Posts tagged BJD

PAC-ବିଜୟଙ୍କ ପରେ ଭାଙ୍ଗିଥିଲା, ପାଣ୍ଡିଆନଙ୍କ ପାଇଁ ଗଢ଼ା ହେଲା

0 Comments read News

25 ବର୍ଷ ପରେ ବିଜୁ ଜନତା ଦଳର ସର୍ବୋଚ୍ଚ ନୀତି ନିର୍ଦ୍ଧାରଣ କମିଟି ପଲିଟିକାଲ୍ ଆଫେୟାର୍ସ କମିଟି ବା PACର ପୁର୍ନଗଠନ କରାଯାଇଛି । BJDର ଆଜନ୍ମ ସଭାପତି ନବୀନ ପଟ୍ଟନାୟକଙ୍କ ନେତୃତ୍ୱରେ PAC ଗଠନ ହୋଇଛି । ସେହି କମିଟିରେ ଅନ୍ୟ 9 ଜଣ ସଦସ୍ୟ ରହିଛନ୍ତି। ବିଶ୍ୱାସଘାତକତା କରି ବିଜୟ ମହାପାତ୍ରଙ୍କ ଟିକେଟ କାଟିବା ପରେ 2000 ମସିହାରୁ ପଲିଟିକାଲ୍ ଆଫେୟାର୍ସ କମିଟିକୁ ଭାଙ୍ଗି ଦେଇଥିଲେ ନବୀନ। ତେବେ ବିଜୁ ଜନତା ଦଳର ପୁର୍ନଗଠିତ PACରେ ଅଛନ୍ତି ବିକ୍ରମ ଆରୁଖ, ପ୍ରମିଳା ମଲ୍ଲିକ, ନିରଞ୍ଜନ ପୂଜାରୀ, ସଞ୍ଜୟ ଦାସବର୍ମା, ପ୍ରଣବ ପ୍ରକାଶ ଦାସ, ସୁଦାମ ମାର୍ଣ୍ଣିଂ, ଟୁକୁନୀ ସାହୁ, ସସ୍ମିତ୍ ପାତ୍ର ଏବଂ ସନ୍ତୃପ୍ତ ମିଶ୍ର। ଏହି ନବଗଠିତ କମିଟିକୁ ଦେଖିଲେ ଲାଗୁଛି ଏହା ପଲିଟିକାଲ୍ ଆଫେୟାର୍ସ କମିଟି ନୁହେଁ ଏଇଟା ହେଉଛି ପାଣ୍ଡିଆନ ଆଫେୟାର୍ସ କମିଟି। କାରଣ PACର ସମସ୍ତ ସଦସ୍ୟ, ଅଣଓଡ଼ିଆ ଭୈରବ ପାଣ୍ଡିଆନଙ୍କ କଥାରେ ଉଠବସ୍ ହେଉଛନ୍ତି । ତେଣୁ ଦଳର ସର୍ବୋଚ୍ଚ ନୀତି ନିର୍ଦ୍ଧାରଣ କମିଟି PACକୁ BJD ନିଜ ନିୟନ୍ତ୍ରଣରେ ରଖିବାରେ ସଫଳ ହୋଇଛନ୍ତି ପାଣ୍ଡିଆନ୍।

କାରଣ ୱାକଫ୍ ସଂଶୋଧନ ବିଲ୍ ସପକ୍ଷରେ ଭୋଟ ଦେଇ BJDକୁ ଲୋକହସା କରିଥିବା ରାଜ୍ୟସଭା ସାଂସଦ ସସ୍ମିତ ପାତ୍ର, PACରେ ରହିବା ପାଣ୍ଡିଆନଙ୍କ ଦବଦବାକୁ ସୂଚାଉଛି । ସେହିଭଳି ରାଜନୀତିରେ ବର୍ଷେ ପୂରଣ କରି ନଥିବା ସନ୍ତୃପ୍ତ ମିଶ୍ର ମଧ୍ୟ ପାଣ୍ଡିଆନଙ୍କର ଜଣେ ଦୃଢ ସମର୍ଥକ । ପ୍ରଣବ ପ୍ରକାଶ ଦାସ ଏବଂ ପାଣ୍ଡିଆନ ଗୋଟିଏ ମୁଦ୍ରାର ଦୁଇଟି ପାର୍ଶ୍ୱ ବୋଲି ଜାଣିଛି ସାରା ଓଡ଼ିଶା । ଏବେ ପ୍ରଣବଙ୍କର ନିକଟତର ସଞ୍ଜୟ ଦାସବର୍ମାଙ୍କୁ PACରେ ସ୍ଥାନ ମିଳିବା, ପାଣ୍ଡିଆନଙ୍କ ବିନା ଇସାରାରେ ଏହା ଅସମ୍ଭବ । ପ୍ରମିଳା ମଲ୍ଲିକ, ସୁଦାମ ମାର୍ଣ୍ଣିଂ ଓ ଟୁକୁନୀ ସାହୁ ପାଣ୍ଡିଆନଙ୍କ ହଁ’ରେ YES କହିବା ନେତା। ସେହିଭଳି ପୂର୍ବତନ ବାଚସ୍ପତି ବିକ୍ରମ ଆରୁଖ ଓ ନିରଞ୍ଜନ ପୂଜାରୀ ସେମାନଙ୍କର ନିର୍ବାଚନ ମଣ୍ଡଳୀ ଭିତରେ ସୀମିତ । ସାରା ଓଡ଼ିଶାର ରାଜନୀତିକୁ ଭଲ ଭାବରେ ବୁଝିନଥିବା ଏହି 9 ଜଣଙ୍କୁ PACର ସଦସ୍ୟ କରାଇ BJDକୁ ହାଇଜାକ୍ କରିନେଲେ ପାଣ୍ଡିଆନ୍ ।
ଚର୍ଚ୍ଚା ହେଉଥିଲା BJD ବିଧାୟକ ଦଳର ଉପନେତା  ପ୍ରସନ୍ନ ଆଚାର୍ଯ୍ୟ, ବିଧାୟକ ଅରୁଣ ସାହୁ, ପ୍ରତାପ କେଶରୀ ଦେବ,  ଦେବୀପ୍ରସାଦ ମିଶ୍ର, ଅତନୁ ସବ୍ୟସାଚୀ ନାୟକ ଓ ପ୍ରତାପ ଜେନା PACର ମେମ୍ବର ହେବେ ।
BJDର ପ୍ରତିଷ୍ଠାତା ସଦସ୍ୟ ପ୍ରସନ୍ନ ଆଚାର୍ଯ୍ୟଙ୍କୁ PACର ନମ୍ବର-2ର ଦାୟିତ୍ୱ ମିଳିବ । କିନ୍ତୁ ବିଗତ ଦିନରେ ଦଳୀୟ ସଙ୍ଗଠନକୁ ନେଇ ଭିନ୍ନ ମତ ରଖୁଥିବା ପ୍ରସନ୍ନ ଆଚାର୍ଯ୍ୟଙ୍କୁ ପାଣ୍ଡିଆନଙ୍କ ରୋଷର ଶିକାର ହେବାକୁ ପଡ଼ିଲା। ଶେଷରେ BJD ରାଜ୍ୟ କୃଷକ ମୋର୍ଚ୍ଚାର ଆବାହକ ହେଲେ ପ୍ରସନ୍ନ ଆଚାର୍ଯ୍ୟ।

