IAS-ORSଙ୍କ ଗ୍ରେଡ ଦେଖି, ଷ୍ଟେପ ନେଉଛି BJP ସରକାର

0 Comments read News

ଓଡ଼ିଶାରେ ଅଜବ ନୀତି । ଅଫିସରଙ୍କ ପୋଷ୍ଟ ଦେଖି, ନିଆଯାଉଛି ଆକ୍ସନ୍। ଯଦି ଅଣଓଡ଼ିଆ IAS ଅଫିସର ଲାଞ୍ଚ ନେଉଛନ୍ତି, ତାହଲେ ତାଙ୍କୁ ମିଳୁଛି ପ୍ରମୋସନ୍ । ଆଉ ଯଦି ଲାଞ୍ଚୁଆ ଅଫିସର ଜଣଙ୍କ ଓଡ଼ିଆ, ତେବେ ତାଙ୍କୁ ଚାକିରିରୁ ବିଦା,ଏ ହେଉଛି ଓଡ଼ିଶା ସରକାରଙ୍କର ପଲିସି । 7000 ଲାଞ୍ଚ ନେଇଥିବା ORS ମନୀଷା ମିଶ୍ରଙ୍କୁ ଚାକିରିରୁ ବହିଷ୍କାର କଲେ, କିନ୍ତୁ 10 ଲକ୍ଷ ଲାଞ୍ଚ ନେଇଥିବା IAS ଅଫିସର ଧିମନ ଚକମାଙ୍କୁ ରେଭେନ୍ୟୁ ଡିପାର୍ଟମେଣ୍ଟର ଡେପୁଟି ସେକ୍ରେଟାରୀ ପଦରେ ନିଯୁକ୍ତି ଦେଲେ । ଜଣେ ମହିଳା ଓଡ଼ିଆ ଅଫିସରଙ୍କୁ 7000 ଲାଞ୍ଚ ପାଇଁ ବିଦା କରିଥିବା ମୋହନ ସରକାର ଅଧିକ ଲାଞ୍ଚ ନେଇଥିବା ଅଣଓଡ଼ିଆ IAS ଅଫିସରଙ୍କୁ ମୁଣ୍ଡରେ ବସାଇଛନ୍ତି। ବିରୋଧୀ କହିଲେଣି, ବଡ଼ ଲାଞ୍ଚୁଆଙ୍କ ପ୍ରେମରେ ପଡିଛନ୍ତି ବିଜେପି ସରକାର।

