ୍ ରାଜନୀତିରେ ବ୍ୟବହାର କରିବା ସବୁବେଳେ ସଫଳ ହୁଏ ନାହିଁ, ବରଂ ବେଳେବେଳେ ଏହା ଶାସକ ଦଳ ପାଇଁ ବିପରୀତ ପରିଣାମ ବି ଆଣିଥାଏ। 

 

୫୪ ହଲ୍ ଭରସାରେ ଓଡ଼ିଆ ଫିଲ୍ମ

0 Comments read Cinema

1936 ଏପ୍ରିଲ 28ରେ ମୁକ୍ତିଲାଭ କରିଥିଲା ଓଡ଼ିଶାର ପ୍ରଥମ ସିନେମା ‘ସୀତା ବିବାହ’ । ଓଡ଼ିଆ ଫିଲ୍ମ ଜଗତ ୟା ଭିତରେ 90 ବର୍ଷ ଯାତ୍ରା କରିସାରିଛି। ‘ଦମନ’ ‘ପ୍ରତିକ୍ଷା’ ଭଳି ଫିଲ୍ମ ଦେଶରେ ପ୍ରଶଂସା ସାଉଁଟିବା ସହ ‘ବୋଉ ବୁଟୁ ଭୂତ’ ଭଳି ଫିଲ୍ମ କୋଟି କୋଟି ଟଙ୍କା ରୋଜଗାର କରି ରେକର୍ଡ ଭାଙ୍ଗିଛି । କିନ୍ତୁ ଏସବୁ ଭିତରେ ଦୁଃଖ ହେଉଛି 90 ବର୍ଷରେ ଓଡ଼ିଶାରେ 90 ଟି ସିନେମା ହଲ୍ ନାହିଁ । ସିନେମା ଶିଳ୍ପର ସ୍ଥିତି ଏବେ ଚିନ୍ତାଜନକ ରହିଛି। ଓଡ଼ିଶା ସ୍ୱତନ୍ତ୍ର ଦିବସକୁ 2036ରେ ଶହେ ବର୍ଷ ପୂରିବ । ସମକାଳରେ ଓଡ଼ିଆ ସିନେମାକୁ ମଧ୍ୟ 100 ବର୍ଷ ପୂରିବ, ତାକୁ ନେଇ ସରକାରଙ୍କର କୌଣସି ସ୍ୱତନ୍ତ୍ର ପ୍ରସ୍ତୁତି ନାହିଁ । 1999 ମହାବାତ୍ୟା ବେଳକୁ ଓଡ଼ିଶାରେ 300 ସିନେମା ହଲ ଥିଲା । ବାତ୍ୟାରେ କିଛି କ୍ଷତିଗ୍ରସ୍ତ ହେବା ପରେ ପୁନଃ ମରାମତିକୁ ଧ୍ୟାନ ଦିଆଗଲା ନାହିଁ । ସମୟକ୍ରମେ ଏବେ ଓଡ଼ିଶାରେ ମୋଟ୍ 54ଟି ହଲ୍ ରହିଛି । ହଲର ଅଭାବ ହେତୁ ଅଲଗା ଫିଲ୍ମ ଆସିଲେ ଓଡ଼ିଆ ଫିଲ୍ମ ହଲ୍‌ରୁ ଉଠିଯାଉଛି ।

