ହ୍ରିତିକ ରୋଶନ୍,ବଲିଉଡ଼୍ ଜଗତର ବେଶ୍ ଫେମସ୍ ଆକ୍ଟର।କୋଇ ମିଲ୍ ଗୟା,କହୋନା ପ୍ୟାର ହେ,କ୍ରିଷ ଆଦି ବ୍ଲକ୍ ବଷ୍ଟର ମୁଭିରେ ଦମଦାର ଆକ୍ଟିଂ କରିଛନ୍ତି ହ୍ରିତିକ। ଯଦିଓ ହ୍ରିତିକଙ୍କ ବାପା ଫିଲ୍ମ ଲାଇନରେ ଯଥେଷ୍ଟ ପ୍ରତିଷ୍ଠା ଅର୍ଜନ କରି ସାରିଥିଲେ ତଥାପି ତାଙ୍କ ସକ୍ସେସ୍ ଜଣ୍ଣିଂ ଏତେ ସହଜ ନଥିଲା।ହ୍ରିତିକଙ୍କ ଫିଲ୍ମକୁ ଡେବ୍ୟୂ କରିବାକୁ ନିଜର ସର୍ବସ୍ୱକୁ ବନ୍ଧକ ରଖିଥିଲେ ହ୍ରିତିକଙ୍କ ବାପା।

୨୫ ବର୍ଷ ପୂର୍ବେ, ଏହି ଅଭିନେତା ବଲିଉଡରେ ଡେବ୍ୟୁ କରି ସିନେମା ଜଗତକୁ ଦୋହଲାଇ ଦେଇଥିଲେ। ସେ ଭାରତୀୟ ଚଳଚ୍ଚିତ୍ର ଶିଳ୍ପର ଏକମାତ୍ର ଅଭିନେତା ଯିଏ ନିଜର ପ୍ରଥମ ଚଳଚ୍ଚିତ୍ରରୁ ହିଁ  ପ୍ରସିଦ୍ଧ ହୋଇଥିଲେ। ଏହି ଅଭିନେତାଙ୍କୁ ତାଙ୍କ ନିର୍ଦ୍ଦେଶକ ପିତା ତାଙ୍କର ସର୍ବସ୍ୱ ବନ୍ଧକ ରଖି ବଲିଉଡରେ ଲଞ୍ଚ କରିଥିଲେ। ସେହିପରି, ଏହି ଅଭିନେତାଙ୍କ ଫିଲ୍ମ କ୍ୟାରିୟରର ସବୁଠାରୁ ବଡ଼ ହିଟ୍ ଫିଲ୍ମ ହେଉଛି ତାଙ୍କର ଡେବ୍ୟୁ ଫିଲ୍ମ, ଯଦିଓ ଏହା ପରେ ସେ ଅନେକ ବ୍ଲକବଷ୍ଟର ଫିଲ୍ମ ମଧ୍ୟ ଦେଇଛନ୍ତି। ୨୦୦୦ ମସିହାରେ, ଏହି ନିର୍ଦ୍ଦେଶକ ତାଙ୍କ ସାରା ଜୀବନର ରୋଜଗାରକୁ ତାଙ୍କ ପୁଅ ଉପରେ ବିନିଯୋଗ କରି ଏହି ପଦକ୍ଷେପ ନେଇଥିଲ।

ଆମେ ୨୦୦୦ ମସିହାର ମେଗା-ବ୍ଲକବଷ୍ଟର ଫିଲ୍ମ “କହୋ ନା ପ୍ୟାର୍ ହେ”ର ନିର୍ଦ୍ଦେଶକ ଏବଂ ହ୍ରିତିକ୍ ରୋଶନଙ୍କ ପିତା ରାକେଶ ରୋଶନଙ୍କ ବିଷୟରେ କହୁଛୁ। କହୋ ନା ପ୍ୟାର ହୈ ରାକେଶ ରୋଶନଙ୍କ ଦ୍ୱାରା ନିର୍ଦ୍ଦେଶିତ ଏବଂ ପ୍ରଯୋଜିତ ହୋଇଥିଲା। ଏହି ଫିଲ୍ମ ମାଧ୍ୟମରେ କେବଳ ହ୍ରିତିକ୍ ରୋଶନ ନୁହଁନ୍ତି ବରଂ ଅମିଷା ପଟେଲ ମଧ୍ୟ ଡେବ୍ୟୁ କରିଥିଲେ। ପ୍ରକୃତରେ, ସମ୍ପ୍ରତି ନେଟଫ୍ଲିକ୍ସର ଡକ୍ୟୁମେଣ୍ଟାରୀ ‘ଦି ରୋଶନ୍ସ‘ ରିଲିଜ୍ ହୋଇଛି, ଯାହା ରାକେଶ ରୋଶନଙ୍କ ପରିବାରର ଫିଲ୍ମ ଯାତ୍ରା ବିଷୟରେ ବର୍ଣ୍ଣନା କରେ। ଏଥିରେ ହ୍ରିତିକ୍ ରୋଶନ ଏବଂ କିଛି ପରିବାର ସଦସ୍ୟ ପ୍ରକାଶ କରିଛନ୍ତି ଯେ ତାଙ୍କ ବାପା ତାଙ୍କ କ୍ୟାରିଅର ଗଢ଼ିବା ପାଇଁ ସବୁକିଛି ବାଜି ଲଗାଇ ଦେଇଥିଲେ।

