Category Politics

ରାଜୁ ଢୋଲକିଆଙ୍କ ମୃତ୍ୟୁ ପାଇଁ BJD ଦାୟି

0 Comments read News, Politics

ନୂଆପଡ଼ା ଉପନିର୍ବାଚନର ସମୟ ଯେତିକି ପାଖେଇ ଆସୁଛି ନୂଆପଡ଼ାକୁ ନେଇ ସେତିକି ନୂଆ କଥା ଶୁଣିବାକୁ ମିଳୁଛି । 3 ପ୍ରମୁଖ ଦଳ ନିର୍ବାଚନ ଜିତିବା ପାଇଁ ଗୋଟି ଚାଳନା କରୁଥିବା ବେଳେ ସ୍ୱର୍ଗତଃ ରାଜୁ ଢୋଲକିଆଙ୍କୁ ନେଇ ଉଭୟ ବିଜେଡି ଓ ବିଜେପି ଭିତରେ ଟଣାଓଟଣା ଜାରି ରହିଛି । ପୋଷ୍ଟରରେ ଫଟ ମାରିବା ହେଉ କି ରାଜୁଙ୍କ ପକେଟ୍ ଭୋଟ ସବୁଠି ଦୁଇଦଳ ଭାଗ ବସାଉଛନ୍ତି। ନବୀନ ପଟ୍ଟନାୟକ ନିର୍ବାଚନୀ ପ୍ରଚାରରେ ବିଜେପିକୁ ପ୍ରାର୍ଥୀ ଚୋର କହିଥିଲେ। ନୂଆପଡ଼ାର ଦିବଂଗତ ବିଧାୟକ ରାଜେନ୍ଦ୍ର ଢୋଲକିଆଙ୍କ ପତ୍ନୀ କଳ୍ପନା ଢୋଲକିଆ ୟା ପରେ ବିସ୍ଫୋରକ ବୟାନ ଦେଇଛନ୍ତି। କଳ୍ପନା କହିଛନ୍ତି ବିଜେଡିର ଅଣଦେଖା ରାଜେନ୍ଦ୍ରଙ୍କ ମୃତ୍ୟୁର ଅନ୍ୟତମ କାରଣ। ରାଜେନ୍ଦ୍ର ଢୋଲକିଆଙ୍କୁ ବିଜେଡି ଉଚିତ ସମ୍ମାନ ଦେଇନି ବୋଲି ସେ ଅସନ୍ତୋଷ ଝାଡ଼ିଛନ୍ତି। ଶେଷ ସମୟରେ ବି ତାଙ୍କ ପାଖରେ ବିଜେଡି ନଥିଲା ବୋଲି କଳ୍ପନା କହିଛନ୍ତି । ଯୋଉ ଦଳରେ ରାଜେନ୍ଦ୍ର ଢୋଲକିଆ ଶେଷ ପର୍ଯ୍ୟନ୍ତ ଥିଲେ ସେ ଦଳର ନେତା ରାଜୁଙ୍କ ସହ ନଥିଲେ । ଯାହା ରାଜୁଙ୍କୁ ଆଘାତ ଦେବା ସହ ମୃତ୍ୟୁର ଅନ୍ୟତମ କାରଣ ସାଜିଥିବା କଳ୍ପନା ସ୍ପଷ୍ଟ କରିଛନ୍ତି। ରାଜେନ୍ଦ୍ର ଢୋଲକିଆଙ୍କ ପୁଅ ତଥା ବିଜେପି ପ୍ରାର୍ଥୀ ଜୟ ଢୋଲକିଆ ମଧ୍ୟ ଏ କଥା ପ୍ରକାଶ କରିଛନ୍ତି କି ରାଜୁଙ୍କ ଦେହ ଖରାପ ଥିଲା ବେଳେ ନବୀନ ପଟ୍ଟନାୟକ ଦେଖା କରିବାକୁ ଆସି ନଥିଲେ । ଏପରିକି ଶ୍ରଦ୍ଧାଞ୍ଜଳି ସଭାରେ ମଧ୍ୟ ତାଙ୍କର ଦେଖା ନଥିଲା ।