ଓଡ଼ିଶାର ପ୍ରଥମ ଫିଲ୍ମ ‘ସୀତାବିବାହ’ ପ୍ରଥମେ ପୁରୀର ଲକ୍ଷ୍ମୀ ଟକିଜରେ ମୁକ୍ତିଲାଭ କରିଥିଲା । ସେଇଠି ହିଁ ପଡ଼ିଥିଲା ଓଡ଼ିଆ ସିନେମାର ମୂଳଦୁଆ । ଯେଉଁ ପୁରୀକୁ ଓଡ଼ିଆ ସିନେମାର ଅନ୍ତୁଡ଼ିଶାଳ କୁହାଯାଏ ସେଠି ଗୋଟାଏ ବି ସିନେମା ହଲ ନାହିଁ । ଓଡ଼ିଶାର ଅନ୍ୟ ଜିଲାର ହଲ ଅଧାରୁ ଅଧିକ ମାଟିରେ ମିଶି ଗଲାଣି । ଅନେକ ହଲ ଏବେ କଲ୍ୟାଣ ମଣ୍ଡପ କିମ୍ବା ଦୋକାନ ପାଲଟିଛି । ଓଡ଼ିଶା ଚଳଚ୍ଚିତ୍ର ଉନ୍ନୟନ ସେଭଳି ଆକ୍ଟିଭ ନାହିଁ ।  କଳାକାର, ସଂଘ  କାହାରି ଚିନ୍ତା ନାହିଁ । ଓଡ଼ିଆ ସିନେମା ପାଇଁ ସ୍ୱତନ୍ତ୍ର ନିୟମ ମଧ୍ୟ ନାହିଁ । ସରକାର ୨୦୧୯ ମାର୍ଚ୍ଚ ୨ରେ ‘ଓଡ଼ିଶା ରାଜ୍ୟ ଚଳଚ୍ଚିତ୍ର ନୀତି-୨୦୧୯’ ଆଣିଥିଲେ । ନୀତିଟି କାର୍ଯ୍ୟକାରୀ ହେବା ଆଗରୁ ୨୦୨୨ ମାର୍ଚ୍ଚ ୩୧ରେ ତା’ର ଅବଧି ସରିଗଲା । ଏବେ ଅନୁଷ୍ଠାନଟି ସମ୍ପୂର୍ଣ୍ଣ ଅଚଳ । ଏମିତିରେ ବି କଳିଙ୍ଗ ଷ୍ଟୁଡିଓକୁ ଘରୋଇ ସଂସ୍ଥାକୁ ଟେକିଦେଇଛନ୍ତି ସରକାର । ଫିଲ୍ମକୁ ନେଇ ସଂଘ ଭିତରେ ଫାଟ ବହୁତ । କିଏ କାହାକୁ କେତେବେଳେ କୋଉଥିରୁ ବ୍ୟାନ୍ କରୁଛି ବୁଝିବା କଷ୍ଟ । ୟା ଭିତରେ ଓଡ଼ିଆ ସିନେମା ପୂର୍ବ ସଫଳତା ଫେରି ପାଇଥିବା ବେଳେ ହଲର ପୁନରୁଦ୍ଧାର ଦାବୀ ହେଉଛି ।

ଭଲ ଫିଲ୍ମକୁ ଓଡ଼ିଶାରେ ଆୱାର୍ଡ ନାହିଁ

0 Comments read Cinema

ଓଡ଼ିଶାର ଫିଲ୍ମ ଇଣ୍ଡଷ୍ଟ୍ରି ପୁଣି ଥରେ ତା ଟ୍ରାକକୁ ଫେରିଛି । କପି ପେଷ୍ଟ ଷ୍ଟୋରୀର କଳଙ୍କ ହଟେଇ ପୁଣିଥରେ ଆମ ଓଡ଼ିଆ ଘରର କାହାଣୀ ଦର୍ଶକଙ୍କୁ ହଲ୍ ମୁହାଁ କରୋଉଛି । କିନ୍ତୁ ସବୁଠୁ ଆଶ୍ଚର୍ଯ୍ୟ କଥା ହେଉଛି, ଯେଉଁ ଫିଲ୍ମ ଜାତୀୟ ସ୍ତରରେ ଆୱାର୍ଡ ଜିତୁଛି ରାଜ୍ୟ ସ୍ତରରେ ସେ ଫିଲ୍ମ ପୁରସ୍କାରରୁ କାଟ ଖାଉଛି । ଯଦିଓ ପୁରସ୍କାର କଳାକାରର ମାନଦଣ୍ଡ ନୁହେଁ ତଥାପି ପ୍ରୋତ୍ସାହନ ପାଇଁ ଜାତୀୟ ସ୍ତରରେ ଯେଉଁମାନେ ଲୋକପ୍ରିୟତା ସାଉଁଟୁଛନ୍ତି ରାଜ୍ୟ ସ୍ତରରେ ସେମାନେ ଅଲୋଡ଼ା , ଅଖୋଜା । ଜାତୀୟ ସ୍ତରରେ ଓଡ଼ିଆ ସିନେମା ପ୍ରଶଂସା ଓ ପୁରସ୍କାର ଜିତୁଛି।  କିନ୍ତୁ ରାଜ୍ୟ ସ୍ତରରେ ସେଇ ସିନେମା କାହିଁକି ଅବହେଳିତ? ଓଡ଼ିଶା ରାଜ୍ୟ ଚଳଚ୍ଚିତ୍ର ପୁରସ୍କାରକୁ ନେଇ  ବର୍ତ୍ତମାନ ବଡ଼ ପ୍ରଶ୍ନ। ଜୁରିଙ୍କ ଚୟନ ପ୍ରକ୍ରିୟା ଏବେ ସନ୍ଦେହରେ ।