ବିଚକ୍ଷଣ ଅରୁଣ ସାହୁଙ୍କୁ OBC ସେଲର ଆବାହକ କରାଯାଇ ସାବାଡ୍ କରାଯାଇଛି । ତାଙ୍କୁ ରଗେଇବା ପାଇଁ BJD OBC ସେଲ୍ ଆବାହକ ପଦକୁ ଦଳର ଉପସଭାପତି ପଦ ସହ ସମତୁଲ କରିବାର ପ୍ରେସ୍ ରିଲିଜ୍ ଜାରି କରାଯାଇଛି । ସେହିଭଳି ଦେବୀ ମିଶ୍ରଙ୍କୁ ସିନିୟର୍ ଭାଇସ୍ ପ୍ରେସିଡେଣ୍ଟ (ମୁଖ୍ୟାଳୟ) ପଦ ଦେଇ ଶଙ୍ଖଭବନ ଜଗିବାର ଦାୟିତ୍ୱ ଦିଆଯାଇଛି । ଆଉ ପ୍ରତାପ ଜେନା, ଅତନୁ ସବ୍ୟସଚୀ ନାୟକଙ୍କୁ ଉପସଭାପତିର ଲଲିପପ୍ ଦିଆଯାଇଛି। ଅପରପକ୍ଷରେ BJD ନିର୍ବାଚନ ପରିଚାଳନା ପାଇଁ ରିଟର୍ଣ୍ଣିଂ ଅଫିସର ଦାୟିତ୍ୱ ତୁଲାଉଥିବା ପ୍ରତାପ ଦେବଙ୍କୁ ନା’ PACରେ ଜାଗା ମିଳିଲା ନା’ ସଙ୍ଗଠନରେ।
ଏସବୁକୁ ଦେଖିଲେ ଲାଗୁଛି ସିନିୟରଙ୍କୁ ଆଉଟ୍ କରିବା ଯୋଜନାରେ ସଫଳ ହୋଇଛନ୍ତି ପାଣ୍ଡିଆନ । ବିଜୁ ଜନତା ଦଳର ଅଧିକାଂଶ ପ୍ରତିଷ୍ଠାତା ସଭ୍ୟଙ୍କୁ ନବୀନ ପଟ୍ଟନାୟକ ଯେପରି ବିଦା କରିଥିଲେ, ଠିକ୍ ସେମିତି ସିନିୟର ମାନଙ୍କୁ କୋଣଠେସା କରିଛନ୍ତି ପାଣ୍ଡିଆନ।

BJDକୁ ବୁଡ଼ାଇବେ ୫ ନେତା!

0 Comments read News
  • ବରିଷ୍ଠ ନେତା ବିଜୁ ଜନତା ଦଳର ଦୋଳାୟମାନ ସ୍ଥିତିକୁ ନେଇ ଜଣଙ୍କ ପରେ ଜଣେ ଟାର୍ଗେଟ୍ କରି ଆସୁଥିଲା ବେଳେ ଏଥିରୁ ବାଦ୍ ପଡ଼ୁନାହାନ୍ତି ଯୁବନେତା ।
  • ପୂର୍ବରୁ ବିଧାୟକ ଅରବିନ୍ଦ ମହାପାତ୍ର,ପୂର୍ବତନ ବିଧାୟକ ସମ୍ବିତ୍ ରାଉତରାୟ ମୁହଁ ଖୋଲିସାରିଥିଲା ବେଳେ ଏବେ ସାମ୍ନାକୁ ଆସିଛନ୍ତି ଭୁବନେଶ୍ୱର କର୍ପୋରେଟର,ଅମରେଶ ଜେନା ଓରଫ୍ ବାଇଁଆ ।
  • ବାଇଁଆଙ୍କ କହିବା କଥା,ଦଳ କାଳେ ଏବେ ଷଡ଼ଯନ୍ତ୍ରକାରୀଙ୍କ କବଳରେ ।
  • ଯେଉଁମାନେ ପ୍ୟାରୀମୋହନ ମହାପାତ୍ରଙ୍କ କ୍ଲୋଜ୍ ଥିଲେ ସେମାନେ ଏବେ ନବୀନ ପଟ୍ଟନାୟକଙ୍କ କ୍ଲୋଜ୍ ।
  • ଯେମିତି ସେମାନେ ପ୍ୟାରୀଙ୍କୁ ବୁଡ଼ାଇଛନ୍ତି ନବୀନଙ୍କୁ ବି ବୁଡ଼ାଇଦେବେ ।
  • ଯଦିଓ ବାଇଁଆ ନାଁ ନେଇ ନାହାନ୍ତି,ତଥାପି 5 ନେତାଙ୍କ ପାଇଁ ବିଜେଡି ବଦନାମ୍ ହେଉଥିବା କହିଛନ୍ତି ।
  • ଯଦିଓ ବାକି 4 ନେତାଙ୍କୁ ଚିହ୍ନଟ କରିବାରେ ଅନୁମାନଗତ ତ୍ରୁଟିର ସମ୍ଭାବନା ଅଛି, ସଞ୍ଜୟ ଦାସ ବର୍ମାଙ୍କ ନାଁ କନଫର୍ମ । ବାଇଁଆଙ୍କ ସମର୍ଥକ ସଞ୍ଜୟ ଦାସ ବର୍ମାଙ୍କୁ ଘେରିଲା ପରେ ଏ କଥା ସ୍ପଷ୍ଟ ହୋଇ ସାରିଛି ।

