Category News

ଜଗଦୀପ ଧନଖଡ଼ଙ୍କ ଇସ୍ତଫା, କାର୍ଯ୍ୟକାଳ ନ ସରୁଣୁ ଗାଦି ଛାଡ଼ିଛନ୍ତି ତିନି ଉପରାଷ୍ଟ୍ରପତି

0 Comments read News
Jagdeep Dhankhar 3rd Vice President to Quit Mid-term

ମୌସୁମୀ ଅଧିବେଶନ ପ୍ରଥମ ଦିନରେ ହିଁ ଉପରାଷ୍ଟ୍ରପତି ଜଗଦୀପ ଧନଖଡ଼ ଇସ୍ତଫା ଦେଇଛନ୍ତି । ୨୦୨୫ ଜୁଲାଇ ୨୧ରେ ସେ ଇସ୍ତଫା ଦେଇଛନ୍ତି।ଧନଖଡ଼ଙ୍କ ଇସ୍ତଫା ପରେ ରାଜନୈତିକ ଆଲୋଚନା ତେଜୁଛି । କାର୍ଯ୍ୟକାଳ ସରିବାର 2 ବର୍ଷ ପୂର୍ବରୁ ସେ ଇସ୍ତଫା ଦେଇଛନ୍ତି । ତେବେ କାର୍ଯ୍ୟକାଳ ସରିବା ପୂର୍ବରୁ ଆସନ ଛାଡ଼ିବାରେ ଜଗଦୀପ ଧନଖଡ଼ ପ୍ରଥମ ନୁହନ୍ତି, ତାଙ୍କ ପୂର୍ବରୁ ତିନିଜଣ ଉପରାଷ୍ଟ୍ରପତି କାର୍ଯ୍ୟକାଳ ସରିବା ପୂର୍ବରୁ ହିଁ ଆସନ ଛାଡ଼ିଛନ୍ତି। ରାଷ୍ଟ୍ରପତି ହେବାପାଇଁ ଉପରାଷ୍ଟ୍ରପତି ଆସନରୁ ଇସ୍ତଫା ଦେଇଛନ୍ତି।

