Posts tagged BJP

ନୂଆ ଦାୟିତ୍ୱରେ ଓଡ଼ିଶା MP ଖୁସି ତ!

0 Comments read News, Politics

BJP ରାଷ୍ଟ୍ରୀୟ ସଭାପତି ନିତିନ ନବୀନ ତାଙ୍କର ନୂଆ ଟିମ୍ ଘୋଷଣା କରିଛନ୍ତି । 20 ଜାନୁଆରୀ 2026ରେ ସେ ସଭାପତି ଭାବେ ଦାୟିତ୍ୱ ନେଇଥିଲେ ।କିନ୍ତୁ ନିଜର ଟିମ୍ ଗଠନ କରିବା ପାଇଁ ପ୍ରାୟ 7 ମାସ ନେଇଗଲେ  । ସାଧାରଣତଃ ମାସେରୁ ଦେଢ ମାସ ଭିତରେ ଟିମ୍ ହୋଇଯିବା କଥା, କିନ୍ତୁ ନିଜକୁ ପାର୍ଟି ୱିଥ୍ ଡିଫରେନ୍ସ କହୁଥିବା ବିଜେପିର ନୂଆ ଟିମ୍ ଘୋଷଣା ହେବାକୁ ପ୍ରାୟ 7 ମାସ ଲାଗିଗଲା । ନିତିନ ନବୀନ 45 ବର୍ଷର ଯୁବକ, 5 ଥରର ବିଧାୟକର ଏକ୍ସପିରିଏନ୍ସ ସାଙ୍ଗକୁ ବିଜେପିର ରାଷ୍ଟ୍ରୀୟ ସଭାପତି, ହେଲେ ବି ଟିମ୍ ଘୋଷଣାରେ ବିଳମ୍ବ ।

RSSର ସୁଦୃଢ଼ ପ୍ରଭାବ

ସଂଗଠନ ସଂପାଦକ- ବି.ଏଲ୍. ସନ୍ତୋଷ
ସହ ସଂଗଠନ ସଂପାଦକ– ସୌଦନ ସିଂ ଏବଂ ଶିବପ୍ରକାଶ
ଉପସଭାପତି- ରାମମାଧବ
ନିତିନ ନବୀନଙ୍କ ଟିମରେ ସବୁଠୁ ଗୁରୁତ୍ୱପୂର୍ଣ୍ଣ ପଦ ସଙ୍ଗଠନ ସମ୍ପାଦକ ବି.ଏଲ ସନ୍ତୋଷ ରହିଛନ୍ତି

  • ରାଷ୍ଟ୍ରୀୟ ସହ ସଙ୍ଗଠନ ସମ୍ପାଦକ ଶିବ ପ୍ରକାଶ ଏବଂ ସୌଦାନ ସିଂହ ରହିଛନ୍ତି
  • ତେବେ କେନ୍ଦ୍ରୀୟ ଅର୍ଗାନାଇଜେସନକୁ ରାମମାଧବଙ୍କର ପ୍ରତ୍ୟାବର୍ତ୍ତନ ZEN–Zର ପ୍ରଭାବ ବୋଲି ଧରି ନେବାକୁ ପଡ଼ିବ
  • RSSର ବରିଷ୍ଠ କାର୍ଯ୍ୟକର୍ତ୍ତା ରାମମାଧବ ଭାରତର ଯୁବବର୍ଗଙ୍କ ନିକଟରେ ଅଧିକ ଗ୍ରହଣୀୟ

 ନିତିନ ନବୀନଙ୍କର ନୁଆ ଟିମରେ 3 ଜଣ ପୂର୍ବତନ ମୁଖ୍ୟମନ୍ତ୍ରୀଙ୍କୁ ସ୍ଥାନ ମିଳିଛି

  • ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ଶ୍ରୀମତୀ ବସୁନ୍ଧରା ରାଜ ସିନ୍ଧିଆ, ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତୀରଥ ସିଂହ ରାୱତ ଏବଂ ତ୍ରିପୁରାର ପୂର୍ବତନ ମୁଖ୍ୟମନ୍ତ୍ରୀ ବିପ୍ଳବ ଦେବଙ୍କୁ ସ୍ଥାନ

ନୀତିନ ନବୀନଙ୍କ ଟିମରେ କେନ୍ଦ୍ରମନ୍ତ୍ରୀ ପିୟୁଷ ଗୋଏଲଙ୍କୁ ସ୍ଥାନ ମିଳିଛି

  • ଚାଟାର୍ଡ ଆକାଉଣ୍ଟାଟ୍ ପିୟୁଷ ଗୋଏଲଙ୍କୁ କୋଷାଧ୍ୟକ୍ଷ ଭାବେ ନିଯୁକ୍ତି
    ସେହିଭଳି BJP IT cell chief ପଦରୁ Amit Malviyaଙ୍କୁ ହଟାଯାଇଛି । ଦିପକ ମାହସକେଙ୍କୁ IT cellର ମୁଖ୍ୟ ଭାବେ ଦାୟିତ୍ୱ ମିଳିଛି।