ଏରିଆରେ ହାରିଥିବା ନେତାଙ୍କ କବଳରେ ଭୁବନେଶ୍ୱର ରାଜନୀତି
ଅମରେଶ ଜେନା ବିଜୁ ଜନତା ଦଳର କିଛି ବରିଷ୍ଠ ନେତାଙ୍କ ବିରୁଦ୍ଧରେ ବିଷୋଦ୍ଗାର କରିଛନ୍ତି ।

ଅମରେଶଙ୍କ କହିବା କଥା-

  • ’ପ୍ୟାରୀମୋହନ ମହାପାତ୍ରଙ୍କର ଯିଏ କ୍ଲୋଜ୍ ଥିଲେ ସିଏ ନବୀନ ପଟ୍ଟନାୟକଙ୍କ କ୍ଲୋଜ୍,
  • ସେମାନେ ପ୍ୟାରୀଙ୍କୁ ବୁନେଇଥିଲେ ନବୀନବାବୁଙ୍କୁ ବି ବୁଡେଇଦେବେ,
  • ଯୋଉ ବରିଷ୍ଠ ନେତା ମେଳି କରିଥିଲେ, ତାଙ୍କ ନିର୍ଦ୍ଦେଶରେ କାମ ହେଉଛି
  • ଏରିଆରେ ହାରିକି କିଛି ନେତା ଜିଲ୍ଲା ସାରା ମୁଣ୍ଡ ପୁରୋଉଛନ୍ତି
  • ହାରିବା ନେତା ସେମାନଙ୍କ ଜିଲ୍ଲାରେ ରହିବା କଥା, ଏଠି କଣ କାମ?
  • ମୂଷା ହୋଇ ବିଜେଡିର ଚେର କାଟି ଚାଲିଛନ୍ତି
  • ଗୋଟିଏ ଲୋକ ମୁଣ୍ଡରେ ଦୋଷ ଲଦି ଖସିଯିବାକୁ ଚାହୁଁଛନ୍ତି
  • ୨୪ ବର୍ଷର ଶାସନରେ ନିଜ ନିର୍ବାଚନ କ୍ଷେତ୍ରରେ କାହିଁକି ବହୁ ଭୋଟରେ ହାରିଲେ
  • ଅହଂକାର ବଢ଼ିଲା, ଭୁବନେଶ୍ବରରେ ରାଜନୀତି କରିବାରୁ ହାରିଲେ
  • ପାଣ୍ଡିଆନଙ୍କ ଜାଗା ନେବାକୁ ପାଣିକୁ ଗୋଳିଆ କରୁଛନ୍ତି
  • ଏବେ ବିଜେଡି ୪ ଫାଳ ହୋଇଯାଇଛି
  •  ଷଡ଼ଯନ୍ତ୍ରକାରୀଙ୍କ କବଳରେ ଦଳ ଅଛି, ଏମାନେ ବିଜେଡିକୁ ବୁଡେଇଦେବେ
  • ଏବେ ବି ଷଡ଼ଯନ୍ତ୍ରକାରୀ ନିଜକୁ ପାଓ୍ୱାରଫୁଲ୍ ଭାବୁଛନ୍ତି
  • ବିଜେଡିକୁ ୫ ନେତା ବୁଡ଼େଇଦେବେ’

ସଂଗଠନ ନୁହେଁ,  ସୋସିଆଲ ମିଡିଆ ଭରସାରେ ନବୀନ

0 Comments read News, Politics

BJD ସଭାପତି ଭାବେ ନବମ ଇନିଂସ ଆରମ୍ଭ କରି BJPକୁ ଟାର୍ଗେଟ କରିଛନ୍ତି ନବୀନ ପଟ୍ଟନାୟକ । ଯଦିଓ BJPର ନାଁ ନେଇ ନାହାଁନ୍ତି, କିନ୍ତୁ 2024 ନିର୍ବାଚନରେ BJDର ପରାଜୟ ପାଇଁ ବିରୋଧିଙ୍କ ଅପପ୍ରଚାରକୁ ଦାୟୀ କରି ନବୀନ କହିଛନ୍ତି….

