କମୁଛି ବିରାଟଙ୍କ କ୍ରେଜ୍।ଆଶାନୁରୁପକ ପରଫମାନ୍ସ ଦେଇ ପାରୁନାହାନ୍ତି କିଙ୍ଗ କୋହଲ। ବର୍ଡର ଗାଭାସ୍କର ଟ୍ରଫିକୁ ନେଇ କ୍ରିକେଟ ଲଭରଙ୍କ ମନରେ ବିରାଟ କୋହଲିଙ୍କୁ ନେଇ ଯୋଉ ଏକ୍ସପେକ୍ଟେସନ୍ ଥିଲା ତାହା ହାମ୍ପର ହେବାରେ ଲାଗିଛି। ଦର୍ଶକଙ୍କୁ ଖୁସି କରିବା ପରିବର୍ତ୍ତେ ନିରାଶ କରୁଛନ୍ତି କିଙ୍ଗ କୋହଲି। ସିଡ଼ନୀର ଗଣମାଧ୍ୟମରେ ବିରାଟଙ୍କୁ ନେଇ ଯୋଉ ଆକଳନ କରାଯାଇଥିଲା ତାହା ଭୁଲ୍ ପ୍ରମାଣିତ ହୋଇଛି।
ସିଡନୀରେ ବର୍ଡର ଗାଭାସ୍କର ଟ୍ରଫି ଶେଷ ମ୍ୟାଚ ରେ ବିରାଟ କୋହଲି ଫ୍ୟାନ୍ସଙ୍କୁ ନିରାଶ କରିଛି। ଖାସ୍ କରି ବିରାଟ କୋହଲିଙ୍କ ଫର୍ମ ଟିମ୍ ପାଇଁ ପାଲଟିଛି କାଳ। ବିରାଟଙ୍କ ଖରାପ ପ୍ରଦର୍ଶନ ସିଡ୍ନି ଟେଷ୍ଟରେ ମଧ୍ୟ ଦେଖିବାକୁ ମିଳିଛି । ସିଡନି ଟେଷ୍ଟର ପ୍ରଥମ ପାଳିରେ କୋହଲି ମାତ୍ର ୧୭ ରନ୍ ସ୍କୋର କରି ଆଉଟ୍ ହୋଇଥିଲେ।
ତେବେ କେବଳ ବର୍ଡର ଗାଭାସ୍କର ଟ୍ରଫି ନୁହେଁ,ବିଗତ ବର୍ଷ ମଧ୍ୟରେ ବିରାଟ କୋହଲିଙ୍କ ପ୍ରଦର୍ଶନ ଚିନ୍ତାର କାରଣ ପାଲଟିଛି।୨୦୨୪ରୁ ବର୍ତ୍ତମାନ ଯାଏଁ ସେ ପ୍ରଥମ ପାଳିରେ ୫ଟି ମ୍ୟାଚ୍ ଖେଳିଛନ୍ତି। ଯେଉଁଥିରେ ତାଙ୍କର ବ୍ୟାଟିଂ ଆଭରେଜ୍ ମାତ୍ର ୭.୦୦ ରହିଛି। ଏହି ଆକଳନ ଅନୁଯାୟୀ, ସେ ଟିମ୍ ଇଣ୍ଡିଆର ଷ୍ଟାର ବୋଲର ଜସପ୍ରୀତ ବୁମ୍ରାଙ୍କ ଠାରୁ ପଛରେ ରହିଛନ୍ତି।
ଭାରତର ସବୁଠାରୁ ବିଶ୍ୱସ୍ତ ବ୍ୟାଟର ଭାବେ ପରିଚିତ ବିରାଟ କୋହଲିଙ୍କର ଫର୍ମ କ୍ରମାଗତ ହ୍ରାସ ପାଇବାରେ ଲାଗିଛି।୨୦୨୪ ପରଠାରୁ ଜସପ୍ରୀତ ବୁମ୍ରାଙ୍କ ଆଭରେଜ୍ କୋହଲିଙ୍କଠାରୁ ଅଧିକ।ବୁମରା ପ୍ରଥମ ଇନିଂସରେ ୧୦.୦୦ ଆଭରେଜ୍ରେ ରନ୍ ସଂଗ୍ରହ କରିଛନ୍ତି। ଯାହା ତାଙ୍କୁ ଏହି ଲିଷ୍ଟରେ କୋହଲିଙ୍କଠାରୁ ଉପରେ ରଖିଛିବର୍ଡର ଗାଭାସ୍କର ଟ୍ରଫିରେ ଭାରତୀୟ ଟିମ୍ର ଅନୁଭବି ପ୍ଲେୟର କୋହଲି ଆଶାଠାରୁ ଅଧିକ ଖରାପ ପ୍ରଦର୍ଶନ କରୁଛନ୍ତି।ଅନ୍ୟପଟେ ଯୁବ ପ୍ଲେୟର ଅଷ୍ଟ୍ରେଲିଆକୁ କଡା ଟକ୍କର ଦେଉଛନ୍ତି।ଏହି ସିରିଜ୍ରେ ଭାରତ ପାଇଁ ସବୁଠାରୁ ଅଧିକ ରନ୍ କରିଥିବା ବ୍ୟାଟର ହୋଇଛନ୍ତି ଜଶସ୍ବୀ ଜୈଶ୍ବଓ୍ବାଲ୍।
ସେ ବର୍ତ୍ତମାନ ଯାଏଁ ୯ଟି ପାଳି ଖେଳି ୪୬.୧୨ ଆଭରେଜରେ ସବୁଠାରୁ ଅଧିକ ରନ୍ କରିଥିବା ପ୍ଲେୟର ହୋଇଛନ୍ତି। ନୀତିଶ ମଧ୍ୟ ୮ଟି ପାଳିରେ ୪୨ ଆଭରେଜ୍ରେ କରିଛନ୍ତି ୨୯୪ ରନ୍ । ମାତ୍ର ବିରାଟ ଆଶାନୁରୁପ ପରଫମାନ୍ସ ଦେଇ ପାରୁ ନଥିବାରୁ ବିରାଟଙ୍କ ଫ୍ୟାନ୍ସ ମଧ୍ୟରେ ନିରାଶପଣ ରହିଛି।