ଜୟ ବିକ୍ରି ହୋଇନାହିଁ- କଳ୍ପନା ଢୋଲକିଆ
ରାଜେନ୍ଦ୍ର ଢୋଲକିଆ ବିଜେଡିରେ ବିଧାୟକ ଥିଲାବେଳେ ତାଙ୍କ ପୁଅ ଜୟ ଢୋଲକିଆ ବିଜେଡି ବଦଳରେ ବିଜେପିରୁ ପ୍ରାର୍ଥୀ ହେବାର କାରଣ ବିଷୟରେ ଜୟଙ୍କ ମା କଳ୍ପନା ଉତ୍ତର ରଖିଛନ୍ତି । ଜୟ ଢୋଲକିଆ ଟଙ୍କା ପାଇଁ ବିଜେପି ପାଖରେ ବିକ୍ରି ହୋଇଥିବା ଅଭିଯୋଗକୁ ସେ ଖଣ୍ଡନ କରିଛନ୍ତି । ବିଜେଡି ରାଜୁଙ୍କୁ ଗୁରୁତ୍ୱ ଦେଇ ନଥିବାରୁ ଜୟ ଏଭଳି ନିଷ୍ପତ୍ତି ନେଇଥିବା ସେ କହିଛନ୍ତି । ବିଜେପି ପୋଷ୍ଟରରେ ରାଜୁ ଢୋଲକିବଙ୍କ ଫଟ ରହିବା ନେଇ ସମାଲୋଚନା ହେଉଥିଲାବେଳେ କଳ୍ପନା କହିଛନ୍ତି କି ରାଜୁଙ୍କ ଫଟ କୋଉଠି ରହିବ ଏ ନିଷ୍ପତ୍ତି ପରିବାର ନେବେ। ବିଜେଡି ନୁହେଁ !

ଢୋଲକିଆଙ୍କ ସ୍ତ୍ରୀଙ୍କ ପ୍ରଚାର : ନବୀନ କରିବେ କାଉଣ୍ଟର

0 Comments read Politics

ନୂଆପଡ଼ାକୁ ଓହ୍ଲାଇବେ ନବୀନ ପଟ୍ଟନାୟକ । ରାଜୁ ଢୋଲକିଆଙ୍କ ସ୍ତ୍ରୀଙ୍କ ପ୍ରଚାରକୁ କରିବେ କାଉଣ୍ଟର ।ବିଧାନସଭା ଯାଉନଥିବା ନବୀନ ଯିବେ ନୂଆପଡ଼ା ।ଥରେ ନୁହେଁ ୨ ଥର ଯିବେ ବିଜେଡି ସୁପ୍ରିମୋ ।ନୂଆପଡ଼ା ଉପନିର୍ବାଚନର ପ୍ରଚାର ମଇଦାନକୁ ଓହ୍ଲାଇବେ ନବୀନ ପଟ୍ଟନାୟକ । ପୂର୍ବତନ ମୁଖ୍ୟମନ୍ତ୍ରୀ ଥରେ ନୁହେଁ ଦୁଇ ଦୁଇ ଥର ନୂଆପଡ଼ା ଯିବାର ଅଛି । BJD ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ପାଇଁ ସାଧାରଣ ସଭା ସହ ରୋଡ ସୋ କରିବେ । ଆସନ୍ତା ନଭେମ୍ବର 3’ରେ ନବୀନଙ୍କ ପ୍ରଥମ ପ୍ରଚାର ସଭା ହେବ କୋମନା ବ୍ଲକରେ । ଆଉ ଦ୍ୱିତୀୟ ଥର ନଭେମ୍ବର 7’ରେ ନୂଆପଡ଼ାରେ ଡେରା ପକାଇବେ BJD ସୁପ୍ରିମୋ। ଖରିଆର ରୋଡ ଠାରୁ ନୂଆପଡ଼ା ଯାଏଁ ରୋଡ ସୋ କରିବେ ନବୀନ ପଟ୍ଟନାୟକ ।

ଧାମନଗରକୁ ଯାଇନଥିଲେ
ତେବେ ନୂଆପଡ଼ା  ଉପନିର୍ବାଚନ ପାଇଁ ଦୁଇ ଦିନ ନବୀନଙ୍କ ପ୍ରଚାର ପ୍ରୋଗ୍ରାମକୁ ନେଇ ଆଶ୍ଚର୍ଯ୍ୟ ଲାଗୁଛି। କାରଣ ଧାମନଗର ଉପନିର୍ବାଚନରେ ନବୀନ ପଟ୍ଟନାୟକ ପ୍ରଚାର ମଇଦାନକୁ ଓହ୍ଲାଇ ନଥିଲେ। ଭିଡିଓ କନଫରେନ୍ସିଂରେ ଦଳୀୟ ପ୍ରାର୍ଥୀଙ୍କ ପାଇଁ କ୍ୟାମ୍ପେନ୍ ସାରି ଦେଇଥିଲେ। ସେଥିପାଇଁ BJDକୁ ଦବାକୁ ପଡ଼ିଥିଲା ବହୁମୂଲ୍ୟ। BJD ପ୍ରାର୍ଥୀ ଅବନ୍ତୀ ଦାସଙ୍କୁ ପଛରେ ପକାଇ ବାଜି ମାରି ନେଇଥିଲେ BJPର ଯୁବନେତା ସୁରଜ ସୂର୍ଯ୍ୟବଂଶୀ। BJDର ବଡ଼ ଲସ ପରେ ବାଧ୍ୟ ହୋଇ ନବୀନ ପଟ୍ଟନାୟକ ପଦମପୁର ଉପନିର୍ବାଚନରେ BJDର ମଙ୍ଗ ଧରିଥିଲେ। ଆଉ ସେଠାରେ ତତ୍କାଳୀନ ଦିବଙ୍ଗତ ବିଧାୟକ ବିଜୟ ରଞ୍ଜନ ସିଂହ ବରିହାଙ୍କ ଝିଅ ବର୍ଷାଙ୍କୁ ବିଜୟୀ କରିବାରେ ପ୍ରମୁଖ ଭୂମିକା ନେଇଥିଲେ ନବୀନ।