  • “ସୋସିଆଲ ମିଡିଆରେ ବିରୋଧିଙ୍କ ଅପପ୍ରଚାରକୁ BJD କାଉଣ୍ଟର କରିପାରିଲା ନାହିଁ।
  • ଏପରିକି ବର୍ତ୍ତମାନ ମଧ୍ୟ BJD ବିରୋଧରେ ଅପପ୍ରଚାର ହେଉଛି।
  • ସୋସିଆଲ ମିଡିଆରେ ଏହାର ଦୃଢ଼ ଜବାବ ଦେବ ବିଜୁ ଜନତା ଦଳ।
  • ଟେକ୍ନୋଲୋଜିର ସଦୁପଯୋଗ କରି ସୋସିଆଲ ମିଡିଆରେ BJDର ଉପସ୍ଥିତିକୁ ସୁଦୃଢ଼ କରାଯିବ।
  • BJDର କର୍ମୀ, ଭାଇଭଉଣୀଙ୍କ ଉପରେ ମୋର ପୁରା ଭରସା ଅଛି । ସେମାନେ ହିଁ ମିଛ ପ୍ରଚାରର ଉଚିତ୍ ଜବାବ ଦେବେ”।

ନବୀନଙ୍କୁ ଭେଟି ପାରୁନଥିଲେ, BJDର ମନ୍ତ୍ରୀ

ଅନ୍ୟପଟେ ନବୀନଙ୍କୁ କାଉଣ୍ଟର କରିଛନ୍ତି, BJP ସଭାପତି ମନମୋହନ ସାମଲ । BJP କଣ ମିଛ ପ୍ରଚାର କରିଛି, ସେ ତଥ୍ୟ ନବୀନ ରଖିବା ଉଚିତ ବୋଲି ମନମୋହନ ସାମଲ କହିଛନ୍ତି..

  • “BJP କଣ ଫଲ୍ସ ନ୍ୟାରେଟିଭ୍ କରିଛି, ତାହା ଓଡ଼ିଶାବାସୀଙ୍କୁ କୁହନ୍ତୁ,
  • ଆମେ କହିଥିଲୁ-ରାଜ୍ୟରେ ଗଣତାନ୍ତ୍ରିକ ବ୍ୟବସ୍ଥା ନାହିଁ, BJDର ନେତା-ମନ୍ତ୍ରୀ, ମୁଖ୍ୟମନ୍ତ୍ରୀଙ୍କୁ ଭେଟି ପାରୁନାହାଁନ୍ତି। କିନ୍ତୁ ତାହର ଉତ୍ତର ନବୀନ ଦେଲେନି,
  • BJD ସରକାର ସମୟରେ କୌଣସି ବିଷୟ କ୍ୟାବିନେଟରେ ଆଲୋଚନା ହେଉନଥିଲା,
  • ଉତ୍ତର ନଦେବା ନବୀନ ପଟ୍ଟନାୟକଙ୍କ ଅପାରଗତା। ତେଣୁ BJDକୁ ଲୋକେ ପ୍ରତ୍ୟାଖାନ କଲେ”।

ନବୀନ ଜଣେ ମିଥ୍ୟାବାଦୀ

କେବଳ ମନମୋହନ ସାମଲ କାହିଁକି, BJDର ପ୍ରତିଷ୍ଠାତା ସଭ୍ୟ ପ୍ରଭାତ ତ୍ରିପାଠୀ ମଧ୍ୟ କହିଛନ୍ତି, ନବୀନ ପଟ୍ଟନାୟକ ଜଣେ ମିଥ୍ୟାବାଦୀ। 9 ଏପ୍ରିଲ 2025ରେ ତାଙ୍କ ବିରୁଦ୍ଧରେ ନବୀନ ପଟ୍ଟନାୟକ ଦେଇଥିବା ବିବୃତିକୁ କାଉଣ୍ଟର କରି ପ୍ରଭାତ ତ୍ରିପାଠୀ କହିଥିଲେ.. 

  • “ନବୀନ ପଟ୍ଟନାୟକ, ମୋ ନାଁ ଯୋଡି ବିବୃତି ଦେଲେ ଯେ ମୁଁBJDରେ ନାହିଁ,
  • ଗୋଟେ ଚିଟଫଣ୍ଡ କେସରେ ମୋତେ BJDରୁ ନିଲମ୍ବନ କରା ଯାଇଥିଲା,
  • କିନ୍ତୁ ଚିଟଫଣ୍ଡ ମାମଲା ବିଚାରାଧୀନ ଥିବାରୁ2017ରେ ମୋ ଉପରୁ ନିଲମ୍ବନ ଆଦେଶ ଉଠିଯାଇଛି,
  • ଯଦି ସେ 2017ରେBJDରୁ ନିଲମ୍ବିତ ହୋଇଛନ୍ତି, ତାହେଲେ 2019ର ଏକ ନିର୍ବାଚନ ସଭାରେ ସେ ଭାଷଣ ଦେବା ସମୟରେ ନବୀନ ବାବୁ କାହିଁକି ସେଠାରେ ବସିଥିଲେ?
  • ମୁଁ ଦଳରେ ନାହିଁ ବୋଲି ମିଥ୍ୟା କଥା ନବୀନ ପଟ୍ଟନାୟକ କହିବା ଆଶା ନଥିଲା”।

ତେବେ ଏକଥା ସ୍ପଷ୍ଟ ଯେ 2024 ନିର୍ବାଚନରେ, ନବୀନ ପଟ୍ଟନାୟକଙ୍କ କଥାକୁ ବିଶ୍ୱାସ କରିପାରିଲେ ନାହିଁ ଓଡ଼ିଶା ଭୋଟର । ଆଉ ସେହି ଭୋଟରଙ୍କ ମନ ଜିଣିବା ପାଇଁ ନବୀନ ଏବେ BJD ସଂଗଠନ ଅପେକ୍ଷା ସୋସିଆଲ ମିଡିଆକୁ ଭରସା କରିଛନ୍ତି !