    ଓଡ଼ିଶା ଦୃଷ୍ଟିରୁ ବିଚାର କଲେ,  2 ଜଣ ଓଡ଼ିଆଙ୍କୁ ନିତିନ ନବୀନଙ୍କ ଟିମରେ ସ୍ଥାନ ମିଳିଛି

    • ସେମାନେ ହେଲେ ବୈଜୟନ୍ତ ପଣ୍ଡା ଏବଂ ସମ୍ବିତ ପାତ୍ର
    • ପୂର୍ବଭଳି ଜୟ ପଣ୍ଡାଙ୍କୁ ଏଥର ମଧ୍ୟ ଭାଇସ୍ ପ୍ରେସିଡେଣ୍ଟ ପୋଷ୍ଟ ମିଳିଛି
    • ସମ୍ବିତ ପାତ୍ରଙ୍କୁ ନର୍ଥ ଇଷ୍ଟ ସଂଯୋଜକର ଦାୟିତ୍ୱ ଦିଆଯାଇଛି

    ମନ୍ତ୍ରୀ ରେସରୁ ଜୟ-ସମ୍ବିତ ଆଉଟ୍ !

    •  ବୈଜୟନ୍ତ ପଣ୍ଡା ଏବଂ ସମ୍ବିତ ପାତ୍ର ଆଗକୁ କେନ୍ଦ୍ରମନ୍ତ୍ରୀ ହେବାର ଚାନ୍ସ ବହୁତ କମ୍
    • ଯେହେତୁ ଉଭୟ ବୈଜୟନ୍ତ ଓ ସମ୍ବିତ ଅର୍ଗାନାଇଜେସନର ଗୁରୁତ୍ୱପୂର୍ଣ୍ଣ ଦାୟିତ୍ୱରେ ରହିଲେ ହୁଏତ ସେମାନଙ୍କୁ ଆଉ ମନ୍ତ୍ରିମଣ୍ଡଳରେ ନିଆଯାଇ ନପାରେ
    • ଏଣୁ ମନ୍ତ୍ରୀ ରେସରୁ କଟି ପାରନ୍ତି ବୈଜୟନ୍ତ ପଣ୍ଡା ଓ ସମ୍ବିତ ପାତ୍ର
      ଷ୍ଟୋରୀ ଲେକିଛନ୍ତି- ବିଜୟ କେତନ ବରାଳ

ଭିକ ମାଗୁଛନ୍ତି ଭତ୍ତା ହିତାଧିକାରୀ !

0 Comments read News

ବୟସ ପାଖାପାଖି ୭୦। ନା ଆଖିକୁ ଭଲରେ ଦିଶୁଛି ନା ଚଲାବୁଲା କରିବା ପାଇଁ ସାମର୍ଥ୍ୟ ଅଛି । ଯେଉଁ ବୟସରେ ଘରେ ବସି ଆରାମ କରିବା କଥା ସେଇ ବୟସରେ ଭିକ ମାଗୁଛନ୍ତି ବୃଦ୍ଧ ଦମ୍ପତ୍ତି । ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମାନିଗାଁ ପଞ୍ଚାୟତର ମୂଷାପାଲାର ଦୈତାରି ଭତ୍ରା ଓ ତାଙ୍କ ସ୍ତ୍ରୀ ବାଲ ଭତ୍ରା ବାଧ୍ୟ ହୋଇ ଭିକ ମାଗୁଛନ୍ତି । ଘରେ ରୋଜଗାର କରିବାକୁ କେହି ନାହାନ୍ତି । ୨ ପିଲା ମାନସିକ ରୋଗରେ ପୀଡ଼ିତ ହେଉଥିବାରୁ ପରିବାର ଭତ୍ତା ଉପରେ ନିର୍ଭରଶୀଳ । ତିନି ମାସ ହେବ ଭତ୍ତା ମିଳୁନି । ଖର୍ଚ୍ଚ କରିବା ତ ଦୂରର କଥା,ଖାଇବା ଗଣ୍ଡେ ଯୋଗାଡ଼ କରିବାକୁ ହାତ ପତେଇବାକୁ ପଡ଼ୁଛି। ଆଖିକୁ ଭଲ ନ ଦିଶିଲେ ବି ଜୀବନ ପାଇଁ ଚାଲିବାକୁ ପଡ଼ୁଛି ଅନେକ ବାଟ । ମୁଣ୍ଡଫଟା ଖରାରେ ଗାଁ ଗାଁ ବୁଲି ଜୀବନ ପାଇଁ କରୁଛନ୍ତି ସଙ୍ଘର୍ଷ। ବୟୋଜ୍ୟେଷ୍ଠ ବ୍ୟକ୍ତିଙ୍କୁ ସମ୍ମାନ ଦେବେ କଣ ଓଲଟା ଭିକାରୀ ସଜେଇ ସାରିଲେଣି ସରକାର । ସରକାରଙ୍କ ଅବହେଳା ପାଇଁ ଭିକ ମାଗିବା ହିଁ ପାଲଟିଛି ଶେଷ ଆଶା  । ଜୀବନ ପାଇଁ ଘରଘର ବୁଲି ଭିକ ମାଗିବା ସହ ମୂଷାପାଲାରୁ ଲକ୍ଷ୍ମୀ ବସରେ ମୈଦଲପୁର ଆସି ଯାତ୍ରୀଙ୍କୁ ଭିକ ମାଗିବାକୁ ପଡ଼ୁଛି ।