BJDର ଟେନସନ୍ କଳ୍ପନା
ଆଉ ଏବେ ପଦମପୁରର ପଡ଼ୋଶି ନିର୍ବାଚନ ମଣ୍ଡଳୀ ନୂଆପଡ଼ାରେ ହେଉଛି ଉପନିର୍ବାଚନ। କିନ୍ତୁ ମୁଖ୍ୟମନ୍ତ୍ରୀ ଆସନରେ ଆଉ ନାହାନ୍ତି BJD ସୁପ୍ରିମୋ। ଏପରିକି ନୂଆପଡ଼ାର ପୂର୍ବତନ ବିଧାୟକ ରାଜୁ  ଢୋଲକିଆଙ୍କ ପରିବାର ଏବେ BJP ଶିବିରରେ । ଏବେ BJD ପାଖରେ ନା’ ଅଛି ସିମ୍ପାଥୀ କାର୍ଡ ନା’ ସରକାରରେ ଅଛି ବିଜୁ ଜନତା ଦଳ । ଅନ୍ୟପଟେ ରାଜୁ ଢୋଲକିଆଙ୍କ ସ୍ତ୍ରୀ କଳ୍ପନା ଢୋଲକିଆ, ପୁଅ ଜୟଙ୍କ ପାଇଁ କଲେଣି ମାରାଥନ ପ୍ରଚାର ।

ଗୋଟାଏ ପଟେ ସରକାରରେ BJP, ତା’ ସହ ମା’ଙ୍କ ପ୍ରଚାର ଜୟଙ୍କ ପାଇଁ ସ୍ଥିତି ସହଜ କରୁଛି । ଅନ୍ୟପଟେ ବିଜୁ ଜନତା ଦଳର ବିଧାୟକ, ପୂର୍ବତନ ବିଧାୟକ, ସାଂସଦ ମାନଙ୍କର ଘେରାବନ୍ଦୀ ଧିରେ ଧିରେ ଦୁର୍ବଳ ହେଉଛି । ଏଥିପାଇଁ ନବୀନ ପଟ୍ଟନାୟକ ନିଜେ ପ୍ରଚାରର ମଙ୍ଗ ଧରିବାକୁ ଯାଉଛନ୍ତି । ତେବେ ବିଧାନସଭାରେ ସମ୍ପୂଣ୍ଣ ଅନୁପସ୍ଥିତ ରହୁଥିବା ବିରୋଧି ଦଳ ନେତା ନବୀନ ପଟ୍ଟନାୟକଙ୍କ ଓଡ଼ିଶା ପଲିଟିକ୍ସରେ ପ୍ରାସଙ୍ଗିକତାକୁ ହୁଏତ ନୂଆପଡ଼ା ଉପନିର୍ବାଚନ ବଜାୟ ରଖିପାରେ ।
ଏ ଷ୍ଟୋରୀକୁ ଲେଖିଛନ୍ତି- ବିଜୟ କେତନ ବରାଳ

ବଦଳୁଛି ନବୀନଙ୍କ ଆଭିମୁଖ୍ୟ, ଅଭିଯୁକ୍ତଙ୍କ ସପକ୍ଷରେ BJD

0 Comments read Politics

ବଦଳୁଛି BJDର ଆଭିମୁଖ୍ୟ । ବଦଳିଗଲେଣି ନବୀନ ପଟ୍ଟନାୟକ । ପ୍ରଶ୍ନଘେରରେ ନବୀନ ପଟ୍ଟନାୟକଙ୍କ ଜିରୋ ଟଲରାନ୍ସ ଥିୟୋରି। ଅଭିଯୁକ୍ତଙ୍କ ସପକ୍ଷରେ ଓକିଲାତି କରୁଛି ବିଜେଡି । ସ୍ୟାଡୋ କରପସନ ଅଭିଯୋଗରେ ଦଳର ତୁଙ୍ଗ ନେତାଙ୍କୁ ବହିସ୍କାର କରିଥିବା ବିଜେଡି ସୁପ୍ରିମୋ ଏବେ ଭିନ୍ନ ମୁଦ୍ରାରେ। ପିତବାସ ପଣ୍ଡାଙ୍କ ହତ୍ୟା ଅଭିଯୋଗରେ ଗିରଫ ହୋଇଥିବା ବିକ୍ରମ ପଣ୍ଡାଙ୍କୁ ନିଲମ୍ବନ ତ ଦୂରର କଥା ଓଲଟା ତାଙ୍କ ସପକ୍ଷରେ ଯୁକ୍ତି ବାଢୁଛନ୍ତି ବିଜେଡି ଲିଡର। କେବଳ ସେତିକି ନୁହେଁ କ୍ଷମତାରୁ ଯିବା ପରଠୁ ବିଭିନ୍ନ ଅଭିଯୋଗରେ ଗିରଫ ହୋଇଥିବା ନେତାଙ୍କୁ ଦଳରୁ ନିଲମ୍ବନ କିମ୍ବା ବହିଷ୍କାର କରିପାରୁନି ବିଜେଡି।