ବାଲେଶ୍ୱର ଜିଲ୍ଲା ବାଲିଆପାଳ ସବ୍-ରେଜିଷ୍ଟ୍ରାର୍ ମନୀଷା ମିଶ୍ର ବହିଷ୍କାର ହେବାକୁ ନେଇ ରାଜ୍ୟ ସାରା ଚର୍ଚ୍ଚା । 7000 ଟଙ୍କା ଲାଞ୍ଚ ନେଇ ଚାକିରିରୁ ବହିସ୍କାର ହୋଇଛନ୍ତି ମନୀଷା । ସରକାର ଏହାକୁ ଜିରୋ ଟଲରାନ୍ସର ଏକ୍ଜାମ୍ପଲ ତ କହୁଛନ୍ତି ।କିନ୍ତୁ ଧିମନ ଚକମାଙ୍କ ପାଇଁ ସବୁକ୍ରେଡିଟ ପାଣିରେ ପଡୁଛି ।ନଭେମ୍ବର ୬ ତାରିଖରେ ଜମି ପଞ୍ଜୀକରଣ ଓ ସେଲ୍ ଡିଡ୍ କରାଇବା ପାଇଁ ୭ ହଜାର ଟଙ୍କା ଲାଞ୍ଚ ନେଲାବେଳେ ମନୀଷା ମିଶ୍ରଙ୍କୁ ଆରେଷ୍ଟ କଲା ଭିଜିଲାନ୍ସ ।ଆକ୍ସନ୍ ନେବାକୁ ଯାଇ ତାଙ୍କୁ ସସପେଣ୍ଡ ନୁହେଁ, ବରଂ ରାଜସ୍ଵ ବିଭାଗ ପକ୍ଷରୁ ମନୀଷାଙ୍କୁ ବହିଷ୍କାର କରାଯାଇଛି । କିନ୍ତୁ କଳାହାଣ୍ଡି ଜିଲ୍ଲା ଧର୍ମଗଡ଼ରେ ଉପ-ଜିଲାପାଳ IAS ଧୀମନ ଚକମା 10ଲକ୍ଷ ଟଙ୍କା ଲାଞ୍ଚ ନେଇ ଆରେଷ୍ଟ ହେଲା ପରେ ପୁଣି ପାଇଛନ୍ତି ଗୁରୁ ଦାୟିତ୍ୱ । 2025 ଜୁନ 8 ତାରିଖରେ ଭିଜିଲାନ୍ସ ହାତରେ ଧରାପଡ଼ି ଆରେଷ୍ଟ ହୋଇଥିବା ଧୀମନଙ୍କୁ 2026 ମେ 21ରେ ପୁନଃନିଯୁକ୍ତି ଦେଲେ ବିଜେପି ସରକାର ।ରେଭେନ୍ୟୁ ମିନିଷ୍ଟର ସୁରେଶ ପୂଜାରୀ ନିଜେ କହୁଛନ୍ତି ଲାଞ୍ଚ ନେଲେ ଚାକିରିରୁ ବିଦା କରାଯିବ, କିନ୍ତୁ ତାଙ୍କରି ଡିପାର୍ଟମେଣ୍ଟରେ କେମିତି 10ଲକ୍ଷ ଟଙ୍କାର ଲାଞ୍ଚଖିଆ ଧିମନ ଚକମାଙ୍କୁ କରାଯାଇଛି ଡେପୁଟି ସେକ୍ରେଟାରୀ ।ମନୀଷାଙ୍କୁ ଚାକିରିରୁ ବିଦା କରିବା ସ୍ୱାଗତଯୋଗ୍ୟ। କିନ୍ତୁ ବଡ଼ ଲାଞ୍ଚୁଆଙ୍କୁ ବଡ଼ ପୋଷ୍ଟରେ ବସାଇବା ସରକାରଙ୍କ ଭିନ୍ନ ଆଭିମୁଖ୍ୟକୁ ଦର୍ଶାଉନାହିଁ କି? ତା-ମାନେ ଏ ସରକାରର ଚଟୁ ଆମିଷ ବେଣ୍ଟ ନିରାମିଷ ।ବଡ଼ ଲାଞ୍ଚୁଆଙ୍କୁ କ୍ଷମା, ଆଉ ଛୋଟ ଲାଞ୍ଚୁଆଙ୍କୁ ପନିସମେଣ୍ଟ ।IAS–ORSଙ୍କ ଗ୍ରେଡ ଦେଖି ଷ୍ଟେପ ନେଉଛି ବିଜେପି ସରକାର ।

