ପହଲଗାମରେ ଆତଙ୍କବାଦୀ ଆକ୍ରମଣକୁ ନେଇ କଡ଼ା ଜବାବ ଦେଇଥିଲେ ପ୍ରଧାନମନ୍ତ୍ରୀ। ଆତଙ୍କବାଦୀଙ୍କ ଭୂଖଣ୍ଡ ମାଟିରେ ମିଶାଇଦେବାକୁ ପଞ୍ଚାୟତିରାଜ ଦିବସ ଅବସରରେ ବିହାର ମାଟିରୁ ଦେଇଥିଲେ ରଣହୁଙ୍କାର । ଆକ୍ରମଣକାରୀ ଓ ଷଡ଼ଯନ୍ତ୍ରକାରୀଙ୍କୁ, କଳ୍ପନାଠୁ ବି ଅଧିକ ଦଣ୍ଡ ଦିଆଯିବ ବୋଲି ସ୍ପଷ୍ଟ କରିଥିଲେ ପ୍ରଧାନମନ୍ତ୍ରୀ। ଆତଙ୍କବାଦୀଙ୍କ ଅଣ୍ଟା ଭାଙ୍ଗିବ, ବିନା ଦଣ୍ଡରେ ଆତଙ୍କବାଦୀ ଖସି ପାରିବେନି ବୋଲି କହିଥିଲେ ମୋଦୀ। ଆତଙ୍କବାଦୀଙ୍କ ସମର୍ଥନକାରୀଙ୍କୁ ମଧ୍ୟ କଠୋର ଦଣ୍ଡ ଦେବାକୁ ପ୍ରଧାନମନ୍ତ୍ରୀ କହିଥିଲା ବେଳେ ମାଟିରେ ମିଶିଛି ଆତଙ୍କବାଦୀ ଆସିଫ୍ ଶେଖ୍ ଓ ଆଦିଲ ଗୁରିର ଘର।
ଆଇଡି ବିସ୍ଫୋରଣରେ ଆତଙ୍କବାଦୀଙ୍କ ଘର ଉଡାଇ ଦିଆଯାଇଛି । ଜମ୍ମୁ-କାଶ୍ମୀରର ତ୍ରାଲ ଓ ବିଜ୍ବେହାରାରେ ଥିବା ଘରକୁ ମାଟିରେ ମିଶାଇ ଦେଇଛନ୍ତି ଭାରତୀୟ ସେନା । ପହଲଗାମ୍ ଆତଙ୍କବାଦୀ ଆକ୍ରମଣରେ ଆସିଫ୍ର ସମ୍ପୃକ୍ତି ଥିବା ସନ୍ଦେହରେ ବଡ଼ କାର୍ଯ୍ୟାନୁଷ୍ଠାନ ନିଆଯାଇଛି । ପହଲଗାମ୍ ଆତଙ୍କବାଦୀ ଆକ୍ରମଣ ପରେ ଯେଉଁ ସ୍କେଚ୍ ଓ ଫଟୋ ଜାରି କରାଯାଇଥିଲା। ସେଥିରେ ଆସିଫ୍ ଓ ଆଦିଲ ସମ୍ପୃକ୍ତି ରହିଥିବା ପ୍ରମାଣ ମିଳିଛି । ମୋଦିଙ୍କ କଥାକୁ 24 ଘଣ୍ଟା ନ ପୁରୁଣୁ ମାଟିରେ ମିଶିଛି ଆତଙ୍କବାଦୀଙ୍କ ଭୂଖଣ୍ଡ ।
