Posts by Sasmita Behera

କୁଆଡ଼େ ଯାଉଛି ବାରବାଟି ଷ୍ଟାଡ଼ିୟମର ଅଧା ଟିକେଟ

ଚୋରାରେ ବିକ୍ରି ହେଉଛି କି  ବାରବାଟି ଷ୍ଟାଡିୟମ୍ ଟିକେଟ?କାହିଁକି ଟିକେଟ ପାଉନାହାନ୍ତି ସାଧାରଣ ଜନତା?ଷ୍ଟାଡିୟମ ସିଟର କାପାସିଟି କେତେ?ଓସିଏର କହିବା ଅନୁଯାୟୀ ୪୪ ହଜାର ୫୭୪ ଜଣଙ୍କ ପାଇଁ ସିଟ୍ ଥିବାବେଳେ କାହିଁକି ବିକ୍ରି ହେଉଛି ଅଧା ଟିକେଟ?ବାକି ଟିକେଟ ସବୁ ଯାଉଛି କୁଆଡ଼େ?ହେଉନି ତ ବଡ଼ ଧରଣର କଳାବଜାରୀ?ଏସବୁ ପ୍ରଶ୍ନ ଏବେ ପ୍ରତିଟି କ୍ରିକେଟ ଲଭରଙ୍କ ମନରେ ଉଙ୍କି ମାରିବା ସ୍ବାଭାବିକ।

ବାରବାଟି ଷ୍ଟାଡିୟମରେ ଇଂଲଣ୍ଡ ଇଣ୍ଡିଆ ମ୍ୟାଚକୁ ନେଇ କ୍ରିକେଟ ଲଭରଙ୍କ ଭିତରେ ଉତ୍ସାହ ବଢିବାରେ ଲାଗିଛି।ଟିକେଟ ବିକ୍ରି ସମୟରେ ଅସମ୍ଭାଳ ଭିଡ଼ ସାଙ୍ଗକୁ ଅନେକ ଜଣ ନିରାଶ ବି ହୋଇଛନ୍ତି।ନିର୍ଦ୍ଧାରିତ ସଂଖ୍ୟକ ଟିକେଟ ଠାରୁ ଅଧିକ ଲୋକଙ୍କ ଭିଡ଼ ହେତୁ ଅପ୍ରିତିକର ପରିସ୍ଥିତି ବି ସୃଷ୍ଟି ହୋଇଛି। ମାତ୍ର ଆପଣ ଜାଣନ୍ତି କି ବାରବାଟୀ ଷ୍ଟାଡିୟମରେ କେତେ ଲୋକ ବସିପାରିବେ?ମ୍ୟାଚ୍ ପାଇଁ କେତେ ଟିକେଟ ବିକ୍ରି ହେଉଛି?ବାକି ଜାଗା କ’ଣ ଖାଲି ପଡ଼ୁଛି? କ୍ରିକେଟ କଳାଜାରିକୁ ନେଇଯୋଉ ଅଭିଯୋଗ ହେଉଛି ତାହା ସତ କି?

କଟକ ବାରବାଟୀ ଷ୍ଟାଡିୟମରେ ଫେବୃଆରୀ ୯ ତାରିଖରେ  ଭାରତ ଓ ଇଂଲଣ୍ଡ ମଧ୍ୟରେ ଓ୍ୱାନ ଡେ କ୍ରିକେଟ ମ୍ୟାଚ୍‌।ଏହି ମ୍ୟାଚ୍‌ ପାଇଁ ଓଡ଼ିଶା କ୍ରିକେଟ ଆସୋସିଏସନ୍‌ ତରଫରୁ ଟିକେଟ୍‌ ବିକ୍ରି ଓ ବଣ୍ଟନ ଚାଲିଛି। ତେବେ ଷ୍ଟାଡିୟମର ସିଟ ସଂଖ୍ୟାକୁ ନେଇ ଏବେବି ଅନେକ ଜଣ ଅନ୍ଧାରରେ ଅଛନ୍ତି।ସୂଚନା ଅନୁସାରେ ବାରବାଟୀ ଷ୍ଟାଡିୟମରେ ପ୍ରାୟ ୬୦ ହଜାର ଲୋକଙ୍କ ବସିବା ପାଇଁ ବ୍ୟବସ୍ଥା ଅଛି। ଗ୍ୟାଲେରୀର ସିମେଣ୍ଟ ପାହାଚରେ ଜଣଙ୍କ ପାଇଁ ଚିହ୍ନିତ ଜାଗାରେ ଦୁଇରୁ ଅଧିକ ଲୋକ ବସିପାରିବେ।ଦର୍ଶକଙ୍କୁ ଆରାମ ଦେବା ପାଇଁ ଏପରି ହୋଇଥାଏ ବୋଲି କୁହାଯାଇଥାଏ।ମାତ୍ର ସେ ସିଟ ଭିନ୍ନ ପ୍ରୋସେସରେ ବିକ୍ରି ହେବାର ଅଭିଯୋଗ ହୁଏ। ତେବେ ଏହା ଉପରେ କୌଣସି କର୍ତ୍ତୃପକ୍ଷ ସରଜମିନ ତଦନ୍ତ କରି ନାହାନ୍ତି କି ଷ୍ଟାଡିୟମରେ ପ୍ରକୃତରେ କେତ ଲୋକଙ୍କ ବସିବା ପାଇଁ ସ୍ଥାନ ଅଛି ସେ ନେଇ ପୁଲିସ କିମ୍ବା ଅନ୍ୟ କୌଣସି କର୍ତ୍ତୃପକ୍ଷଙ୍କଠାରୁ ପ୍ରମାଣପତ୍ର ମିଳି ନାହିଁ।