କାହା କବଜାରେ କୋଟିଆ:SIR ପରେ ବି ଡବଲ୍ ଭୋଟ୍

0 Comments read News, Politics

କୋଟିଆକୁ କବ୍‌ଜା କରିବାକୁ ଆନ୍ଧ୍ରର ନୂଆ ଚାଲ୍। ନଭେମ୍ବର ୨୯ରେ ସରପଞ୍ଚ ନିର୍ବାଚନ କରିବ ଆନ୍ଧ୍ରପ୍ରଦେଶ। କୋଟିଆକୁ ନେଇ ଓଡ଼ିଶା ଓ ଆନ୍ଧ୍ର ମଧ୍ୟରେ ପୁଣି ଆରମ୍ଭ ହେବ ଶକ୍ତି ପରୀକ୍ଷା। ଜିଲ୍ଲା ପରିଷଦ ନିର୍ବାଚନ ପରେ ଏବେ ସରପଞ୍ଚ ନିର୍ବାଚନ ଜରିଆରେ କୋଟିଆ ଉପରେ ନିଜର ଦବ୍‌ଦବା ଜାହିର କରିବାକୁ ଆନ୍ଧ୍ରର ନୂଆ ରଣନୀତି। ନଭେମ୍ବର ୨୯ରେ ଆନ୍ଧ୍ର କରିବାକୁ ଯାଉଛି ସରପଞ୍ଚ ଓ ୱାର୍ଡସଭ୍ୟ ନିର୍ବାଚନ। ଏଥର ଶତ ପ୍ରତିଶତ ଭୋଟ ହାତେଇବାକୁ ଆନ୍ଧ୍ର ଚଳାଇଛି କସରତ। ଅନ୍ୟପଟେ ଆନ୍ଧ୍ରର ଏହି ନିର୍ବାଚନୀ ଚାଲ୍‌କୁ ପଣ୍ଡ କରିବାକୁ ଓଡ଼ିଶା ମଧ୍ୟ ଆରମ୍ଭ କରିଛି ରଣନୀତି। ଫଳରେ କୋଟିଆକୁ ନେଇ ରାଜନୈତିକ ଛକାପଞ୍ଝା ଏବେ ଆହୁରି ରୋଚକ ହେବାକୁ ଯାଉଛି। ଆସନ୍ତା ୧୬ ତାରିଖରେ ଆନ୍ଧ୍ରପ୍ରଦେଶରେ ସରପଞ୍ଚ ଓ ୱାର୍ଡସଭ୍ୟ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇବ। ୨୦ ତାରିଖରେ ନାମାଙ୍କନ ଏବଂ ୨୪ ତାରିଖରେ ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇବ। ନଭେମ୍ବର ୨୯ରେ ମତଦାନ ସହ ଫଳାଫଳ ଘୋଷଣା କରାଯିବ। ଓଡ଼ିଶାର କୋଟିଆ ପଞ୍ଚାୟତକୁ ତିନି ଭାଗରେ ବିଭକ୍ତ କରି ଆନ୍ଧ୍ର ଗଞ୍ଜେଇପଦର, ଫାଟୁସିନେରି ଓ ଫଗୁଣସିନେରି ନାମରେ ପଞ୍ଚାୟତ ଗଠନ କରିଛି। ଏହି ତିନି ପଞ୍ଚାୟତରେ ମଧ୍ୟ ନିର୍ବାଚନ କରାଇବାକୁ ଯୋଜନା ରହିଛି।ନଭେମ୍ବର ୫ ତାରିଖରେ ହୋଇଥିବା ଜିଲ୍ଲା ପରିଷଦ ନିର୍ବାଚନରେ ଓଡ଼ିଶାର ତୀବ୍ର ବିରୋଧ ଯୋଗୁଁ ଆନ୍ଧ୍ରକୁ ଆଶାନୁରୂପ ସଫଳତା ମିଳିନଥିଲା। କୋଟିଆ ଭୋଟରଙ୍କୁ ସାରିକି, କୋଡ଼ାମ ଓ ଟୋନାମ ବୁଥ୍‌କୁ ନେଇ ମତଦାନ କରାଇଥିଲେ ମଧ୍ୟ ଭୋଟ ହାର ଆଶାଠାରୁ କମ୍ ରହିଥିଲା। ତେଣୁ ଏଥର ଭୋଟରଙ୍କୁ ପ୍ରଭାବିତ, ପ୍ରଲୋଭିତ କିମ୍ବା ଭୟଭୀତ କରି ଅଧିକରୁ ଅଧିକ ଭୋଟ ହାତେଇବାକୁ ଆନ୍ଧ୍ର ନୂଆ ରଣନୀତି କରୁଥିବା ଆକଳନ କରାଯାଉଛି।

ଏପରିକି ଓଡ଼ିଶାର ବିରୋଧ ଯଦି ପୂର୍ବଭଳି ଜୋରଦାର ହୁଏ, ତେବେ ମନୋନୟନ ଜରିଆରେ ସରପଞ୍ଚ ଓ ୱାର୍ଡସଭ୍ୟ ଚୟନ କରିବାର ବିକଳ୍ପ ଉପରେ ମଧ୍ୟ ଆନ୍ଧ୍ର ବିଚାର କରିପାରେ। ଅନ୍ୟପଟେ କୋଟିଆବାସୀ ଯଦି ଆନ୍ଧ୍ର ନିର୍ବାଚନରେ ଅଧିକ ସଂଖ୍ୟାରେ ପ୍ରାର୍ଥିପତ୍ର ଦାଖଲ କରନ୍ତି, ତେବେ କିଭଳି ରଣନୀତି ଆପଣାଇବ ଆନ୍ଧ୍ର, ସେନେଇ ମଧ୍ୟ ପ୍ରସ୍ତୁତି ଚାଲିଛି।ଏପଟେ ଆନ୍ଧ୍ରର ଏହି ଯୋଜନାକୁ ପଣ୍ଡ କରିବାକୁ ଓଡ଼ିଶା ମଧ୍ୟ ପୂରା ଦମ୍‌ରେ ପ୍ରସ୍ତୁତି ଚଳାଇଛି। କୋଟିଆର ସୁରକ୍ଷା ପାଇଁ ଓଡ଼ିଶାର ସମସ୍ତ ରାଜନୈତିକ ଦଳ ପୁଣି ଏକାଠି ହେବାର ସୂଚନା ମିଳିଛି। କୋରାପୁଟ ଜିଲ୍ଲାପାଳ ମଧ୍ୟ ସ୍ପଷ୍ଟ କରିଛନ୍ତି ଯେ ଆନ୍ଧ୍ରର ସରପଞ୍ଚ ନିର୍ବାଚନକୁ ଜୋରଦାର ବିରୋଧ କରାଯିବ। ନିର୍ବାଚନ ରୋକିବା ପାଇଁ ଜିଲ୍ଲା ପ୍ରଶାସନ ସୁଚିନ୍ତିତ ରଣନୀତି ପ୍ରସ୍ତୁତ କରୁଛି। ଏହି ରାଜନୈତିକ ଛକାପଞ୍ଝା ମଧ୍ୟରେ ଏସ୍‌ଆଇଆର୍‌ର ସ୍ୱଚ୍ଛତାକୁ ନେଇ କଂଗ୍ରେସ ମଧ୍ୟ ପ୍ରଶ୍ନ ଉଠାଇଛି। ଏସ୍‌ଆଇଆର୍‌ ପରେ ଜଣେ ଭୋଟର କିପରି ଦୁଇଟି ରାଜ୍ୟରେ ମତଦାନ କରୁଛନ୍ତି, ତାହାକୁ ନେଇ ଦଳ ପ୍ରଶ୍ନ କରିଛି।