ସେହି ସମୟରେ,ହ୍ରିତିକ୍ ରୋଶନଙ୍କ ଡେବ୍ୟୁ ଫିଲ୍ମ “କହୋ ନା ପ୍ୟାର୍ ହୈ”ର ନିର୍ମାଣ ବଜେଟ୍ ୧୦ କୋଟି ଟଙ୍କା ଥିଲା ଏବଂ ଫିଲ୍ମଟି ସେତେବେଳେ ୭୮ କୋଟି ଟଙ୍କାର ରେକର୍ଡ ଭାଙ୍ଗି ବ୍ୟବସାୟ କରିଥିଲା। ଏହା ପରେ, ହ୍ରିତିକ୍ କେବେବି ଫିଲ୍ମ ଇଣ୍ଡଷ୍ଟ୍ରିକୁ ପଛକୁ ଚାହିଁ ନାହାଁନ୍ତି। ତାଙ୍କ ବାପାଙ୍କ ସହିତ, ହ୍ରିତିକ୍ କୋଇ ମିଲ୍ ଗୟା ଏବଂ କ୍ରିଶ୍ ଭଳି ଦୁଇଟି ମେଗା-ବ୍ଲକବଷ୍ଟର ଫିଲ୍ମ ମଧ୍ୟ ଦେଇଛନ୍ତି।

ଭାରତୀୟ କ୍ରିକେଟ୍ ପ୍ରେମୀଙ୍କ ଅପେକ୍ଷା ଶେଷ ହୋଇ ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ଘୋଷଣା ହୋଇଛି  । ଅନେକ ଷ୍ଟାର୍ ଖେଳାଳିଙ୍କୁ ଆଗାମୀ ଟୁର୍ଣ୍ଣାମେଣ୍ଟ ପାଇଁ ଟିମ୍ ଇଣ୍ଡିଆରେ ସାମିଲ କରାଯାଇଛି। ଅନ୍ୟପଟେ କିଛି ଖେଳାଳିଙ୍କ ଚାମ୍ପିଅନ୍ସ ଟ୍ରଫି ୨୦୨୫ ଖେଳିବା ସ୍ୱପ୍ନ ଭାଙ୍ଗି ଯାଇଛି । ଟିମ୍ ଇଣ୍ଡିଆରେ ସ୍ଥାନ ପାଇ ନଥିବା ଖେଳାଳିଙ୍କୁ ନେଇ ଚର୍ଚ୍ଚା ଜୋର୍।

ସଞ୍ଜୁ ସାମସନ

ଟିମ୍ ଇଣ୍ଡିଆର ଷ୍ଟାର ୱିକେଟ୍‌କିପର ବ୍ୟାଟର ସଞ୍ଜୁ ସାମସନଙ୍କୁ ପୁଣି ଥରେ ନିରାଶ ହେବାକୁ ପଡ଼ିଛି । ୱାର୍ଲଡ୍ କପ୍ ୨୦୨୩ ଏବଂ ଟି-୨୦ ବିଶ୍ୱକପରୁ ବାହାରେ ରହିଥିବା ୩୦ ବର୍ଷୀୟ ଖେଳାଳିଙ୍କୁ ଚାମ୍ପିଅନ ଟ୍ରଫି ୨୦୨୫ରେ ବି ସୁଯୋଗ ମିଳି ପାରି ନାହିଁ, ଯାହା ଖେଳ ପ୍ରେମୀଙ୍କୁ ଆଶ୍ଚର୍ଯ୍ୟ କରିଛି।

ସୂର୍ଯ୍ୟକୁମାର ଯାଦବ

ଭାରତୀୟ ଟିମ୍ ପାଇଁ ଟି-୨୦ ବିଶ୍ୱକପ୍ ୨୦୨୪ରେ ଚମତ୍କାର ପ୍ରଦର୍ଶନ କରିଥିବା ତଥା ଟି-୨୦ରେ ଭାରତୀୟ ଟିମ୍‌ର ଅଧିନାୟକ ସୂର୍ଯ୍ୟକୁମାର ଯାଦବଙ୍କୁ ବି ଟିମ୍‌ରେ ସ୍ଥାନ ମିଳିପାରି ନାହିଁ।ଚାମ୍ପିଅନ୍ସ ଟ୍ରଫି ଦିନିକିଆ ଫର୍ମାଟରେ ହୋଇଥିବାରୁ ସୂର୍ଯ୍ୟଙ୍କୁ ବାଦ୍ ଦିଆଯାଇ ଥାଇପାରେ।