୧୯୬୯ ମସିହା ଜୁଲାଇ ୨୦ରେ ଉପରାଷ୍ଟ୍ରପତି ପଦରୁ ଇସ୍ତଫା ଦେଇଥିଲେ ତତ୍କାଳୀନ ଉପରାଷ୍ଟ୍ରପତି ଭି.ଭି.ଗିରି। ୧୯୬୭ ମସିହାରେ ଭି.ଭି.ଗିରି ଉପରାଷ୍ଟ୍ରପତି ହୋଇଥିଲେ। ୧୯୬୯ ମେ ମାସରେ ତତ୍କାଳୀନ ରାଷ୍ଟ୍ରପତି ଜାକିର ହୁସେନଙ୍କ ପରଲୋକ ହେଇଥିବାରୁ ରାଷ୍ଟ୍ରପତି ପ୍ରାର୍ଥୀ ହେବା ପ‌ାଇଁ ଶ୍ରୀ ଗିରିଙ୍କୁ ଉପରାଷ୍ଟ୍ରପତି ପଦରୁଓହରିବାକୁ ପଡ଼ିଥିଲା। ଇନ୍ଦିରା ଗାନ୍ଧୀଙ୍କ ଦୃଢ଼ ସମର୍ଥନ କାରଣରୁ ୧୯୬୯ ଅଗଷ୍ଟ ୨୦ରେ ସେ ରାଷ୍ଟ୍ରପତି ଭାବେ ନିର୍ବାଚିତ ହୋଇଥିଲେ। ଉପରାଷ୍ଟ୍ରପତିରୁ ରାଷ୍ଟ୍ରପତି ସାଜିଥିଲେ ଭି.ଭି ଗିରି । ସେ 1967 ମେ 13 ରୁ 1969 ମେ 3 ଯାଏଁ ଉପରାଷ୍ଟ୍ରପତି ଆସନରେ ବସିଥିଲେ।
     ସେହିଭଳି ରାମସ୍ୱାମୀ ଭେଙ୍କଟରମଣ ରାଷ୍ଟ୍ରପତି ହେବା ପାଇଁ ଉପରାଷ୍ଟ୍ରପତି ପଦରୁ ୧୯୮୭ ମସିହାରେ ଇସ୍ତଫା ଦେଇଥିଲେ। ସେ 1984 ମସିହା ଅଗଷ୍ଟ 31 ତାରିଖରୁ 1987 ମସିହା ଜୁଲାଇ 24 ଯାଏଁ ଉପରାଷ୍ଟ୍ରପତି ଆସନରେ ବସିଲା ପରେ ପରବର୍ତ୍ତି ସମୟରେ ରାଷ୍ଟ୍ରପତି ହୋଇଥିଲେ।
ତେବେ ସ୍ଵାଧୀନତା ପରେ କାର୍ଯ୍ୟକାଳ ସରିବା ପୂର୍ବରୁ କୌଣସି ଉପରାଷ୍ଟ୍ରପତି ଇସ୍ତଫା ଦେବା ଏବଂ ରାଷ୍ଟ୍ରପତି ନିର୍ବାଚନ ନ ଲଢ଼ିବା ପ୍ରଥମ ଘଟଣା। ଏ ପର୍ଯ୍ୟନ୍ତ ମୋଟ ୧୪ ଉପରାଷ୍ଟ୍ରପତିଙ୍କ ମଧ୍ୟରୁ ୬ ଜଣ ପରବର୍ତ୍ତୀ ସମୟରେ ରାଷ୍ଟ୍ରପତି ହୋଇଛନ୍ତି। ଯୋଉ ଲିଷ୍ଟରେ ଅଛନ୍ତି Dr S Radhakrishnan, Dr Zakir Hussain, V V Giri, R Venkataraman, Dr Shankar Dayal Sharma ଓ K R Narayanan।

ଅବଶ୍ୟ ୨୦୦୨ ପରଠାରୁ ଏହି ପ୍ରକ୍ରିୟା ଏକ ପ୍ରକାରର ବନ୍ଦ ହୋଇଯାଇଛି। ସବୁଥର ୨ ଜଣ ନୂଆ ପ୍ରାର୍ଥୀ ନିର୍ବାଚନ ଲଢ଼ୁଛନ୍ତି। ଆଇନଜୀବୀରୁ ଉପରାଷ୍ଟ୍ରପତି ହୋଇଥିବା ଜଗଦୀପ ଧନଖଡ଼ ୨୦୧୯ରୁ ୨୦୨୨ ଯାଏ ପଶ୍ଚିମବଙ୍ଗ ରାଜ୍ୟପାଳ ଥିଲେ। ୨୦୨୨ରେ ହଠାତ୍ ତାଙ୍କ ନାଁ ଉପରାଷ୍ଟ୍ରପତି ଭାବେ ସାମ୍ନାକୁ ଆସିଲା। ସ୍ୱାସ୍ଥ୍ୟଗତ କାରଣ ଦର୍ଶାଇ ଧନଖଡ଼ ଇସ୍ତଫା ଦେଇଥିଲା ବେଳେ ପରବର୍ତ୍ତି ଉପରାଷ୍ଟ୍ରପତି କିଏ ହେବେ ତାକୁ ନେଇ ଚର୍ଚ୍ଚା ।

ନାରୀ ସଶକ୍ତିକରଣ ନାଁରେ ମୁଖ୍ୟ ସଚିବ ସ୍ତ୍ରୀଙ୍କ ସଂସ୍ଥାକୁ ଅନୁଗ୍ରହ !