TATA POWERକୁ ସୁରକ୍ଷା ଦେଉଛନ୍ତି ସରକାର !

0 Comments read News

ଓଡ଼ିଶାରେ ବିଦ୍ୟୁତ ବିତରଣ କରୁଥିବା TATA POWERର CAG ଅଡିଟ କରିବାକୁ ଦାବି କରିଛି । TATA POWERର ମନମାନିକୁ ନେଇ ବିଧାନସଭା ଷ୍ଟାଣ୍ଡିଂ କମିଟିରେ ଅବଜେକସନ୍ ହୋଇଛି । TATA POWERର ସମସ୍ତ ଆର୍ଥିକ କାରବାର ସହ ଖର୍ଚ୍ଚର CAG ଅଡିଟ୍ ପାଇଁ ବିଧାନସଭା ଷ୍ଟାଣ୍ଡିଂ କମିଟି ସୁପାରିସ କରିଛି । TATA POWERକୁ ନେଇ ଅଭିଯୋଗ ନୂଆ ନୁହେଁ, ପୂର୍ବରୁ 2026 ମାର୍ଚ୍ଚ 24 ତାରିଖରେ TATA POWERର CAG ଅଡିଟ କରିବାକୁ ସରକାରଙ୍କୁ ପରାମର୍ଶ ଦେଇଥିଲେ OERC ବା Odisha Electricity Regulatory Commission । ମାତ୍ର 6 ମାସ ପରେ ବି ରେଜଲ୍ଟ ଜିରୋ। ଏବେ ସମାନ କଥା ଦୋହରାଇଛି ବିଧାନସଭା ଷ୍ଟାଣ୍ଡିଂ କମିଟି। ତେବେ ସାଧାରଣରେ ପ୍ରଶ୍ନ, TATA POWERର ଦୋଷ ଘୋଡ଼ାଉଛନ୍ତି କି ଓଡ଼ିଶା ସରକାର?
ଓଡ଼ିଶା ସରକାରଙ୍କଠାରୁ ଚୁକ୍ତି ଅନୁଯାୟୀ ପ୍ରାୟ ୫,୫୦୦ କୋଟି ଟଙ୍କା ନେଇଛି ଟାଟା ପାୱାର । ଏ ଟଙ୍କା କେତେବେଳେ ଓ କେଉଁ କାମରେ ଖର୍ଚ୍ଚ ହେଉଛି ତା’ର କିଛି ଖୋଜଖବର ନାହିଁ । ଯାହାକୁ ନେଇ ଅବଜେକସନ୍ କରିଛି ବିଧାନସଭା ଷ୍ଟାଣ୍ଡିଂ କମିଟି । ସ୍ମାର୍ଟ ମିଟରରେ ଅଧିକ ବିଲ୍ ଆସିବା, ଅଘୋଷିତ ବିଦ୍ୟୁତ୍ କାଟ୍ କୁ ନେଇ କମିଟିର ଆପତ୍ତି । ସ୍ମାର୍ଟ ମିଟର ନାଁରେ ଟାଟା ପାୱାର ଉପଭୋକ୍ତାଙ୍କୁ ଠକୁଥିବାର ଅଭିଯୋଗ ହେଉଛି । ସ୍ମାର୍ଟ ମିଟର ଲାଗିବା ପରେ ଅଧିକ ବିଲ୍ ଆସୁଥିବା ନେଇ ପୁଳାପୁଳା କମ୍ପ୍ଲେନ୍ । ଲୋକଙ୍କ ସନ୍ଦେହ ଦୂର କରିବାକୁ ଏହାର ସଫ୍ଟୱେରକୁ ସରକାରୀ ଅଧିକାରୀଙ୍କ ନିରୀକ୍ଷଣ ପରିସରଭୁକ୍ତ କରିବା ସହ ସ୍ମାର୍ଟ ମିଟରର କାର୍ଯ୍ୟକାରିତାକୁ ନେଇ ସିଏଜି ଅଡିଟ୍ ଏବଂ ଥାର୍ଡ-ପାର୍ଟି (ତୃତୀୟ ପକ୍ଷ) ସମୀକ୍ଷା କରାଇବାକୁ କମିଟି ପରାମର୍ଶ ଦେଇଛି ।