ଆନୁମାନିକ ଭାବେ 60 ହଜାର ଆକଳନ କରାଯାଉଥିଲା ବେଳେ  ଓଡ଼ିଶା କ୍ରିକେଟ ଆସୋସିଏସନର ତଥ୍ୟ ଅନୁଯାୟୀ ଷ୍ଟାଡିୟମର କାପାସିଟି ୪୫ ହଜାର ।ଯଦିଓ ବାରବାଟୀ ଷ୍ଟ୍ରାଡିୟମରେ ଅନ୍ତର୍ଜାତୀୟ କ୍ରିକେଟ ମ୍ୟାଚ୍‌ ଦେଖି ଫେରିଥିବା ଅନେକ ଜାଣିବା ଶୁଣିବା ଦର୍ଶକ କହନ୍ତି ଯେ ୫୫ରୁ ୬୦ ହଜାର ଲୋକ ଷ୍ଟାଡିୟମରେ ବସି ମ୍ୟାଚ୍‌ ଦେଖିଥାନ୍ତି।ମାତ୍ର ଓସିଏର ତଥ୍ୟ କିନ୍ତୁ ଭିନ୍ନ କଥା କହେ।ଏମିତିରେ ଦେଖିବାକୁ ଗଲେ ଷ୍ଟାଡିୟମର କାପାସିଟି ନେଇ ପୂର୍ତ୍ତ ବିଭାଗ କୌଣସି ସାର୍ଟିଫିକେଟ ଦେଇନାହିଁ। ସୁରକ୍ଷା ଦାୟିତ୍ୱରେ ଥିବା ପୁଲିସ ବାହିନୀ ମଧ୍ୟ ସିଟ ସଂଖ୍ୟାକୁ ନେଇ କେବେ ସାର୍ଟିଫିକେଟ ଦେଇନାହାଁନ୍ତି। ଓସିଏ ଯଦିଓ ସିଟ୍ ସଂଖ୍ୟା 45 ହଜାର ବୋଲି କହେ ମାତ୍ର ବିଭିନ୍ନ ସମୟରେ ଓସିଏର କାର୍ଯ୍ୟକଳାପରୁ ଇଣ୍ଟାନ୍ୟାସନାଲ୍ କ୍ରିକେଟ ମ୍ୟାଚ୍‌ରେ ଟିକଟ କଳାବଜାରୀ ହୁଏ ବୋଲି ପ୍ରତି ଥର ଅଭିଯୋଗ ହୋଇଥାଏ।

ସବୁଠୁ ସନ୍ଦେହଜନକ କଥା ହେଉଛି ଷ୍ଟାଡିୟମରେ ୪୪ ହଜାର ୫୭୪ ଜଣ ଦର୍ଶକ ବସିବେ ବୋଲି କୁହାଯାଏ। ମାତ୍ର ବିକ୍ରି ପାଇଁ ଟିକେଟ୍‌ ଥାଏ ୨୪ ହଜାର। ଉଭୟ ଅନ୍‌ ଲାଇନ୍‌ ଓ ଅଫ୍‌ ଲାଇନ୍‌ରେ ଏହି ଟିକେଟ ବିକ୍ରି ହୁଏ। ଅନେକ ଥର ଦେଖାଗଲାଣି ଯେ ଅନ୍‌ ଲାଇନ୍‌ ଟିକଟ ବିକ୍ରି ଆରମ୍ଭ ହେବାର କେଇ ମିନିଟ୍‌ ମଧ୍ୟରେ ତାହା ଶେଷ ହୋଇଯାଏ। ଏଥିରେ ବି ଘୋଟାଲା ହେବାର ଅଭିଯୋଗ ଆସେ ।ସେହିପରି ଅଫ୍‌ ଲାଇନ୍‌ ଟିକେଟ୍‌ ବିକ୍ରିକୁ ନେଇ ମଧ୍ୟ ପ୍ରତି ଥର ଅସନ୍ତୋଷ ପଦାକୁ ଆସେ। ଲୋକେ ରାତିରୁ ଲାଇନ୍‌ ଲଗେଇ ଠିଆ ହୋଇଥିବେ। ବିକ୍ରି ଝରକା ଖୋଲିବାର ଘଣ୍ଟେ ଭିତରେ ଟିକେଟ ସରିଯାଏ। ଏଭଳି ଘଟଣାରୁ ସନ୍ଦେହ ହୁଏ ଯେ ଓସିଏ କର୍ତ୍ତୃପକ୍ଷ ଟିକେଟ କଳାବଜାରୀ କରନ୍ତି।ଆଉ ଏମିତିରେ ବି ଓଡ଼ିଶା କ୍ରିକେଟ ଆସୋସିଏସନ୍‌ ସହିତ ଅନୁବନ୍ଧିତ ଅନେକ ସଂସ୍ଥାଙ୍କ ମଧ୍ୟରେ ଟିକେଟ ବଣ୍ଟନ ହୋଇଥାଏ। ଓସିଏ ସହିତ ଏବେ ପ୍ରାୟ ୭୦ଟି ସଂସ୍ଥା ଅନୁବନ୍ଧିତ ରହିଛନ୍ତି। ଯେଉଁମାନେ ମୋଟ ଉପରେ ୧୦ ହଜାର ୬୫୦ ଟିକଟ ନିଅନ୍ତି।ବିକ୍ରି ହେବ ୨୪ ହଜାର ୬୯୨, ବଣ୍ଟାଯିବ ୧୦ ହଜାର ୬୫୦, ମିଶି ହେଲା ୩୫ ହଜାର ୩୪୨। ଏହାର ଅର୍ଥ ଘୋଷିତ କାପାସିଟିର ଆହୁରି ୧୦ ହଜାର ଉପରେ ଟିକଟ କାରବାର ଅନ୍ଧାରରେ ହେଉଥିବ।

ତେବେ କଥା ହେଉଛଇ ଏହି ୧୦ ହଜାର ଟିକଟ କ’ଣ ଭିଆଇପିଙ୍କୁ ଦିଆଯାଏ?ରାଜ୍ୟର ୧୪୭ ବିଧାୟକ, ରାଜ୍ୟସଭାର ୧୦ ଓ ଲୋକସଭାର ୨୧ ସାଂସଦ, ୩୦ରୁ କିଛି ଅଧିକ ବିଭାଗର ମୁଖ୍ୟ ବା ସଚିବ, ଉଚ୍ଚ ପଦସ୍ଥ ପୁଲିସ, ଡିଜି ଅଫିସର ବଡ଼ ପଦବୀଧାରୀ, ମହାଧିବକ୍ତା ବା ଏଜି ଅଫିସର ବଡ଼ ପଦବୀଧାରୀ, ହାଇକୋର୍ଟର ୨୨ ଜଣ ବିଚାରପତି ଓ ଏମାନଙ୍କର ପିଲାଝିଲାଙ୍କୁ ମିଶେଇଲେ ବି ୧୦ ହଜାର ହେବ ନାହିଁ। ସେହିଭଳି ମ୍ୟାଚ୍‌ ବିବରଣୀ ସଂଗ୍ରହ କରିବାକୁ କେତେ ସାମ୍ବାଦିକଙ୍କୁ ଏମିତି ପାସ୍‌ ଦିଆଯାଏ କି? ସେମାନଙ୍କ ସଂଖ୍ୟା ମଧ୍ୟ ୨୦୦ ଟପିବ ନାହିଁ। ତା’ ହେଲେ ସେସବୁ ଟିକଟ ହୁଏ କ’ଣ? ତେବେ କଳାବଜାରୀକୁ ନେଇ ହେଉଥିବ ଅଭିଯେୋଗ ଆଉ ସତ ନୁହେଁ ତ?