0 Comments read News

ଇଂରାଜୀରେ କୁହାଯାଏ କୁଇଡ୍ ପ୍ରୋ କୋ, ଯାହାର ଅର୍ଥ ହେଲା ନେଣଦେଣ। ଅର୍ଥାତ କିଛି ଦେଲେ, କିଛି ମିଳେ । ମୋହନ ମାଝୀ ସରକାରଙ୍କ ବିରୁଦ୍ଧରେ ଏମିତି ଏକ ସାଂଘାତିକ ଅଭିଯୋଗ ଆସିଛି । ଓଡ଼ିଶାରେ ଚାକିରୀ ସୃଷ୍ଟି ସହିତ ଉତ୍ପାଦକ ରୋଜଗାର ସୁବିଧା ନିମନ୍ତେ ଏକ ବୁଝାମଣାପତ୍ର ବା MOU ସ୍ୱାକ୍ଷର ହୋଇଛି । ଅଭିଯୋଗ ଆସିଛି, ରାଜ୍ୟ ମୁଖ୍ୟ ଶାସନ ସଚିବଙ୍କ ପତ୍ନୀ ଜଡିତ ଥିବା ସଂସ୍ଥା ବିରୋଧରେ। ଯେଉଁ ଏନ୍‌ଜିଓ ସହ ମୁଖ୍ୟ ଶାସନ ସଚିବଙ୍କ ପତ୍ନୀ ଜଡ଼ିତ ସେହି ସଂସ୍ଥା ସହ ଓଡ଼ିଶା ସରକାର ବୁଝାମଣାପତ୍ର ସ୍ୱାକ୍ଷର କରିବା କେତେ ଯୁକ୍ତିସଂଗତ ? କ’ଣ ପାଇଁ ଦ କନଭର୍ଜେନ୍ସ ଫାଉଣ୍ଡେସନ TCF ସହ MOU ସ୍ୱାକ୍ଷରିତ ହୋଇଛି ? ଯେଉଁ ସଂସ୍ଥା ସହ ମୁଖ୍ୟ ଶାସନ ସଚିବଙ୍କ ପତ୍ନୀଙ୍କ ସମ୍ପର୍କ ଅଛି ସେହି ସଂସ୍ଥା ସହ ରାଜିନାମା ବିବାଦ ସୃଷ୍ଟି କରିବ ନାହିଁ କି ?

କୃଷି ଉତ୍ପାଦନ ବୃଦ୍ଧି, ଜୀବିକାରେ ଉନ୍ନତି ଏବଂ ମହିଳାଙ୍କୁ ପାଇଁ ନିରନ୍ତର ନିଯୁକ୍ତି ମିଳିବା ଲକ୍ଷ୍ୟରେ ଗତ ଫେବ୍ରୁଆରୀ 13 ତାରିଖରେ MOU ସ୍ୱାକ୍ଷର ହେଲା। ଉନ୍ନୟନ କମିଶନର ଅନୁ ଗର୍ଗ, ଅତିରିକ୍ତ ମୁଖ୍ୟ ସଚିବ ହେମନ୍ତ ଶର୍ମା, TCFର ଆଶିଷ ଧାଓ୍ୱନଙ୍କ ଉପସ୍ଥିତିରେ ଓଡ଼ିଶା ସରକାର,TCF ସହ MOU ସ୍ୱ।କ୍ଷର ହେଲା। ରାଜ୍ୟର ବିକାଶ ଏବଂ ନିଯୁକ୍ତି ବୃଦ୍ଧି ଦିଗରେ TCF ଉପାଦେୟ ସମର୍ଥନ ଯୋଗାଇ ଦେବ ବୋଲି କୁହାଗଲା। କିନ୍ତୁ ବିବାଦର ବିନ୍ଦୁଟି ହେଲା, TCF ଏବଂ ଦ ଉଦଇତି ଫାଉଣ୍ଡେସନ୍ ପରସ୍ପର ସହ ଜଡ଼ିତ । TCFର ଏକ ଶାଖା ହେଉଛି ଦ ଉଦଇତି । ମହିଳାଙ୍କ ଆର୍ଥିକ ସଶକ୍ତି କରଣରେ କାର୍ଯ୍ୟ କରୁଥିବା ଦ ଉଦଇତି ସଂସ୍ଥାର ପରାମର୍ଶଦାତା ବୋର୍ଡର ସଦସ୍ୟା ହେଲେ ଆରତୀ ଆହୂଜା। ଆରତୀ ହେଉଛନ୍ତି ଭାରତ ସରକାରଙ୍କ ପୂର୍ବତନ ଶ୍ରମ ଓ ନିଯୁକ୍ତି ସଚିବ। କିନ୍ତୁ ଆରତୀଙ୍କ ବଡ଼ ପରିଚୟ ହେଲା ସେ ମୁଖ୍ୟ ସଚିବ ମନୋଜ ଆହୁଜାଙ୍କ ସ୍ତ୍ରୀ ।