ବିଲ୍ ନ ଦେଲେ ଇମିଡିଏଟଲି କନେକ୍ସନ୍ କାଟି ଦିଆଯାଉଛି । କମ୍ପାନୀ ପକ୍ଷରୁ ବିନା କାରଣରେ ବିଜୁଳି କାଟ୍ କରାଗଲେ, କ‘ଣ ଦଣ୍ଡ କିମ୍ବା ଜରିମାନା ଲାଗୁ ହୋଇଛି, ତା‘ର ଡାଟା  ଦେବାକୁ ସଜେସନ ଦେଇଛି ଷ୍ଟାଣ୍ଡିଂ କମିଟି। ସେହିପରି ଓଡ଼ିଶା ଏକ ବଳକା ବିଦ୍ୟୁତ୍ ଉତ୍ପାଦନକାରୀ ରାଜ୍ୟ ହୋଇଥିବାରୁ ଅନ୍ୟ ରାଜ୍ୟ ଭଳି ଏଠାରେ ମଧ୍ୟ ସାଧାରଣ ଉପଭୋକ୍ତାଙ୍କୁ ୩୦୦ ୟୁନିଟ୍ ପର୍ଯ୍ୟନ୍ତ ମାଗଣା ବିଦ୍ୟୁତ୍ ଏବଂ କୃଷକଙ୍କୁ ଉଠା ଜଳସେଚନ ପାଇଁ ସମ୍ପୂର୍ଣ ମାଗଣା ବିଜୁଳି ଯୋଗାଇ ଦେବାକୁ କମିଟି ସୁପାରିସ କରିଛି । କମିଟିର ସୁପାରିସ୍ ଉପରେ କାର୍ଯ୍ୟାନୁଷ୍ଠାନ ବିବରଣୀ (ATR) ଦାଖଲ କରିବାକୁ ଡିସକମ୍, ଓପିଟିସିଏଲ ଓ ଓରେଡାକୁ ଶକ୍ତି ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଶକ୍ତି ବିଭାଗ ପକ୍ଷରୁ ଜାରି ପତ୍ର ଅନୁଯାୟୀ, ଷ୍ଟାଣ୍ଡିଂ କମିଟିର ୭ମ ବୈଠକରେ ଉଠିଥ‌ିବା ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଗୁଡ଼ିକ ଉପରେ କାର୍ଯ୍ୟାନୁଷ୍ଠାନ ବିବରଣୀ ଆସନ୍ତା ୧୫ତମ ବୈଠକ ପାଇଁ ଦାଖଲ କରାଯିବ । ପୂର୍ବରୁ OERCର କଥାକୁ କର୍ଣ୍ଣପାତ କରି ନଥିଲେ ମୋହନ ସରକାର, ଆଉ ଏବେ ସମାନ କଥା କହିଲାଣି ବିଧାନସଭା ଷ୍ଟାଣ୍ଡିଂ କମିଟି ।ତେବେ ଦେଖାଯାଉ, ଷ୍ଟାଣ୍ଡିଂ କମିଟିର ସୁପାରିସକୁ କେତେ ଗୁରୁତ୍ୱ ଦେଉଛନ୍ତି ଶକ୍ତିମନ୍ତ୍ରୀ। TATA POWERର ମନମାନିରେ ଫୁଲ ଷ୍ଟପ୍ ପଡ଼ିବ ନା ଷ୍ଟାଣ୍ଡିଂ କମିଟି ସୁପାରିଶକୁ ଅଣଦେଖା କରିବେ ସରକାର ।
ଏ ଷ୍ଟୋରୀ ଲେଖିଛନ୍ତି-ବିଜୟ କେତନ ବରାଳ