ନବୀନ ଛାଡି ପାରୁନାହାଁନ୍ତି, ସଭାପତି ମୋହ

0 Comments read News, Politics
Naveen Patnaik Reluctant to Relinquish BJD President's Post

19 ଏପ୍ରିଲ 2025ରେ ନବମ ଥର ପାଇଁ ବିଜୁ ଜନତା ଦଳର ସଭାପତି ହୋଇଛନ୍ତି ନବୀନ ପଟ୍ଟନାୟକ । ଲଗାତର ନବୀନଙ୍କ ନବମ ଇନିଂସକୁ ନେଇ ଚର୍ଚ୍ଚା । ଆଲୋଚନା ଏଇଥିପାଇଁ ନୁହେଁ କି, ନବୀନ ସଭାପତି ହେଲେ। ସିଏ ତ ପ୍ରତିଥର ସଭାପତି ହୁଅନ୍ତି ! ଏଥିରେ କିଛି ନୂଆ କାହାଣୀ ନାହିଁ । କଥାଟି ହେଉଛି CM in Waitingର ରେସ୍ ବା ମୁଖ୍ୟମନ୍ତ୍ରୀ ଚେୟାରରେ ଥାଇ, ନବୀନ ଏଥର BJD ସଭାପତି ହୋଇନାହାଁନ୍ତି ।
                             BJD ପ୍ରତିଷ୍ଠା ସମୟରେ ଅର୍ଥାତ 26 ଡିସେମ୍ବର 1997ରେ ନବୀନ ପଟ୍ଟନାୟକ ଓଡ଼ିଶାର ମୁଖ୍ୟମନ୍ତ୍ରୀ ନଥିଲେ, କିନ୍ତୁ ସେ ଦଳର ପ୍ରଥମ ସଭାପତି ହେଲେ । ଆଉ ବିଜୁ ଜନତା ଦଳ ସରକାର ଗଠନ କରିବା ପରେ, ସେ BJD ସଭାପତି ପଦ ବଜାୟ ରଖିଲେ । କିନ୍ତୁ ବିରୋଧି ଦଳ ନେତାଙ୍କ ଦାୟିତ୍ୱରେ ରହିବା ବେଳେ, ନବୀନ ପ୍ରଥମ ଥର ପାଇଁ BJD ସଭାପତି ଭାବେ ମନୋନୀତ ହୋଇଛନ୍ତି । ବିରୋଧି ଦଳରେ ବସିବାର ଅଭିଜ୍ଞତା ନଥିବା ନବୀନ ପଟ୍ଟନାୟକଙ୍କର, ନା’ ବିଧାନସଭା ପ୍ରତି ସମ୍ମାନ ଅଛି ନା’ BJD ସଂଗଠନ ପ୍ରତି।

  • ଗୋଟାଏ ପଟେ ବିରୋଧୀଦଳ ନେତା ହୋଇ ମଧ୍ୟ ବଜେଟ୍ ଅଧିବେଶନରେ ବିଧାନସଭା ପ୍ରାୟତଃ ଗଲେ ନାହିଁ। ଅନ୍ୟପଟେ ପାଣ୍ଡିଆନଙ୍କ ପାଇଁ BJDର ବରିଷ୍ଠ ନେତାଙ୍କ ନାଁରେ ମିଛ କହୁଛନ୍ତି ।
  • ସେଥିପାଇଁ BJDର ପ୍ରତିଷ୍ଠାତା ସଭ୍ୟ ପ୍ରଭାତ ତ୍ରିପାଠୀ, ନବୀନ ପଟ୍ଟନାୟକଙ୍କୁ ମିଛୁଆ ଭାବେ ପ୍ରମାଣିତ କରିଥିଲା ବେଳେ, ପୂର୍ବତନ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, କହିଲେଣି -ନବୀନ ବାବୁ ଆଉ ‘ନାଲି ଆଖି ଦେଖାନ୍ତୁନି’।

 

BJDରେ ଗଣତନ୍ତ୍ର ନାହିଁ

ବିଶ୍ୱର ସର୍ବବୃହତ୍ ଗଣତାନ୍ତ୍ରିକ ରାଷ୍ଟ୍ର ହେଉଛି ଭାରତ, ଆଉ ଭାରତୀୟ ରାଜନୀତିର ମୂଳ ଆଧାର ଗଣତନ୍ତ୍ର । ମାତ୍ର ବିଜୁ ଜନତା ଦଳର ସଭାପତି ଲିଷ୍ଟ୍ କହୁଛି, BJDରେ ଗଣତନ୍ତ୍ର ଶବ୍ଦର କିଛି ମାନେ ନାହିଁ ।