ଦ ଉଦଇତି ୱେବ୍‌ସାଇଟ୍‌ରେ ଉଲ୍ଲେଖ ଅଛି ଯେ ଏହି ସଂସ୍ଥାଟି ଓଡ଼ିଶା ସରକାରଙ୍କ ସହିତ କାର୍ଯ୍ୟ କରୁଛି। ମହିଳା ନିଯୁକ୍ତି ସଶକ୍ତି କରଣ ବ୍ୟାପାରରେ ମହାରାଷ୍ଟ୍ର, ଓଡ଼ିଶା ଏବଂ ଉତ୍ତର ପ୍ରଦେଶଙ୍କ ସହ କାର୍ଯ୍ୟ କରୁଛି ଦ ଉଦଇତି । TCF ଓ ଦ ଉଦଇତି ଅଭିନ୍ନ। ନୀତି ଓ ନିୟତ ଠିକ ନରହିଲେ ବିବାଦ ସୃଷ୍ଟି ହେବ। ଆଉ ମୁଖ୍ୟ ସଚିବଙ୍କୁ ନେଇ ମୁଖ୍ୟମନ୍ତ୍ରୀ ଅଡୁଆରେ ପଡ଼ି ପାରନ୍ତି।

ବଢିବ ରିଚାର୍ଜ ପ୍ଲାନ୍ !

0 Comments read News
Mobile recharge plans set to rise by 10-12% by year-end
  • ଉପଭୋକ୍ତାଙ୍କୁ ବଡ଼ ଝଟକା, ରିଚାର୍ଜ ପାଇଁ ଦେବାକୁ ପଡ଼ିବ ଅଧିକ ଟଙ୍କା
  • ମହଙ୍ଗା ହବ ରିଚାର୍ଜ ପ୍ଲାନ୍
  • ପୁଣି ରିଚାର୍ଜ ପ୍ଲାନ୍ ବଢେଇବେ ଟେଲିକମ କମ୍ପାନୀ
  • ଏ ନେଇ ଆଶଙ୍କା ବଢ଼ିବାରେ ଲାଗିଛି
  • ଏହି ନିୟମ ଚଳିତ ବର୍ଷ ଶେଷ ସୁଦ୍ଧା ଲାଗୁ ହେବାକୁ ଯାଉଛି । ୨୦୨୫ ଶେଷ ସୁଦ୍ଧା ରିଚାର୍ଜ ମୂଲ୍ୟରେ ବଡ଼ ଧରଣର  ପରିବର୍ତ୍ତନ ଆସିପାରେ । ଟାରିଫର ବୃଦ୍ଧି ହେବା ନେଇ ଗ୍ରାହକ ଚିନ୍ତାରେ ।
  • ଗତ କିଛି ମାସ ମଧ୍ୟରେ ଗ୍ରାହକଙ୍କ ସଂଖ୍ୟା ବଢିବାରେ ଲାଗିଛି। ଯାହାକୁ ନଜରରେ ରଖି ଟେଲିକମ୍ କମ୍ପାନୀ ଗୁଡ଼ିକ ରିଚାର୍ଜ ମୂଲ୍ୟରେ ପରିବର୍ତ୍ତନ ଆଣିବାକୁ ଯାଉଛନ୍ତି । ରିଚାର୍ଜର ମୂଲ୍ୟ ୧୦-୧୨ ପ୍ରତିଶତ ବଢାଇବା ପାଇଁ ଟେଲିକମ୍ କମ୍ପାନୀ ଗୁଡ଼ିକ ଯୋଜନା କରିଥିବା ଜଣାପଡ଼ିଛି।