 

 

 

 

କଥା ଦେଇ, କଥା ରଖିଲେନି ମୋହନ

0 Comments read News, Politics

ଦୀପାବଳୀ ପୂର୍ବରୁ ମହାନଦୀ ଜଳ ବିବାଦର ସମାଧାନ ହେବ ବୋଲି ଓଡ଼ିଶାର ମୁଖ୍ୟମନ୍ତ୍ରୀ ମୋହନ ମାଝୀ ଘୋଷଣା କଲେ । ଜୁଲାଇ 30 ତାରିଖରେ ଦିଲ୍ଲୀ ମିଡିଆ ଆଗରେ ମୁଖ୍ୟମନ୍ତ୍ରୀ ଏଭଳି କହିଥିଲେ। ମୁଖ୍ୟମନ୍ତ୍ରୀଙ୍କର ସେହି କଥା ପଦକ, ଓଡ଼ିଶାବାସୀଙ୍କ ମନରେ ଖୁସି ଭରି ଦେଇଥିଲା । ମୁଖ୍ୟମନ୍ତ୍ରୀଙ୍କୁ ବିଶ୍ୱାସ କରିବାର ରିଜିନ୍ ମଧ୍ୟ ଥିଲା । କାରଣ ଗତ ଜୁଲାଇ 30 ତାରିଖରେ ଓଡ଼ିଶା ଏବଂ ଛତିଶଗଡ଼ ମୁଖ୍ୟମନ୍ତ୍ରୀଙ୍କୁ ସାଙ୍ଗରେ ବସାଇ କେନ୍ଦ୍ର ଜଳଶକ୍ତି ମନ୍ତ୍ରୀ ସି.ଆର. ପାଟିଲ ଦିଲ୍ଲୀରେ ମିଟିଂ କଲେ। ମହାନଦୀ ଜଳକୁ ନେଇ ଓଡ଼ିଶା ଏବଂ ଛତିଶଗଡ଼ ମଧ୍ୟରେ ଥିବା ବିବାଦର ସମାଧାନ ଲାଗି ବାଟ ଖୋଜାଗଲା । ସେହି ମିଟିଂରୁ ବାହାରି ମୁଖ୍ୟମନ୍ତ୍ରୀ ମୋହନ ମାଝୀ, ଉତ୍ସାହିତ ହୋଇ କହିଥିଲେ ଯେ ମହାନଦୀ ଜଳ ବିବାଦର ସମାଧାନ, ଦୀପାବଳୀ ପୂର୍ବରୁ ନିଶ୍ଚେ ହୋଇଯିବ । କିନ୍ତୁ ଦୀପାବଳୀ ତ ଆସିଗଲା, କାହିଁ ମହାନଦୀ ଜଳ ବିବାଦର ସମାଧାନ ତ ହେଲା ନାହିଁ ? କେନ୍ଦ୍ର ଜଳଶକ୍ତି ମନ୍ତ୍ରୀଙ୍କ ପରେ ଆଗକୁ ଆସିଥିଲେ ଅମିତ ଶାହ। ଓଡ଼ିଶା ଏବଂ ଛତିଶଗଡ଼ ମୁଖ୍ୟମନ୍ତ୍ରୀଙ୍କୁ ଏକାଠି ବସାଇ ଶାହ ଦିଲ୍ଲୀରେ ବୈଠକ କରିଥିଲେ। କିନ୍ତୁ ଗତ ଅକ୍ଟୋବର ୧ ତାରିଖରେ ଅମିତ ଶାହଙ୍କ ଅଧ୍ୟକ୍ଷତାରେ ହୋଇଥିବା ମିଟିଂ ମଧ୍ୟ ଫ୍ଲପ୍ ହୋଇଗଲା ବୋଲି ଏବେ କହିବାକୁ ପଡିବ । କାରଣ ଟ୍ରିପଲ୍ ଇଞ୍ଜିନର ସରକାରଙ୍କ ଡିସକସନ୍ ପରେ ବି ଦୀପାବଳୀ ସୁଦ୍ଧା ହେଲାନାହିଁ ମହାନଦୀ ଜଳ ବିବାଦର ସମାଧାନ । ଏବେ ଚର୍ଚ୍ଚା ଓଡ଼ିଶା, ଛତିଶଗଡ଼ ଏବଂ କେନ୍ଦ୍ରରେ ବିଜେପିର ସରକାର ଥାଇ ମଧ୍ୟ କାହିଁକି ହୋଇ ପାରୁନାହିଁ ମହାନଦୀ ବିବାଦର ସମାଧାନ?

