ଓଡ଼ିଶାରେ ଗୋହତ୍ୟା ବନ୍ଦ ହେବ । ଗୋହତ୍ୟା ବନ୍ଦ କରିବାକୁ ସରକାରଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ରାଜ୍ୟରେ ଗୋହତ୍ୟା ହୋଇପାରିବନି। ଏଥର ଓଡ଼ିଶାରେ ଗୋହତ୍ୟା ବନ୍ଦ କରିବାକୁ ଅଣ୍ଟା ଭିଡିଛନ୍ତି ହାଇକେର୍ଟ । ଓଡ଼ିଶା ପ୍ରିଭେନସନ୍ ଅଫ୍ କାଓ ସ୍ଲଟର ଆକ୍ଟ ୧୯୬୦କୁ କଡ଼ାକଡ଼ି ପାଳନ କରିବାକୁ ରାଜ୍ୟ ସରକାରଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଜନସ୍ୱାର୍ଥ ମାମଲାର ଶୁଣାଣି କରି ହାଇକୋର୍ଟ ଏହି ନିର୍ଦ୍ଦେଶ ଦେଇଛନ୍ତି । 

ରାଜ୍ୟରେ ଗୋଚାଲାଣ ଓ ଗୋହତ୍ୟା ଭଳି ଅପରାଧ ଦିନକୁ ଦିନ ବଢ଼ୁଛି। ଗୋ ହତ୍ୟା ଏବଂ ଗୋ ଚାଲାଣ ଯୋଗୁଁ ଗାଇଙ୍କ ଜୀବନ ପ୍ରତି ବିପଦ ସୃଷ୍ଟି ହେଉଛି । ଆଇନ ଆଖିରେ ଧୂଳିଦେଇ ଗୋଚାଲାଣକାରୀ ନିର୍ଦ୍ୱନ୍ଦରେ ଗୋ ଚାଲାଣ କରୁଛନ୍ତି। ରାଜ୍ୟରୁ ପ୍ରତେକ ଦିନ ହଜାରହଜାର ଗାଇଙ୍କ ଚାଲାଣ ହେଉଛି। ପ୍ରତିଦିନ କେଉଁଠି ନା କେଉଁଠି ଗୋଚାଲାଣ ବେଳେ ଗାଡ଼ି ଧରାପଡ଼ିବାର ଖବର ଆସୁଛି। ଆଉ କେଉଁଠି ଗୋମାଂସ ଚୋରା ଚାଲାଣ ହେଉଛି ତ କେଉଁଠି ଗୋଚାଲାଣ। ପୋଲିସ ଅନେକ ସ୍ଥାନରେ ଜବତ କରୁଥିଲା ବେଳେ କିଛି କିଛି ଜାଗାରେ ବ୍ୟକ୍ତିଗତ ଫାଇଦା ପାଇଁ ସବୁ ଦେଖି ଅଣଦେଖା ମଧ୍ୟ ହେଉଛନ୍ତି । ପୂର୍ବରୁ ବିଜେଡି ସରକାରଠାରୁ ଆରମ୍ଭ କରି ବର୍ତ୍ତମାନର ବିଜେପି ସରକାର ପର୍ଯ୍ୟନ୍ତ ସମସ୍ତେ ଯେମିତି ଏଭଳି ଗୁରୁତ୍ତର ପ୍ରସଙ୍ଗକୁ କଡ଼ାକଡ଼ି ଭାବରେ ପ୍ରାଧାନ୍ୟ ଦେଇ ନାହାନ୍ତି । ଯେଉଁ,ଥିପାଇଁ ଗୋ ଚାଲାଣ ବନ୍ଦ ହେବା ପରିବର୍ତ୍ତେ ଦିନକୁଦିନ ବଢିବାରେ ଲାଗିଛି । ଯଦିଓ ଏହି ସବୁକୁ ରୋକିବା ପାଇଁ ଅନେକ ସମାଜସେବୀ ଏବଂ ସାଧାରଣ ଲୋକ ନିବେଦନ କରିଆସୁଛନ୍ତି , ସରକାର କିନ୍ତୁ  ଏହା ଉପରେ କୌଣସି ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ନେଇନାହାନ୍ତି । ତେବେ ଓଡ଼ିଶା ହାଇକୋର୍ଟ ଏ ପ୍ରସଙ୍ଗକୁ ଗୁରୁତ୍ତର ସହ ନେବା ସହିତ ଗୋଚାଲଶଣ ଓ ଗୋମାଂସ ଚାଲାଣ ରୋକିବାକୁ ନିର୍ଦ୍ଦେଶ ଦେଇଛନ୍ତି । ସରକାର ଯଦି ଓଡ଼ିଶା ପ୍ରିଭେନସନ୍ ଅଫ୍ କାଓ ସ୍ଲଟର ଆକ୍ଟ ୧୯୬୦କୁ  କଡ଼ାକଡ଼ି ପାଳନ କରିବେ ତେବେ ହୁଏତ ଓଡ଼ିଶାରେ ଗୋଚାଲାଣ ଓ ଗୋମାଂସ ଚାଲାଣ ବନ୍ଦ ହେବା ସହିତ ଗୋମାତା ସୁରକ୍ଷିତ ରହି ପାରନ୍ତେ ।