ବାହାଘର ପାଇଁ ମିଳୁଛି ୫୦ ଲକ୍ଷ ପର୍ଯ୍ୟନ୍ତ ଲୋନ୍

ବାହାଘର, ଭାରତୀୟ ସଂସ୍କୃତିର ଏକ ମହାନ୍ ପରମ୍ପରା।ଏ ପରମ୍ପରା ଯେତିକି ଅଦ୍ଭୁତ,ସେତିକି ସ୍ୱତନ୍ତ୍ର।ରଙ୍ଗୀନ ପୋଷାକ, ଚମତ୍କାର ସାଜସଜ୍ଜା ଏବଂ ପରମ୍ପରାର ସହ ଜଡ଼ିତ ଭାରତୀୟ ବିବାହର ସମଗ୍ର ବିଶ୍ୱରେ ଏକ ସ୍ୱତନ୍ତ୍ର ଆକର୍ଷଣ ରହିଛିରୀତିନୀତିକୁ ନେଇ ଚର୍ଚ୍ଚାରେ ଅଛି ଭାରତ।୨୦୨୪ରେ ଅକ୍ଟୋବରରୁ ଡିସେମ୍ବର ମଧ୍ୟରେ,ପ୍ରାୟ ୪୮ ଲକ୍ଷ ବିବାହ ଅନୁଷ୍ଠିତ ହୋଇଥିବା ବେଳେ ୬ ଲକ୍ଷ କୋଟି ଟଙ୍କାର ବ୍ୟବସାୟ ହୋଇଥିବା ରିପୋର୍ଟରୁ ଜଣାପଡ଼ିଛି।

ବାହାଘରକୁ ନେଇ ପ୍ରତେକ ଲୋକଙ୍କର ଏକ ସ୍ୱତନ୍ତ୍ର ଇମୋସନ୍ ରହିଛି।ସମସ୍ତେ ନିଜର ଶକ୍ତି ସାମର୍ଥ୍ୟ ଅନୁଯାୟୀ ମ୍ୟାରେଜ ସେରେମନିରେ ଇନଭେଷ୍ଟ କରନ୍ତି। ମାତ୍ର ବଡ଼ ଆକାରରେ ବିବାହ ଆୟୋଜନ କରିବା ସମସ୍ତଙ୍କ ପାଇଁ ସହଜ କଥା ନୁହେଁସାଧାରଣତଃ ଭାରତୀୟ ବିବାହର ବଜେଟ୍ ୫ ଲକ୍ଷରୁ ୨୦ ଲକ୍ଷ ଟଙ୍କା ମଧ୍ୟରେ ଥିବାବେଳେ ଡେଷ୍ଟିନେସନ୍ ୱେଡିଂ ଭଳି ବହୁ ଇଭେଣ୍ଟ ପାଇଁ ୧ କୋଟି ଟଙ୍କା କିମ୍ବା ତାଠାରୁ ଅଧିକ ଖର୍ଚ୍ଚ ହୁଏ।ରିପୋର୍ଟ ଅନୁସାରେ ୨୦୨୪ରେ ହାରାହାରି ବିବାହ ବଜେଟ୍ ୩୬.୫ ଲକ୍ଷରେ ପହଞ୍ଚି ଯାଇଛି, ଯାହା ଗତ ବର୍ଷ ତୁଳନାରେ ୭ ପ୍ରତିଶତ ଅଧିକ।ବିଶେଷକରି ଡେଷ୍ଟିନେସନ୍ ୱେଡିଂର ହାରାହାରି ଖର୍ଚ୍ଚ ୫୧.୧ ଲକ୍ଷରେ ପହଞ୍ଚିଛି।ଏହି ଖର୍ଚ୍ଚର ମୁଖ୍ୟ କାରଣ ହେଉଛି ସ୍ଥାନ ଏବଂ କ୍ୟାଟରିଂର ମୂଲ୍ୟ ବୃଦ୍ଧି।

ବଢ଼ୁଥିବା ଖର୍ଚ୍ଚକୁ ଦୃଷ୍ଟିରେ ରଖି ଲୋକମାନେ ବର୍ତ୍ତମାନ ନିଜ ସଞ୍ଚୟ ହ୍ରାସ ନକରି ବିବାହ ଖର୍ଚ୍ଚ ପୂରଣ କରିବାକୁ ବ୍ୟକ୍ତିଗତ ଋଣ ନେବାକୁ ପସନ୍ଦ କରୁଛନ୍ତି । ଅନେକ ହୁଏତ ଏକଥା  ଜାଣିନଥିବେ କି  ବାହାଘର ପାଇଁ ମଧ୍ୟ ଲୋନ୍ ଉପଲବ୍ଧତେବେ ଆସନ୍ତୁ ଜାଣିବା ବାହାଘର ପାଇଁ  କିପରି ଲୋନ୍  ମିଳେ ଏବଂ  ଆପଣ କିପରି ଏଥିପାଇଁ ଆବେଦନ କରିପାରିବେ ?ବାହାଘର ପାଇଁ ନେଉଥିବା ଲୋନ୍ ହେଉଛି ଏକ ପ୍ରକାର ପର୍ସନାଲ ଲୋନ୍ ବାହାଘର ସମ୍ବନ୍ଧୀୟ ଖର୍ଚ୍ଚ ପୂରଣ ଏହି ଲୋନ୍ ବ୍ୟବହାର ହୁଏଭେନ୍ୟୁ ବୁକ କରିବା ଠାରୁ ଆରମ୍ଭ କରି   କ୍ୟାଟରିଂର ବ୍ୟବସ୍ଥା, ବାହାଘର ପୋଷାକ କିଣା ଆଦି ଖର୍ଚ୍ଚ ପରିଚାଳନାରେ ଏହି ଟଙ୍କା ଲଗାଇପାରିବେ।  ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଭାରତରେ ମ୍ୟାରେଜ୍ ଲୋନ୍ ପାଇଁ କୌଣସି ବନ୍ଧକ ରଖିବାକୁ ପଡ଼େନାହିଁ