କୁଆଡ଼େ ଗଲା ଅମିତ ଶାହଙ୍କ ମିଟିଂର ପ୍ରତିଶ୍ରୁତି
ଜଳସେଚନ, ବନ୍ୟା ନିୟନ୍ତ୍ରଣ, ଜଳବିଦ୍ୟୁତ୍ ଉତ୍ପାଦନ, ପାନୀୟ ଜଳ ଯୋଗାଣ ସହ ପରିବେଶ ସୁରକ୍ଷା ଭଳି ପ୍ରସଙ୍ଗରେ ଆଲୋଚନା ହୋଇଛି ବୋଲି ସେତେବେଳେ କହିଥିଲେ ଓଡ଼ିଶା CM। ଉଭୟ ରାଜ୍ୟ ସମାଧାନ ଦିଗରେ ଆଗକୁ ବଢୁଛନ୍ତି । ଦୀପାବଳୀ ସୁଦ୍ଧା ସମାଧାନର ରୂପରେଖ ସାମ୍ନାକୁ ଆସିବ ବୋଲି କୁହାଯାଇଥିଲା। ମାତ୍ର ସେମିତି କିଛି ବି ହେଲାନି ।ସେପଟେ ମହାନଦୀ ପ୍ରସଙ୍ଗକୁ ନେଇ ସରକାରଙ୍କୁ ଘେରୁଛନ୍ତି ବିଜେଡି-କଂଗ୍ରେସ ।ନଭେମ୍ବର 18 ତାରିଖରେ ବିଧାନସଭାର ଶୀତକାଳୀନ ଅଧିବେଶନ ।ଲାଗୁଛି ଦୀପାବଳୀର ବାଣ ଫୋଟକା ପରି ବିଧାନସଭାରେ ଫୁଟିବେ ବିରୋଧି ଦଳ । ମହାନଦୀ ଜଳ ପାଇଁ ବିଧାନସଭାର ଶୀତକାଳୀନ ଅଧିବେଶନ ଧୋଇ ଯିବନାହିଁ ତ?
ଏ ଷ୍ଟୋରୀ ଲେଖିଛନ୍ତି- ବିଜୟ କେତନ ବରାଳ