ମହମ୍ମଦ ସିରାଜ
ନିୟମିତ ଭାବେ ଟିମ୍ ଇଣ୍ଡିଆର ସଦସ୍ୟ ଥିବା ମହମ୍ମଦ ସିରାଜଙ୍କୁ ବି ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ସୁଯୋଗ ମିଳି ନାହିଁ।ନିକଟରେ ଶେଷ ହୋଇଥିବା ବର୍ଡର-ଗାଭାସ୍କର ଟ୍ରଫିରେ ସିରାଜଙ୍କ ପ୍ରଦର୍ଶନ ଭଲ ନଥିଲା।ଏହି କାରଣରୁ ବୋଧହୁଏ ତାଙ୍କୁ ଭାରତୀୟ ଟିମ୍‌ରେ ସାମିଲ କରାଯାଇନାହିଁ।ଭାରତୀୟ ଟିମ୍‌ର ପେସ୍ ଆଟାକ୍‌ରେ ମହମ୍ମଦ ଶାମିଙ୍କ କମ୍‌ବ୍ୟାକ୍ ହୋଇଛି।

ନୀତୀଶ କୁମାର ରେଡ୍ଡି

ଟିମ୍ ଇଣ୍ଡିଆର ଯୁବ ପ୍ରତିଭାବାନ୍ ଖେଳାଳି ନୀତୀଶ କୁମାର ରେଡ୍ଡିଙ୍କୁ ବି ଆଗାମୀ ଟୁର୍ଣ୍ଣାମେଣ୍ଟ ପାଇଁ ଦଳରେ ସାମିଲ କରାଯାଇ ନାହିଁ । ବର୍ଡର-ଗାଭାସ୍କର ଟ୍ରଫିରେ ଭଲ ପ୍ରଦର୍ଶନ ଯୋଗୁଁ ଚାମ୍ପିଅନ୍ସ ଟ୍ରଫି ପାଇଁ ନୀତୀଶ ରେଡ୍ଡିଙ୍କୁ ସୁଯୋଗ ମିଳିପାରେ ବୋଲି ଚର୍ଚ୍ଚା ହେଉଥିଲା।କିନ୍ତୁ ଏହି ଯୁବ ଖେଳାଳିଙ୍କୁ ନିରାଶ ହେବାକୁ ପଡ଼ିଛି।

କରୁଣ ନାୟର

ଘରୋଇ ଟୁର୍ଣ୍ଣାମେଣ୍ଟରେ ଚମତ୍କାର ବ୍ୟାଟିଂ କରୁଥିବା କରୁଣ ନାୟରଙ୍କୁ ପୁଣି ଅଣଦେଖା କରାଯାଇଛି।ବିଜୟ ହଜାରେ ଟ୍ରଫିରେ ୭ଟି ମ୍ୟାଚ୍‌ରେ ୭୫୨ ରନ୍ କରିଥିବା କରୁଣ ନାୟରଙ୍କ ଟିମ୍ ଇଣ୍ଡିଆରେ କମ୍‌ବ୍ୟାକ୍ ହୋଇପାରେ ବୋଲି ଚର୍ଚ୍ଚା ହେଇଥିଲେ।ଟିମ୍ ଇଣ୍ଡିଆ ପୂର୍ବତନ ଖେଳାଳି ମଧ୍ୟ କରୁଣ ନାୟରଙ୍କ ପ୍ରତି ଚୟନକର୍ତ୍ତା ଦୃଷ୍ଟି ଦେବା ଦରକାର ବୋଲି କହିଥିଲେ।  

ଭାରତ ଏକ କୃଷିପ୍ରଧାନ ଦେଶ।ଜୀବନ ଓ ଜୀବିକା ପାଇଁ ଭାରତର ଗ୍ରାମାଞ୍ଚଳର ସତୁରି ଶତାଂଶ ଲୋକ କୃଷି ଉପରେ ନିର୍ଭରଶୀଳ।ଏଠାରେ ମୁଖ୍ୟତଃ ପାରମ୍ପରିକ ଫସଲଗୁଡ଼ିକର ଚାଷ କରାଯାଇଥାଏ । କିନ୍ତୁ, ଆଜିକାଲି କୃଷିକ୍ଷେତ୍ରରେ ନୂଆ ନୂଆ ପରୀକ୍ଷା ନିରୀକ୍ଷା ଓ ପ୍ରୟୋଗ କରାଯିବାକୁ ଲାଗିଲାଣି।କୃଷି ଏକ ପୂର୍ଣ୍ଣକାଳୀନ ବୃତ୍ତି ହୋଇଥିବା ବେଳେ ଏଥିଲାଗି ଉଭୟ ଶାରୀରିକ ତଥା ମାନସିକ ସ୍ତରରେ ପ୍ରସ୍ତୁତ ରହିବାର ଆବଶ୍ୟକତା ରହିଛି। ଉନ୍ନତ କୃଷି ଲାଗି କଠିନ ପରିଶ୍ରମ ଲୋଡା ରହିଛି। ହେଲେ କଠିନ ପରିଶ୍ରମ ସହ ଆର୍ଥିକ ସଙ୍କଟ ବେଳେବେଳେ ଚାଷୀଙ୍କ ମେରୁଦଣ୍ଡ ଭାଙ୍ଗିଦିଏ।