2023 ମସିହାରେ ପୁଷ୍କରା ଫିଲ୍ମ ନ୍ୟାସନାଲ ଫିଲ୍ମ ଫେଷ୍ଟିଭାଲରେ ଆୱାର୍ଡ ପାଇଲା କିନ୍ତୁ ରାଜ୍ୟ ସ୍ତରରେ ସେ ସିନେମା ସେତିକି ସଫଳତା ପାଇପାରିଲା ନାହିଁ ।  ଠିକ୍ ସେମିତି ଯଦି ପ୍ରତିକ୍ଷା କଥା ବିଚାରକୁ ନେବେ ଯାହା ଜାତୀୟ ସ୍ତରରେ ପୁରସ୍କୃତ । ଏମିତି କି ଏ ଫିଲ୍ମକୁ ନେଇ ଅନୁପମ ଖେର ଚର୍ଚ୍ଚା ଆଲୋଚନା କଲେ ଏବଂ ହିନ୍ଦୀରେ ଏ ଫିଲ୍ମ ପାଇଁ ପ୍ରସଙ୍ଗ ଆସିଲା କିନ୍ତୁ ରାଜ୍ୟ ସ୍ତରରେ ଏ ସିନେମାକୁ ସେତିକି ସ୍ୱୀକୃତୀ ମିଳିଲା କି? ଖାଲି ଏତିକି ନୁହେଁ  ୧୯୮୫ରେ ଜାତୀୟ ପୁରସ୍କାର ପ୍ରାପ୍ତ ‘ହାକିମ ବାବୁ’ ୨୦୧୪ର ସବ୍ୟସାଚୀ ମହାପାତ୍ରଙ୍କ ‘ଆଦିମ ବିଚାର’, ‘ଶଲା ବୁଢ଼ାର ବଦଲା’ ହେଉ କି ‘ପାହାଡ଼ର ଲୁହ’ କାଲିର ଅତୀତ ଏମିତି ଅନେକ ଫିଲ୍ମ ଅଛି ଯେଉଁଠି ଜାତୀୟ ସ୍ତରରେ ବୱାର୍ଡ ମିଳିଥିଲେ ବି ରାଜ୍ୟ ସ୍ତରରେ ସେତିକି ସମ୍ମାନ ସ୍ୱୀକୃତି ମିଳି ପାରୁନାହିଁ ।

ହକି ସମୟରେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାହାର କଳାକାରଙ୍କୁ ଗୁରୁତ୍ୱ ଦେଇ ଓଡ଼ିଶାର କଳାକାରଙ୍କୁ ଅଣଦେଖା କଲେ, ଏବେକାର ସରକାର ମଧ୍ୟ ବିଭିନ୍ନ ପ୍ରକାରର ମେଳା ମହୋତ୍ସବରେ ବାହାରର ଷ୍ଟାର ମାନଙ୍କୁ ମାତ୍ରାଧିକ ଗୁରୁତ୍ୱ ଦେଉଛନ୍ତି । ଯାହା ଓଡ଼ିଶାର କଳାକାରଙ୍କ ପାଇଁ ଶୁଭଙ୍କର ନୁହେଁ । ସେମିତି ଯଦି ଆମେ ସିନେମା କଥା ବିଚାର କରିବା ତେବେ ଜାତୀୟ ସ୍ତରରେ ସୁନାମ ସାଉଁଟୁଥିବା ଓଡ଼ିଆ ସିନେମା, କିନ୍ତୁ ରାଜ୍ୟରେ କାଟ୍ ଖାଉଛି। ଯେଉଁ ସିନେମା ଦେଶରେ ପ୍ରଶଂସା ସାଉଁଟୁଛି ରାଜ୍ୟରେ ଚୟନ ପ୍ରକ୍ରିୟାରୁ କେମିତି କଟୁଛି ?ଜୁରିଙ୍କ ବିଜ୍ଞତା ଓ ଚୟନକୁ ନେଇ ପ୍ରଶ୍ନ ଉଠୁଛି । ପ୍ରିୟାପ୍ରୀତି ତୋଷଣରେ ଯୋଗ୍ୟ ବଳିପଡ଼ୁଛନ୍ତି । ପୁରସ୍କାର ଚୟନ ଆଡ଼କୁ ଅଙ୍ଗୁଳି ନିର୍ଦ୍ଦେଶ ସହ କାଠଗଡ଼ାରେ ଛିଡ଼ା କରାଉଛି। ତେବେ ପ୍ରଶ୍ନ ଉଠୁଛି ମାପଦଣ୍ଡ କ‘ଣ? ଜୁରି ଚୟନ ଓ ସିନେମା ପୁରସ୍କାର ଲାଗି ମାପଦଣ୍ଡ ସ୍ଥିର ହେବା ଆବଶ୍ୟକ। ଏଥିପାଇଁ ଆୟୋଜକ କମିଟି ହୁଅନ୍ତୁ କି ପୁରସ୍କାର ପ୍ରଦାନ କରୁଥିବା ଓଡ଼ିଶା ଚଳଚ୍ଚିତ୍ର ଉନ୍ନୟନ ନିଗମ ( ଓ ଏଫ୍‌ଡିସି) ହେଉ କିମ୍ବା ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ। ପ୍ରଥମେ ନିର୍ଦ୍ଦେଶାବଳୀ ସହ ମାପଦଣ୍ଡ ଧର୍ଯ୍ୟ କରନ୍ତୁ । ନହେଲେ ସମସ୍ତେ ବିବାଦ ଘେରରେ ରହିବା ଧାର୍ଯ୍ୟ ।

