ଦାଦା ସାହେବ ଫାଲକେ ପୁରସ୍କାର ପାଇବା ପରେ ମିଥୁନ ଚକ୍ରବର୍ତ୍ତୀଙ୍କ କ୍ରେଜ୍ ଆହୁରି ବଢ଼ିଛି। ମିଥୁନଙ୍କ ବିଷୟରେ ଗୋଟାଏ ପରେ ଗୋଟାଏ କଥା ଜାଣିବାକୁ ମିଳୁଛି।କେବେ ତାଙ୍କ ଫ୍ୟାମିଲି ଲାଇଫକୁ ନେଇ ଚର୍ଚ୍ଚା ଚାଲୁଛି, ତ ପୁଣି କେବେ ପ୍ରଫେସନାଲ୍ ଷ୍ଟ୍ରଗଲକୁ ନେଇ ଡିସକସନ୍। ହାର୍ଡକୋର କ୍ରିମିନାଲ୍ ଭାବେ ମିଥୁନ ଦାଙ୍କର ହିଷ୍ଟ୍ରୀକୁ ନେଇ କେବେ ଡିବେଟ ହେଉଛି ତ ପୁଣି କେବେ ଫିଲ୍ମ କ୍ୟାରୀୟରକୁ ନେଇ ଲମ୍ବା ଆଲୋଚନା। ତେବେ ଆପଣ ଜାଣିଛନ୍ତି କି, ଅନେକ ସଫଳତା ପାଇଥିବା ମିଥୁନ୍ ଚକ୍ରବର୍ତ୍ତୀଙ୍କ ଫିଲ୍ମ କ୍ୟାରୀୟର ଓଡ଼ିଶାରୁ ହିଁ ଷ୍ଟାର୍ଟ ହୋଇଛି?
ବଲିଉଡ ଆକ୍ଟର କମ୍ ପ୍ରଡ୍ୟୁସର ଭାବରେ ନାଁ କମାଇଥିବା ମିଥୁନଙ୍କ ଆକ୍ଟିଂ କ୍ୟାରୀୟରର ପ୍ରଥମ ଫିଲ୍ମ, ଓଡ଼ିଆ କାହାଣୀରୁ ହିଁ ତିଆରି ହୋଇଛି। କେବଳ କାହାଣୀ ଓଡ଼ିଆ ନୁହେଁ, ଓଡ଼ିଶା ମାଟିରେ ସୁଟିଂ ମଧ୍ୟ ହୋଇଛି। ଫେମସ୍ ଡିରେକ୍ଟର ମ୍ରିଣାଳ ସେନଙ୍କ ଡିରେକ୍ସନରେ ନିର୍ମିତ ମ୍ରିଗୟା ଥିଲା ମିଥୁନଙ୍କ ଫାଷ୍ଟ ପିକ୍ଚର।ପୁନେ ଫିଲ୍ମ ଇନଷ୍ଟିଚ୍ୟୁଟର ଷ୍ଟୁଡେଣ୍ଟ ଥିବା ସମୟରେ ଚାନ୍ସ ପାଇଥିଲେ ମିଥୁନ। ବିଶିଷ୍ଠ ବାମପନ୍ଥୀ ଲେଖକ ଭଗବତୀ ଚରଣ ପାଣିଗ୍ରାହୀଙ୍କ ଲେଖା- ଶିକାର ଆଧାରରେ ତିଆରି ହୋଇଥିବା ସେହି ଫିଲ୍ମ ଫେମସ୍ ହେଲା। ଆଉ ମିଥୁନଙ୍କୁ ମିଳିଲା ନ୍ୟାସନାଲ ଆୱାର୍ଡ। ତେଣୁ ମିଥୁନଙ୍କର ସକ୍ସେସ୍ ସହ ଓଡ଼ିଶାର ସ୍ପେଶାଲ୍ ଲିଙ୍କ୍ ରହିଛି।