ଆମ ଦେଶର ଅନେକ କୃଷକ ଆର୍ଥିକ ଦୃଷ୍ଟିରୁ ସମୃଦ୍ଧ ନୁହଁନ୍ତି।ଏହିପରି କୃଷକମାନେ ଚାଷ ପାଇଁ ସରକାରଙ୍କ ଆର୍ଥିକ ସହାୟତା ଆବଶ୍ୟକ କରନ୍ତି। କାରଣ ବିହନ ବୁଣା ଠାରୁ ଆରମ୍ଭ କରି ତଳି ରୋଇବା ବିଭିନ୍ନ କାର‌୍ୟ୍ୟରେ ବହୁ ଅର୍ଥ ଖର୍ଚ୍ଚ ହୋଇଥାଏ । ଅନେକ କୃଷକ କୃଷିରେ ଜଳସେଚନ ପାଇଁ ଡିଜେଲ ଚାଳିତ ପମ୍ପ ବ୍ୟବହାର କରନ୍ତି । ଏଭଳି ପରିସ୍ଥିତିରେ କୃଷକମାନେ ଫସଲରୁ ଅଧିକ ଉପାର୍ଜନ କରିପାରନ୍ତି ନାହିଁ । କାରଣ ପମ୍ପ ପାଇଁ ଡିଜେଲ କିଣିବାରେ ସେମାନଙ୍କ ଅର୍ଦ୍ଧାଧିକ ଅର୍ଥ ଖର୍ଚ୍ଚ ହୋଇଥାଏ ।ତେଣୁ ବର୍ତ୍ତମାନ ଅନେକ କୃଷକ ସୌର ଶକ୍ତି କିମ୍ବା ବିଦ୍ୟୁତ୍ ରେ ଚାଲୁଥିବା ପମ୍ପ ବ୍ୟବହାର କରୁଛନ୍ତି। ଏବଂ ଅନେକ ରାଜ୍ୟର ସରକାର ମଧ୍ୟ କୃଷକମାନଙ୍କୁ ଏଥିପାଇଁ ଉତ୍ସାହିତ କରନ୍ତି । ଏହାର ବ୍ୟବହାରରେ ପ୍ରଦୂଷଣର ହୁଏ ନାହିଁ କି ଚାଷୀଙ୍କ ଉପରେ ଆର୍ଥିକ ଚାପ ପକାଏ ନାହିଁ । ମଧ୍ୟପ୍ରଦେଶରେ ରହୁଥିବା ଚାଷୀଙ୍କ ପାଇଁ ପମ୍ପ ବ୍ୟବହାରକୁ ନେଇ ଏକ ବହୁତ ଖୁସି ଖବର ଆସିଛି।

ମଧ୍ୟପ୍ରଦେଶର ବିଦ୍ୟୁତ୍ ବିତରଣ କମ୍ପାନୀ ମଧ୍ୟପ୍ରଦେଶର ବୈଦ୍ୟୁତିକ ପମ୍ପ ଉପରେ ଏକ ନୂତନ ଅଫର ଆଣିଛି।
ମଧ୍ୟପ୍ରଦେଶର ବିଦ୍ୟୁତ୍ ବିତରଣ କମ୍ପାନୀ ମଧ୍ୟପ୍ରଦେଶର ଗ୍ରାମୀଣ କୃଷି ଉପଭୋକ୍ତାଙ୍କୁ ଚାଷ ପାଇଁ ପମ୍ପ ସଂଯୋଗ ମାତ୍ର ୫ ଟଙ୍କା ପ୍ରଦାନ କରିବ।ବିଦ୍ୟୁତ୍ ଲାଇନ ନିକଟରେ ରହୁଥିବା ସେହି କୃଷକମାନଙ୍କ ପାଇଁ ଏହି ସୁବିଧା ଉପଲବ୍ଧ ହେବ।ଏଥିପାଇଁ କୃଷକମାନଙ୍କୁ ସରଳ ସଂଯୋଜନର ଅଫିସିଆଲ୍ ପୋର୍ଟାଲ୍ https://saralsanyojan.mpcz.in:8888/home ଯାଇ ଫର୍ମ ପୂରଣ କରିବାକୁ ପଡିବ। କିଛି ଅଧିକାରୀ ଘରକୁ ଆସି ସର୍ଭେ କରିବା ପରେ ଚାଷୀଙ୍କୁ ମିଳିଯିବ ପମ୍ପ।