ବିନା ସିକ୍ୟୁରିଟି ଡିପୋଜିଟରେ ଜଣେ ଚାହିଁଲେ ୫୦,୦୦୦ ରୁ ୫୦ ଲକ୍ଷ ଟଙ୍କା ପର୍ଯ୍ୟନ୍ତି ବିବାହ ଋଣ ନେଇପାରିବେ। ମାତ୍ର ୧୨ ରୁ ୬୦ ମାସ ମଧ୍ୟରେ ଏହି ଲୋନ୍ ଶୁଝିବାକୁ ପଡ଼ିବବିନା ଆର୍ଥିକ ଚାପରେ ବିବାହ ଉତ୍ସବକୁ ସୁଚାରୁରୂପେ ଆୟୋଜନ କରିବାକୁ ଚାହୁଁଥିବା ଲୋକଙ୍କ ପାଇଁ ଏହା ଏକ ଉତ୍ତମ ବିକଳ୍ପତେବେ ମ୍ୟାରେଜ୍ ଲୋନ୍ ଆପ୍ଲାଏ ପାଇଁ କିଛି ଯୋଗ୍ୟତା ରହିବା ଜରୁରୀ। ଆବେଦକଙ୍କ ବୟସ ୨୧ରୁ ୬୦ ବର୍ଷ ମଧ୍ୟରେ ହୋଇଥିବା ଆବଶ୍ୟକସେ ଭାରତୀୟ ନାଗରିକ ହେବାସହ ତାଙ୍କର ଏକ ସ୍ଥିର ରୋଜଗାରର ସ୍ରୋତ ରହିବା ଦରକାରସେହିପରି ଲୋନ୍  ଆପ୍ରୁଭ୍ ପାଇଁ ୭୫୦ରୁ ଅଧିକ କ୍ରେଡିଟ ସ୍କୋର ରହିବା ଜରୁରୀ । ମ୍ୟାରେଜ୍ ଲୋନ୍ ଉପରେ ସୁଧ ହାର ବାର୍ଷିକ ୧୦ ପ୍ରତିଶତରୁ ୨୪ ପ୍ରତିଶତ ମଧ୍ୟରେ ରହିଥାଏ।  ଏହି ହାର ଆପଣଙ୍କ କ୍ରେଡିଟ୍ ପ୍ରୋଫାଇଲ୍ ଏବଂ ବଜାର ଅବସ୍ଥା ଉପରେ ନିର୍ଭର କରେସଠିକ୍ ଡିଲ୍ ପାଇବା ପାଇଁ ବିଭିନ୍ନ ବ୍ୟାଙ୍କ ଏବଂ ସେମାନଙ୍କ ସର୍ତ୍ତ ତୁଳନା କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।ତେବେ ଆପଣମାନେ ମଧ୍ୟ ଏ ସୁବିଧାର ଲାଭ ଉଠାଇ ପାରନ୍ତି। ବାହାଘର ଭଳି ବଡ଼ ବଜେଟରେ ହାଲୁକା ହେବା ପାଇଁ ବ୍ୟାଙ୍କରୁ ବିନା ବନ୍ଧକରେ ଲୋନ୍ ନେଇ ପାରନ୍ତି।

ଚା ବିକୁଥିଲେ KGF ହିରୋ..

କନ୍ନଡ ସୁପରଷ୍ଟାର ୟଶଙ୍କୁ କିଏ ବା ନଜାଣେ?ସେ ଏମିତି ଏକ ଷ୍ଟେଜରେ ପହଞ୍ଚିଛନ୍ତି ଯୋଉଥିପାଇଁ ତାଙ୍କର କୌଣସି ପ୍ରକାର ପରିଚୟର ଆବଶ୍ୟକତା ନାହିଁ ।ପାନ୍ ଇଣ୍ଡିଆ ସିନେମାକେଜିଏଫ୍ କେବଳ ଭାରତରେ ନୁହେଁ ସମଗ୍ର ବିଶ୍ୱରେ ସାଉଥ୍ ଆକ୍ଟର ୟଶଙ୍କୁ ନୂଆ ପରିଚୟ ଦେଇଛି। ଏହି ସିନେମା ସହିତ ୟଶ ପାନ୍ ଇଣ୍ଡିଆ ଷ୍ଟାର ହୋଇଯାଇଛନ୍ତି। କେଜିଏଫ ଚାପ୍ଟର ୧ ଓ କେଜିଏଫ ଚାପ୍ଟର ୨ ପାଇଁ ପ୍ରଶଂସକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି। କହିବାକୁ ଗଲେ କେଜିଏଫ୍ପରେ ଏହାର ଚାପ୍ଟର 2 ୟଶଙ୍କ ପପୁଲାରିଟିକୁ ଆହୁରି ବଢ଼ାଇ ଦେଇଥିଲା ।ଉଭୟ ସିନେମା ମୋଟ ୧୫୦୦ କୋଟିରୁ ଅଧିକ ଆୟ କରିଥିଲା, ଯାହା ଏବେ ସୁଦ୍ଧା ସର୍ବକାଳୀନ ସର୍ବାଧିକ ଆୟ କରିଥିବା କନ୍ନଡ ସିନେମାରୁ ମଧ୍ୟରୁ ଏକ। ଏହି ସଫଳତା ୟଶଙ୍କୁ ଏକ ସୁପରଷ୍ଟାର ଭାବରେ ପ୍ରତିଷ୍ଠିତ କଲା । ତେବେ ୟଶଙ୍କ ପାଇଁ ଏହି  ସକ୍ସେସ ଆଚିଭ୍ କରିବା କୌଣସି ଚମତ୍କାର ଠାରୁ କମ ନୁହେଁ । ଜଣେ ସାଧାରଣ ବସ୍ ଡ୍ରାଇଭରଙ୍କ ପୁଅ ପାଇଁ ଏ ଯାତ୍ରା ଏତେ ସହଜ ନଥିଲ। ଏଥିପାଇଁ ତାଙ୍କୁ କମ୍ ପରିଶ୍ରମ କରିବା ପାଇଁ ପଡ଼ିନି।