ଯୋଗଜନ୍ମା ଜାନକୀ ବଲ୍ଲଭ, ଓଡ଼ିଶାର ସର୍ବଶ୍ରେଷ୍ଠ ନେତା

0 Comments read News, Politics

ଯୋଗଜନ୍ମା ଜାନକୀ ବଲ୍ଲଭ ପଟ୍ଟନାୟକ,ସବୁ କ୍ଷେତ୍ରରେ ଅଲ ରାଉଣ୍ଡର। ଭାରତ ଛାଡ଼ ଆନ୍ଦୋଳନରୁ ସ୍ୱାଧୀନ ଭାରତର କେନ୍ଦ୍ରମନ୍ତ୍ରୀ, ୟୁନିୟନ୍ ଜ୍ୟାକ୍ ପତାକା ଆନ୍ଦୋଳନରେ କଲେଜରୁ ବହିଷ୍କୃତ ହେବାଠାରୁ ଶହଶହ କଲେଜ ପ୍ରତିଷ୍ଠାର ରେକର୍ଡ । ସାହିତ୍ୟ ଏବଂ ସାମ୍ବାଦିକତାରେ ରୁଚି ରଖିଥିବା ଜାନକୀ ବଲ୍ଲଭ ପଟ୍ଟନାୟକ ଅର୍ଥାତ୍ ଜେବି 1967 କରିଥିଲେ ରାଜନୈତିକ ଭାଗ୍ୟ ପରୀକ୍ଷା। ଧର୍ମଶାଳା ଆସନରୁ ସ୍ୱାଧୀନ ଭାବେ ବିଧାୟକ ଲଢିଥିଲେ । ୧୯୭୧ରେ କଟକ ଲୋକସଭା ଆସନରୁ ଜିତି ପାର୍ଲିଆମେଣ୍ଟରେ ପାଦ ଥାପିଲେ । ଇନ୍ଦିରାଗାନ୍ଧିଙ୍କ ଶାସନରେ ୧୯୭୩ରୁ ୭୫  ପ୍ରତିରକ୍ଷା ଉପମନ୍ତ୍ରୀ, ୧୯୭୭ରେ ରାଷ୍ଟ୍ରମନ୍ତ୍ରୀ  ହେବା to ବହୁ ଗୁରୁତ୍ତ୍ୱପୂଣ୍ଣ ବିଭାଗରେ ମନ୍ତ୍ରୀ ହୋଇଛନ୍ତି।

ଓଡ଼ିଶା ରାଜନୀତିରେ ଅନିଶ୍ଚିନ୍ତତା ଏବଂ ଅସ୍ଥିରତାର ସରକାର ପ୍ରଥାରେ ଟାଣିଥିଲେ ପୁର୍ଣ୍ଣଛେଦ। ୧୯୮୦ରୁ ୯୦ ଦୁଇ ପାଳି ଏବଂ ୧୯୯୫ରୁ ୯୯ ଯାଏଁ ନିରବଚ୍ଛିନ ମୁଖ୍ୟମନ୍ତ୍ରୀ ହୋଇ ଗଢିଥିଲେ ସ୍ଥିର ସରକାର। ନବୀନ ପଟ୍ଟନାୟକ  ଯଦିଓ ସର୍ବାଧିକ ସମୟର ମୁଖ୍ୟମନ୍ତ୍ରୀ ଜେବିଙ୍କ କଣ୍ଟ୍ରୋଲ କିନ୍ତୁ ୩୧୪ ବ୍ଲକରେ ଥିଲା।୧୦୦୦ ଦିନରେ ୧୦୦୦ ଶିଳ୍ପର ଆହ୍ୱାନ ଦେଇଥିଲେ ଜେ.ବି। ଲୁଲୁ ମହାପାତ୍ରଙ୍କ ପରି ଛାତ୍ରନେତା ସୃଷ୍ଟିରେ ସେ ଥିଲେ ସଫଳ ବିନ୍ଧାଣୀ। ଦାଦନର ବିରୋଧି ଜେବି କେନ୍ଦୁଝରରେ ସ୍ପଞ୍ଜ ଆଇରନ୍ ଫ୍ୟାକ୍ଟ୍ରି,ବାଲେଶ୍ୱରରେ ଟାୟାର ଶିଳ୍ପ ଏବଂ ଭଦ୍ରକରେ ଚାର୍ଜକ୍ରୋମ,ନାଲକୋ ପ୍ରତିଷ୍ଠା ସହ  ନୁଆହାଟରେ ଶ୍ରୀ ଜଗନ୍ନାଥ ସୁତାକଳର ସ୍ଥାପନ କରି ଶିଳ୍ପ,କଳିଙ୍ଗ ଷ୍ଟୁଡିଓ ପ୍ରତିଷ୍ଠା କରିଥିଲେ । କ୍ରୀଡ଼ାର ବିକାଶ ପାଇଁ ଛାତ୍ରାବାସ, ଜବାହର ଲାଲ୍ ଇନହଡୋର ଷ୍ଟାଡ଼ିୟମ୍, ପଶ୍ଚିମ ଓଡ଼ିଶା ବିକାଶ ପରିଷଦ ଆଦି ତାଙ୍କର ପରିକଳ୍ପନା । ହୋଟେଲକୁ ଶିଳ୍ପର ମାନ୍ୟତା ବି ତାଙ୍କରି ପ୍ରୟାସ।

