ଭାରତୀୟ ଡାକ ସେବାର ବଡ଼ ନିଷ୍ପତ୍ତି। ରେଜିଷ୍ଟ୍ରେଡ ଡାକ ସେବାର ଯୁଗ ସରିବାକୁ ଯାଉଛି। ଏଥର ଲୋକଙ୍କୁ ଅଧିକ ଟଙ୍କା ଦେବାକୁ ପଡ଼ିବ। ଡ଼ାକସେବା ମହଙ୍ଗା ହେବ । ସେପ୍ଟେମ୍ବର ୧ ରୁ ଦେଶରେ ରେଜିଷ୍ଟ୍ରେଡ ଡାକ ସେବା ବନ୍ଦ ହେବ। ୫୦ ବର୍ଷରୁ ଅଧିକ ସମୟ ଧରି ରେଜିଷ୍ଟ୍ରେଡ ଡାକସେବା ଲୋକଙ୍କ ବିଶ୍ୱାସ ଜିତିଥିଲା । 25 ଟଙ୍କାରେ ପଠାଯାଇ ପାରୁଥିଲା ଗୁରୁତ୍ୱପୁଣ୍ଣ ଚିଠି। ମାତ୍ର ଏବେ ଏ ସବୁ ସୁବିଧାରୁ ବଞ୍ଚିତ ହେବାକୁ ପଡ଼ିବ। ରେଜେଷ୍ଟ୍ରି ଚିଠି ବଦଳରେ କରିବାକୁ ପଡ଼ିବ ସ୍ପିଡ ପୋଷ୍ଟ । ଯାହାପାଇଁ ଚିଠିପିଛା ଆହୁରି 16 ଟଙ୍କା ଅଧିକ ଦେବାକୁ ପଡ଼ିବ । ସବୁବର୍ଗର ଲୋକ ଏଥିରେ ପ୍ରଭାବିତ ହେଉଥିଲା ବେଳେ ଆର୍ଥିକ ଅନଗ୍ରସର ଏବଂ ମଧ୍ୟମ ଧରଣର ଲୋକ,କ୍ଷୁଦ୍ର ବ୍ୟବସାୟୀଙ୍କ ଉପରେ ଏହା ବିଶେଷ ପ୍ରଭାବ ପକାଇବ। ଗୁରୁତ୍ୱପୂର୍ଣ୍ଣ  ଚିଠି,ରାକ୍ଷୀ ଆଦି ପଠାଇବାକୁ ପକେଟରୁ ଅଧିକ  ଟଙ୍କା ଗଣିବାକୁ ପଡ଼ିବ। ଗୁରୁତ୍ତ୍ୱପୁର୍ଣ୍ଣ ଚିଠି, ସରକାରି ନୋଟିସ୍, ସରକାରୀ ଦସ୍ତାବିଜ, ନିଯୁକ୍ତି ପତ୍ର ରେଜିଷ୍ଟ୍ରି ପୋଷ୍ଟରେ ଆସ । କୋଟି କୋଟି ଭାରତୀୟ ଏ ସେବା ଉପରେ  ନିର୍ଭର କରନ୍ତି  । ରାକ୍ଷୀ, ବହି ଭଳି ଗୁରୁତ୍ୱ ରଖୁଥିବା ଜିନିଷ ମଧ୍ୟ ଭରସାର ସହ ରେଜେଷ୍ଟ୍ରି ମାଧ୍ୟମରେ ଡାକରେ ପଠାନ୍ତି । କମ୍ ଖର୍ଚ୍ଚରେ ଡାକସେବାରେ ଏସବୁ ସମ୍ଭବ ହେଉଥିଲା । ମାତ୍ର ଘରୋଇକରଣରେ ମାତିଥିବା ସରକାର ଲୋକଙ୍କ ପାଇଁ ପ୍ରଜୁର୍ଯ୍ୟ ଏ ସେବାର ମଧ୍ୟ ଘରୋଇକରଣ କରିଥିବା ଚର୍ଚ୍ଚା ହେଉଛି। ଡାକସେବା ରେ ଆଧୁନୀକରଣ ପାଇଁ ରେଜିଷ୍ଟ୍ରେଡ ଡାକ ସେବା ବନ୍ଦ ହେବା ସହ  ସ୍ପିଡ୍ ପୋଷ୍ଟ ସହ ମିଶ୍ରଣ ହେବ।

ସରକାରୀ ତଥ୍ୟ ଅନୁସାରେ ରେଜେଷ୍ଟ୍ରି ପୋଷ୍ଟର ଚାହିଦା କମୁଛି। ୨୦୧୧ରୁ 2012ରେ ୨୪କୋଟିରୁ ଅଧିକ ହୋଇଥିଲା ବେଳେ ୨୦୧୯ ରେ ଏ ସଂଖ୍ୟା କମି ୧୮ କୋଟିରେ ପହଞ୍ଚିଥିଲା  ।ରେଜିଷ୍ଟର୍ଡ ଚିଠିରେ 25% ହ୍ରାସ ହେବାରୁ ଏଭଳି ନିଷ୍ପତ୍ତି ନେଇଛି ଡାକବିଭାଗ । କୋରିଅର ସହ ପାଦ ମିଳାଇ ଚାଲି ପାରୁନଥିବାରୁ ସ୍ପିଡ୍ ପୋଷ୍ଟ ସହ ମର୍ଜ କରିବାକୁ ନିଷ୍ପତ୍ତି ନିଆଯାଇଛି । ତେବେ ଏ ନିଷ୍ପତ୍ତି ପାଇଁ ଖର୍ଚ୍ଚ ବଢିବା ସହିତ ଅନେକ ଦିନ ଧରି ସେବା ଯୋଗାଇ ଆସୁଥିବା ରେଜିଷ୍ଟର୍ଡ ଚିଠିର ଯୁଗ ସରିବାକୁ ଯାଉଥିବାରୁ ଅସନ୍ତୋଷ ସୃଷ୍ଟି ହେଉଛି।