ଜୁଲାଇ 2024ରେ ଟେଲିକମ୍ କମ୍ପାନୀ ରିଚାର୍ଜ ପ୍ଲାନ୍ ବଢେଇଥିଲା। ଜିଓ, ଏୟାରଟେଲ ଭୋଡାଫୋନ୍ ସିମ୍ ଆଦି ନିଜର ରିଚାର୍ଜ ପ୍ଲାନ୍ ବଢେଇ 11 ରୁ 23% ବୃଦ୍ଧି କରିଥିଲେ। ଟାରିଫ୍ ମହାଙ୍ଗାରୁ ଲୋକଙ୍କୁ ଅସୁବିଧା ଭୋଗିବାକୁ ପଡ଼ିଥିଲା । ପୁଣି ଥରେ ସେଇ ଟ୍ରିକ୍ ରିପିଟ ହେଲେ ମିଡିଲ ଓ ହାଇ ପ୍ଲାନ୍ ୟୁଜ୍ କରୁଥିବା ୟୁଜର୍ସ ଏଥର ବେଶୀ ହଇରାଣ ହେବେ। 300 ରୁ 500 ବା ତା ଠୁ ଅଧିକ ରିଚାର୍ଜ କରୁଥିଲେ ପକେଟରୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ିବ। ପ୍ରତିମାସରେ 100ରୁ ଅଧିକ ଟଙ୍କା ଏକ୍ସଟ୍ରା ଖର୍ଚ୍ଚ ହୋଇପାରେ । 2 କି 3ଟା ସିମ୍ ବ୍ୟବାହାର କରୁଥିବା ଗ୍ରାହକ ବେଶୀ ଖର୍ଚ୍ଚାନ୍ତ ହେବେ। 

