ରିଲ ଲାଇଫରୁ ଯୋଡ଼ି ହେଇଥିବା ସମ୍ପର୍କ ରିୟଲ ଲାଇଫରେ ଚର୍ଚ୍ଚା ହେଲା ପରେ ବି ନେତା ହବାର ମୋହ ପାଇଁ ନେଇଥିଲେ ବୋଲ୍ଡ ଷ୍ଟେପ୍ । ବଲିଉଡ଼ର ସୁପରଷ୍ଟାର ଭାବରେ ପରିଚିତ ବିଗ୍ ବଚ୍ଚନ ଅର୍ଥାତ ଅମିତାଭ ବଚ୍ଚନଙ୍କ ଜୀବନରେ ଏମିତି କିଛି ଘଟଣା ଘଟିଛି ଯେଉଁ ପରିସ୍ଥିତିରେ ପଡ଼ି ସେ ତାଙ୍କର କ୍ଲୋଜ୍ ରିଲେସନରୁ ବିଦାୟ ନେଇଛନ୍ତି। ସୁଟିଂ ସେଟରୁ ପ୍ରେମରେ ପଡ଼ିଥିବା ଅମିତାଭ ସେ ସମ୍ପର୍କରୁ ମୁହଁ ଫେରାଇଛନ୍ତି। ଏମିତି ଏକ କାହାଣୀ ଆରମ୍ଭ ହୋଇଥିଲା 1974ରେ। ରେଖାଙ୍କ ସହ ତାଙ୍କର ଫାଷ୍ଟ ଫିଲ୍ମ ‘ଦୁନିୟା କା ମେଲା’ରେ ଗୋଟାଏ ପରଦାରେ ଅଭିନୟ କରିବାକୁ ସାଇନ୍ କରିଥିଲେ ଅମିତାଭ। ମାତ୍ର କୌଣସି କାରଣରୁ ସ୍କ୍ରିନରେ ନଜର ଆସି ନଥିଲେ ଅମିତାଭ। 1976ରେ ଦୋ ଅଞ୍ଜାନୀ ଫିଲ୍ମରେ ଉଭୟଙ୍କ ଯୋଡ଼ି ବଲିଉଡ଼ରେ ନୂଆ କ୍ରେଜ୍ ଆଣିଥିଲା । ଏହାର ଠିକ୍ ଗୋଟାଏ ବର୍ଷ ପରେ 1977ରେ 2 ଟି ଫିଲ୍ମରେ ନଜର ଆସିଥିଲେ ଅମିତାଭ-ରେଖା। ଆଳାପ ଏବଂ ଖୁନ୍ ପସିନା ଫିଲ୍ମରେ ଉଭୟଙ୍କୁ ଚମତ୍କାର ଅଭିନୟ ଦର୍ଶକଙ୍କୁ ବେଶ୍ ଛୁଇଁଥିଲା। 1978 ରେ ଗଙ୍ଗା କି ସୌଗନ୍ଧ ସାଙ୍ଗକୁ ମକଦର କି ସିକନ୍ଦର ଫିଲ୍ମରେ ଉଭୟ କାଷ୍ଟ କରିଥିଲେ। ଭଳିଭଳି ଭାବରେ ଗୋଟାଏ ବର୍ଷରେ 2 ଟି ଲେଖାଁ ହିଟ୍ ଫିଲ୍ମ ଭେଟି ଦେଉଥିବା ଏ ଯୋଡ଼ି ଧିରେଧିରେ ରିଲ୍ ସେଟରୁ ବାହାରି ରିୟଲ ଲାଇଫର ମଳାମିଶାକୁ ନେଇ ମଧ୍ୟ ଚର୍ଚ୍ଚାରେ ଥିଲେ।

ମିଷ୍ଟର ନଟବର ଲାଲ୍, ରାମ ବଳରାମ୍ ଫିଲ୍ମ ପରେ ଚର୍ଚ୍ଚା ଧିରେଧିରେ ବଢିବାକୁ ଲାଗିଲା। ଉଭୟଙ୍କ ମିଳାମିଶାକୁ ନେଇ ଏତେ ଚର୍ଚ୍ଚା ଚାଲିଥିଲା ଯେ ବିବାହିତ ଅମିତାଭଙ୍କ ଜୀବନରେ ଏହାର ପ୍ରଭାବ ବି ଦେଖିବାକୁ ପଡ଼ିଲା । ଏମିତିକି ସେ ସମୟରେ ବାହା ହୋଇନଥିବା ରେଖା ଶଙ୍ଖା ସିନ୍ଦୂର ପିନ୍ଧି ବିଭିନ୍ନ ଫଙ୍କସନ୍ ଆଟେଣ୍ଡ କରିବା ଓ ଅମିତାଭଙ୍କ ସହ ସେଇ ବେଶରେ କମ୍ଫର୍ଟେବଲ କଥା ହେବା ଚର୍ଚ୍ଚାକୁ ଅଧିକ ଖୋକାକ୍ ଦେଇଥିଲା । ଇଣ୍ଡଷ୍ଟ୍ରୀ ଉପରେ ଏହାର ଖରାପ ପ୍ରଭାବକୁ ବିଚାର ନେଇ ଅମିତାଭଙ୍କ କ୍ୟାରିୟର ଦୃଷ୍ଟିରୁ ଏ ପ୍ରଚାରରେ ରୋକ୍ ଲଗାଇବାକୁ କରିଥିଲେ ମାଷ୍ଟରପ୍ଲାନ୍। 1981ରେ ସିଲସିଲା ମୁଭିରେ ଉଭୟ ରେଖା ଏବଂ ଜୟା ବଚ୍ଚନଙ୍କୁ ନେଇ ତିଆରି କରିଥିଲେ ଫିଲ୍ମ ସିଲସିଲା। ଯାହା କିଛି ମାତ୍ରାରେ ଅମିତାଭଙ୍କ ସହ ରେଖାଙ୍କ ସମ୍ପର୍କ ଆଲୋଚନାରେ ବ୍ରେକ୍ ଲଗାଇଥିଲା । ଆଉ ଏମିତିରେ ବି ରାଜନୀତି ଆଡ଼କୁ ଢଳୁଥିବା ଅମିତାଭ ନିଜର ପଲିଟିକାଲ କ୍ୟାରିୟର ଗଢିବା ପାଇଁ ଏ ପ୍ରକାରର କଣ୍ଟ୍ରୋଭର୍ସିରେ ପଶିବାକୁ ଚାହୁଁ ନଥିଲେ। ରେଖା ଓ ଅମିତାଭଙ୍କ ସମ୍ପର୍କ ରାଜନୀତିରେ ତାଙ୍କୁ ପଛକୁ ଟାଣି ନେଇପାରେ ବୋଲି ଆକଳନ କରି ରେଖାଙ୍କ ଠାରୁ ଦୂରେଇଥିଲେ ଅମିତାଭ। 1984ରେ କଂଗ୍ରେସରେ ଯୋଗ ଦେଇ ଆଲହାବାଦ୍ ସିଟରୁ ସାଂସଦ ହୋଇଥିବା ଅମିତାଭ ରେଖାଙ୍କ ସହ କୌଣସି ଫିଲ୍ମରେ ନଜର ଆସି ନଥିଲେ।