ଭାରତର ଜାତୀୟ ଚିହ୍ନ, ପ୍ରତୀକ ତଥା ନାମ ସହିତ ଟାମ୍ପରିଂକୁ ରୋକିବା ପାଇଁ ଆଇନର କଡ଼ା ବ୍ୟବସ୍ଥା ରହିଛି । ଯଦିଓ ଏହି ଆଇନ ବର୍ତ୍ତମାନ ଏତେ ପ୍ରଭାବଶାଳୀ ନୁହେଁ, କିନ୍ତୁ ଭାରତ ସରକାର ଏହି ଆଇନରେ ଏପରି ବ୍ୟବସ୍ଥା କରିବାକୁ ଯାଉଛନ୍ତି, ଯାହା ଆପଣଙ୍କ ପାଇଁ ଅସୁବିଧା ସୃଷ୍ଟି କରିପାରେ । ଆସନ୍ତୁ ଜାଣିବା ପ୍ରଧାନମନ୍ତ୍ରୀ କିମ୍ବା ରାଷ୍ଟ୍ରପତିଙ୍କ ଫଟୋ ଟାମ୍ପରିଂ କଲେ, କ’ଣ ଦଣ୍ଡବିଧାନ ରହିଛି? ଏପରି ମାମଲାରେ ନିମୟ କ’ଣ ରହିଛି ?

ଜାତୀୟ ପ୍ରତୀକ, ଚିହ୍ନ କିମ୍ବା ନାମର ଅନୁପଯୁକ୍ତ ବ୍ୟବହାରକୁ ରୋକିବା ପାଇଁ ଅଧିନିୟମ ୧୯୫୦ ପ୍ରଣୟନ କରାଯାଇଛି । ଏହା ଅଧୀନରେ ପ୍ରଧାନମନ୍ତ୍ରୀ କିମ୍ବା ରାଷ୍ଟ୍ରପତିଙ୍କ ଫଟୋ ସହିତ ଟାମ୍ପରିଂ ବିରୋଧରେ ଦଣ୍ଡର ବ୍ୟବସ୍ଥା ରହିଛି । ବର୍ତ୍ତମାନ ପର୍ଯ୍ୟନ୍ତ ଜାତୀୟ ପତାକା, ଅଶୋକ ଚକ୍ର, ସଂସଦ ଏବଂ ସୁପ୍ରିମକୋର୍ଟର ସରକାରୀ ସିଲ୍, ପ୍ରଧାନମନ୍ତ୍ରୀ କିମ୍ବା ରାଷ୍ଟ୍ରପତିଙ୍କ ଫଟୋ, ରାଜ ଭବନ କିମ୍ବା ରାଷ୍ଟ୍ରିୟ ଭବନଙ୍କ ଫଟୋକୁ ବିକୃତ କଲେ ୫୦୦ ଟଙ୍କା ପର୍ଯ୍ୟନ୍ତ ଜୋରିମାନା ରହିଛି। ପୂର୍ବରୁ ଏପରି ଘଟଣାର ପୁନରାବୃତ୍ତି ପାଇଁ ପୃଥକ ଦଣ୍ଡ ପାଇଁ କୌଣସି ବ୍ୟବସ୍ଥା ନଥିଲା ।

ହେଲେ ଖବର ଅନୁଯାୟୀ, ଭାରତ ସରକାର ଏହି ଆଇନରେ ପରିବର୍ତ୍ତନ କରିଛନ୍ତି । ନିୟମ ଅନୁସାରେ ଭାରତର ରାଷ୍ଟ୍ରପତି କିମ୍ବା ପ୍ରଧାନମନ୍ତ୍ରୀଙ୍କ ଫଟୋଗ୍ରାଫକୁ ନଷ୍ଟ କଲେ କିମ୍ବା ଅପବ୍ୟବହାର କଲେ , ୫ ଲକ୍ଷ ଟଙ୍କା ଜୋରିମାନା କିମ୍ବା ଛଅ ମାସ ପର୍ଯ୍ୟନ୍ତ କିମ୍ବା ଉଭୟ ଜେଲ ଦଣ୍ଡ ହୋଇପାରେ । ଭାରତ ସରକାର ଏହି ଜରିମାନାକୁ ୧୦୦୦ ଗୁଣ ବୃଦ୍ଧି କରିଛନ୍ତି । ଅର୍ଥାତ୍ ପ୍ରାଇଭେଟ କମ୍ପାନୀଗୁଡିକ ଦ୍ୱାରା ପ୍ରଧାନମନ୍ତ୍ରୀ କିମ୍ବା ରାଷ୍ଟ୍ରପତିଙ୍କ ଫଟୋ ଅପବ୍ୟବହାର ହେଲେ ପ୍ରଥମ ଥର ପାଇଁ ୧ ଲକ୍ଷ ଟଙ୍କା ପର୍ଯ୍ୟନ୍ତ ଜୋରିମାନା ଦେବାକୁ ପଡ଼ିବ। ବାରମ୍ବାର ଏପରି ଭୁଲ କରେ ୫ ଲକ୍ଷ ଟଙ୍କା ଜୋରିମାନା କିମ୍ବା ୬ ମାସ ପର୍ଯ୍ୟନ୍ତ ଜେଲଦଣ୍ଡ ହୋଇପାରେ ।