  • କେବଳ ନବୀନ ହିଁ 9ଥର ସଭାପତି ହୋଇ BJDକୁ ପାରିବାରିକ ଓ ବ୍ୟକ୍ତିକୈନ୍ଦ୍ରିକ ଦଳର ସାର୍ଟିଫିକେଟ ଦେଇଛନ୍ତି ।
  • BJDରେ ଅନ୍ୟ ନେତାଙ୍କୁ ବଢିବାକୁ ପ୍ରଶୟ ଦେଇନାହାନ୍ତି ଖୋଦ୍ ନବୀନ
  • ଏମିତିରେ ଦେଖିବାକୁ ଗଲେ କେବଳ BJD ନୁହେଁ ସବୁ ଆଞ୍ଚଳିକ ଦଳ, ବ୍ୟକ୍ତି ଓ ପରିବାର ଜାଲରେ ଛନ୍ଦି ହୋଇ ରହିଛନ୍ତି
  • ସମାଜବାଦୀ ପାର୍ଟି ହେଉ ବା RJD, JMM, TMC, TDP, DMK, ନ୍ୟାସନାଲ କନଫରେନ୍ସ ଏବଂ PDP ପରି ଆଞ୍ଚଳିକ ଦଳ, ସବୁଠି ରହୁଛି ବ୍ୟକ୍ତିବାଦର ପ୍ରଭାବ
  • ସମାଜବାଦୀ ପାର୍ଟିରେ ମୁଲାୟମ୍ ସିହଂ ଯାଦବଙ୍କ ପରେ ମୁଖ୍ୟ ମଙ୍ଗୁଆଳ ପୁଅ ଅଖିଳେଶ ଯାଦବ,
  • ଲାଲୁ ଯାଦବଙ୍କ ପରେ ତାଙ୍କ ସ୍ତ୍ରୀ ରାବିଡି ଦେବୀ ମୁଖ୍ୟମନ୍ତ୍ରୀ ହେଲେ। ଏବେ ପୁଅ ତେଜସ୍ୱୀ ଯାଦବ କହୁଛନ୍ତି ସେ ବିହାରର ମୁଖ୍ୟମନ୍ତ୍ରୀ ହେବେ ।
  • TMCରେ ମମତା ବାନାର୍ଜୀଙ୍କ ପରେ ମଙ୍ଗୁଆଳ ଲିଷ୍ଟରେ ଅଛନ୍ତି, ତାଙ୍କ ପୁତୁରା ଅଭିଷେକ ବାନାର୍ଜୀ,
  • ସେହିପରି କରୁଣାନିଧିଙ୍କ ନିଧନ ପରେ ତାଙ୍କ ପୁଅ ଷ୍ଟାଲିନ୍ ଏବେ DMKର ମଙ୍ଗୁଆଳ,
  • ପଡୋଶୀ ଝାରଖଣ୍ଡରେ ଶିବୁ ସୋରେନଙ୍କ ପରିବାର ନିୟନ୍ତ୍ରଣରେ ସରକାର ଏବଂ କାଶ୍ମୀରରେ ଚାଲିଛି ଅବଦୁଲ୍ଲା ପରିବାରର ସରକାର ।
  • ତେବେ ଆନ୍ଧ୍ରରେ ଯଦିଓ NTR ପରିବାରର ସରକାର ଚାଲିଛି । କିନ୍ତୁ ଜ୍ୱାଇଁ ଚନ୍ଦ୍ରବାବୁ ନାଇଡୁ, ଶ୍ୱଶୁର NTRଙ୍କୁ ଧୋକା ଦେଇ TDPକୁ ନିଜ ନିୟନ୍ତ୍ରଣକୁ ନେଇ ମୁଖ୍ୟମନ୍ତ୍ରୀ ହୋଇଛନ୍ତି  ।
    ଆଉ ଓଡ଼ିଶାରେ ବାପା ବିଜୁ ପଟ୍ଟନାୟକଙ୍କ ନାଁରେ ବିଜୁ ଜନତା ଦଳ ତିଆରି କରି ଦୀର୍ଘ 24 ବର୍ଷ ମୁଖ୍ୟମନ୍ତ୍ରୀ ହେଲେ ନବୀନ ପଟ୍ଟନାୟକ। ଶାସନ କାଳରେ, ନା’ କ୍ଷମତାରୁ ବିଦା ହେବା ପରେ, କାହାକୁ BJD ସଭାପତି କଲେ ନବୀନ?

କେବଳ ଆଞ୍ଚଳିକ ଦଳ କାହିଁକି କଂଗ୍ରେସରେ ମଧ୍ୟ ସମାନ ଅବସ୍ଥା ! ନେହରୁ ପରିବାରରୁ 5 ଜଣ କଂଗ୍ରେସ ସଭାପତି ଭାବେ ମନୋନୀତ ହୋଇଛନ୍ତି। ଗୋଟିଏ ପରିବାରରୁ ଜବାହରଲାଲ ନେହୁର, ଇନ୍ଦିରା ଗାନ୍ଧି, ରାଜୀବ ଗାନ୍ଧି, ସୋନିଆ ଗାନ୍ଧି ଏବଂ ରାହୁଲ ଗାନ୍ଧି କଂଗ୍ରେସର ସଭାପତି ହୋଇଛନ୍ତି । କଂଗ୍ରେସ ଇତିହାସରେ ତ ଦଳର ସର୍ବକାଳୀନ ସଭାପତି ହେଉଛନ୍ତି ସୋନିଆ ଗାନ୍ଧି।  ଦୁଇଟି କାର୍ଯ୍ୟକାଳରେ 22 ବର୍ଷ ପାଇଁ କଂଗ୍ରେସ ସଭାପତି ପଦର ଦାୟିତ୍ୱ ତୁଲାଇଛନ୍ତି ସୋନିଆ ଗାନ୍ଧି ।
ତେବେ BJP, CPI ଏବଂ  CPI(M) ପରି ରାଜନୈତିକ ପାର୍ଟିରେ କୌଣସି ପରିବାର ବା ବ୍ୟକ୍ତିଙ୍କର ଶତ ପ୍ରତିଶତ ନିୟନ୍ତ୍ରଣ ନଥାଏ। ଏସବୁ ଦଳରେ ନିରନ୍ତର ବ୍ୟବଧାନରେ ସଭାପତି ବା ମହାସଚିବ ପରିବର୍ତ୍ତନ ହୋଇଥାଆନ୍ତି।  