ସଙ୍କଳ୍ପ ନାଁ ରେ ଧୋକ୍କା
ନିର୍ବାଚନ ପୂର୍ବରୁ ବିଜେପି ସଙ୍କଳ୍ପପତ୍ରରେ ଭତ୍ତା ହିତାଧିକାରୀଙ୍କୁ ମିଛ ସ୍ୱପ୍ନ ଦେଖାଇଥିଲା । ୨୦୨୪ ମସିହା ମେ ୫ ତାରିଖରେ BJPର ଘୋଷଣା ପତ୍ରର ୧୮ତମ ସଂକଳ୍ପ ଥିଲା- ଆମେ “ମୁଖ୍ୟମନ୍ତ୍ରୀ ସହାୟତା ଯୋଜନା” ମାଧ୍ୟମରେ ବୟସ୍କ, ଦିବ୍ୟାଙ୍ଗ, ବିଧବା ଓ ନିରାଶ୍ରୟ ମାନଙ୍କୁ ୩୦୦୦ ଟଙ୍କାର ମାସିକ ପେନସନ୍ ପ୍ରଦାନ କରିବୁ । ୮୦% ଅକ୍ଷମତା ଥିବା ଦିବ୍ୟାଙ୍ଗଙ୍କୁ ଏବଂ ୮୦ବର୍ଷରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ୩୫୦୦ ଟଙ୍କାର ପେନସନ୍ ଦେବୁ । କିନ୍ତୁ ଜାନୁଆରୀ ୨୦୨୫ରୁ ୮୦ଅକ୍ଷମତା ଥିବା ଦିବ୍ୟାଙ୍ଗ ଏବଂ ୮୦ବର୍ଷରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ଛାଡ଼ିଦେଲେ କାହାରିକୁ ବି ୩୦୦୦ ଟଙ୍କାର ଭତ୍ତା ଦେଇନାହାନ୍ତି ସରକାର । ୩୦୦୦ ତ ଦୂରର କଥା ମାସିକ ୧୦୦୦ ଟଙ୍କାର ଭତ୍ତା ହିତାଧିକାରୀଙ୍କୁ ବି ଠିକ୍ ସମୟରେ ଭତ୍ତା ମିଳୁନି ।

୫୧,୪୫,୨୯୪ ଲୋକଙ୍କୁ ଠକିଦେଲେ
ନିଜ ସଂକଳ୍ପତ୍ରରେ ବୃଦ୍ଧ, ବୟସ୍କ, ବିଧବା ଓ ଦିବ୍ୟାଙ୍ଗଙ୍କୁ ଭତ୍ତା ବୃଦ୍ଧିର ଲିଖିତ ପ୍ରତିଶ୍ରୁତି ଦେଇଥିଲା ବିଜେପି । ରାଜ୍ୟରେ ପେନସନ୍ ପାଉଥ‌ିବା ମୋଟ ବ୍ୟକ୍ତିଙ୍କ ସଂଖ୍ୟା ୫୬,୩୦,୩୯୯  । ଏମାନଙ୍କ ମଧ୍ୟରୁ ୪,୮୫,୧୦୫ ଜଣ ହିତାଧିକାରୀ ୩୫୦୦ ଟଙ୍କାର ପେନସନ୍ ପାଉଛନ୍ତି । ବଳକା ୫୧,୪୫,୨୯୪ ବ୍ୟକ୍ତିଙ୍କୁ ମାସିକ ଭତ୍ତା ୩୦୦୦ ଟଙ୍କା ମିଳୁ ନାହିଁ । ମିଛ ପ୍ରଲୋଭନ ଦେଖାଇ  ଭୋଟ୍ ନେଲାପରେ ୫୧,୪୫,୨୯୪ ଭତ୍ତା ହିତାଧିକାରୀଙ୍କୁ ବିଜେପି ସରକାର ଠକିଦେଇଛି । ଆଉ ଏବେ ୩  ମାସ ହେଇଯିବ ରାଜ୍ୟବ୍ୟାପୀ ହିତାଧିକାରୀଙ୍କୁ ଭତ୍ତା ଦେଇ ନଥିବା ଅଭିଯୋଗ ଆସୁଛି । ରାଜ୍ୟର ଅଧିକାଂଶ ଭତ୍ତା ହିତାଧିକାରୀଙ୍କର ଭତ୍ତା ଟଙ୍କା ହିଁ ବଞ୍ଚିବାର ଏକମାତ୍ର ମାଧ୍ୟମ । ଟଙ୍କା ଦେବାର ଅନିୟମିତତା ହିତାଧିକାରୀଙ୍କୁ ସମସ୍ୟାରେ ପକାଉଛି ।ପରିସ୍ଥିତି ଏତେ ଶୋଚନୀୟ ଯେ ନବରଙ୍ଗପୁର ପରି ରାଜ୍ୟର ବିଭିନ୍ନ ହିତାଧିକାରୀ ଭିକ୍ଷାବୃତ୍ତି ଭରସାରେ ।