ବିଜେଡିର ଇତିହାସ କହୁଛି ନେତାଙ୍କ ବିରୁଦ୍ଧରେ ସାମାନ୍ୟ ଅଭିଯୋଗ ଆସିଲେ ଦଳ ବାହାରର ରାସ୍ତା ଦେଖାଉଥିଲେ ନବୀନ । ନେତା ଯେତେ କ୍ଷମତାଶାଳୀ ଏବଂ ଉପକାରି ହୋଇଥିଲେ ବି କଠୋର ଆଭିମୁଖ୍ୟ ରଖୁଥିଲା ବିଜେଡି । ଦୁର୍ନୀତି ତ ଦୂରର କଥା ଛାୟା ଦୁର୍ନୀତିରେ ବି କଠୋର ହେଉଥିଲେ ନବୀନ । 2002ରେ ନଳିନୀ ମହାନ୍ତି, କମଳା ଦାସ ଏବଂ ପ୍ରଶାନ୍ତ ନନ୍ଦଙ୍କୁ ଦଳ ବାହାରର ରାସ୍ତା ଦେଖାଇଥିଲେ ନବୀନ ପଟ୍ଟନାୟକ । ମନ୍ତ୍ରୀମଣ୍ଡଳରୁ ବହିଷ୍କାର ବି କରିଥିଲେ । ସେହିପରି ନବୀନଙ୍କ ଏକାନ୍ତ ଅନୁଗତ ଥିବା ରାଜନୈତିକ ପରାମର୍ଶଦାଦା ପ୍ୟାରି ମହାପାତ୍ରଙ୍କୁ ମଧ୍ୟ ଦଳ ବିରୋଧୀ ଅଭିଯୋଗରେ ବହିସ୍କାର କରିଛନ୍ତି ।  ଦିନ ଥିଲା ନେତାଙ୍କ ବିରୋଧରେ ସାମାନ୍ୟ ଅଭିଯୋଗ ଆସିଲେ, ପାର୍ଟି ତୁରନ୍ତ କାର୍ଯ୍ୟନୁଷ୍ଠାନ ନେଇଥିଲା । କିନ୍ତୁ କ୍ଷମତାରୁ ହଟିବା ପରେ ବିଜେଡିରେ ଆଉ ଏମିତି ହଉନି । ଗତ ୮ ମାସରେ ବିଜେଡିର ୪ ଟାଣୁଆ ନେତା ଗିରଫ ହୋଇଛନ୍ତି । ମାତ୍ର କେବଳ ଅମରେଶ ଜେନା ଓରଫ ବାଇଁଆଙ୍କୁ ଛାଡ଼ିଦେଲେ ବାକି ୩ଜଣଙ୍କ ବିରୋଧରେ କୌଣସି କାର୍ଯ୍ୟନୁଷ୍ଠାନ ଗ୍ରହଣ କରିନି ବିଜେଡି ।