ଓଡିଶାର ଚର୍ଚ୍ଚିତ ବ୍ୟକ୍ତିଙ୍କ ଗହଣରେ ଶ୍ରେଷ୍ଠରେ ସେ ରହି ଆସିଛନ୍ତି। ସେ ଏକାଧାରରେ ମୁଖ୍ୟମନ୍ତ୍ରୀ,କେନ୍ଦ୍ରମନ୍ତ୍ରୀ, ରାଜ୍ୟପାଳ ଏବଂ ବିରୋଧିଦଳ ନେତା ହୋଇଛନ୍ତି ଯାହା ଓଡିଶାର କୌଣସି ନେତାଙ୍କ ପାଖରେ ନାହିଁ । ବିଜୁପଟ୍ଟନାୟକ ଯଦିଓ ମୁଖ୍ୟମନ୍ତ୍ରୀ ଏବଂ କେନ୍ଦ୍ରମନ୍ତ୍ରୀ କିନ୍ତୁ ରାଜ୍ୟପାଳ ହୋଇନାହାନ୍ତି। ସେହିପରି ହରେକୃଷ୍ଣ ମହତାବ ମୁଖ୍ୟମନ୍ତ୍ରୀ ଏବଂ ରାଜ୍ୟପାଳ ହୋଇଥିଲେ ସୁଦ୍ଧା ବିରୋଧିଦଳ ନେତା ହୋଇ ପାରନାହାନ୍ତି। ନବୀନ ପଟ୍ଟନାୟକ ଯଦିଓ ମୁଖ୍ୟମନ୍ତ୍ରୀ ଓ ବିରୋଧୀଦଳ ନେତା କିନ୍ତୁ ରାଜ୍ୟପାଳ ହୋଇ ପାରି ନାହାନ୍ତି । ୨୦୧୫ ଅପ୍ରେଲ ୨୧ ରେ ତାଙ୍କର ଦେହାନ୍ତ ଏକ ଯୁଗର ଅବସାନ ।

ମହିଳା ସଂରକ୍ଷଣ ବିଲ୍ କାହିଁକି ହେଲା ଫେଲ୍? ବିରୋଧୀଙ୍କ ପାଇଁ ହେବ କି ବୁମେରାଙ୍ଗ ?

0 Comments read News, Politics
  • ଗାନ୍ଧୀ ପରିବାରରୁ ମହିଳା ମାନେ ନେତୃତ୍ୱ ନେବେ, ଇନ୍ଦିରା ଗାନ୍ଧୀ ପ୍ରଧାନମନ୍ତ୍ରୀ ହେବେ, ପ୍ରିୟଙ୍କା ଗାନ୍ଧୀ ସାଂସଦ ହେବେ, ରାଜ୍ୟସଭାରେ ବସି ସୋନିଆ ଗାନ୍ଧୀ ପରୋକ୍ଷରେ ଗୋଟି ଚାଳନା କରିବେ
  • ଲାଲୁ ଯାଦବଙ୍କର ସ୍ତ୍ରୀ ରାବିଡ଼ି ଦେବୀ ସିଏମ୍ ସିଟରେ ବସିବେ କିନ୍ତୁ ଯେତେବେଳେ ସାଧାରଣ ମହିଳାଙ୍କ ପାଇଁ ସିଟ୍ ରିଜର୍ଭର କଥା ଉଠିବ ସେତେବେଳେ ଆଭିମୁଖ୍ୟ ବଦଳିଯିବ
  • ମହିଳା ସଂରକ୍ଷଣ ବିଲକୁ ବିରୋଧ କରି ମହିଳାଙ୍କୁ ସେମାନଙ୍କ ଅଧିକାରରୁ ବଞ୍ଚିତ କରିବେ । ଇଏ ହେଉଛି ନେତାଙ୍କ ଅସଲ ଚେହେରା
  • ଦେଶର ପ୍ରତେକ ପଲିଟିକାଲ୍ ପାର୍ଟି ପ୍ରଚାରକୁ ଆସିଲେ ବଡ଼ବଡ଼ କଥା କୁହନ୍ତି
  • ମହିଳା ଭୋଟ୍ ହାତେଇବାକୁ ଦୁନିଆ ପ୍ରକାରର ପ୍ରତିଶ୍ରୁତି ଦିଅନ୍ତି କିନ୍ତୁ ଯେତେବେଳେ ସେସବୁକୁ କରିକି ଦେଖାଇବାର ସମୟ ଆସେ ସେତେବେଳେ ମୁହଁ ମୋଡନ୍ତି ।  