ବିଜେପିରେ ଦେବାଶିଷ,ସୁଜିତଙ୍କ ପରି ସେକେଣ୍ଡ ଚାନ୍ସ ନା ମମତାଙ୍କ ପରି ହେବେ ନିରାଶ

0 Comments read News

ଶଙ୍ଖ ଛାଡ଼ି ପଦ୍ମ ଧରିଛନ୍ତି ଦେବାଶିଷ ସାମନ୍ତରାୟ। ଦିଲ୍ଲୀସ୍ଥିତ ବିଜେପି ମୁଖ୍ୟାଳୟରେ ବିଜେପିରେ ଯୋଗ ଦେଇଛନ୍ତି। ବିଜେଡି ଓ ରାଜ୍ୟସଭାରୁ 25 ତାରିଖରେ ଇସ୍ତଫା ଦେଇଥିଲେ ରାଜ୍ୟସଭା ସାଂସଦ ଦେବାଶିଷ। ବିଜୁ ଜନତା ଦଳ ସହ ଦୀର୍ଘଦିନର ସମ୍ପର୍କ ଛିନ୍ନ କରି ବିଜେପିରେ ସାମିଲ ହୋଇଛନ୍ତି । ପାଣ୍ଡିଆନଙ୍କ ପାଇଁ ଦଳ ଛାଡ଼ିଥିବା ସିଧାସିଧା ସ୍ପଷ୍ଟ କରିଛନ୍ତି ଦେବାଶିଷ ।
 ବିଜେଡି ସହ ସମ୍ପର୍କ ଶେଷ, ବିଜେପିରୁ ରାଜ୍ୟସଭା ଯିବେ!
2000ରେ ବିଜେଡି ଟିକେଟରେ ତିର୍ତ୍ତୋଲ ଆସନରୁ ବିଧାୟକ ହୋଇଥିଲେ ଦେବାଶିଷ । 2009 ଏବଂ 2014ରେ ବିଜେଡି ଟିକେଟରେ କଟକ-ବାରବାଟୀ ଆସନରୁ ବିଧାନସଭା ଯାଇଛନ୍ତି । 2019ରେ କଂଗ୍ରେସ ପ୍ରାର୍ଥୀ ମହମ୍ମଦ ମୋକିମଙ୍କଠାରୁ ପରାଜିତ ହେଲା ପରେ 2024ରେ କଟକ-ବାରବାଟୀ ଆସନରୁ ଦେବାଶିଷଙ୍କ ବଦଳରେ ପ୍ରକାଶ ବେହେରରାଙ୍କୁ ପ୍ରାର୍ଥୀ କରିଥିଲା ବିଜେଡି । ଦେବାଶିଷଙ୍କୁ ବିଧାନସଭା ପରିବର୍ତ୍ତେ ରାଜ୍ୟସଭା ପଠାଇବାକୁ ନିଷ୍ପତ୍ତି ନେଇଥିଲେ ନବୀନ ପଟ୍ଟନାୟକ । 2024ରେ ରାଜ୍ୟସଭା ଯାଇଥିବା ଦେବାଶିଷଙ୍କ କାର୍ଯ୍ୟକାଳ 2030ରେ ସରୁଥିବା ବେଳେ ତା ପୂର୍ବରୁ ରାଜ୍ୟସଭାରୁ ଇସ୍ତଫା ଦେଇଛନ୍ତି । ସୁଜିତ କୁମାରଙ୍କ ପରି ବିଜେପି ତାଙ୍କୁ ରି-ଇଲେକ୍ଟ କରିବା ନେଇ ସେ ଆଶାବାଦୀ ।