ଅଳ୍ପ ବୟସରୁ ଆରମ୍ଭ ହୋଇଯାଇଥିଲା ୟଶଙ୍କ ସଂଘର୍ଷଘର ଛାଡ଼ି ସିନେମା ଦୁନିଆରେ ନିଜ ଭାଗ୍ୟ ପରୀକ୍ଷା କରିବା ପାଇଁ ବାପାମାଙ୍କୁ ମନାଇଥିଲେ ୟଶ ।ମାତ୍ର ୧୬ ବର୍ଷ ବୟସରେ ସିନେମାରେ ନିଜ ନାଁ କରିବା ପାଇଁ ଘରୁ ଗୋଡ଼ କାଢ଼ିଥିଲେସୌଭାଗ୍ୟବଶତଃ ତାଙ୍କୁ କନ୍ନଡ ସିନେମାରେ ସହକାରୀ ନିର୍ଦ୍ଦେଶକ ଭାବରେ କାମ ମିଳିଯାଇଥିଲା।ତେବେ ବାଙ୍ଗାଲୋରରେ ପହଞ୍ଚିବାର ମାତ୍ର ଦୁଇ ଦିନ ପରେ ଏହି ପ୍ରୋଜେକ୍ଟ ବନ୍ଦ ହୋଇଯାଇଥିଲା। ସେତେବେଳେ ୟଶଙ୍କ ପାଖରେ କୌଣସି ରାସ୍ତା ନଥିଲା, ଆଉ ପକେଟରେ ମାତ୍ର ୩୦୦ ଟଙ୍କା ପଡ଼ିଥିଲା। ଘରକୁ ଫେରିଥିଲେ ବାପାମାଆଉ ହୁଏତ ସିନେ ଜଗତରେ କାମ କରିବା ପାଇଁ ଛାଡ଼ି ନଥାନ୍ତେ । ଠୋକର ପାଇବା ପରେ ମଧ୍ୟ ୟଶ ହାର ମାନି ନଥିଲେ କି ଘରକୁ ଫେରି ଯାଇନଥିଲେ।

ପାଖରେ ଥିବା ୩୦୦ ଟଙ୍କାରେ ସେ ଏକ ଡ୍ରାମା ଗ୍ରୁପରେ ଜଏନ କରିଥିଲେ।ସେଠାରେ ସେ ବ୍ୟାକଷ୍ଟେଜରେ କାମ କରିବା ଆରମ୍ଭ କରିଥିଲେ।ଚାବିକ୍ରି କରିବା ସହ ଛୋଟମୋଟ କାମ କରି ପ୍ରତିଦି ୫୦ ଟଙ୍କା ରୋଜଗାର କରୁଥିଲେ।ଦିନ ରାତି ପରିଶ୍ରମ କରୁଥିଲେ।ଥିଏଟରରେ ନିଜର କଳାକୁ ମାର୍ଜିତ କରିବା ସହ ୟଶ କଲେଜରେ ମଧ୍ୟ ନାମ ଲେଖାଇଲେଅନେକ ପରିଶ୍ରମ ପରେ ଶେଷରେ ଟିଭି ଧାରାବାହିକ ନନ୍ଦା ଗୋକୁଲାରେ ଅଭିନୟ କରିବାର ସୁଯୋଗ ପାଇଥିଲେ, ଆଉ ସେଇଠି ଅଭିନେତ୍ରୀ ରାଧିକା ପଣ୍ଡିତ ତଥା ତାଙ୍କ ପତ୍ନୀଙ୍କୁ ଭେଟିଥିଲେ।

୨୦୦୭ରେ ୟଶଙ୍କ ଭାଗ୍ୟ  ତାଙ୍କୁ  ସାଥ ଦେଇଥିଲା। ସିନେମା ରକିରେ ମୁଖ୍ୟ ଭୂମିକା ଅଭିନୟ କରିବାର ସୁଯୋଗ ମିଳିଥିଲାହେଲେ ପୂର୍ବରୁ  ସେ ସହ କଳାକାର ଭାବରେ ସିନେ ଦୁନିଆରେ ଏଣ୍ଟ୍ରି କରି ସାରିଥିଲେ। ଶେଷରେ ରୋମାଣ୍ଟିକ୍ କମେଡି ମୋଡାଲାସାଲା ସିନେମା ଜରିଆରେ ୟଶ ଷ୍ଟାରର ମାନ୍ୟତା ପାଇଥିଲେ । ତାପରେ ସିନେମା କିରାଟିକା ଜରିଆରେ ନିଜର ଅଭିନୟର ଯାଦୁଗରୀରେ ଦର୍ଶକଙ୍କ ମନ ଜିଣିପାରିଥିଲେ। ପରେ ପରେ  ଡ୍ରାମା, ଗୁଗଲି, ଶ୍ରୀ ଓ ମିଷ୍ଟର ଓ ମିସେସ ରାମଗଚାରୀ ଭଳି ଅନେକ ହିଟ ଫିଲ୍ମ ଦେଇଥିଲେ। 

୨୦୧୮ ରେ ୟଶ କେଜିଏଫ୍:ଚାପ୍ଟର ୧ରେ  ଅଭିନୟ କରିଥିଲେ, ଯାହା ୨୫୦ କୋଟି ଟଙ୍କା ରୋଜଗାର କରି ସମସ୍ତ ବକ୍ସ ଅଫିସ୍ ରେକର୍ଡ ଭାଙ୍ଗିଥିଲା। ଏହି ସିନେମା  ସର୍ବାଧିକ ଆୟ କରିଥିବା କନ୍ନଡ ଚଳଚ୍ଚିତ୍ର  ହୋଇଥିଲା।ଏହି ରେକର୍ଡ ଚାରି ବର୍ଷ ପର୍ଯ୍ୟନ୍ତ ଅକ୍ଷୁର୍ଣ୍ଣ ରହିଥିଲା। ଏହା ପରେ କେଜିଏଫ୍:ଚାପ୍ଟର ୨ ମୋଟ ୧୨୫୦ କୋଟି ଟଙ୍କା ରୋଜଗାର କରି ପ୍ରଥମ ସିନେମାର ରେକର୍ଡକୁ ଭାଙ୍ଗିଥିଲାଏହି ସିନେମା ସର୍ବକାଳୀନ ସର୍ବାଧିକ ଆୟ କରିଥିବା ଭାରତୀୟ ସିନେମା ମଧ୍ୟରୁ ଗୋଟିଏ ଏବଂ ୧୦୦୦ କୋଟିରୁ ଅଧିକ ଆୟ କରିଥିବା ଏକମାତ୍ର କନ୍ନଡ ସିନେମା।

