୪୮ ବର୍ଷ ପରେ କାଳିଆ ସାଆନ୍ତଙ୍କ ରତ୍ନର ହିସାବ ହେଉଛି। ୧୯୭୮ରେ ଶେଷ ଥର ପାଇଁ ରତ୍ନଭଣ୍ଡାର ଖୋଲିକି ରତ୍ନର ହିସାବ ହୋଇଥିଲା । ସେତେବେଳେ ଆଇନମନ୍ତ୍ରୀ ଥିଲେ ବିଶ୍ୱଭୁଷଣ ହରିଚନ୍ଦନ ଏବେ ତାଙ୍କ ପୁଅ ପୃଥ୍ୱୀରାଜ ହରିଚନ୍ଦନ ସମାନ ଦାୟିତ୍ୱରେ। ୧୯୭୮ ମସିହା ମେ ୧୩ରୁ ଜୁଲାଇ ୨୩ ଯାଏଁ ୭୨ ଦିନ ଲାଗିଥିଲା । ଆଜିଠୁ ଗଣତି ଆରମ୍ଭ ହେଇଛି। ୧୯୭୮ରେ ଥିଲା ୧୨,୮୩୮ ଭରି ସୁନା, ରତ୍ନଖଚିତ ଅଳଙ୍କାର ଥିଲା । ୪୮ ବର୍ଷ ଭିତରେ ବିଭିନ୍ନ ଭକ୍ତଙ୍କ ଦ୍ୱାରା ବିଭିନ୍ନ ସମୟରେ ମହାପ୍ରଭୁଙ୍କ ଉଦ୍ଦେଶ୍ୟରେ ଅଳଙ୍କାର ଦିଆଯାଇଛି । ଏଥର ମାତ୍ରା ଅଧିକ ଥିବ ବୋଲି ଆଶା କରାଯାଉଛି ।
ଏଥର ସୁପରଭାଇଜିଂ ଟିମ୍ ଓ ହାଣ୍ଡେଲିଂ ଟିମର ସମସ୍ତ ସଦସ୍ୟ ରହିଛନ୍ତି। ସୁପରଭାଇଜିଂ ଟିମ୍ର ଅଧ୍ୟକ୍ଷ ଶ୍ରୀମନ୍ଦିର ମୁଖ୍ୟ ପ୍ରସାଶକ ଅଛନ୍ତି, ରତ୍ନଭଣ୍ଡାର ତଦାରଖ କମିଟିର ଦୁଇ ସଦସ୍ୟ ଓ ଜଣେ ସେବାୟତ ଏଥିରେ ଅଛନ୍ତି। ହ୍ୟାଣ୍ଡଲିଂ ଟିମ୍ରେ ଶ୍ରୀମନ୍ଦିର ପରିଚାଳନା କମିଟିର ଜଣେ ସଦସ୍ୟ, ପାଟ୍ଟଯୋଶୀ ମହାପାତ୍ର, ଭଣ୍ଡାର ମେକାପ, ତଢ଼ଉକରଣ, ଦେଉଳକରଣ, ଶ୍ରୀମନ୍ଦିର ବଣିଆ ସେବକ, ଦୁଇ ଜଣ ସ୍ୱର୍ଣ୍ଣକାର, ଦୁଇ ଜଣ ରତ୍ନବିଜ୍ଞାନୀ ଓ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ଜଣେ ଅଧିକାରୀ ଉପସ୍ଥିତ ଅଛନ୍ତି । ତେବେ କେବଳ ଗଣା ଯିବ ମୁଲ୍ୟାଙ୍କନ କରାଯିବ ନାହିଁ ।