ରାଜ୍ୟସଭାରେ ଛିଣ୍ଡୁଛି ବିଜେଡି
ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ଆସନରୁ ହଟିଲା ପରେ ବିଧାନସଭା ସହ ରାଜ୍ୟସଭାରେ ବି ବିଜେଡି ଦୁର୍ବଳ ହେବାରେ ଲାଗିଛି । ପୂର୍ବରୁ ସୁଜିତ କୁମାର ଓ ମମତା ମହନ୍ତ ବିଜେଡିରୁ ଇସ୍ତଫା ଦେଲା ପରେ ଏବେ ରାଜ୍ୟସଭା ସାଂସଦ ଦେବାଶିଷ ମଧ୍ୟ ସମାନ ରାସ୍ତା ଆପଣେଇଛନ୍ତି । ବର୍ତ୍ତମାନ ବିଜେଡିର ରାଜ୍ୟସଭା ସାଂସଦ ସଂଖ୍ୟା 6 ରୁ 5 କୁ ଖସି ଆସିଛି । ସୁଲତା ଦେଓ,ମାନସ ମଙ୍ଗରାଜ,ଶୁଭାଶିଷ ଖୁଣ୍ଟିଆ,ସନ୍ତୃପ୍ତ ମିଶ୍ର ଓ ସସ୍ମିତ ପାତ୍ରଙ୍କୁ ମିଶାଇ ଏବେ ରାଜ୍ୟସଭାରେ ବିଜେଡିର 5 ସାଂସଦ ରହିଲେ । ସୁଜିତ କୁମାରଙ୍କ ଭଳି ଦେବାଶିଷ ସେକେଣ୍ଡ ଚାନ୍ସ ପାଆନ୍ତୁ କି ନ ପାଆନ୍ତୁ ସଂଖ୍ୟା ଗଣିତ ଦୃଷ୍ଟିରୁ ବିଜେଡି ହାତରୁ ଖସିଥିବା ଏ ସିଟ୍ କିନ୍ତୁ ବିଜେପି ହାତେଇ ନେବା ଥୟ । ତେବେ ଶଙ୍ଖ ଛାଡ଼ି ପଦ୍ମ ଧରିଥିବା ଦେବାଶିଷ ସୁଜିତ କୁମାରଙ୍କ ପରି ରି ଇଲେକ୍ଟ ହେବେ କି ମମତାଙ୍କ ପରି କୋଣଠେସା ତାହା ସମୟ କହିବ ।

ନିମାପଡ଼ା ଫାଇଟ୍:କ୍ଷତି ସହିବେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା

0 Comments read News, Politics
  • ଚର୍ଚ୍ଚାରେ ନିମାପଡ଼ା BJP ଫାଇଟ୍
  • ଲଢ଼େଇ ଚାଲିଛି ଡେପୁଟି CM ପ୍ରଭାତୀ ପରିଡ଼ାଙ୍କ ସହ BJP ମୁଖପାତ୍ର ସମୀର ଦାଶଙ୍କର
  • ସମୀରଙ୍କ ଫୋନ୍ ଉଠାଉ ନାହାନ୍ତି ପ୍ରଭାତୀ
  • ସମୀର କଲେଣି ଅଭିଯୋଗ ଶୁଣାଣି
  • ରୋଚକ ହେଉଛି ହାରିବାରେ ହ୍ୟାଟ୍ରିକ୍ ମାରିଥିବା ପ୍ରଭାତୀଙ୍କ ସହ ଜିତିବାରେ ହ୍ୟାଟିକ୍ ମାରିଥିବା ସମୀରଙ୍କର ଲଢ଼େଇ।
    ପୁରୀ ଜିଲ୍ଲା ନିମାପଡ଼ା ନିର୍ବାଚନ ମଣ୍ଡଳୀର ଏହି ଲଢେଇ ଏବେ ରାଜ୍ୟ BJP ପାଇଁ ଟେନସନ୍।
  • ରାଜ୍ୟ BJP ମୁଖପାତ୍ର ସମୀର ଦାଶଙ୍କ ଫୋନ୍ କଲ୍ ରିସଭ୍ କରୁନାହାନ୍ତି କି ମେସେଜର ରିପ୍ଲାଏ ଦେଉନାହାନ୍ତି ମାଡାମ୍ ଡେପୁଟି CM ।
  • ନିମାପଡ଼ାର ବିଧାୟିକା ତଥା ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ବିରୁଦ୍ଧରେ ଅଭିଯୋଗ ସେ BJP କାର୍ଯ୍ୟକର୍ତ୍ତାଙ୍କୁ କରୁଛନ୍ତି ଅଣଦେଖା।
  • ମାଡାମ୍ ଡେପୁଟି CMଙ୍କ ଅଣଦେଖାକୁ ଜବାବ ଦେବାକୁ ରେଡି ହେଉଛନ୍ତି ସମୀର ସେନା।
  • ଲୋକଙ୍କ ସମସ୍ୟାର ସମାଧାନ ପାଇଁ ନିମାପଡ଼ା ଓ ଗୋପ ବ୍ଲକରେ ଜନଶୁଣାଣୀ କଲେଣି ସମୀର ଦାଶ।