କେଜିଏଫରୁ ପାଇଥିବା ନ୍ୟାସନାଲ ଷ୍ଟାରଡମ୍ ୟଶଙ୍କୁ କନ୍ନଡ ସିନେମାରୁ ବାହାରିବାରେ ସାହାଯ୍ୟ କରିଥିଲା। ଏବେ ୟଶଙ୍କୁ ନୀତୀଶ ତିୱାରୀଙ୍କ ରାମାୟଣରେ ରାବଣ ଭୂମିକାରେ ଅଭିନୟ କରିବାର ସୁଯୋଗ ମିଳିଛି।  ରଣବୀର କପୁର ଏବଂ ସାଇ ପଲ୍ଲଭିଙ୍କ ଅଭିନୀତ ଏହି ଚଳଚ୍ଚିତ୍ରଟି ଭାରତର ସବୁଠାରୁ ମହଙ୍ଗା ଫିଲ୍ମ ବୋଲି କୁହାଯାଉଛି। ୟଶ ଏହି ସିନେମାର କୋପ୍ରଡ୍ୟୁସର ହେବାସହ ସିନେମା ପାଇଁ ୨୦୦ କୋଟି ଚାର୍ଜ କରିଥିବା ଜଣାପଡ଼ିଛି। ଦିନେ ଚା ବିକି 50 ଟଙ୍କା ରୋଜଗାର କରୁଥିବା ୟସ୍ ଏବେ ଫିଲ୍ମ ପାଇଁ କୋଟିକୋଟି ଟଙ୍କା ଇନକମ୍ କରୁଛନ୍ତି।

ଚର୍ଚ୍ଚାରେ ନୀରଜ,ବାହାଘର ଯୌତୁକ ମାତ୍ର ଟଙ୍କାଟେ

ଜାଭେଲିନ୍ ଥ୍ରୋ ରେ ରେକର୍ଡ ସୃଷ୍ଟି କରିଥିବା ନୀରଜ ଚୋପ୍ରା ଏବେ ଆଉ ଏକ ନୂଆ ରେକର୍ଡ କରିଛନ୍ତି।ନୀରଜଙ୍କୁ ନେଇ ରିଲରେ ଯେତିକି ଚର୍ଚ୍ଚା ଚାଲିଛି ରିୟଲ ଲାଇଫରେ ବି ସେ ସେମିତି ପର୍ସନାଲିଟି ଆଚିଭ୍ କରି ସାରିଛନ୍ତି।ବିଭିନ୍ନ ସମୟରେ ନିଜର ପର୍ଫମାନ୍ସକୁ ନେଇ ଚର୍ଚ୍ଚାରେ ଥିବା ନୀରଜ କେବଳ ଭଲ ଖେଳାଳୀ ନୁହେଁ ବରଂ ଭଲ ମଣିଷର ପରିଚୟ ଅର୍ଜନ କରିଛନ୍ତି।

ଷ୍ଟାର୍ ଜାଭଲିନ୍ ଥ୍ରୋରେ ସ୍ୱତନ୍ତ୍ର ପରିଚୟ ସାଉଁଟିଥିବା ହରିୟାଣାର ଶାନ୍ ନୀରଜ ଚୋପ୍ରାଙ୍କୁ ଅଲମ୍ପିକ୍ସରେ ତାଙ୍କ ପ୍ରଦର୍ଶନକୁ ଦର୍ଶକ ଏଯାଏଁ ଭୁଲିପାରୁନାହାନ୍ତି ।ସବୁବେଳେ ନିଜ କ୍ୟାରିୟର୍ , ଖେଳକୁ ନେଇ ଚର୍ଚ୍ଚାରେ ରହୁଥିବା ନୀରଜ୍ ଏବେ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ବାହାଘରରେ ମାତ୍ର ଟଙ୍କାଟେ ଯୌତୁକ ନେଇ ଚର୍ଚ୍ଚାରେ ନୀରଜ ଚୋପ୍ରା।କିଛି ଦିନ ତଳେ ହିମାନୀ ମୋର୍ ନାମକ ଯୁବତୀଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି ନୀରଜ୍। ନିଜ ପ୍ରେମକୁ ନେଇ ଚର୍ଚ୍ଚିତ ହୋଇନଥିବା ନୀରଜ ଏବେ ସିଧା ବିବାହ କରି। ସେ ନିଜ ବିବାହର ଫଟୋ ସୋସିଆଲ୍ ମିଡିଆରେ ପୋଷ୍ଟ କରି ଫ୍ୟାନ୍ସ ଏବଂ ମିଡିଆକୁ ଏନେଇ ସୂଚନା ଦେଇଛନ୍ତି।

ତେବେ ନୀରଜ ବିନା ଯୌତୁକରେ ବାହା ହେବାର ସର୍ତ୍ତ ରଖିଥିଲେ ବି ପରମ୍ପରା ଦୃଷ୍ଟିରୁ ମାତ୍ର ଟଙ୍କାଟିଏ ନେଇଛନ୍ତି ନୀରଜ।ଏତେ ବଡ଼ ଷ୍ଟାର୍ ଜାଭଲିନ୍ ଥ୍ରୋଅର୍ ବିବାହରେ ଏକଟଙ୍କା ଯୌତୁକ ଆଣିବା ବିଷୟ ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି।ସୋସିଆଲ୍ ମିଡିଆରେ ୟୁଜର୍ସ କହୁଛନ୍ତି,ନୀରଜଙ୍କ ପରି ଜ୍ବାଇଁ ପ୍ରତିଟି ଶାଶୂଶ୍ବଶୁରଙ୍କୁ ମିଳୁ।ଆଜିର ସମୟରେ ବିବାହରେ କୋଟି କୋଟି ଟଙ୍କା ଖର୍ଚ୍ଚ,ଯୌତୁକରେ ଦାମୀ ଗାଡ଼ି , ନୋଟ୍ ର ଗଦି ନ ଦେଖିଲେ ବରପକ୍ଷଙ୍କ ଆତ୍ମସନ୍ତୋଷକୁ ଧକ୍କା ଲାଗୁଥିବା ବେଳେ ନୀରଜଙ୍କ ଏଭଳି ବଡ଼ପଣ ସମାଜକୁ ପ୍ରେରଣା ଯୋଗାଇବ ବୋଲି ଚର୍ଚ୍ଚା।

