ଚାକିରି କ୍ଷେତ୍ରରେ ବଡ଼ ବିପଦ ସୃଷ୍ଟି ହେଉଛି । ୧୨ ହଜାର କର୍ମଚାରୀ ଚାକିରି ହରାଇବେ । AI ପାଇଁ ବିପଦରେ କର୍ମଚାରୀଙ୍କ ଚାକିରି । TCSରେ ଚାକିରୀ କରୁଥିବା କର୍ମଚାରୀଙ୍କ କ୍ଷେତ୍ରରେ ଏମିତି ହେବାକୁ ଯାଉଛି । ଚାକିରି କ୍ଷେତ୍ରରେ ବଡ଼ ବିପଦ ଆସୁଥିବା କୁହାଯାଉଛି । ଟିସିଏସ୍ରେ 12 ହଜାର କର୍ମଚାରୀଙ୍କ ଛଟେଇ ନିଷ୍ପତ୍ତି ହୋଇଥିବା କୁହାଯାଉଛି । ଯଦିଓ ଏନେଇ କମ୍ପାନି ପକ୍ଷରୁ କୌଣସି ସ୍ପଷ୍ଟ ସୂଚନା ମିଳିନାହିଁ ମାତ୍ର ଜାତୀୟ ଗଣମାଧ୍ୟମରେ ଏନେଇ ଚର୍ଚ୍ଚା ଚାଲିଛି । ଭାରତର ସର୍ବବୃହତ ସୂଚନା ପ୍ରଯୁକ୍ତିବିଦ୍ୟା ସେବା ପ୍ରଦାନକାରୀ ସଂସ୍ଥା ଟାଟା କନ୍ସଲ୍ଟାନ୍ସ ସର୍ଭିସେସ୍ ବା ଟିସିଏସ୍ ଏକ ବଡ଼ ଧରଣର ଛଟେଇ ଯୋଜନା ଘୋଷଣା କରିଥିବା କୁହାଯାଉଛି । କମ୍ପାନି ୨୦୨୬ ମଧ୍ୟରେ ନିଜର ପ୍ରାୟ ୨ ପ୍ରତିଶତ କର୍ମଚାରୀଙ୍କୁ ଛଟେଇ କରିବ, ଯାହାଫଳରେ ୧୨,୦୦୦ରୁ ଅଧିକ କର୍ମଚାରୀ ପ୍ରଭାବିତ ହେବାର ସମ୍ଭାବନା ରହିଛି ।
ଦେଶରେ ଅନେକ ଲୋକ ଏହି କମ୍ପାନି ଉପରେ ନିର୍ଭର କରନ୍ତି । ଭଲ ଦରମା ସାଙ୍ଗକୁ ଅନେକ ଯୋଜନା ମିଳୁଥିବାରୁ କମ୍ପାନିରେ ଚାକିରି କରିବା ପାଇଁ ଅନେକ ଆଶାୟୀ ଥାଆନ୍ତି । ମାତ୍ର କମ୍ପାନି ଏବେ ଯେଉଁ ନିଷ୍ପତ୍ତି ନେଇଛି ତାହାକୁ ନେଇ ଚର୍ଚ୍ଚା ଜୋର ଧରିଛି । ଟିସିଏସ୍ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ କେ. କୃତିବାସନଙ୍କ ଅନୁଯାୟୀ, ବଦଳୁଥିବା ପ୍ରଯୁକ୍ତିବିଦ୍ୟା, ବିଶେଷକରି AI ର ବ୍ୟାପକ ପ୍ରୟୋଗ ଏବଂ କାର୍ଯ୍ୟଶୈଳୀରେ ପରିବର୍ତ୍ତନକୁ ଦୃଷ୍ଟିରେ ରଖି
IT Industryକମ୍ପାନି ଏହି ନିଷ୍ପତ୍ତି ନେଇଛି । ତେବେ ଯେଉଁ କର୍ମଚାରୀମାନେ ପ୍ରଭାବିତ ହେବେ ସେମାନଙ୍କୁ ସବୁ ପ୍ରକାର ସହାୟତା ମିଳିବ ବୋଲି କମ୍ପାନି ପ୍ରତିଶ୍ରୁତି ଦେଇଛି । ଏହି ସହାୟତା ପ୍ୟାକେଜରେ ଛଟେଇ ପ୍ୟାକେଜ୍, ନୋଟିସ୍ ଅବଧି ପାଇଁ ସମ୍ପୂର୍ଣ୍ଣ ଦରମା, ବର୍ଦ୍ଧିତ ସ୍ୱାସ୍ଥ୍ୟବୀମା ଆଦିକୁ ଅନ୍ତର୍ଭୁକ୍ତ କରାଯିବ ।
