ମୋହନ ମାଝୀ ସରକାରଙ୍କ ହାବୁଡରେ ପଡ଼ିଛନ୍ତି BJD ମାର୍କା OAS ଅଫିସର । ସରକାରୀ ଚାକିରୀରେ ରହି ନବୀନ ପଟ୍ଟନାୟକଙ୍କ ଗୁଣଗାନ କରିବା ମହଙ୍ଗା ପଡ଼ିଛି । BJD ଫ୍ରେଣ୍ଡଲି ବାବୁଙ୍କୁ ମିଳୁଛି ବଦଳି ଦଣ୍ଡ। ଯୋଉଥିରେ ଯୋଡ଼ି ହେଇଛନ୍ତି ପୂର୍ବତନ BJD ସାଂସଦ ସର୍ମିଷ୍ଠା ସେଠୀଙ୍କ ସ୍ୱାମୀ ରବୀନ୍ଦ୍ର ସେଠୀ। ପୂର୍ବରୁ ନବୀନ ନିବାସରେ ତତ୍କାଳୀନ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ କାମ କରୁଥିଲେ ରବି ବାବୁ। BJDର ପରାଜୟ ପରେ ଓଡ଼ିଶା ବନ ଉନ୍ନୟନ ନିଗମର ମୁଖ୍ୟ  ପ୍ରବନ୍ଧକ ଭାବେ ଭୁବନେଶ୍ୱରରେ ଦାୟିତ୍ଵ ପାଇଲେ। ଏବେ ତାଙ୍କୁ KBKର ଯୁଗ୍ମ ପରିଚାଳକ ଭାବେ ବଦଳି କରାଯାଇଛି। ରାଜଧାନୀରୁ କୋରାପୁଟ ବିଦା ହେଇଛନ୍ତି OAS ଅଫିସର ରବୀନ୍ଦ୍ର ସେଠୀ।

OAS ଆନ୍ଦୋଳନର ମାଷ୍ଟର ମାଇଣ୍ଡ
BJD ସରକାର ସମୟରେ ରବୀନ୍ଦ୍ର ସେଠୀ ପାୱାରଫୁଲ ଥିଲେ। କିନ୍ତୁ BJD କ୍ଷମତାରୁ ହଟିବା ପରେ ମଧ୍ୟ ସରକାରୀ ଖୋଳପା ଭିତରେ ରହି ନବୀନଙ୍କ ଚାଲର ଗୋଟି ଚଳାଉଥିଲେ ରବି ବାବୁ। ଗତ ଜୁନ୍ 30ରେ BMC ଅଫିସରେ ଅତିରିକ୍ତ କମିଶନର ରତ୍ନାକର ସାହୁଙ୍କୁ ମାଡ଼ ମରା ଘଟଣାରେ ରାଜନୀତି ତୀବ୍ର ହୋଇଥିଲା। ମାଡ଼ ମାରିଥିବା ବ୍ୟକ୍ତିମାନଙ୍କୁ ଗିରଫ କରିବା ସତ୍ତ୍ୱେ BJP ବିଧାୟକ ପ୍ରାର୍ଥୀ ଜଗନ୍ନାଥ ପ୍ରଧାନଙ୍କ ଆରେଷ୍ଟ ଦାବି କରିଥିଲା OAS ସଙ୍ଘ। ଏପରିକି ଅଫିସର ମାନେ କାର୍ଯ୍ୟବନ୍ଦ ଆନ୍ଦୋଳନ କରି ରାଜ୍ୟସାରା ଅଚଳାବସ୍ଥା ସୃଷ୍ଟି କରିଥିଲେ ଓ ସରକାରଙ୍କୁ ନାକେଦମ କରିଥିଲେ। ଯାହାର ମାଷ୍ଟର ମାଇଣ୍ଡ, ରବୀନ୍ଦ୍ର ସେଠୀ ଥିଲେ ବୋଲି କୁହାଗଲା।

ଜଗାଙ୍କ ଗିରଫର ପ୍ରତିଶୋଧ
ବାଧ୍ୟ ହୋଇ କମିଶନରେଟ୍ ପୋଲିସ ଜଗନ୍ନାଥ ପ୍ରଧାନଙ୍କ ଗିରଫ କରିଥିଲା । ତେବେ OAS ସଂଘର ଛତ୍ରଛାୟାରେ ରହି ମୋହନ ସରକାରକୁ ଅକଳରେ ପକାଉଥିବା BJD ମାର୍କା ରବି ସେଠୀଙ୍କ ଉପରେ ହୋଇଛି ସର୍ଜିକାଲ ଷ୍ଟ୍ରାଇକ୍। BJDର ମାମଲତକାର ସାଜିଥିବା ରବୀନ୍ଦ୍ର ସେଠୀଙ୍କୁ କୋରାପୁଟ ବଦଳି କରାଯାଇଥିବା ବେଳେ ଆଗକୁ ବି କାହାର ପାଳି ପଡ଼ିପାରେ !