ବିଜୁଙ୍କ ସମାଧିକୁ ନେଇ ମିଛ କହିଛନ୍ତି ପାଣ୍ଡିଆନ

0 Comments read News, Politics

17 ଏପ୍ରିଲ 1997ରେ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଦେହାନ୍ତ ହେଲା। ବିଜୁ ବାବୁଙ୍କ ଅନ୍ତିମ ଦର୍ଶନ ପାଇଁ ଭୁବନେଶ୍ୱରରୁ ସ୍ୱର୍ଗ ଦ୍ୱାର ପର୍ଯ୍ୟନ୍ତ ଥିଲା ଜନସମୁଦ୍ର। ଯଦିଓ ଭୋଟରଙ୍କ ବିଶ୍ୱାସ ଜିଣିବାରେ ଶତ ପ୍ରତିଶତ ସଫଳ ନଥିଲେ, କିନ୍ତୁ ପ୍ରତ୍ୟେକ ଓଡ଼ିଆଙ୍କ ହୃହୟର ରାଜା ଥିଲେ ବିଜୁ ବାବୁ । ତାଙ୍କର ଶେଷ କୃତ୍ୟରେ ଉପସ୍ଥିତ ଥିଲେ, ପ୍ରଧାନମନ୍ତ୍ରୀ ଏବଂ ପୂର୍ବତନ ପ୍ରଧାନମନ୍ତ୍ରୀ। ସେଥିପାଇଁ ତ ବିଜୁଙ୍କ ଅନ୍ତିମ ଯାତ୍ରା ଏବଂ ଶେଷକୃତ୍ୟର ସମସ୍ତ ଦାୟିତ୍ୱ ନେବାକୁ ବାଧ୍ୟ ହୋଇଥିଲେ ତତ୍କାଳୀନ ମୁଖ୍ୟମନ୍ତ୍ରୀ ଜାନକୀ ବଲ୍ଲବ ପଟ୍ଟନାୟକ ।
ବିଜୁ ବାବୁଙ୍କ ଲୋକପ୍ରିୟତା ଦେଖି, ସାନ ପୁଅ ନବୀନ ପଟ୍ଟନାୟକ ଧାଇଁ ଆସିଲେ ଓଡ଼ିଶା। ବାପାଙ୍କ ଆସିକା ଆସନରୁ ଜିତି ଲୋକସଭାରେ ଏଣ୍ଟ୍ରି ମାରିଲେ। ଆଉ ତା’ପରେ ବାପାଙ୍କ ନାଁରେ ବିଜୁ ଜନତା ଦଳ(BJD) ଗଠନ କରି କେନ୍ଦ୍ରମନ୍ତ୍ରୀ ଏବଂ ଓଡ଼ିଶାର ମୁଖ୍ୟମନ୍ତ୍ରୀ ହେଲେ ନବୀନ ପଟ୍ଟନାୟକ। ଭୁବନେଶ୍ୱର ୟୁନିଟ୍-6ର Qtr No. 6R-3କୁ ଥିବା ବାପା ବିଜୁଙ୍କର ଜନତା ଦଳ ଅଫିସକୁ BJDର ରାଜ୍ୟ କାର୍ଯ୍ୟାଳୟ କରିଦେଲେ । ନିଜ ମୁଖ୍ୟମନ୍ତ୍ରୀତ୍ୱ କାଳରେ BJDର ରାଜ୍ୟ କାର୍ଯ୍ୟାଳୟକୁ ଲାଗି ରହିଥିବା ଅନ୍ୟ 3ଟି ସରକାରୀ ପ୍ଲଟକୁ BJDକୁ ଆବଣ୍ଟିତ କଲେ ନବୀନ ।

ଶଙ୍ଖ ଭବନ ପାଇଁ ଆଇନ ବାଟବଣା

ନିୟମ କାନୁନକୁ ମୋଡି ମକଚି ‘ରାସ୍ତା ବା ସଡ଼କ’ କିସମର ଜମିକୁ ଘରବାଡ଼ି କରି BJD ଅଫିସ ପାଇଁ ଆବଣ୍ଟିତ କଲେ। ଶେଷରେ 4ଟି ପ୍ଲଟକୁ ମିଶାଇ 1 ଏକର 183 ଡେସିମିଲି ଜାଗା ଉପରେ ନିର୍ମାଣ ହେଲା ଶଙ୍ଖ ଭବନ। ସାରା ବିଶ୍ୱ କରୋନା ଭୟରେ କ୍ୱାରଣ୍ଟାଇନରେ ଥିଲାବେଳେ, କୋଟି କୋଟି ଟଙ୍କା ବ୍ୟୟରେ ନିର୍ମାଣ ହେଲା BJDର ଉଚ୍ଚ ଅଟ୍ଟାଳିକା ଶଙ୍ଖ ଭବନ । ଏହାକୁ ଯେପରି ଅତ୍ୟାଧୁନିକ କରାଯାଇ ପାରିବ, ସେଥିପାଇଁ ଦାୟିତ୍ୱରେ ରହିଲେ ପୂର୍ବତନ ପୂର୍ତ୍ତ ସଚିବ ନଳିନୀ ପ୍ରଧାନ।
ତେବେ ଶଙ୍ଖ ଭବନକୁ ଭବ୍ୟ କରିବା ପାଇଁ ସବୁ ପ୍ରକାର ବେଆଇନ କାର୍ଯ୍ୟ କରି ପାଣି ପରି ଟଙ୍କା ଉଡ଼ାଇ ଥିବା ନବୀନ ପଟ୍ଟନାୟକ, ନିଜ ବାପା ବିଜୁ ବାବୁଙ୍କ ନିମନ୍ତେ ସମାଧିଟିଏ କରିବା ପାଇଁ କାହିଁକି ଅନିଚ୍ଛୁକ? ବିଜୁ ବାବୁଙ୍କ ଅଧୁରା ସ୍ୱପ୍ନର କଥା କହି 24 ବର୍ଷ ମୁଖ୍ୟମନ୍ତ୍ରୀ ରହିଲେ ନବୀନ ପଟ୍ଟନାୟକ । କିନ୍ତୁ ଜଣେ ପୁଅର କାର୍ଯ୍ୟ କରିବାକୁ ଉଚିତ ଭାବିଲେ ନାହିଁ। ନବୀନ ବାବୁ ଓ ତାଙ୍କ ପାର୍ଟି ବିଜୁଙ୍କୁ କେବଳ ରାଜନୀତି ପାଇଁ ବ୍ୟବହାର କରିଛନ୍ତି ।