ହାତ ଠାରି ଡାକୁଛନ୍ତି ପ୍ରଭୁ ଶ୍ରୀରାମ। ଆଦୌ ବିଳମ୍ବ କରନ୍ତୁ ନାହିଁ, ଏପରି ମଉକା କେବେ ମିଳିନପାରେ । ଆପଣ ଯେତେବେଳେ ଚାହିଁବେ ପୁରୁଷୋତ୍ତମ ଶ୍ରୀରାମଙ୍କ ଦର୍ଶନ କରିପାରିବେ ।  ଯଦି ଆପଣ ପ୍ରଭୁ ରାମଙ୍କ ସହର ଅଯୋଧ୍ୟାରେ ନିଜ ଘର କିଣିବାକୁ ଚାହୁଁଛନ୍ତି, ତେବେ ଏହି ଖବର ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

ଅଯୋଧ୍ୟା ବିକାଶ ପ୍ରାଧିକରଣ ଏକ ଯୋଜନା ପ୍ରସ୍ତୁତ କରିଛି, ଯାହା ମାଧ୍ୟମରେ ଆପଣ ଅଯୋଧ୍ୟାରେ ନିଜ ଘର କିଣି ପାରିବେ। ଅଯୋଧ୍ୟା ବିକାଶ ପ୍ରାଧିକରଣ ଦ୍ୱାରା ଆରମ୍ଭ ହୋଇଛି ବଶିଷ୍ଠ କୁଞ୍ଜ ଆବାସିକ ଯୋଜନା। ଏହି ଯୋଜନା ଅନୁସାରେ ଲକ୍ଷ୍ନୌ ରାଜପଥରେ ଥିବା ଫିରୋଜେପୁର ଉପା ଗାଁ  ନିକଟରେ ନିର୍ମାଣ ହେବ ବଶିଷ୍ଠ କୁଞ୍ଜ । ରାମ ମନ୍ଦିର ଠାରୁ ଏହାର ଦୂରତା ପ୍ରାୟ ୨୦ କିଲୋମିଟର ଏବଂ ମହର୍ଷି ବାଲ୍ମୀକି ଅନ୍ତର୍ଜାତୀୟ ବିମାନ ବନ୍ଦରରୁ ଏହାର ଦୂରତା ୧୨ କିଲୋମିଟର। ଆଉ ଅଯୋଧ୍ୟା ଧାମ ରେଳ ଷ୍ଟେସନରୁ ଦୂରତା ମାତ୍ର ୧୨ କିଲୋମିଟର।

ଯୋଜନା ଅନୁସାରେ ପ୍ରାୟ ୬୦୦ ଆବାସିକ ଗୃହ ନିର୍ମାଣ କରାଯାଉଛି । ଯେଉଁଥିରେ ୧୦ ଲକ୍ଷ ୪୯ ହଜାରରୁ ୬୪ ଲକ୍ଷ ୬୪ ହଜାର ଟଙ୍କା ପର୍ଯ୍ୟନ୍ତ ଘର ଆବଣ୍ଟନ କରାଯିବ । ଘର ବ୍ୟତୀତ ଡାକ୍ତରଖାନା, ପୋଲିସ୍ ଷ୍ଟେସନ୍, ପାର୍କ ଭଳି ସୁବିଧା ମଧ୍ୟ ଏହି ଗୃହ ଯୋଜନାରେ ଉପଲବ୍ଧ ହେବ ।କିନ୍ତୁ ଏଥିପାଇଁ ଆପଣଙ୍କୁ ପ୍ରଥମେ ଅଯୋଧ୍ୟା ବିକାଶ ପ୍ରାଧିକରଣର ୱେବସାଇଟକୁ ଯାଇ ୧୦୦୦ ଟଙ୍କା ଦେୟ ଦେଇ ଅନଲାଇନରେ ଆବେଦନ କରିବାକୁ ପଡିବ। ଆଉ ଲଟେରୀ ଉଠିବା ପରେ ଘର ଆପଣଙ୍କର ହେବ। ଏହି ଗୃହ ଯୋଜନାରେ ୩ ବର୍ଗର ଘର ଉପଲବ୍ଧ କରାଯିବ। 