ମାର୍ଚ୍ଚ 13ରେ ବିଜେଡିର ଯୁବ ନେତା ରାଜା ଚକ୍ରଙ୍କୁ ଗିରଫ କରିଛି କ୍ରାଇମବ୍ରାଞ୍ଚ। ସେପ୍ଟେମ୍ବର 20ରେ ନିମାପଡ଼ାର ବିଜେଡି ବିଧାୟକ ପ୍ରାର୍ଥୀ ଦୀଲିପ ନାୟକଙ୍କୁ ଗିରଫ କରିଥିଲା EOW । ପାଖାପାଖି 13 କୋଟି ଟଙ୍କାର ଠକେଇ ମାମଲାରେ ଜେଲ୍ ଯାଇଥିଲେ ବି କୌଣସି ପଦକ୍ଷେପ ନେଇ ନଥିଲା ବିଜେଡି । ନିଲମ୍ବନ କିମ୍ବା ବହିଷ୍କାର ହୋଇନଥିଲେ ବିଜେଡି ନେତା। ଓଲଟା ପଲିଟିକାଲ ଇଣ୍ଟେନସନ୍ ରଖି  ଆରେଷ୍ଟ କରାଯାଇଛି ବୋଲି କହିଥିଲେ । ସେହିପରି ଆଇନଜାଦୀ ପୀତବାସ ପଣ୍ଡା ହତ୍ୟା ମାମଲାରେ ବିଜେଡିର ପୂର୍ବତନ ବିଧାୟକ ତଥା ଗଞ୍ଜାମ ଜିଲ୍ଲା ସଭାପତି ବିକ୍ରମ ପଣ୍ଡାଙ୍କ ଗିରଫଦାରି ପରେ ଦଳରୁ ବାହାର କରିବା ପରିବର୍ତ୍ତେ ତାଙ୍କ ସପକ୍ଷରେ ବିଜେଡି ଯୁକ୍ତି ବାଢୁଛି। ଯଦିଓ ନବୀନ ପଟ୍ଟନାୟକ ଏନେଇ କୌଣସି ପ୍ରତିକ୍ରିୟା ଦେଇ ନାହାନ୍ତି ବିଜେଡିର ବରିଷ୍ଠ ନେତା ପ୍ରେସମିଟ କରି ବିକ୍ରମଙ୍କ ସପକ୍ଷରେ କହୁଛନ୍ତି । ନାବାଳିକାଙ୍କୁ ଯୌନ ନିର୍ଯାତନା ମାମଲାରେ ଗିରଫ ହୋଇଥିବା (ବିଏମ୍‌ସି)ର କର୍ପୋରେଟର ଅମରେଶ ଜେନାଙ୍କୁ ଦଳରୁ ବିଦା କରିଥିବା ବେଳେ ରାଜା ଚକ୍ର, ବିକ୍ରମ ପଣ୍ଡା ଏବଂ ଦିଲିପ ନାୟକଙ୍କୁ ଅଣ୍ଟିରେ ପୁରାଇଛି ବିଜେଡି । କ୍ଷମତାରୁ ହଟିଲା ପରେ ନବୀନଙ୍କ ଆଭିମୁଖ୍ୟ ବଦଳିଯାଇଥିବା ଚର୍ଚ୍ଚା ।

ନୂଆପଡ଼ା ପଲିଟିକ୍ସ, ୨୪ ଘଣ୍ଟାରେ ୩ ଥର ଦଳ ପରିବର୍ତ୍ତନ

0 Comments read News, Politics

ଦୁଇ ଦିନରେ 3 ଥର ପାର୍ଟି ଚେଞ୍ଜ । ସକାଳେ କଂଗ୍ରେସ, ସନ୍ଧ୍ୟାରେ ବିଜେଡି ଛାଡ଼ି ପରଦିନ ପଦ୍ମଧରି ଚର୍ଚ୍ଚାରେ । ନୂଆପଡ଼ା ରାଜନୀତିରେ ଦିନକୁଦିନ ଘଟଣା ନୂଆ ମୋଡ଼ ନେଉଛି । କେତେବେଳେ ବିଜେଡି ଭାବିଥିବା ପ୍ରାର୍ଥୀଙ୍କୁ ବିଜେପି ନେଇଯାଉଛି ତ ପୁଣି କେତେବେଳେ ଜିଲ୍ଲା ବାହାରକୁ ଯାଇ ଜଣେ ହାରୁ ନେତ୍ରୀଙ୍କୁ ପ୍ରାର୍ଥୀ ଦେଇଛି ବିଜେଡି । ତେବେ ୟାରି ଭିତରେ ନୂଆପଡ଼ାର ଚର୍ଚ୍ଚାକୁ ଅଧିକ ସରଗରମ କରିଛନ୍ତି ଜଣେ ନିଆରା ବ୍ୟକ୍ତି । 2 ଦିନରେ କରିଛନ୍ତି ତିନିଥର ପାର୍ଟି ଚେଞ୍ଜ । ବିଜେଡି, କଂଗ୍ରେସ ଏବଂ ବିଜେପିରେ ମିଶିବାକୁ ତାଙ୍କୁ ବେଶୀ ସମୟ ଲାଗିନି । ଅକ୍ଟୋବର 9 ତାରିଖ ସକାଳେ କଂଗ୍ରେସର ହାତ ଧରି ସନ୍ଧ୍ୟାକୁ ଶଙ୍ଖ ଫୁଙ୍କିଥିବା ଏହି ବ୍ୟକ୍ତିଜଣଙ୍କ ରାତି ପାହିଲା ମାତ୍ରେ ବିଜେପିରେ ଯୋଗ ଦେଇ ଚର୍ଚ୍ଚାରେ ଅଛନ୍ତି । ତେବେ ଏ  ବ୍ୟକ୍ତି ଜଣଙ୍କ କୌଣସି ସାଧାରଣ ଲୋକ ନହନ୍ତି ବରଂ ଦିବଂଗତ ବିଧାୟକ ରାଜେନ୍ଦ୍ର ଢୋଲକିଆଙ୍କ ପର୍ସନାଲ ଆସିଷ୍ଟାଣ୍ଡ ରାମଲାଲ ହଂସ । ନୂଆପଡ଼ାର ରାମଲାଲଙ୍କ ଦିନକୁ ଦିନ ନୂଆ ଇନିଂସ ପଲିଟିକାଲ କ୍ରିକେଟ ଗ୍ରାଉଣ୍ଡରେ ଚର୍ଚ୍ଚାର କାରଣ । ଦୁଇଦିନରେ ତିନିଟା ପାର୍ଟି ଚେଞ୍ଜ କରିଛନ୍ତି ରାମଲାଲ ।