ଖୋଲୁଛି ସମୀରଙ୍କ କଳାଚିଠା,ଭୁବନରୁ ମାଡ଼ ଚମ୍ପୁଆରୁ ତଡ଼ା

0 Comments read News

ଏଫ୍ ଏମ୍ କଲେଜ ଛାତ୍ରୀ ଆତ୍ମାହୁତି ଘଟଣାକୁ ନେଇ ରାଜନୀତି ତେଜୁଛି । ସୌମ୍ୟାଶ୍ରୀ ବିଶିଙ୍କ ପାଇଁ ନ୍ୟାୟ ଦାବିରେ ଚାଲିଛି ରାଜ୍ୟବ୍ୟାପୀ ଆନ୍ଦୋଳନ  ।ବିଜୁ ଜନତା ଦଳ ୧୬ ତାରିଖରେ ଲୋକସେବା ଭବନ ଘେରାଉ କରିଥିଲା ବେଳେ କଂଗ୍ରେସ ଓଡ଼ିଶା ବନ୍ଦ କରିଛି । ସୌମ୍ୟାଶ୍ରୀଙ୍କ ଆତ୍ମାହୁତିର ମୁଖ୍ୟ ଅଭିଯୁକ୍ତ ସମୀର ସାହୁଙ୍କ ମୁଖା ଖୋଲୁଛି  । ସୌମ୍ୟାଶ୍ରୀ ବିଶିଷ୍ଟ ଅଭିଯୋଗ ଆଧାରରେ ଯାହା ପାଇଁ ସେ ଆତ୍ମାହୁତି ଦେଇଥିଲେ ସେ ଯୌନ ରାକ୍ଷସଙ୍କ କଳାଚିଠାରେ କଳଙ୍କ ଭର୍ତ୍ତି। କେବଳ ସୌମ୍ୟାଶ୍ରି ନୁହଁନ୍ତି ଏମିତି ଅନେକ ଛାତ୍ରୀଙ୍କୁ ଧମକେଇଥିଲେ ସମୀର। ଧିରେ ଧିରେ ଏ ତଥ୍ୟ ସାମ୍ନାକୁ ଆସୁଛି। ସମୀରଙ୍କ ଯୌନ ଲାଳସାର ଶିକାର ହୋଇଛନ୍ତି ଅନେକ ଛାତ୍ରୀ। ସୌମ୍ୟାଶ୍ରୀଙ୍କ ମୃତ୍ୟୁ ପରେ ସମୀରଙ୍କ ବିକୃତ ମାନସିକତା ଏବେ ଦାଣ୍ଡରେ ପଡ଼ି ହାଟରେ ଗଡୁଛି। କେବଳ ଏଫ୍ ଏମ୍ ନୁହେଁ ସବୁ ଅନ୍ୟ କଲେଜର ବି ଲମ୍ବିଛି କଳା କାରନାମାର ଚେର। କୋଉଠି ମାଡ଼ ଖାଇଛନ୍ତି ତ ପୁଣି କୋଉଠି ତଡା ଖାଇଛନ୍ତି । ଚାକିରୀ ଆରମ୍ଭରୁ ହିଁ ନିଜ ଯୌନ ଲାଳସା ପାଇଁ ମାଡ଼ ଖାଇଛନ୍ତି। ସମୀର ଢେଙ୍କାନାଳ ଜିଲ୍ଲାର ବାଜିରାଉତ ମେମୋରିଆଲ କଲେଜରେ ଚାକିରି ଆରମ୍ଭ କରିଥିଲେ। ଝିଅଙ୍କୁ ଖରାପ ନଜରରେ ଦେଖିବା ଏତେ ମହଙ୍ଗା ପଡିଥିଲା ଯେ ସାରଙ୍କ ଗୋଡ ଭାଙ୍ଗିଥିଲେ ଛାତ୍ରଛାତ୍ରୀ। ଭୁବନରୁ ତଡା ଖାଇ ଚମ୍ପୁଆ ଚନ୍ଦ୍ର ଶେଖର କଲେଜକୁ ଯାଇ ସେଠି ମଧ୍ୟ ନିଜର ବ୍ଲାକ ଫାଇଲ ଓପନ୍ କରି ଧରା ପଡ଼ିଥିଲେ।