କିଛି ଦିନ ପୂର୍ବେ ବୈଷ୍ଣବ କୁଞ୍ଜ ପ୍ରକଳ୍ପର ଶିଳାନ୍ୟାସ କରିଥିଲେ ଯୋଗୀ ଆଦିତ୍ୟନାଥ । ଏହି ସ୍କିମ୍ ପାଇଁ ଆବେଦନ କରିବାକୁ ଚାହୁଁଥିବା ବ୍ୟକ୍ତି ୧୦୦୦ ଟଙ୍କା ଫି ସହିତ ଅଯୋଧ୍ୟା ବିକାଶ ପ୍ରାଧିକରଣ  vashishtkunj.ayodhya.in ୱେବସାଇଟରେ ଆବେଦନ କରିପାରିବେ । ଏହି ଗୃହ ଯୋଜନାରେ ପ୍ଲଟ ଗୁଡିକ ୮ ଶ୍ରେଣୀରେ ବିଭକ୍ତ କରାଯାଇଛି । ମୋଟ ୮ ଟି ବର୍ଗରେ ୬୦୦ଟି ପ୍ଲଟ୍ ବଣ୍ଟନ କରାଯିବ ।  ଶ୍ରୀରାମ ନଗରୀରେ ପ୍ଲଟ କିଣିବା ପାଇଁ ୯ ଡିସେମ୍ବରରୁ ୮ ଜାନୁୟାରୀ ୨୦୨୫ ମଧ୍ୟରେ ଆବେଦନ କରିପାରିବେ।

ଏହା ଅଯୋଧ୍ୟାଙ୍କର ପ୍ରଥମ ହାଇ-ଟେକ୍ ଟାଉନସିପ୍ ହେବ। ଯେଉଁଠି ବିଦ୍ୟାଳୟ ଏବଂ କମ୍ୟୁନିଟି ହଲ୍ ସହ ସୁରକ୍ଷା ପାଇଁ ସିସିଟିଭି କ୍ୟାମେରା ଲଗାଯିବ। ପ୍ରାୟ ୧୦,୦୦୦ ଲୋକ ଏହି ଯୋଜନାରେ ଉପକୃତ ହେବେ ଏବଂ ଅଯୋଧ୍ୟା ନଗରୀରେ ବସବାସ କରିବାକୁ ଚାହୁଁଥିବା ଲୋକଙ୍କର ସେବାରେ ଆସିବ ।

ସାମ୍ନାକୁ ଆସିଲା ପୂର୍ବତନ ସିଡିଏସ୍ ବିପିନ୍ ରାଓ୍ୱତଙ୍କ ମୃତ୍ୟୁ ରହସ୍ୟ।ବିପିନ ରାଓ୍ୱତଙ୍କ ମୃତ୍ୟୁକୁ ନେଇ ହୋଇଛି ଚାଞ୍ଚଲ୍ୟକର ଖୁଲାସା।ବିପିନ ରାଓ୍ୱତଙ୍କ ମୃତ୍ୟୁର କାରଣ ଆକସ୍ମିକ ଦୁର୍ଘଟଣା ନଥିଲା ବରଂ ଥିଲା ମନୁଷ୍ୟକୃତ।ମାନବିକ ତ୍ରୁଟି ପାଇଁ ହୋଇଥିଲା ଦୁର୍ଘଟଣା,ଦୁର୍ଘଟଣାର 3 ବର୍ଷ ନେଇ ବିପିନ ରାଓ୍ୱତଙ୍କୁ ନେଇ ସାମ୍ନାକୁ ଆସିଲା ବଡ଼ ସତ।ସଂସଦୀୟ କମିଟିର ରିପୋର୍ଟ ଅନୁଯାୟୀ ଦୁର୍ଘଟଣାର କାରଣ ମାନବିକ ତ୍ରୁଟି ଥିଲା।