ରାଜୁଙ୍କ ରାଇଟ ହ୍ୟାଣ୍ଡ- ରାମଲାଲ
ନୂଆପଡ଼ାର ରାମଲାଲ ହଂସ ହେଉଛନ୍ତି ଉତ୍କଳ ଯାଦବ ସମାଜର ରାଜ୍ୟ ସାଧାରଣ ସମ୍ପାଦକ । ଏଥିସହିତ ରାଜୁ ଢୋଲକିଆଙ୍କ ଖାସ୍ ଲୋକ ହିସାବରେ ତାଙ୍କର ସ୍ୱତନ୍ତ୍ର ଭୋଟ ବ୍ୟାଙ୍କ ରହିଛି । ରାଜୁ ଢୋଲକିଆଙ୍କ ରିପ୍ରେଜେଣ୍ଟେଟିଭ୍ ଭାବେ ସେ ତାଙ୍କର ଅନୁପସ୍ଥିତିରେ ବିଭିନ୍ନ ପ୍ରୋଗ୍ରାମ , ଫଙ୍କସନ୍ ଆଟେଣ୍ଡ କରନ୍ତି ରାମଲାଲ । ରାଜୁ ଢୋଲକିଆଙ୍କ ଅନୁପସ୍ଥିତିରେ ଲୋକ ରାମଲାଲଙ୍କ ସହ ଯୋଗାଯୋଗ କରି କାମ କରାଇ ନିଅନ୍ତି । ରାଜୁଙ୍କ ରାଇଟ୍ ହ୍ୟାଣ୍ଡ କୁହାଯାଉଥିବା ରାମଲାଲ ଅନେକ ଲୋକଙ୍କ ସହ ସମ୍ପର୍କରେ ମଧ୍ୟ ଅଛନ୍ତି । ସେ ଦୃଷ୍ଟିରୁ ରାମଲାଲଙ୍କ ଯୋଗଦାନ ପାର୍ଟିକୁ ଭଲ ପ୍ରଫିଟ ଦେବ ବୋଲି ଅନୁମାନ କରାଯାଉଛି । ମାତ୍ର ରାମଲାଲ ଯେଉଁଭଳି ଭାବରେ , ପଲିଟିକାଲ ପାର୍ଟିକୁ ଚକମା ଦେଇ ଗୋଟାଏ ପରେ ଗୋଟାଏ ପାର୍ଟି ଚେଞ୍ଜ କରିଛନ୍ତି ଭୋଟ ସମୟରେ ସେ କାହା ପାଖରେ ରହିବେ ତାର ଅନୁମାନ କରାଯାଇପାରୁନାହିଁ ।

ତେବେ ଢୋଲକିଆ ପରିବାର ସହ ବ୍ୟକ୍ତିଗତ ସମ୍ପର୍କ ଥିବା ରାମଲାଳଲଙ୍କ ପାର୍ଟି ଚେଞ୍ଜ ପ୍ଲାନ୍ ଆଉ ବିଜେଡି କଂଗ୍ରେସର ପଲିଟିକାଲ ଏଜେଣ୍ଡା ଜାଣିବା ପାଇଁ ନଥିଲା ତ? ହୁଏତ ରାମଲାଲଙ୍କ ଏ ମାଷ୍ଟର ପ୍ଲାନ୍ ବିଜେପିକୁ ପ୍ରଫିଟ୍ ଦେବାକୁ ହୋଇଥାଇପାରେ । ବିଜେଡି କଂଗ୍ରେସ ଛାଡ଼ି ବିଜେପିରେ ଜଏନ୍ କରିଥିବା ରାମଲାଲଙ୍କ ଏ ଟ୍ରିକ୍ ବିଜେପିକୁ କେତେ ଫାଇଦା ଦେଉଛି ତାହା ଦେଖିବା ବାକି ।