ଚମ୍ପୁଆରେ ଦେଢ ବର୍ଷର ଚାକିରିରେ କ୍ଲାସ ବାହାନାରେ ଛାତ୍ରୀଙ୍କୁ ଅଟକାଇ ରଖୁଥିଲେ ସମୀର। ସରଳତାର ସୁଯୋଗ ନେଇ ସମ୍ପର୍କ ରଖିବାକୁ ବାଧ୍ୟ କରୁଥିଲେ । କେବଳ କ୍ଲାସ ରୁମ ନୁହେଁ ଲେଡିଜ ହଷ୍ଟେଲ ରେ ବି ଅବାଧ ପ୍ରବେଶ କରୁଥିଲେ ।  ପାଠ ବୁଝେଇବା ଆଳରେ ଛାତ୍ରୀଙ୍କୁ ହଇରାଣ କରୁଥିଲେ। ଛାତ୍ରୀଙ୍କ ସହ ଅନେକଥର ବାହାରେ ବୁଲି ଧରା  ମଧ୍ୟ ପଡ଼ିଛନ୍ତି ତେବେ ପ୍ରଶ୍ନ ଉଠୁଛି ଏତେ ସବୁ ଅଭିଯୋଗ ପରେ କେମିତି ତିଷ୍ଠିଲେ ଏଭଳି ଚରିତ୍ରହୀନ ଅଧ୍ୟାପକ? ବଦଳି କରି ଆଉ ଏକ ଶିକ୍ଷାନୁଷ୍ଠାନକୁ କେମିତି ବିପଦକୁ ଠେଲି ଦେଉଥିଲା ଶିକ୍ଷା ବିଭାଗ ? ସବୁ ଜାଣିବା ପରେ ବି କାହିଁକି ସମୀରଙ୍କ ପ୍ରତି ନିଆଯାଇନଥିଲା ଦୃଢ଼ କାର୍ଯ୍ୟାନୁଷ୍ଠାନ? ଯଦି ସମୀରଙ୍କ ପ୍ରତି କଡ଼ା ଆଭିମୁଖ୍ୟ ଗ୍ରହଣ କରା ଯାଇଥାଆନ୍ତା ହୁଏତ ସୌମ୍ୟାଶ୍ରୀଙ୍କ ଏ ପରିସ୍ଥିତି ଦେଖିବାକୁ ପଡ଼ି ନ ଥାଆନ୍ତା ।

ଟାଟା ପାୱାରର ମନମାନି ଛଡ଼େଇବ OERC

0 Comments read News
OERC Takes Suo Motu Cognizance Against Tata Power Over Consumer Issues!

ଟାଟା ପାଓ୍ୱାର ସଂସ୍ଥାର ମନମାନି ବିରୁଦ୍ଧରେ ଅଭିଯୋଗ ଶୁଣିବ ଓଡ଼ିଶା ବିଦ୍ୟୁତ୍ ନିୟାମକ ଆୟୋଗ (OERC)। ଟାଟାର ବିଦ୍ୟୁତ୍ ସେବାକୁ ନେଇ ସାରା ରାଜ୍ୟରେ ଅସନ୍ତୋଷ ସୃଷ୍ଟି ହୋଇଥ‌ିବା ବେଳେ ଏହାର ସମାଧାନ ପାଇଁ ଅଣ୍ଟା ଭିଡ଼ିଛି OERC। ଏନେଇ ସ୍ୱତନ୍ତ୍ର ବିଜ୍ଞପ୍ତି ମଧ୍ୟ ପ୍ରକାଶ କରିଛି। ଟାଟା ପାଓ୍ୱାରର ମନମାନିକୁ ନେଇ ଏକ ମାମଲାର ଶୁଣାଣି ବେଳେ OERCର ପୂର୍ବତନ ସଭ୍ୟ ବିଜୟ ଚନ୍ଦ୍ର ଜେନା ଟାଟାର ବିଦ୍ୟୁତସେବା ଉପରେ ପ୍ରବଳ ଅସନ୍ତୋଷ ବ୍ୟକ୍ତ କରିଥିବାବେଳେ ଅଧ୍ୟକ୍ଷ ପ୍ରଦୀପ ଜେନା ମଧ୍ୟ ଅସନ୍ତୋଷ ଝାଡ଼ିଥିଲେ। ବିଦ୍ୟୁତ ସଷ୍ଟେଶନ, ଖୁଣ୍ଟ ଓ ତାର ଉପରେ ଗଛ ମାଡିଯିବାରୁ କିଭଳି ବିଦ୍ୟୁତ୍ ସେବା ବିପର୍ଯ୍ୟସ୍ତ ହୋଇଛି ତା‘ର ଅସଲ ଚିତ୍ର ଏଲଇଡି ମାଧ୍ୟମରେ ଦେଖାଯାଇଥିଲା। ବିଦ୍ୟୁତସେବାର ଅବ୍ୟବସ୍ଥାକୁ ନେଇ ଅଧ୍ୟକ୍ଷ ପ୍ରଦୀପ କୁମାର ଜେନା ପ୍ରବଳ ବର୍ଷିବା ସହିତ ଏହା ଉପରେ ଅଧ‌ିକରୁ ଅଧ‌ିକ ଉପଭୋକ୍ତାଙ୍କ ମତାମତର ଆବଶ୍ୟକତା ଅନୁଭବ କରି ସାଧାରଣ ବିଜ୍ଞପ୍ତି ପ୍ରକାଶ କରାଇଛନ୍ତି । ଓଡ଼ିଶାର ଏକ କୋଟି ଉପଭୋକ୍ତା ଟାଟାର ବିଦ୍ୟୁତସେବା ଉପରେ ମତାମତ ଦେଇପାରିବେ ।

