ଜେଲରେ ଛାତ୍ର ନେତା: କଲେଜ ଇଲେକ୍ସନରେ କିଏ ଧରିବେ କଂଗ୍ରେସର ମଙ୍ଗ

ଆଗକୁ ଛାତ୍ର ସଂସଦ ନିର୍ବାଚନ ଆସୁଛି। ଛାତ୍ର ସଂସଦ ନିର୍ବାଚନରେ ମୁଖ୍ୟତଃ BJD,BJP ଏବଂ କଂଗ୍ରେସ ପ୍ରାର୍ଥି ଦେଇ କଲେଜ ସ୍ତରରେ ରାଜନୈତିକ ମୂଳଦୁଆ ମଜବୁତ୍ କରନ୍ତି । ତ୍ରିମୁଖି ଲଢେଇର ଦାୟିତ୍ୱ ନିଅନ୍ତି ତିନି ଦଳର ଛାତ୍ର ସଭାପତି । ବିଜେଡ଼ିର ଛାତ୍ର ସଙ୍ଗଠନ ବିଜୁ ଛାତ୍ର ଜନତା ଦଳ(BCJD) ବିଜେପିର ଛାତ୍ର ସଂଗଠନ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ABVP)ର ଦାୟିତ୍ୱ ନେବାକୁ ସଭାପତି ରହିଥିଲା ବେଳେ କଂଗ୍ରେସ ଛାତ୍ର ସଙ୍ଗଠନର ମୁଖିଆ ନାହାନ୍ତି । ଜୁଲାଇ ୨୧ ତାରିଖରୁ ଉଦିତ ପ୍ରଧାନ ଛାତ୍ର କଂଗ୍ରେସ ସଭାପତି ପଦରୁ ବିଦା ହେବା ପରେ ଏହି ପୋଷ୍ଟ ଏବେ ଫାଙ୍କା ପଡ଼ିଛି। ବିନା ମୁଖିଆରେ ଚାଲିଛି ଛାତ୍ର କଂଗ୍ରେସ।

6 ବର୍ଷ ହେବ ବାତିଲ ହୋଇଥିବା ଛାତ୍ର ସଂସଦ ନିର୍ବାଚନ ପୁଣି ଆରମ୍ଭ ହେବ। ଛାତ୍ର କଂଗ୍ରେସ ସଭାପତି ରେସରେ ଏକାଧିକ ଚେହେରା ଅଛନ୍ତି। ଛାତ୍ର କଂଗ୍ରେସର ପୂର୍ବତନ ରାଷ୍ଟ୍ରୀୟ ସମ୍ପାଦକ ମନଷା ତ୍ରିପାଠୀ ଛାତ୍ର କଂଗ୍ରେସ ସଭାପତି ରେସରେ ଆଗରେ ଅଛନ୍ତି। ଛାତ୍ର କଂଗ୍ରେସର ରାଷ୍ଟ୍ରୀୟ ସମ୍ପାଦକ ତଥା ଉତ୍କଳ ବିଶ୍ୱବିଦ୍ୟାଳୟ ଛାତ୍ର କଂଗ୍ରେସ ନେତା ଅଖିଳେଶ ଯାଦବ, ଛାତ୍ର କଂଗ୍ରେସର ନେତା ବିଭୂତି ଭୂଷଣ ମହାପାତ୍ର ମଧ୍ୟ ଛାତ୍ର ସଭାପତି ଲବିରେ ଅଛନ୍ତି । ଏମାନଙ୍କ ସହିତ ଅନ୍ୟ ଛାତ୍ର ନେତାଙ୍କ ନାଁ ଚର୍ଚ୍ଚାରେ ଥିଲା ବେଳେ ଭକ୍ତ ଦାସଙ୍କ ମୋହରକୁ ଅପେକ୍ଷା । ପୂର୍ବ ଅପେକ୍ଷା ଅଧିକ ଆକ୍ଟିଭ ହେଉଥିବା କଂଗ୍ରେସ କଲେଜ ସ୍ତରରେ ସଙ୍ଘଠନ ସୁଦୃଢ କରିବାକୁ ହେଲଷ ଟାଣୁଆ ନେତା ବାଛିବାକୁ ପଡ଼ିବ ।

Visited 8 times, 1 visit(s) today
Share this post

Leave A Comment

Your email address will not be published. Required fields are marked *