ଜୟଙ୍କୁ BJP ଟିକେଟ, ପାୱାର ରେସରେ ପଛରେ ରହିବେ କି ପଣ୍ଡା ଫ୍ୟାମିଲି

0 Comments read News, Politics
Jay Dholakia Secures BJP Ticket, Uncertainty Looms Over Abhinandan Panda's Political Future

ନୂଆପଡ଼ା ଉପନିର୍ବାଚନ ପାଇଁ BJPର ପ୍ରାର୍ଥୀ ଘୋଷଣା ସରିଛି । ଜୟ ଢୋଲକିଆଙ୍କୁ  BJP ଟିକେଟ ଦେଇଛି । ୧୬ ତାରିଖରେ ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ  ଜୟ ଢୋଲକିଆ ନାମାଙ୍କନ ଦାଖଲ କରିବେ । ଜୟଙ୍କ ପାଇଁ ମାରାଥନ ପ୍ରଚାର କରିବେ ମୁଖ୍ୟମନ୍ତ୍ରୀ । ବିଜେପିରୁ ଜୟ, କଂଗ୍ରେସରୁ ଘାସିରାମ ମାଝୀ ପ୍ରାର୍ଥୀ ହୋଇଥିଲା ବେଳେ ବିଜେଡିର ପ୍ରାର୍ଥୀ ଗଣିତ ଛିଡ଼ୁନି । ତେବେ ଗତ ନିର୍ବାଚନରେ ବିଜେପି ଟିକେଟରୁ ଲଢିଥିବା ଅଭିନନ୍ଦନ ପଣ୍ଡାଙ୍କ ରାଜନୈତିକ ଭବିଷ୍ୟତ କଣ ହେବ ତାକୁ ନେଇ ରାଜ୍ୟ ରାଜନୀତିରେ ଚର୍ଚ୍ଚା ।

ସବୁ ଚର୍ଚ୍ଚାର ଅନ୍ତ ଘଟାଇ ଜୟ ଢୋଲକିଆଙ୍କୁ ପ୍ରାର୍ଥୀ କରିଛି ବିଜେପି। ସେପ୍ଟେମ୍ବର 8 ତାରିଖରେ ରାଜେନ୍ଦ୍ର ଢୋଲକିଆଙ୍କ ଦେହାନ୍ତ ପରେ ନୂଆପଡ଼ା ଆସନ ଖାଲି ପଡ଼ିଛି । ନଭେମ୍ବର 11 ତାରିଖରେ ଏ ସିଟ୍ ପାଇଁ ଉପନିର୍ବାଚନ ହେବ । ରାଜୁ ଢୋଲକିଆ ବିଜୁ ଜନତା ଦଳରୁ ବିଧାୟକ ଥିଲେ, ତାଙ୍କର ଦେହାନ୍ତ ପରେ ପୁଅ ଜୟ ଢୋଲକିଆଙ୍କୁ ଅସ୍ତ୍ର କରି ନିର୍ବାଚନ ପାର ହେବାର ସ୍ୱପ୍ନ ଦେଖିଥିଲା ବିଜେଡି । ମାତ୍ର ଅକ୍ଟୋବର ୧୧ ତାରିଖରେ ନୂଆପଡ଼ା ରାଜନୀତିରେ ଏକ ବଡ଼ ହଟଚମଟ ଦେଖିବାକୁ ମିଳିଥିଲା। ନୂଆପଡ଼ା ଉପନିର୍ବାଚନରେ ବିଜେଡିରୁ ପ୍ରାର୍ଥୀ ହେବାକୁ ଆଶା ବାନ୍ଧି ପ୍ରଚାର କରୁଥିବା ସ୍ବର୍ଗତ ରାଜେନ୍ଦ୍ର ଢୋଲକିଆଙ୍କ ପୁଅ ଜୟ ‌ଢୋଲକିଆ ସମସ୍ତଙ୍କୁ ଆଶ୍ଚର୍ଯ୍ୟ କରି ବିଜେପିରେ ଯୋଗ ଦେଇଥିଲେ। ନୂଆପଡ଼ା ଉପନିର୍ବାଚନରେ ଜୟଙ୍କୁ ପ୍ରାର୍ଥୀ କରିବାକୁ ବିଜେଡି ଏକପ୍ରକାର ନିଶ୍ଚିତ କରିଥିଲା ଓ କେବଳ ଘୋଷଣା ବାକି ଥିଲା। କିନ୍ତୁ ଜୟ ଶଙ୍ଖ ଶିବିର ଛାଡ଼ି ପଦ୍ମ ଧରିଥିଲେ। ବିଜେପିରେ ସେ ମିଶିବା ଦିନଠୁ ହିଁ ତାଙ୍କୁ ଟିକେଟ ମିଳିବା ନେଇ ଅନୁମାନ କରାଯାଉଥିଲା । ଯାହା ସତରେ ପରିଣତ ହୋଇଛି । ବସନ୍ତ ପଣ୍ଡାଙ୍କ ମାନଭଞ୍ଜନ କରିବାରେ ସଫଳ ହୋଇଛି ବିଜେପି। ସେ ସିଟରୁ 2024 ନିର୍ବାଚନରେ ବସନ୍ତଙ୍କ ପୁଅ ଅଭିନନ୍ଦନ ପଣ୍ଡା ପ୍ରତିଦ୍ୱନ୍ଦିତା କରିଥିଲା ବେଳେ ଉପନିର୍ବାଚନରେ ବିଜେପି ଟିକେଟରୁ ଲଢିବେ ଦିବଂଗତ ବିଜେଡି ବିଧାୟକ ରାଜୁ ଢୋଲକିଆଙ୍କ ପୁଅ ଜୟ ଢୋଲକିଆ।