ଆସନ୍ତା 30 ଦିନ ମଧ୍ୟରେ ରାଜ୍ୟର ବିଦ୍ୟୁତ୍ ଉପଭୋକ୍ତା ମାନେ, ବିଦ୍ୟୁତ୍ ବିତରଣ ସଂସ୍ଥା-ଟାଟା ପାଓ୍ୱାର ସଂପର୍କରେ OERC ନିକଟରେ ଲିଖିତ ଅଭିଯୋଗ ଦାଖଲ କରିପାରିବେ। ନିମ୍ନମାନର ବିଦ୍ୟୁତ୍ ସେବା, ମନଇଚ୍ଛା ବିଦ୍ୟୁତ୍ କାଟ୍, ବଳପୂର୍ବକ ସ୍ମାର୍ଟ ମିଟର ସ୍ଥାପନ, ମିଟର ଚେକିଂ ନାଁରେ ଅତ୍ୟଧିକ ଫାଇନ୍ ଆଦାୟ ଭଳି ଗୁରୁତର ଅଭିଯୋଗ ଟାଟା ପାଓ୍ୱାର ବିରୁଦ୍ଧରେ ରହିଛି । ଅଭିଯୋଗକାରୀ ବି.ସି ଜେନାଙ୍କ ପିଟିସନକୁ ଭିତ୍ତି କରି, ବିଦ୍ୟୁତ୍ ଉପଭୋକ୍ତାଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଉପଯୁକ୍ତ ପଦକ୍ଷେପ ନେବାକୁ OERCକୁ ଓଡ଼ିଶା ସରକାର ପ୍ରସ୍ତାବ ଦେଇଛନ୍ତି । ରାଜ୍ୟ ସରକାରଙ୍କ ପ୍ରସ୍ତାବ ପାଇବାରେ ଓଡ଼ିଶା ବିଦ୍ୟୁତ୍ ନିୟାମକ ଆୟୋଗ ନିଜ ପକ୍ଷରୁ ଏଭଳି ବିଜ୍ଞପ୍ତି ପ୍ରକାଶ ବିଦ୍ୟୁତ୍ ଉପଭୋକ୍ତାଙ୍କ ଠାରୁ ଅଭିଯୋଗ ପତ୍ର ଆହ୍ୱାନ କରିଛନ୍ତି । ପୂର୍ବରୁ ଉତ୍କଳ ଚାମ୍ବର୍ସ ଅଫ କମର୍ସ ଏବଂ ବିଭିନ୍ନ ଶିଳ୍ପାନୁଷ୍ଠାନ ମଧ୍ୟ ଟାଟା ପାଓ୍ୱାର ବିରୁଦ୍ଧରେ ସରକାରଙ୍କୁ ଅବଗତ କରାଇଥିଲେ। ଟାଟା ପାୱାରର ମନମାନି ବିରୁଦ୍ଧରେ ଷ୍ଟ୍ରଙ୍ଗ ଆକ୍ସନ ନେବ OERC ।