ମହିଳାଙ୍କୁ ନେଇ ନିଜର ପଲିଟିକାଲ୍ ଇଣ୍ଟେସସନ୍ ଯେ କେତେ ତଳକୁ ଯାଇପାରେ ତାହା ଲୋକସଭାରେ ପ୍ରମାଣିତ ହେଇଛି ।

  • ଓମେନ୍ ରିଜରଭେସନ୍ ବିଲ୍ ବିପକ୍ଷରେ ,ଭୋଟ୍ ଦେଇଥିବା 230 ଲିଡରଙ୍କ ଆଭିମୁଖ୍ୟ ଏବେ ଚର୍ଚ୍ଚାରେ
  • ଲୋକସଭାରେ ଏପ୍ରିଲ 17ରେ ମହିଳା ସଂରକ୍ଷଣ ବିଲକୁ ନେଇ ହେଇଥିବା ଭୋଟରେ NDAପଛରେ ପଡ଼ିଯାଇଛି
  • ବିଲ୍ ପାସ୍ ହେବା ପାଇଁ 326 ଭୋଟ୍ ଦରକାର ଥିଲା ବେଳେ ବିଲ୍ ସପକ୍ଷରେ 298 ଭୋଟ୍ ମିଳିଛି । ବିଲ୍ ବିପକ୍ଷରେ 230 ଜଣ ସଦସ୍ୟ ଭୋଟ୍ ଦେଇଥିଲେ
  • ସରକାରଙ୍କୁ ଦୁଇ ତୃତୀୟାଂଶ ଭୋଟ୍ ମିଳି ପାରିନଥିଲା। ଯାହା ଫଳରେ ବିଲ୍ଟି ଲୋକସଭାରେ ପାସ୍ ହୋଇପାରିନାହିଁ
  • ଯଦି ଏ ବିଲ୍ ଟି ପାସ୍ ହୋଇଥାଆନ୍ତା 2029 ବେଳକୁ ଲୋକସଭା ସିଟ୍ ସଂଖ୍ୟା 543ରୁ 850କୁ ବୃଦ୍ଧି ହେବା ସହିତ ମହିଳାଙ୍କ ପ୍ରତିୁନିଧିତ୍ୱ ବଢି ଥାଆନ୍ତା
  • 33 % ମହିଳା, ମାନେ 281 ଜଣ ମହିଳା ସାଂସଦ ଲୋକସଭାରେ ପ୍ରତିନିଧିତ୍ୱ କରିଥାଆନ୍ତେ
  • ମାତ୍ର ଏଭଳି ଏକ ବିଲକୁ ବିରୋଧ କରି ବର୍ତ୍ତମାନ ଇଣ୍ଡି ମେଣ୍ଟ ପଲିଟିକାଲ ଲସ୍ କଲା ବୋଲି କୁହାଯାଇପାରେ
  • ଲୋକସଭାରେ ଏମାନେ ବିଲକୁ ବିରୋଧ କଲେନି ଯେ ବର୍ତ୍ତମାନ ଦେଶବ୍ୟାପୀ ସେମାନଙ୍କୁ ମହିଳା ବିରୋଧରୀ ସାର୍ଟିଫିକେଟ ମିଳିଗଲା ।

ବର୍ତ୍ତମାନ ଯଦି ଆମେ ଦେଖିବା ଲୋକସଭାରେ ମହିଳା ସାଂସଦଙ୍କ ସଂଖ୍ୟା ରହିଛି 74ଜଣ  ଯାହାକି ମୋଟ୍ ସଦସ୍ୟ ସଂଖ୍ୟାର 13.6 % ମାନେ 15 % ରୁ ବି କମ୍ । ସେମିତି ରାଜ୍ୟସଭାରେ ମହିଳା ପ୍ରତିନିଧି ଅଛନ୍ତି ମାତ୍ର 12%