ନୂଆପଡ଼ାରେ ପ୍ରାର୍ଥୀ ଘୋଷଣାରେ ସବୁଠୁ ଆଗରେ ରହିଛି କଂଗ୍ରେସ। 2024 ନିର୍ବାଚନରେ ସ୍ୱାଧୀନ ଭାବେ ଲଢି ଦୁଇ ନମ୍ବରରେ ଥିବା  ଘାସିରାମ ମାଝୀଙ୍କୁ ପ୍ରାର୍ଥୀ କରିଛି କଂଗ୍ରେସ । ନୂଆପଡ଼ାର 2024 ଇଲେକ୍ସନ୍ ରେଜଲ୍ଟ ଅନୁସାରେ ଦିବଂଗତ ବିଧାୟକ ରାଜେନ୍ଦ୍ର ଢୋଲକିଆଙ୍କୁ 61,822 ଭୋଟ୍ ମିଳିଥିଲା ବେଳେ ସ୍ୱାଧୀନ ପ୍ରାର୍ଥୀ ଘାସିରାମଙ୍କୁ 50,941 ଭୋଟ୍ ମିଳିଥିଲା । ବିଜେପି ପ୍ରାର୍ଥୀ ଅଭିନନ୍ଦନ ପଣ୍ଡାଙ୍କୁ 44,814 ଭୋଟ୍ ମିଳିଥିଲା ବେଳେ କଂଗ୍ରେସ ପ୍ରାର୍ଥୀ ଶରତ ପଟ୍ଟନାୟକ 15,501  ଭୋଟରେ ସୀମିତ ଥିଲେ । ସ୍ୱାଧିନ ପ୍ରାର୍ଥୀ ଭାବେ ଘାଷୀରାମ 50 ହଜାରରୁ ଅଧିକ ଭୋଟ୍ ହାତେଇଥିଲା ବେଳେ କଂଗ୍ରେସର ସମର୍ଥନ ତାଙ୍କର ଭୋଟ୍ ବଢେଇପାରେ  । ଅନ୍ୟ ପାର୍ଶ୍ୱରେ ଢୋଲକିଆଙ୍କ ଫ୍ୟାମିଲି ଭୋଟ୍ ସାଙ୍ଗକୁ ସିମ୍ପାଥୀ ଭୋଟ ହାତେଇବେ ଜୟ ଢୋଲକିଆ । ବିଜେପି ସରକାରରେ ଥିବା ହେତୁ ଗତ ନିର୍ବାଚନ ଅପେକ୍ଷା ଏଥର ଭୋଟ୍ ବଢିବାର ସମ୍ଭାବନା ବେଶୀ  । ତେବେ ଏ ପରିସ୍ଥିତିରେ ବିଜେଡି ପ୍ରାର୍ଥୀ ଅଙ୍କ ଛିଡ଼ୁ ନଥିଲା ବେଳେ ନୂଆପଡ଼ା ସିଟ୍ କିଏ ହାତେଇବ ତାକୁ ନେଇ ଚର୍ଚ୍ଚା । ଯଦିବା ସେଠି ବିଜେପି ଜିତୁଛି ତେବେ ବସନ୍ତ ପଣ୍ଡାଙ୍କ ପୁଅ ଅଭିନନ୍ଦନ ପଣ୍ଡାଙ୍କ ପଲିଟିକାଲ କ୍ୟାରିୟର କେଉଁ ମୋଡ଼ ନେବ ତାହା ଏବେ ବସନ୍ତ ପଣ୍ଡାଙ୍କ ପାଇଁ ମୁଣ୍ଡବିନ୍ଧାର କାରଣ ହୋଇପାରେ। ନୂଆପଡ଼ାରେ ବିଜେପିର ମଙ୍ଗ ଧରିଥିବା ପଣ୍ଡା ପରିବାର ଢୋଲକିଆ ଫ୍ୟାମିଲିଙ୍କ ଆଗରେ ପାୱାର ରେସରେ ପଛରେ ରହି ଯିବେନି ତ?