ଅବଶ୍ୟ ଏ ଲଢେଇ ନୂଆ ନୁହେଁ । ଆଗରୁ ମଧ୍ୟ ସମୀର ଦାଶ, ପ୍ରଭାତୀଙ୍କ PC ରାଜନୀତିର ଗୁମର ଖୋଲିଛନ୍ତି । ମାଡାମ୍ ଡେପୁଟି CM ମଧ୍ୟ ସମୀର ଦାଶଙ୍କ ବିଧାୟକ ପିରିୟଡରେ ନିମାପଡ଼ା-ଗୋପର କିଛି ବିକାଶ ହୋଇନାହିଁ ବୋଲି କହିଛନ୍ତି ।

  • କିନ୍ତୁ ସମୀର ଜଣେ ଦୃଢ଼ ସଂଗଠକ ଏବଂ ତାଙ୍କର ଜନସଂପର୍କ ଅଧିକ ଏକଥାକୁ ଅସ୍ୱୀକାର କରିହେବ ନାହିଁ ।
  • ସେପଟେ ରାଜ୍ୟ ସାରା ସୁଭଦ୍ରା ଦିଦିଙ୍କୁ ଟଙ୍କା ବାଣ୍ଟି ବାଣ୍ଟି ପ୍ରଭାତୀ ପରିଡ଼ା ନିମାପଡ଼ାରୁ ଦୂରେଇ ଗଲେଣି।
  • ତାହର ଫାଇଦା ନେଇ ସମୀର ଦାଶ ପ୍ରତି ସପ୍ତାହରେ 2ଥର ଜନଶୁଣାଣୀ ଆରମ୍ଭ କରିଦେଲେଣି।
  • ବୁଧବାର ଏବଂ ଶନିବାର ବ୍ଲକ ଚେୟାରମ୍ୟାନଙ୍କ କାର୍ଯ୍ୟାଳୟରେ ବସି ନିର୍ବାଚନ ମଣ୍ଡଳୀବାସୀଙ୍କର ସମସ୍ୟାର ସମାଧାନ କରୁଛନ୍ତି।
  • ନୂଆ କାମ ନୁହେଁ ବରଂ ତାଙ୍କ ବିଧାୟକ ସମୟରେ ହେଇଥିବା କାମକୁ ନେଇ ପ୍ରଭାତୀ କ୍ରେଡିଟ୍ ନେଉଥିବା କଥା ସମୀର କହିଛନ୍ତି ।

ଏମିତିରେ ବି ଦେଖିବାକୁ ଗଲେ ପ୍ରଭାତୀଙ୍କ ବିଜୟରେ ସମୀରଙ୍କର ସମର୍ଥନ ଥିଲା। ସମୀର ଦାଶ BJD ଛାଡ଼ି BJPକୁ ସମର୍ଥନ କରିନଥିଲେ ହୁଏତ ରେଜଲ୍ଟ ପ୍ରଭାତୀଙ୍କ ସପକ୍ଷରେ ଆସି ନଥାଆନ୍ତା।

  • ପ୍ରଭାତୀଙ୍କ ଟ୍ରାକ୍ ରେକର୍ଡ କହୁଛି ସେ ହାରିବାରେ ହ୍ୟାଟ୍ରିକ୍ ଅର୍ଜନ କରିଛନ୍ତି
  • 2009, 2014 ଓ 2019ରେ ସମୀରଙ୍କ ଠାରୁ ହାରିଥିଲେ ପ୍ରଭାତୀ
  • BJP ଟିକେଟରେ ଲଢ଼ି 2019ରେ 32,008 ଏବଂ 2014 ନିର୍ବାଚନରେ 29,637 ଭୋଟ ବ୍ୟବଧାନରେ ସମୀରଙ୍କ ଠାରୁ ହାରିଛନ୍ତି ପ୍ରଭାତୀ ପରିଡ଼ା
  • 2009ରେ ସମୀର ଦାଶ ପ୍ରଥମ ଥର ବିଧାୟକ ହୋଇଥିଲା ବେଳେ ସ୍ୱାଧିନ ପ୍ରାର୍ଥୀ ପ୍ରଭାତୀ ପରିଡ଼ାଙ୍କୁ ମିଳିଥିଲା ମାତ୍ର 6,820 ଖଣ୍ଡ ଭୋଟ୍
  • ନିମାପଡ଼ା ଓ ଗୋପ ଭୋଟରଙ୍କ ଦ୍ୱରା ଲଗାତର ପ୍ରତ୍ୟାଖାତ ହେଉଥିବା ପ୍ରଭାତୀଙ୍କୁ 2024ରେ ସମୀରଙ୍କ ସମର୍ଥନ ମିଳିବା ସତ୍ତ୍ୱେ ମାଡାମ୍ ଡେପୁଟି CMଙ୍କର ବିଜୟ ବ୍ୟବଧାନ ଥିଲା ମାତ୍ର 4,588

