- ଖେଳରେ ମନୋରଞ୍ଜନକୁ ପୁରୁଣା କ୍ୟାପ୍ଟେନଙ୍କ ବିରୋଧ
- ଲେଜର ଶୋ କୁ ନେଇ ପ୍ରଶ୍ନ ଉଠାଇଲେ ଫେମସ୍ କ୍ରିକେଟର
- ରିଟାୟାର୍ଡ କ୍ୟାପ୍ଟେନ୍ ରବି ଶାସ୍ତ୍ରୀ ଓ ସୁନୀଲ ଗାଭାସ୍କରଙ୍କ ଅସନ୍ତୋଷ
- ଖେଳରେ ଏଣ୍ଟରଟେନମେଣ୍ଟକୁ ବିରୋଧ
ୱାର୍ଲ୍ଡକପ୍ ଭଳି ସିରିୟସ୍ ମ୍ୟାଚରେ ଏଣ୍ଟରଟେନମେଣ୍ଟର ଆବଶ୍ୟକତାକୁ ନେଇ ପ୍ରଶ୍ନ ଉଠାଇଛନ୍ତି ଇଣ୍ଡିଆ ଟିମର ପୂର୍ବତନ କ୍ୟାପ୍ଟେନ୍। ରବି ଶାସ୍ତ୍ରୀ ଓ ସୁନୀଲ ଗାଭାସ୍କର ମିଳିତ ଭାବେ ଲେଜର ଶୋ କୁ ବିରୋଧ କରୁଛନ୍ତି । ସିରିୟସ୍ ଖେଳରେ ଏପରି ଖାମଖିଆଲି ପ୍ଲେୟରର୍ସଙ୍କ କନସନଟ୍ରେସନରେ ବାଧା ସୃଷ୍ଟି କରିପାରେ ବୋଲି ମତ ରଖିଛନ୍ତି। ଯାହା ଖେଳ ମଝିରେ ଆଦୌ ହେବା କଥା ନୁହେଁ ବୋଲି ଉଭୟଙ୍କ ମତ ।
ମାର୍ଚ୍ଚ 1 ତାରିଖରେ ଇଡେନ୍ ଗାର୍ଡେନ୍ସରେ ଖେଳାଯାଇଥିବା ଭାରତ ଓ ୱେଷ୍ଟଇଣ୍ଡିଜ୍ ଟ୍ବେଣ୍ଟି-୨୦ ୱାର୍ଲ୍ଡକପର ସୁପର୍-8 ମ୍ୟାଚ୍ର ବ୍ରେକ୍ ବେଲେ ଲେଜର ସୋ’ କରାଯାଇଥିଲା। ଯାହାକୁ ନେଇ ଦୁଇ ପୂର୍ବତନ ଭାରତୀୟ ଅଧିନାୟକ ସୁନିଲ ଗାଭାସ୍କର ଓ ରବି ଶାସ୍ତ୍ରୀ ପ୍ରଶ୍ନ ଉଠାଇଛନ୍ତି।
ସେ ସମୟରେ ୧୯୬ ରନ୍ର ବିଜୟ ଲକ୍ଷରୁ ଭାରତ ପଛୁଆ ଥିଲା ବେଳେ ଲେଜର ଶୋ ଅନାବଶ୍ୟକ ଥିଲା ବୋଲି ଉଭୟ ମତ ରଖିଛନ୍ତି । କାରଣ ଏହି ୩ ମିନିଟ୍ର ବିରତି ବେଳେ ଷ୍ଟାଡିୟମ୍ର ଲାଇଟକୁ ବନ୍ଦ କରାଯାଇ ଲେଜର ଶୋ ହୋଇଥିଲା। ଯାହା ଫଳରେ ଏହି କିଛି ସମୟ ପୂରା ଷ୍ଟାଡିୟମ୍ ଅନ୍ଧକାର ହୋଇଯାଇଥିଲା। ଏପରି ହଠାତ ଲାଇଟ ଚେଞ୍ଜ ବ୍ୟାଟର୍ଙ୍କ ଧ୍ୟାନ ଓ ଦୃଷ୍ଟିରେ ବାଧା ଦେଇପାରେ ବୋଲି ଗାଭାସ୍କର ଓ ଶାସ୍ତ୍ରୀ ଚିନ୍ତା ପ୍ରକାଶ କରିବା ସହ ବିରୋଧ ମଧ୍ୟ କରିଛନ୍ତି । ଗାଭାସ୍କର କହିଛନ୍ତି, ‘‘ପାନୀୟ ବିରତି ବେଳେ ଅଢ଼େଇ କିମ୍ବା ତିନି ମିନିଟ୍ ଲେଜର୍ ଶୋ ବ୍ୟାଟର୍ କିମ୍ବା ଅନ୍ୟ କାହା ପାଇଁ ସହଜ ହୋଇ ନଥିବ। ଚାରିପାଖରେ ଅନ୍ଧାର କରିବା ପରେ ଲାଇଟ ପୁଣି ଥରେ ଜଳିବ। ଏଥିରେ ଅଭ୍ୟସ୍ତ ହେବା କଷ୍ଟକର କଥା। ଏଥି ସହିତ ୱାର୍ଲ୍ଡକପରେ ମନୋରଞ୍ଜନର ଆବଶ୍ୟକତା କଣ ବୋଲି ମଧ୍ୟ ପ୍ରଶ୍ନ କରିଛନ୍ତି । ସେହିଭଳି ରବୀ ଶାସ୍ତ୍ରୀ ମଧ୍ୟ ଏହାକୁ ବିରୋଧ କରିବା ସହ ଏମିତି କରି ଖେଳାଳୀଙ୍କ କନସନଟ୍ରୋସନ୍ ବ୍ରେକ୍ ନ କରିବାକୁ କହିଛନ୍ତି ।