୨୦୨୧ ଡିସେମ୍ବର ୮ ତାରିଖରେ ଦେଶ ଦେଖିଥିଲା ବଡ଼ ଧରଣର ଦୁର୍ଘଟଣା।ଏହି ଦିନ ତାମିଲନାଡୁରନିକଟରେ ଏମଆଇ-୧୭ ଭି୫ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା।ଆଉ ଏହି ଭୟଙ୍କରଦେଶର ପ୍ରଥମ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ସିଡିଏସ୍ ଜେନେରାଲ ବିପିନ ରାୱତ ସହିଦ ହୋଇଥିଲେ। ତାଙ୍କ ସହ ପତ୍ନୀ ମଧ୍ୟ ଦୁର୍ଘଟଣାର ଶିକାର ହୋଇଥିଲେ।ବିପିନ ରାଓ୍ୱତଙ୍କ ଦେହାନ୍ତକୁ ନେଇ ଚର୍ଚ୍ଚା ଆଲୋଚନା ଜୋର୍ ହୋଇଥିଲା। ମାତ୍ର ସେ ସମୟରେ ଦୁର୍ଘଟଣାର କାରଣକୁ ନେଇ କଔଣସି ସଠିକ୍ ତଥ୍ୟ ଆସି ପାରି ନଥିଲା।ଦୁର୍ଘଟଣାର ୩ ବର୍ଷ ପରେ କାରଣ ସାମ୍ନାକୁ ଆସିଛି ।ସାମ୍ନାକୁ ଆସିଥିବା ସଂସଦୀୟ କମିଟି ରିପୋର୍ଟରେ କୁହାଯାଇଛି ଯେ, ଦୁର୍ଘଟଣାର କାରଣ ମାନବିକ ତ୍ରୁଟି ଥିଲା । ଜେନେରାଲ ରାୱତଙ୍କ ବ୍ୟତୀତ ତାଙ୍କ ପତ୍ନୀ ମଧୁଲିକା ରାୱତଙ୍କ ସହିତ ଯବାନ ମଧ୍ୟ ଏହି ଭୟଙ୍କର ଦୁର୍ଘଟଣାରେ ସହିଦ ହୋଇଥିଲେ ।

ପ୍ରତିରକ୍ଷା ମନ୍ତ୍ରଣାଳୟ ସଂସଦୀୟ କମିଟିକୁ ଦେଇଥିବା ରିପୋର୍ଟ ଅନୁଯାୟୀ ଏ ଦୁର୍ଘଟଣା ମନୁଷ୍ୟକୃତ । ୨୦୧୮ ପରଠାରୁ ଗତ ୬ ବର୍ଷ ମଧ୍ୟରେ ୩୪ଟି ଦୁର୍ଘଟଣାର ତଦନ୍ତ କରାଯାଇଛି । ଶୀତକାଳୀନ ଅଧିବେଶନ ସମୟରେ ମଙ୍ଗଳବାର ସଂସଦରେ ପ୍ରତିରକ୍ଷା ସଂକ୍ରାନ୍ତ ଷ୍ଟାଣ୍ଡିଂ କମିଟିର ରିପୋର୍ଟ ଉପସ୍ଥାପନ କରାଯାଇଥିଲା । ଏଥିରେ ତ୍ରୟୋଦଶ ପ୍ରତିରକ୍ଷା ଯୋଜନା ସମୟରେ ଭାରତୀୟ ବାୟୁସେନାର ବିମାନ ଦୁର୍ଘଟଣାର ବିବରଣୀ ଦିଆଯାଇଛି । ଯୋଉ ବୀବରଣୀ ସ୍ପଷ୍ଟ କରୁଛି କି ସେଦିନ ଦୁର୍ଘଟଣା ବି ମନୁଷ୍ୟକୃତ ଥିଲା ।

ତେବେ ସେହି ବର୍ଷ ବାୟୁସେନାର ୯ଟି ବିମାନ ଦୁର୍ଘଟଣାର ଶିକାର ହୋଇଥିଲା।ତା ମଧ୍ୟରୁ ୨୦୨୧ ଡିସେମ୍ବର ୮ତାରିଖରେ ତାମିଲନାଡୁର କୁନୁର ନିକଟରେ ଏକ ହେଲିକପ୍ଟର ଦୁର୍ଘଟଣା ଘଟିଥିଲା,ସେଥିରେ ହିଁ ସିଡିଏସ୍ ଜେନେରାଲ ବିପିନ ରାୱତଙ୍କ ସମେତ ତାଙ୍କ ପତ୍ନୀଙ୍କ ମଧ୍ୟ ମୃତ୍ୟୁ ଘଟିଛି । ତେବେ କାରଣ ସାମ୍ନାକୁ ଆସିଲା ପରେ କ୍ରୀଉ ମେମ୍ବରଙ୍କୁ ତଦନ୍ତ ପରିସର ଭୁକ୍ତ କରାଯିବ। ଖୁବ୍ ଶିଘ୍ର ସମ୍ପୁଣ୍ଣ କାରଣ ସାମ୍ନାକୁ ଆସିଲା ପରେ ବିପିନ ରାଓ୍ୱତଙ୍କ ହତ୍ୟାରେ ସମ୍ପୃକ୍ତ ଅଧିକାରୀ ସାମ୍ନାକୁ ଆସିବେ ।