ବିଜୁଙ୍କ ନାଁରେ ପାଣ୍ଡିଆନଙ୍କ ମିଛ
ନବୀନଙ୍କ ଗୁରୁତ୍ୱ ବଢ଼ାଇବା ପାଇଁ ବିଜୁ ପଟ୍ଟନାୟକଙ୍କ ନାଁରେ ବିଦେଶ ମାଟିରେ ଡାହା ମିଛ କହିଲେ ପାଣ୍ଡିଆନ। ମିଥ୍ୟାବାଦୀ ପାଣ୍ଡିଆନ ଦୁବାଇରେ କହିଲେ ଯେତେବେଳେ ପୁରୀ ସ୍ୱର୍ଗଦ୍ୱାରରେ ବିଜୁ ବାବୁଙ୍କ ସମାଧି ଥିବା କଥା ସେ ମୁଖ୍ୟମନ୍ତ୍ରୀଙ୍କୁ ଜଣାଇଲେ, ତତକ୍ଷଣାତ୍ ନବୀନ ପଟ୍ଟନାୟକ ପ୍ରତିକ୍ରିୟାଶୀଳ ହେଲେ । ପରିବାରବାଦର ଉର୍ଦ୍ଧ୍ୱକୁ ଯାଇ ବିଜୁଙ୍କ ସମାଧି, ସ୍ୱର୍ଗ ଦ୍ୱାରରୁ ହଟେଇବାକୁ କହିଲେ ।
ମାତ୍ର ପାଣ୍ଡିଆନଙ୍କ କଥା ଥିଲା ମିଛ ପେଡିର କାହାଣୀ । ପ୍ରକୃତ କଥା ହେଲା, ବିଜୁ ବାବୁଙ୍କ ଦେହାନ୍ତର ଠିକ୍ 3 ମାସ ପରେ ଅର୍ଥାତ 17 ଜୁଲାଇ 1997ରେ ସ୍ୱର୍ଗଦ୍ୱାରରେ ତାଙ୍କର ସମାଧି କରାଗଲା। ବିଜୁ ବାବୁଙ୍କ ସମାଧି ରହିଲା ସର୍ବସାଧାରଙ୍କ ପାଇଁ ଉଦ୍ଧିଷ୍ଟ ସ୍ଥାନ ସ୍ୱର୍ଗଦ୍ୱାରରେ ।

  • ଲୋକଙ୍କ ଭାବନକୁ ଦୃଷ୍ଟିରୁ କଂଗ୍ରେସ ମଧ୍ୟ ବିଜୁଙ୍କ ସମାଧି ନିର୍ମାଣକୁ ବିରୋଦ୍ଧ କରିନଥିଲା।
  • କିନ୍ତୁ 1999ରେ ଆଇନଜୀବୀ ରମେଶ ପ୍ରସାଦ ସିଂହ, ପୁରୀ ସିଭିଲ୍ କୋର୍ଟରେ କେସ୍ କଲେ। ସର୍ବସାଧାରଣ ଜାଗାରେ ବିଜୁ ବାବୁଙ୍କର କାହିଁକି ସମାଧି ରହିବ ବୋଲି ପ୍ରଶ୍ନ କଲେ।
  • ମାମଲାର ଶୁଣାଣି କରି ବିଚାରପତି ଶ୍ରୀମୟୀ ଆଚାର୍ଯ୍ୟ 27 ଡିସେମ୍ବର 2014ରେ ସ୍ୱର୍ଗ ଦ୍ୱାରରୁ ବିଜୁ ବାବୁଙ୍କ ସମାଧି ହଟେଇବାକୁ ଅର୍ଡର ଦେଲେ ।
  • ସେ ସମୟରେ ଭୈରବ ପାଣ୍ଡିଆନ ଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ବ୍ୟକ୍ତିଗତ ସଚିବ।
    ପାଣ୍ଡିଆନ ବାବୁ ଏସବୁ ଜାଣି ମଧ୍ୟ 2023 ମେ’ ମାସରେ ଦୁବାଇରେ ଅନୁଷ୍ଠିତ ଓଡ଼ିଆ ମାନଙ୍କ ଏକ ସମ୍ମିଳନୀରେ ବିଜୁ ପଟ୍ଟନାୟକଙ୍କ ସମାଧି ସଂପର୍କରେ ମିଛ କହିଥିଲେ।
    କେବଳ ପାଣ୍ଡିଆନ କାହିଁକି ବିଜୁ ବାବୁଙ୍କ ନାଁ ବ୍ୟବହାର କରି ନବୀନ ପଟ୍ଟନାୟକ ଭୋଟ ହାତେଇଛନ୍ତି। ଦିଲ୍ଲୀର ଏକ ହସ୍ପିଟାଲରେ ବିଜୁ ବାବୁ ଦୀର୍ଘ ଦିନ ଧରି ଚିକିତ୍ସିତ ହେଉଥିଲା ବେଳେ ନବୀନ ମାତ୍ର 2ଥର ଦେଖିବାକୁ ଯାଇଥିଲେ। ମାତ୍ର ବାପାଙ୍କ ମୃତ୍ୟୁ ପରେ ପ୍ରତିବର୍ଷ ମାର୍ଚ୍ଚ 5ରେ ବିଜୁ ଜୟନ୍ତୀ ପାଳନ । ଆଉ ଏପ୍ରିଲ 17ରେ ବିଜୁଙ୍କ ତିରୋଧାନ ଦିବସରେ ଗୁଣ କୀର୍ତ୍ତନ କରି ନବୀନ ଜଣେ ସ୍ୱାର୍ଥବାଦୀ ରାଜନେତାର କର୍ତ୍ତବ୍ୟ ସାରି ଦେଉଛନ୍ତି । କିନ୍ତୁ 24 ବର୍ଷର ମୁଖ୍ୟମନ୍ତ୍ରୀତ୍ୱ କାଳରେ ନବୀନ ବାବୁ ଚାହିଁଥିଲେ ଶଙ୍ଖ ଭବନ ପରି ନହେଲା ନାହିଁ ,ବାପାଙ୍କ ନାଁରେ ସମାଧିଟିଏ ତ କରି ପାରିଥାଆନ୍ତେ !