ବିପଦରେ ହ୍ୱାଟ୍ସପ୍ ୟୁଜର୍ସ। ଲିକ୍ ହୋଇପାରେ ଡାଟା। ଭାଇରାଲ୍ ହୋଇପାରେ ପ୍ରୋଫାଇଲ୍ ଫଟ, ଷ୍ଟାଟସ। କେବଳ କଣ୍ଟାକ୍ଟ ଭିତରେ ସୀମିତ ନ ରହି ଭାଇରାଲ୍ ହୋଇପାରେ ଡିଟେଲ୍ସ।ହ୍ୱାଟ୍ସପର ଅପବ୍ୟବହାରକୁ ନେଇ ଚିନ୍ତାରେ ୟୁଜର୍ସ। ହ୍ୱାଟ୍ସପକୁ ନେଇ ବଡ଼ ସମସ୍ୟା ସୃଷ୍ଟି ହୋଇଛି।ଦୈନନ୍ଦିନ ଜୀବନରେ ହ୍ୱାଟ୍ସପ ନିହାତି ଆବଶ୍ୟକ ହେଇପଡ଼ିଥଇଲା ବେଳେ ଏଥିରେ ଡାଟା ଲିକ୍ ହେବାର ସମ୍ଭାବନା ଧିରେ ଧିରେ ବଢିବାରେ ଲାଗିଛି। ବ୍ୟକ୍ତିଗତ ବାର୍ତ୍ତାଳାପ ପାଇଁ ଆମେ ହ୍ୱାଟ୍ସପ ବ୍ୟବହାର କରୁଥିଲା ବେଳେ ବର୍ତ୍ତମାନ ଏହାର ନିରାପତ୍ତାକୁ ନେଇ ବଡ଼ ପ୍ରଶ୍ନବାଚୀ ସୃଷ୍ଟି ହେଉଛି। ଏକ ରିପୋର୍ଟରୁ ଜଣାପଡ଼ିଛି ଯେ, ୩୫୦ କୋଟି କ୍ୱାଟ୍ସଆପ୍ ୟୁଜରଙ୍କ ଡାଟା ବର୍ତ୍ତମାନ ବିପଦରେ। ସିକ୍ୟୁରୁଟିରେ ଅନିଶ୍ଚିନ୍ତତା କାରଣରୁ ୟୁଜରଙ୍କ ପ୍ରୋଫାଇଲ ଫୋଟୋ, ଷ୍ଟାଟସ୍ ସହିତ ଏବାଉଟ୍ ସେକ୍ସନ୍ର ଡିଟେଲ୍ସ ଲିକ୍ ହୋଇପାରେ। ଭିଏନା ୟୁନିଭର୍ସିଟିର ଗବେଷକମାନେ ଏହି ସାଙ୍ଘାତିକ ସତ ପଦାକୁ ଆଣିଛନ୍ତି।
ସେମାନଙ୍କ କହିବା ମୁତାବକ ହ୍ୟାକର୍ ଚାହିଁଲେ ଯେକୌଣସି ନମ୍ବରକୁ ଚେକ୍ କରି ଏହା ଆକ୍ଟିଭ ଅଛି କି ନାହିଁ ଜାଣିପାରିବା ସହ ଏହାପରେ ପ୍ରେଫାଇଲ ପିକ୍ଚର, ଷ୍ଟାଟସ୍ ଏବଂ ଆବାଉଟ୍ ସେକ୍ସନ ବିବରଣୀ ସହଜରେ ବାହାର କରିପାରିବେ। କେବଳ ଡାଟା ଜାଣିବେ ତାହା ନୁହେଁ, ଅପବ୍ୟବହାର ମଧ୍ୟ କରିପାରିବେ। ଏ ସବୁ ସମସ୍ୟ ସମସ୍ୟା ହ୍ଵାଟ୍ସ ଆପ୍ର କଣ୍ଟାକ୍ଟ ଡିସ୍ କଭରୀ ଫିଚର୍ରେ ରହିଛି। ୟୁଜରଙ୍କ ଫୋନ୍ ଆଡ୍ରେସ ବୁକ୍କୁ ସିଙ୍କ୍ କରି ଲୋକଙ୍କୁ ଖୋଜିବା ସହଜ ହେବ, ସେଥିପାଇଁ ଏହି ଫିଚରକୁ ପ୍ରସ୍ତୁତ କରଯାଇଥିଲା। କିନ୍ତୁ ଅଜାଣତରେ ଏହା ୟୁଜର ଡାଟାକୁ ଲିକ୍ କରିବାରେ ବି ସହାୟକ ହେଉଛି ।ଭିଏନା ବିଶ୍ବବିଦ୍ୟାଳୟର ଗବେଷକମାନେ ଲିଲ୍ପୋନ୍ଜେନ୍ ୟୁଜ୍ କରି ୨୪୫ ଦେଶର ରିୟଲିଷ୍ଟିକ୍ ଫୋନ୍ ନମ୍ବର ଜେନେରେଟ୍ କରିଛନ୍ତି। ଆଉ ୩୫୦ କୋଟି ୟୁଜରଙ୍କ ମଧ୍ୟରୁ ଭାରତରେ ସର୍ବାଧିକ ୟୁଜର୍ସ ଅଛନ୍ତି । ଯାହାଙ୍କ ସଂଖ୍ୟା ପାଖାପାଖି 75 କୋଟି ।ତେବେ ଏଥିରୁ ରକ୍ଷା ପାଇବା ପାଇଁ ୟୁଜରମାନେ ପ୍ରୋଫାଇଲ୍କୁ ପ୍ରାଇଭେଟ୍ ସେଟ୍ କରିପାରିବେ। ଆବାଉଟ୍ରେ ବ୍ୟକ୍ତିଗତ ବିବରଣୀ ନ ଦେଇ ଷ୍ଟାଟସ୍ ସେୟାରିଂକୁ ଲିମିଟ୍ କଲେ ସମସ୍ୟା କମିପାରେ ।