ବାହାଘରର ୨୦ ବର୍ଷ ପରେ Divorce କରିବେ ବୀରେନ୍ଦ୍ର ସେହୱାଗ

ଚର୍ଚ୍ଚାରେ କ୍ରିକେଟର ବିରେନ୍ଦ୍ର ସେହୱାଗ।ବାହାଘରର ୨୦ବର୍ଷ ପରେ ଡିଭୋର୍ସକୁ ନେଇ ସୋସିଆଲ ମିଡିଆରେ ଚର୍ଚ୍ଚା। ବୈବାହିକ ଜୀବନରେ ପଡିପାରେ ପୂର୍ଣ୍ଣଚ୍ଛେଦ। ବୀରେନ୍ଦ୍ର ସେହଓ୍ବାଗଙ୍କୁ ନେଇ ଏମିତି ଅନେକ ଖବର ଚର୍ଚ୍ଚାର କାରଣ ପାଲଟିଛି। ଖାସ୍ କରି ତାଙ୍କ ବୈବାହିକ ଜୀବନକୁ ନେଇ ଏବେ ଚର୍ଚ୍ଚା ଜୋର। ସୋସିବଲ ମିଡିଆରେ ଭାଇରାଲ୍ ହେଉଛି ଅଲଗା ହେବାକୁ ଯାଉଛନ୍ତି କ୍ରିକେଟର ବୀରେନ୍ଦ୍ର ସେହଓ୍ୱାଗ ଏବଂ ତାଙ୍କ ପତ୍ନୀ ଆରତୀ।

ବଳିଉଡ ପରି କ୍ରିକେଟ ଷ୍ଟାର ବି ଏବେ ଲାଇମ ଲାଇଟ୍‌ରେ ଅଛନ୍ତି।ନିଜର ପର୍ଫମାନ୍ସ ବ୍ୟତିତ ସେମାନଙ୍କ ପର୍ସନାଲ ଲାଇଫ୍‌କୁ ନେଇ ମଧ୍ୟ ସେମାନେ ଲାଇମ ଲାଇଟରେ।ଚହଲ, ଧନଶ୍ରୀଙ୍କ ପରେ ମନୀଷ ପାଣ୍ଡେ ଓ ତାଙ୍କ ପତ୍ନୀ ପର୍ସନାଲ ମ୍ୟାଟରକୁ ନେଇ ଚର୍ଚ୍ଚାରେ ଥଇଲେ।ଏ ଲିଷ୍ଟରେ ଭାରତୀୟ କ୍ରିକେଟ୍‌ ଟିମ୍‌ର ପୂର୍ବତନ ଷ୍ଟାର ଖେଳାଳି ବିରେନ୍ଦ୍ର ସେହୱାଗଙ୍କ ଯୋଡି ହେଇଛନ୍ତି।ରିପୋର୍ଟ ଅନୁସାରେ , ବିରେନ୍ଦ୍ର ସେହୱାଗ ନିଜର ପତ୍ନୀ ଆରତୀ ଅହଲାୱତଙ୍କ ଠାରୁ ବିବାହର ୨୦ ବର୍ଷ ପରେ ଅଲଗା ହେବାକୁ ଯାଉଛନ୍ତି।

ସେହୱାଗ ଏବଂ ଆରତୀ ୨୦୦୪ ମସିହାରେ ବିବାହ କରିଥିଲେ।ଏବେ ଏପରି ଚର୍ଚ୍ଚା ହେଉଛି ଯେ ସେମାନେ ଇନଷ୍ଟାଗ୍ରାମରେ ପରସ୍ପରକୁ ଅନଫଲୋ କରିଦେଇଛନ୍ତି।ଯାହା ଜଣାପଡିଛି ଯେ ସେହୱାଗ ଏବଂ ଆରତୀ କିଛି ମାସ ଧରି ଅଲଗା ରହୁଛନ୍ତି।ଖୁବ୍ ଶୀଘ୍ର ସେମାନେ ପରସ୍ପରକୁ ଛାଡପତ୍ର ଦେଇପାରନ୍ତି। ବୀରେନ୍ଦ୍ର ସେହୱାଗ ବହୁ ବର୍ଷ ପୂର୍ବରୁ କ୍ରିକେଟକୁ ଅଲବିଦା କହିସାରିଛନ୍ତି।ଏବେ ବୈବାହିକ ଜୀବନରେ ବି ସମାନ ପରିସ୍ଥିତି।ବୀରେନ୍ଦ୍ର ସେହୱାଗ ଏବଂ ତାଙ୍କ ପତ୍ନୀଙ୍କ ମଧ୍ୟରେ ବଢ଼ୁଥିବା ମତଭେଦ ବିଷୟରେ ଗୁଜବ ପ୍ରଥମେ ସେତେବେଳେ ଆରମ୍ଭ ହୋଇଥିଲା ଯେତେବେଳେ ସେହୱାଗ ଗତ ବର୍ଷ ଦୀପାବଳିରେ ତାଙ୍କ ମାଆ ଏବଂ ପୁଅମାନଙ୍କ ସହିତ ଏକ ଫଟୋ ସେୟାର କରିଥିଲେ।କିନ୍ତୁ ସେଥିରେ ତାଙ୍କ ପତ୍ନୀଙ୍କ ଫଟୋ କିମ୍ବା ନାମର କୌଣସି ଉଲ୍ଲେଖ ନଥିଲା।।ତେବେ ଧିରେଧିରେ ବଢୁଥିବା ଏ ମନମାଳିନ୍ୟ ଛାଡ଼ପତ୍ରର ରୁପ ନେବାକୁ ଯାଉଛି ବୋଲି ଚର୍ଚ୍ଚା।