ଅଡୁଆରେ ଏନ୍ ଭାସ୍କର ରାଓ:ରାଜ୍ୟ ସାରା ଘେରିଲେ EOW

0 Comments read News, Politics

EOW ଜାଲରେ ପଡ଼ିଛନ୍ତି ପୂର୍ବତନ ରାଜ୍ୟସଭା ସାଂସଦ ଏନ୍ ଭାସ୍କର ରାଓ। ରାୟଗଡ଼ା ଟ୍ରକ୍‌ ମାଲିକ ସଙ୍ଘର ଆର୍ଥିକ ଅନିୟମିତତା ମାମଲାରେ ପୂର୍ବତନ ରାଜ୍ୟସଭା ସାଂସଦ ଏନ୍‌.ଭାସ୍କର ରାଓଙ୍କ ଘର ସହ ବିଭିନ୍ନ ସ୍ଥାନରେ ଚଢ଼ାଉ ହୋଇଛି । ସଙ୍ଘର ଟଙ୍କାକୁ ଆତ୍ମସାତ କରିବା ଅଭିଯୋଗରେ ଚଢ଼ାଉ କରିଛନ୍ତି କ୍ରାଇମ ବ୍ରାଞ୍ଚର ୨୫ ଜଣିଆ EOW ଟିମ୍ । ରାୟଗଡ଼ା ବାସଭବନ ସମେତ ବିଭିନ୍ନ ସ୍ଥାନରେ ଚଢ଼ାଉ ହୋଇଛି । ରାଜ୍ୟ ସାରା ୧୧ଟି ସ୍ଥାନରେ ୮ଟି ଟିମ୍‌ର ରେଡ୍‌ ହୋଇଛି । ରାଣୀଗୁଡ଼ା ଫାର୍ମ ହାଉସ୍‌ ଓ ପିତଳା ଷ୍ଟ୍ରିଟ୍‌ ବାସଭବନରେ ଚଢାଉ ହେବା ସହ ରାୟତ କଲୋନୀସ୍ଥିତ ଜି. କୃଷ୍ଣଙ୍କ ବାସଭବନରେ ମଧ୍ୟ ରେଡ୍‌ ହୋଇଛି । ରାୟଗଡ଼ା ଟ୍ରକ୍ ମାଲିକ ସଂଘ କାର୍ଯ୍ୟାଳୟରେ ମଧ୍ୟ ରେଡ୍ ହୋଇଛି । ଭୁବନେଶ୍ୱର ଫରେଷ୍ଟ ପାର୍କ ଓ ବରମୁଣ୍ଡା ଏଚ୍‌ବି କଲୋନୀ, ଫରେଷ୍ଟ ପାର୍କର ଶ୍ରୀ ଆଦିତ୍ୟ ଇଣ୍ଡଷ୍ଟ୍ରିଜ୍ ପ୍ରାଇଭେଟ୍ ଲିମିଟେଡ୍‌ରେ ଚଢାଉ ହୋଇଛି । ବରମୁଣ୍ଡାର ଅରୁଣ ପାୱାର ପ୍ରୋଜେକ୍ଟ ଲିମିଟେଡ୍‌,ଭୀମପୁର ଶ୍ରୀ ଆଦିତ୍ୟ ଟ୍ରେଡିଂ ଆଣ୍ଡ ମାର୍କେଟିଂ ପ୍ରାଇଭେଟ୍ ଲିମିଟେଡ୍‌ରେ ରେଡ୍‌ ହୋଇଛି । ମଞ୍ଚେଶ୍ୱର ଶ୍ରୀ ବାଲାଜୀ ରିଅଲ୍ ଇଷ୍ଟେଟ୍ସ ଆଣ୍ଡ ଏଗ୍ରି ଡେଭଲପର୍ସ, ଶ୍ରୀ ଆଦିତ୍ୟ ରିଅଲ୍ ଇଷ୍ଟେଟ୍ ଆଣ୍ଡ ଏଗ୍ରି ଡେଭଲପର୍ସରେ ରେଡ୍‌ ହୋଇଛି । ରାୟଗଡ଼ା ଗୌତମ ନଗର ଗ୍ୟାସ୍ ଏଜେନ୍ସି ସହ ଶ୍ରୀ ଆଦିତ୍ୟ ଏଚ୍‌ପି ଏଣ୍ଟରପ୍ରାଇଜେସ୍ ଗ୍ୟାସ୍ ଏଜେନ୍ସିରେ ଚଢାଉ ହୋଇଛି । ଏନ୍ ଭାସ୍କର ରାଓ ରାୟଗଡ଼ା ଟ୍ରକ୍‌ ମାଲିକ ସଙ୍ଘର  ଟଙ୍କା ହେରଫେର କରି ବ୍ୟକ୍ତିଗତ କାମରେ ଲଗାଇଥିବା ଅଭିଯୋଗ ।

ଏନ୍. ଭାସ୍କର ରାଓ ୨୦୧୬ ଜୁଲାଇ ୨ରୁ ୨୦୨୨ ଜୁଲାଇ ୧ ପର୍ଯ୍ୟନ୍ତ ଓଡ଼ିଶାରୁ ରାଜ୍ୟସଭା ସାଂସଦ ଥିଲେ। ସେ ବିଜେଡି ତରଫରୁ ବିନା ପ୍ରତିଦ୍ୱନ୍ଦ୍ୱିତାରେ ନିର୍ବାଚିତ ହୋଇଥିଲେ। ୨୦୨୫ ସେପ୍ଟେମ୍ବର ୯ ରେ ବିଜୁ ଜନତା ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି । ଦଳର ଆଭ୍ୟନ୍ତରୀଣ କାର୍ଯ୍ୟକଳାପ ଏବଂ ରାୟଗଡ଼ା ଜିଲ୍ଲା ସଭାପତି ଚୟନକୁ ନେଇ ଅସନ୍ତୋଷ ପ୍ରକାଶ କରି ସେ ଦଳ ଛାଡ଼ିଥିଲେ। ବିଜେଡି ଛାଡ଼ିବା ପରେ  ‘ବିଜୁ ସ୍ୱାଭିମାନ ମଞ୍ଚ‘ ଗଠନ କରିଛନ୍ତି । ପାୱାରରୁ ହଟିଲା ପରେ ଠକେଇ ଅଭିଯୋଗରେ EOW ଜାଲରେ ପଡ଼ିଛନ୍ତି ଏନ୍. ଭାସ୍କର ରାଓ ।