ସବୁ ପରେ ବି ସମୀର-ପ୍ରଭାତୀଙ୍କ ସଂପର୍କ ତିକ୍ତ ହେଲା। ତେବେ ବିଚକ୍ଷଣ ସମୀର, ରାଜ୍ୟ ସଭାପତି ମନମୋହନ ସାମଲ, ଧର୍ମେନ୍ଦ୍ର ପ୍ରଧାନ ଏବଂ ମୁଖ୍ୟମନ୍ତ୍ରୀଙ୍କର ଫଟୋ ଲଗାଇ BJPର ସଭା କରୁଛନ୍ତି।

  • BJD ଛାଡ଼ି BJPରେ ଯୋଗ ଦେଲା ପରେ ନିମାପଡ଼ା ନିର୍ବାଚନ ମଣ୍ଡଳୀରେ ଆକ୍ଟିଭ ମେମ୍ବର କରିବାରେ ସମୀର ଆଗରେ ଅଛନ୍ତି
  • 400ରୁ ସକ୍ରିୟ ସଦସ୍ୟରୁ 259 ସମୀରଙ୍କର, ବାକି 141 ପ୍ରଭାତୀଙ୍କର
  • ବିଜେପିରେ କ୍ୟାରିୟର ଆରମ୍ଭ କରିଥିବା ପ୍ରଭାତୀ ସକ୍ରିୟ ସଦସ୍ୟ କରିବାରେ ବି ପଛୁଆ
  • ମାତ୍ର ସମୀର ଦାଶ କରିଥିବା ଆକ୍ଟିଭ ମେମ୍ବରଙ୍କୁ BJP ମିଟିଂକୁ ଡାକୁ ନାହାନ୍ତି ପ୍ରଭାତୀ
  • ନିମାପଡ଼ା ନିର୍ବାଚନ ମଣ୍ଡଳୀରେ 20ହଜାରରୁ ଅଧିକ BJP ସଭ୍ୟ କରାଇଥିବା ସମୀର ଦାଶଙ୍କ କଣ୍ଟାକ୍ଟରେ ରହୁ ନାହାନ୍ତି ପ୍ରଭାତୀ ପରିଡ଼ା। ଯାହା ଆଗାମୀ ଦିନରେ ତାଙ୍କୁ ଭାରି ପଡ଼ିପାରେ।

ସୁଭଦ୍ରାକୁ ନେଇ  ମାଡାମ୍ ଡେପୁଟି CM ରାଜ୍ୟରେ ଚର୍ଚ୍ଚାରେ ରହିଥିଲେ ବି ନିଜର ବ୍ୟବହାର ପାଇଁ ତାଙ୍କର ପ୍ରାଇଭେଟ୍ ସେକ୍ରଟାରୀ ଏବଂ OSD ମାନେ ଅତିଷ୍ଠ ହୋଇ ଅନ୍ୟ ବିଭାଗକୁ ବଦଳି ହୋଇଯାଉଛନ୍ତି । ଏପଟେ ନିମାପଡ଼ାରେ ସମୀରଙ୍କର ବିଦ୍ରୋହ, ଆଗାମୀ ପଞ୍ଚାୟତ ନିର୍ବାଚନରେ ପ୍ରଭାତୀ ପରିଡ଼ାଙ୍କୁ ମହଙ୍ଗା ହେବ ।