  • ଗୋଟାଏ ପଟେ ଆମେ ନାରୀ ସଶକ୍ତିକରଣର ନାରା ଦେଉଥିଲା ବେଳେ ଇଏ ହେଉଛି ଅସଲ ଚିତ୍ର
  • ବଡ଼ ଆଶ୍ଚର୍ଯ୍ୟ, ଆଭିମୁଖ୍ୟ ଗୋଟାଏ ପଟେ ଏମାନେ ବିଭିନ୍ନ ସମୟରେ ନାରୀଙ୍କୁ ନେଇ ସରକାରଙ୍କୁ ଟାର୍ଗେଟ କରୁଛନ୍ତି କିନ୍ତୁ ଯେତେବେଳେ ସେମାନଙ୍କୁ ପ୍ରତିନିଧିତ୍ୱ କରିବାକୁ ସୁଯୋଗ ଦେବା କଥା ଆସୁଛି ସେତେବେଳେ ସୁଯୋଗକୁ ହାତ ଛଡ଼ା କରୁଛନ୍ତି
  • କାଳେ ଏ ଶ୍ରେୟ ସରକାର ନେଇଯିବେ
  • ଅଖିଳେଶ ଯାଦବ ମୁସଲିମ୍ ମହିଳାଙ୍କ ସଂରକ୍ଷଣକୁ ନେଇ ଚିନ୍ତିତ ମାତ୍ର ବିଲକୁ ବିରୋଧ।
    ତେବେ ଏ ଘଟଣା କେବଳ ଏବେ ନୁହେଁ । ବହୁବାର ମହିଳା ସଂରକ୍ଷଣ ବିଲ୍ କାଟ୍ ଖାଇ ସାରିଛି
  • ୧୯୯୬ରେ ଏଚ୍.ଡି. ଦେବେଗୌଡ଼ାଙ୍କର ସରକାରରେ ଥିଲାବେଳେ ପ୍ରଥମ ଥର ପାଇଁ ୮୧ତମ ସମ୍ବିଧାନ ସଂଶୋଧନ ବିଲ୍ ଭାବେ ଏହାକୁ ଲୋକସଭାରେ ଉପସ୍ଥାପନ କରାଯାଇଥିଲା
  • କିନ୍ତୁ ଗୃହରେ ପ୍ରବଳ ହଟ୍ଟଗୋଳ ଏବଂ ସମର୍ଥନ ଅଭାବରୁ ଏହା ପାସ୍ ହୋଇପାରିଲାନି ।

 ଦ୍ୱିତୀୟ ପ୍ରୟାସ (୧୯୯୮)
ଅଟଳ ବିହାରୀ ବାଜପେୟୀଙ୍କ ପ୍ରଧାନମନ୍ତ୍ରୀତ୍ୱ କାଳରେ NDA ସରକାର ମହିଳା ସଂରକ୍ଷଣ ବିଲ୍ ପୁଣି ଆଣିଥିଲେ
କିନ୍ତୁ ବିରୋଧୀ ଦଳର ହଟ୍ଟଗୋଳ ଏବଂ ଲୋକସଭା ଭଙ୍ଗ ହେବା କାରଣରୁ ଏହି ବିଲ୍‌ଟି କାଟ୍ ଖାଇଥିଲା।

  • ତୃତୀୟ ପ୍ରୟାସ (୧୯୯୯ – ୨୦୦୩)
    ୧୯୯୯, ୨୦୦୨ ଏବଂ ୨୦୦୩ରେ ବାରମ୍ବାର ବିଲ୍‌କୁ ଆଣିବାକୁ ଚେଷ୍ଟା କରିଥିଲେ । ମାତ୍ର ସେତେବେଳେ କିଛି ଆଞ୍ଚଳିକ ଦଳ “କୋଟା ଭିତରେ କୋଟା” (OBC ଏବଂ ସଂଖ୍ୟାଲଘୁ ମହିଳାଙ୍କ ପାଇଁ ଅଲଗା ସଂରକ୍ଷଣ) ଦାବି କରିବାରୁ ଏହା ଆଗକୁ ବଢ଼ିପାରିନଥିଲା ।
  • ଚତୁର୍ଥ ପ୍ରୟାସ (୨୦୦୮ – ୨୦୧୦)
    PM ମନମୋହନ ସିଂ (UPA ସରକାର) ।
  • ଘଟଣା: ୨୦୦୮ରେ ଏହି ବିଲ୍ ରାଜ୍ୟସଭାରେ ଉପସ୍ଥାପନ ହୋଇଥିଲା ଏବଂ ୨୦୧୦ ମାର୍ଚ୍ଚ ୯ରେ ରାଜ୍ୟସଭାରେ ପାସ୍ ହୋଇଯାଇଥିଲା
  • କିନ୍ତୁ ଲୋକସଭାରେ ମେଣ୍ଟ ସହଯୋଗୀଙ୍କର ବିରୋଧ ଯୋଗୁଁ ଏହା ଉପସ୍ଥାପନ ହୋଇପାରିଲାନି ଏବଂ ୨୦୧୪ରେ ଲୋକସଭାର କାର୍ଯ୍ୟକାଳ ଶେଷ ହେବା ସହ ବିଲ୍‌ଟି ରଦ୍ଦ ହୋଇଯାଇଥିଲା।