ମ୍ରିଗୟାର ସଫଳତା ପରେ ହିନ୍ଦୀ ଏବଂ ବଙ୍ଗଳା ସିନେମାରେ ଆକ୍ଟିଂକୁ ମିଥୁନ ଇମ୍ପୋର୍ଟାନ୍ସ ଦେଇଥିଲେ ମଧ୍ୟ ଓଡ଼ିଆ ସିନେମାରେ ତାଙ୍କର ସ୍ୱତନ୍ତ୍ର ଛାପ ଛାଡିଛନ୍ତି। 2000 ମସିହାରେ ସୁଧାଂଶୁ ମୋହନ ସାହୁଙ୍କ ନିର୍ଦ୍ଦେଶିତ ସହର ଜଳୁଛିରେ ଗେଷ୍ଟ କ୍ୟାରେକ୍ଟର ଭାବରେ ନଜର ଆସିଥିଲେ ମିଥୁନ ଚକ୍ରବର୍ତ୍ତୀ। ବିଜୁ ଭାଇ ରୋଲରେ ସାଧାରଣ ଲୋକଙ୍କ ରୋଲ୍ ମଡ଼େଲ ଭାବେ ରିଲରେ ନଜର ଆସିଥିବା ମିଥୁନଙ୍କ ପାଇଁ ସହର ଜଳୁଛି ଫିଲ୍ମ ତିଆରି କରିଥିଲା ଅଲଗା ରେକର୍ଡ। ଏ ଫିଲ୍ମରେ ସିଦ୍ଧାନ୍ତ ମହାପାତ୍ର, ମିହିର ଦାସ, ଜ୍ୟୋତି ମିଶ୍ର, ଉତ୍ତମ ମହାନ୍ତି ଏବଂ ବିଜୟ ମହାନ୍ତିଙ୍କ ଭଳି ଅଭିନେତା ନଜର ଆସିଥିଲେ।
ହରପଟ୍ଟନାୟକଙ୍କ ନିର୍ଦ୍ଦେଶିତ ଏ ଯୁଗର କୃଷ୍ଣ ସୁଦାମା ଫିଲ୍ମରେ ମଧ୍ୟ ମିଥୁନ ଚକ୍ରବର୍ତ୍ତୀ ନଜର ଆସିଛନ୍ତି। ଦୁଇ ବନ୍ଧୁ ଭୂମିକାରେ ଉତ୍ତମ ମହାନ୍ତି ଏବଂ ମିଥୁନଙ୍କ ଚମତ୍କାର ଅଭିନୟ ଦର୍ଶକଙ୍କୁ ବେଶ୍ ଛୁଇଁଥିଲା। ମିଥୁନଙ୍କ ଅଭିନୀତ ଅନେକ ବଙ୍ଗଳା ଫିଲ୍ମ ଓଡ଼ିଆରେ ଡବିଂ ମଧ୍ୟ ହୋଇଛି।
ଶୁଣିବାକୁ ମିଳେ ଓଡ଼ିଆ ଫିଲ୍ମ ଇଣ୍ଡଷ୍ଟ୍ରୀ ପ୍ରତି ବେଶ୍ ଦୁର୍ବଳତା ରହିଛି ମିଥୁନ ଦାଦାଙ୍କର। ସେଥିପାଇଁ କମ୍ ପାରିଶ୍ରମିକ ନେଇ ସହର ଜଳୁଛି ଫିଲ୍ମରେ ସେ ଅଭିନୟ କରିଛନ୍ତି। ଓଲିଉଡ୍ ଫିଲ୍ମ ପାଇଁ ଅଧିକ ଫି ଡିମାଣ୍ଡ ନକରିବା ସହ ଟିମ୍ ସହ ଖୁବ୍ ଭଲରେ ସେ କାମ କରିଛନ୍ତି।ଆଉ ହଁ, ମିଥୁନଙ୍କ ପ୍ରଥମ ଫିଲ୍ମ ଓଡ଼ିଆ କାହାଣୀ ଉପରେ ପର୍ଯ୍ୟବେଶିତ ହୋଇଥିବାରୁ ତାଙ୍କ ଫିଲ୍ମ କ୍ୟାରୀୟର ଓଡ଼ିଶାରୁ ହିଁ ଆରମ୍ଭ ହୋଇଛି ବୋଲି କୁହାଯାଇପାରେ। ତେଣୁ ମିଥୁନଙ୍କ ସକ୍ସେସର ମେନ୍ ଲିଙ୍କ ଓଡ଼ିଶା।