ପଲ୍ୟୁସନ୍ ପଲିଟିକ୍ସ:କଂଗ୍ରେସ ନୀରବ

0 Comments read News

ପଲ୍ୟୁସନ୍ ଯାଞ୍ଚ ଆଳରେ ବକେୟା ଚାଲାଣ ଆଦାୟ କରିବାକୁ ଜାଲ ପକେଇଛନ୍ତି ବିଜେପି ସରକାର। ପୁରୁଣା ଫାଇନ ନ ଦେଲେ ପଲ୍ୟୁସନ ସାର୍ଟିଫିକେଟ ନ ଦେବାର ନିୟମ କରି ଜନତାଙ୍କୁ ହରଡାଘଣାରେ ପକାଇଛନ୍ତି ନୂଆ ସରକାର। ଟୋଲ ଗେଟରେ ବି ଫାସଟ୍ୟାଗ ଉପରେ ଚଲେଇଛନ୍ତି ଫାଇନ୍ ପଲିଟିକ୍ସ। ପଲ୍ୟୁସନ୍ ସାର୍ଟିଫିକେଟ ନଥିଲେ ପେଟ୍ରୋଲ ନ ମିଳିବା, ପୁରୁଣା ଫାଇନ୍ ନ ଦେଲେ ପଲ୍ୟୁସନ୍ ସାର୍ଟିଫିକେଟ ନ ଦେବାର ନିୟମ ଲାଗୁକୁ ନେଇ ଗର୍ଜିଛି ବିଜେଡି। ରାଜରାସ୍ତାକୁ ଓହ୍ଲାଇ ସାରିଛନ୍ତି ଯୁବ ଓ ଛାତ୍ର ବିଜେଡି। ନିଷ୍ପତ୍ତି ପ୍ରତ୍ୟାହାର ନ କଲେ ରାଜ୍ୟବ୍ୟାପୀ ଆନ୍ଦୋଳନର ବି ଦିଆ ଯାଇଛି ଡାକରା। ଆନ୍ଦୋଳନକୁ ତୀବ୍ରତର କରିବା ପାଇଁ ରାଜରାସ୍ତାକୁ ଓହ୍ଲାଇ ଛନ୍ତି ବିଜେଡି ସମର୍ଥକ। ଆନ୍ଦୋଳନ ପରେ କଟକଣା କୋହଳ କରିବା ସହ ଏପ୍ରିଲ ଯାଏଁ ପଲ୍ୟୁସନ୍ ସାର୍ଟିଫିକେଟ ପାଇଁ ଫାଇନ ନ କାଟିବାକୁ ନିର୍ଦ୍ଦେଶନାମା ଜାରି ହୋଇଛି।

ମାତ୍ର ଏଭଳି ଗୁରୁତ୍ତର ପ୍ରସଙ୍ଗକୁ ନେଇ କାହିଁକି ରାସ୍ତାକୁ ଓହ୍ଲାଉ ନାହିଁ କଂଗ୍ରେସ? ରାଜ୍ୟର ସ୍ୱାର୍ଥ ସମ୍ବଳିତ ପ୍ରସଙ୍ଗକୁ ଉଠାଇ ମାଇଲେଜ୍ ନେବାର ସୁଯୋଗ ଥିଲାବେଳେ କାହିଁକି ପଛଘୁଞ୍ଚା ଦେଉଛି କଂଗ୍ରେସ? ଉଭୟ ରାଜ୍ୟ ଏବଂ କେନ୍ଦ୍ରରେ ଶାସନରେ ନଥିବା କଂଗ୍ରେସ ଶାସନକୁ ଫେରିବାକୁ ଚାହୁଁଥିଲା ବେଳେ କାହିଁକି ବ୍ୟବହାର କରି ପାରୁନି ପ୍ରପର ଷ୍ଟ୍ରାଟେଜି? ବିଜେଡି ଭଳି ଅଧିକ ସିଟ ଥିଲେ ବିଧାନସଭା ଚଲାଇ ନ ଦେବାର ଚେତାବନୀ ଦେଉଥିବା ପିସିସି ସଭାପତି ଏତେ ବଡ଼ ପ୍ରସଙ୍ଗକୁ ନେଇ ସରକାରଙ୍କୁ ଘେରୁ ନାହାନ୍ତି କାହିଁକି? ଆଗକୁ ପଞ୍ଚାୟତ ନିର୍ବାଚନ ଥିଲାବେଳେ ଭୋଟରଙ୍କ ସମସ୍ୟାର ସମାଧାନକୁ ଗୁରୁତ୍ୱ ଦେଇ ଭୋଟ ବ୍ୟାଙ୍କ ବଢେଇବାର ସୁଯୋଗ ଥିଲା ବେଳେ କାହିଁକି ହାତ ଛଡ଼ା କରୁଛି କଂଗ୍ରେସ। ଦଳୀୟ ବିବାଦ ଆଳରେ ଜନତାଙ୍କଠୁ ମୁହଁ ଫେରାଉ ନାହାନ୍ତି ତ କଂଗ୍ରେସ ନେତା? ଯଦି ଏ କଥା ସତ ହୁଏ , ତେବେ ଭୋଟରଙ୍କ ଆସ୍ଥା ଜିତିବା ହୁଏତ ସହଜ ହୋଇ ନପାରେ?