୧୯୭୮ ମସିହାର ତାଲିକା ସହ ମେଳକ ହେବ। ରତ୍ନଭଣ୍ଡାରରେ କ‘ଣ ରତ୍ନ ଅଛି, ଏ କଥା ଜାଣିବାକୁ ଭକ୍ତଙ୍କ ଭିତରେ ପ୍ରବଳ ଆଗ୍ରହ ଅଛି। ଆଗରୁ ଭାରତ ବର୍ଷର ବିଭିନ୍ନ ଅଞ୍ଚଳର ରାଜା, ମହାରାଜା, ଜମିଦାର ମହାପ୍ରଭୁଙ୍କୁ ବହୁ ଅଳଙ୍କାର ଦେିଛନ୍ତି ଏବେବି ଅନେକ ଭକ୍ତ ମହାପ୍ରଭୁଙ୍କ ଉଦ୍ଦେଶ୍ୟରେ ସୁନା ରୁପା ଦାନ କରନ୍ତି।ଏ ସବୁର ହିସାବ ସାମ୍ନାକୁ ଆସିବ ।
୧୯୭୮ ମସିହାରେ ଥିଲା ୪୫୪ ପ୍ରକାର ଅଳଙ୍କାର ଥିଲା
ସେତେବେଳର ରାଜ୍ୟପାଳ ଭଗବତ ଦୟାଲ ଶର୍ମାଙ୍କ ଅଧ୍ୟକ୍ଷତାରେ ପୁରୀ ରାଜା ଦିବ୍ୟସିଂହ ଦେବ, ଡ. ହରେକୃଷ୍ଣ ମହତାବ, ବିଶ୍ୱନାଥ ଦାସ, ନିତ୍ୟାନନ୍ଦ କାନୁନଗୋ ଆଦି ଉପସ୍ଥିତ ଥିଲେ ।ସେତେବେଳେ ମୋଟ୍ ୪୫୪ ପ୍ରକାରର ସୁନା ଅଳଙ୍କାର ଥିଲା। ଯାହାର ଓଜନ ଥିଲା ୧୨,୮୩୮ ଭରି ୧ ଅଣା। ୨୯୩ ପ୍ରକାରର ରୁପା ସାମଗ୍ରୀ ଭଳିଥିଲା। ଯାହାର ଓଜନ ଥିଲା ୨୨,୧୫୩ ଭରି।
ଭିତର ଅଳଙ୍କାର
ଏ ତାଲିକାରେ ୩୫୭ ପ୍ରକାରର ସୁନା ଅଳଙ୍କାର ଥିଲା ଯାହାର ଓଜନ ଥିଲା ୪୩୬୪ ଭରି । ୨୩୧ ପ୍ରକାରର ରୁପା ଅଳଙ୍କାର ରହିଥିଲା। ଏହାର ଓଜନ ଥିଲା ୧୪,୮୭୮ ଭରି ।
ବାହାର ଭଣ୍ଡାର ଅଳଙ୍କାର
୭୯ ପ୍ରଚାରର ସୁନା ଅଳଙ୍କାର ଥିଲା। ଏହାର ଓଜନ ଥିଲା ୮୧୭୫ ଭରି, ୪୬୭୧ ଭରି ଓଜନର ୩୯୯ ପ୍ରକାରର ରୁପା ଅଳଙ୍କାର ଥିଲା । ଦୈନନ୍ଦିନ ନୀତି ପାଇଁ ୮ ପ୍ରକାରର ସୁନା ଅଳଙ୍କାର ଏହାର ଓଜନ ଥିଲା ୨୫୯ ଭରି ୧ ଅଣା ୨୩ ପ୍ରକାରର ରୁପା ସାମଗ୍ରୀ ରହିଥିଲା ଏହାର ଓନନ ଥିଲା ୨୬୦୩ ଭରି ୮ ଅଣା ୨୦୧୮ ମସିହା ମାର୍ଚ୍ଚରେ ଚାବି ହଜିବା ହେତୁ ରତ୍ନ ଭଣ୍ଡାର ଗଣତି ମଣତି ହେଇ ପାରିନଥିଲା । ୨୦୨୪ ମସିହା ଫେବ୍ରୁଆରିରେ ପୁଣି ରତ୍ନଭଣ୍ଡାର ଖୋଲିବା ନେଇ ପ୍ରକ୍ରିୟା ଆରମ୍ଭ ହୋଇଥିଲା ଏବେ ଏ କାମକୁ ତ୍ୱରାନ୍ୱୀତ କରାଯାଉଛି।