୨୦୨୩ ସେପ୍ଟେମ୍ବର ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସରକାର ସଂସଦର ସ୍ୱତନ୍ତ୍ର ଅଧିବେଶନରେ ‘ନାରୀ ଶକ୍ତି ବନ୍ଦନ ଅଧିନିୟମ‘ (୧୨୮ତମ ସଂଶୋଧନ ବିଲ୍) ଆଣିଥିଲେ, ଯାହା ଉଭୟ ଲୋକସଭା ଏବଂ ରାଜ୍ୟସଭାରେ ବିପୁଳ ସଂଖ୍ୟାରେ ଗୃହୀତ ହୋଇଥିଲା । ମାତ୍ର କାର୍ଯ୍ୟକାରୀ ହୋଇପାରିଲା ନାହିଁ
ତେବେ ଇଏ ହେଉଛି ଆମ ନେତାଙ୍କ ଅସଲ ଆଭିମୁଖ୍ୟ। ଉଭୟ ବିରୋଧୀ କୁହନ୍ତୁ ବା ସରକାର ସମସ୍ତେ ପଲିଟିକାଲ ଫାଇଦା ନେବାରେ ବ୍ୟସ୍ତ ।
ପଶ୍ଚିମବଙ୍ଗ ଏବଂ ତାମିଲନାଡୁରେ ନିର୍ବାଚନ ଥିବାବେଳେ ସରକାର ବି କାହିଁକି ଏ ବିଲ୍ ଆଣିବାକୁ ଚିନ୍ତା କଲେ?

  • ବିରୋଧର ଆଶଙ୍କା ଅଛି ଜାଣିକି ଡିଲିମିଟେସନକୁ ଯୋଡ଼ିବାର କଣ ଆବଶ୍ୟକତା ଥିଲା?
  • ସରକାରଙ୍କୁ ବି ଭଲରେ ଜଣା କି ଆବଶ୍ୟକୀୟ ସଂଖ୍ୟା ନଥିବା ହେତୁ ଏ ବିଲ୍ ପାସ୍ ହୋଇପାରିବ ନାହିଁ
  • ବିଲ୍ ପାସ୍ ହେଲେ BJPର ଶ୍ରେୟ ଆଉ ଯଦି ନହୁଏ ତେବେ West Bengal ଏବଂ Tamilnadu ନିର୍ବାଚନରେ ସରକାରଙ୍କ ପାଇଁ ଇଏ ଏକ ମୁଦ୍ଧା ହେବ କି ଇଣ୍ଡି ମେଣ୍ଟ ମହିଳା ବିରୋଧୀ
  • ମୋଦୀଙ୍କ ଚାଲରେ ଫସିଗଲେ ବିରୋଧୀ। ଏବେ ପଲିଟିକାଲ ପ୍ରୋପାଗଣ୍ଡାରୁ କାହାକୁ ବି ମୁକ୍ତି ମିଳିପାରିବ ନାହିଁ ।

 ପଶ୍ଚିମବଙ୍ଗର ପଲିଟିକାଲ ଇମେଜ୍
ଅତି କମରେ ୩୩ ପ୍ରତିଶତ ଟିକେଟ୍ ମହିଳା ପ୍ରାର୍ଥୀଙ୍କୁ ମିଳିନାହିଁ
TMC: ୨୭.୨% (୫୨ଜଣ ମହିଳା ପ୍ରାର୍ଥୀ – ମୋଟ୍ ୨୯୧ ପ୍ରାର୍ଥୀରୁ)
CPM ଓ ବାମ ମୋର୍ଚ୍ଚା: ୧୩.୪୩% (୩୪ ମହିଳା ପ୍ରାର୍ଥୀ – ମୋଟ୍ ୨୫୩ ପ୍ରାର୍ଥୀରୁ)
INC: ୧୧.୯% (୩୫ ମହିଳା ପ୍ରାର୍ଥୀ – ମୋଟ୍ ୨୯୪ ପ୍ରାର୍ଥୀରୁ)
BJP: ୧୧.୩% (୩୩ ମହିଳା ପ୍ରାର୍ଥୀ – ମୋଟ୍ ୨୯୪ ପ୍ରାର୍ଥୀରୁ)