ଠକୁଛନ୍ତି ଓଲା ଓବେର

ଗ୍ରାହକଙ୍କୁ ଠକୁଛନ୍ତି ଓଲା ଓବେର।ଜରୁରୀକାଳୀନ ସ୍ଥିତିରେ ବୁକିଂ କଲେ ଦବାକୁ ପଡ଼ୁଛି ଅଧିକ ଭଡ଼ା।ନିର୍ଦ୍ଧାରିତ ମୁଲ୍ୟଠାରୁ କରୁଛନ୍ତି ଏକ୍ସଟ୍ରା ଡ଼ିମାଣ୍ଡ ବୁକିଂ ଫେୟାରଠୁ ନେଉଛନ୍ତି ଅଧିକ ଟଙ୍କା।ଏପରିକି ଡିଭାଇସ ୱାଇଜ୍ ରହୁଛି ଫେୟାର  ଡ଼ିଫରେନ୍ସ,ଆଣ୍ଡ୍ରୋଏଡ ସେଟରେ ଓଲା ଓବେର ପାଇଁ ଯେତିକି ଭଡା ରହୁଛି ଆପଲ ସେଟରେ ବୁକିଂ କଲେ ତାଠୁ ଅଧିକ ଦେବାକୁ ପଡୁଛି।ଓଲା ଓବେରର ଏଭଳି ଅନୈତିକ କାର୍ଯ୍ୟ ପାଇଁ ହଇରାଣ ହେଉଛନ୍ତି ଗ୍ରାହକ।ଯାହାକୁ ନେଇ ଆସିଛି ସାଙ୍ଘାତିକ ତଥ୍ୟ।ଗ୍ରହକଙ୍କୁ ଶୋଷଣ କରିବା ଅଭିଯୋଗରେ କ୍ୟାବ୍ ବୁକଂର ଦୁଇ ଅଗ୍ରଣୀ ସଂସ୍ଥା ଓଲା ଓବେର କେନ୍ଦ୍ରୀୟ ଉପଭୋକ୍ତା ସୁରକ୍ଷା କର୍ତ୍ତୁପକ୍ଷ ସିସିପିଏ ନୋଟିସ୍ ଜାରୀ କରିଛନ୍ତି।ଓଲା ଓବେର ବିରୁଦ୍‌ଧରେ ଭିନ୍ନ ଭିନ୍ନ ଭଡ଼ା ଆଦାୟ କରିବାର ଅଭିଯୋଗ ରହିଛି।

ଆଣ୍ଡ୍ରଏଡ୍ ସେଟରେ ଯାହା ଭଡା ଆସୁଛି ତାଠୁ ଅଧିକ ଭଡା ଆସୁଛି ଆଇ ଫୋନରେ।ଏଭଳି ପାତର ଅନ୍ତର ନୀତି ତଥା ଶୋଷଣକୁ ବିରୋଧ କରି ନୋଟିସ୍ ପଠେଇଛନ୍ତି ସରକାର।ଏପରିକି ଏନେଇ ସିରିୟସ ଅଛନ୍ତି ମନ୍ତ୍ରୀ ପ୍ରହ୍ଲାଦ ଯୋଶି।ଏ ପ୍ରସଙ୍ଗକୁ ନେଇ ଉପଭୋକ୍ତାଙ୍କ ସ୍ୱାର୍ଥ ଦୃଷ୍ଟିରୁ ତଦନ୍ତ କରୁଛି ସିସିପିଏ।କେଉଁ ଆଧାରରେ ଦୁଇ ଅଗ୍ରଣୀ ସଂସ୍ଥା ଓଲା ଓବେର ଏମିତି କରୁଛନ୍ତି ତାକୁ ନେଇ ଅସନ୍ତୋଷ ବୃଦ୍ଧିପାଉଛି ।ସମାନ ଯାଗାକୁ ବୁକିଂଂ କଲାବେଳେ ଆଣ୍ଡ୍ରଏଡ ସେଟରେ ଗୋଟାଏ ଭଡା ଦେଖୁଥିଲା ବେଳେ ଅନ୍ୟ ଫୋନ୍ ମଡ଼େଲରେ ସେହି ଯାଗାକୁ ବୁକିଂ କଲେ କଟୁଛି ଅଧିକ ଟଙ୍କା।ସମାନ ଯାଗାକୁ କାହିଁକି ଓ କୋଉ ଆଧାରରେ ଅଲଗା ଯଙ୍କା ଦେବାକୁ ପଡ଼ୁଛି ବୋଲି ଦୁଇ କମ୍ପାନୀକୁ ନୋଟିସ୍ ଦେିଛନ୍ତି ସରକାର ।ତେବେ ଏ ଘଟଣା  ନୁଆ ନୁହେଁ, 2024 ମସିହା ଡିସେମ୍ବର ମାସରୁ ଏ ନେଇ ଅନେକ ଅଭିଯୋଗ ହେଇଛି।ଯାହାକୁ ନେଇ ପରିସ୍ଥିତି ଏତେ ତୀବ୍ର ହୋଇଥିଲା ଯେ ସୋସିଆଲ ମିଡିଆରେ ବୁକିଂ।ସ୍କ୍ରିନିସଟ ସେୟାର କରିଥିଲେ ଉପଭୋକ୍ତା।ଯୋଉ ପୋଷ୍ଟ ବେଶ୍ ଭାଇରାଲ ବି ହୋଇଥିଲା।ଯାହାକୁ ଅଯୁକ୍ତିକର ଭାବେ ଖଣ୍ଡନ କରାଯାଇଥିଲେ ସୁଦ୍ଧା ଓଲା ଓବେର ବରୁଦ୍ଧରେ ଅସନ୍ତୋଷ ବଢିବାରେ ଲାଗିଛି।କେବଳ ଏତିକି ନୁହେଁ ମଧ୍ୟପ୍ରଦେଶର ଭୋପାଳ ସହରରେ ମଧ୍ୟ ଏ ନେଇ ଅଭିଯୋଗ ଆସିଛି।

 

ସେଠୁ ମଧ୍ୟ ଆସିଛି ଅଧିକ  ଟଙ୍କା ନେବାରେ ଅଭିଯୋଗ ।ସେ ଏରିଆରୁ ମଧ୍ୟପ୍ରଦେଶର ଭୋପାଳ ସହରରେ ଆଣ୍ଡ୍ରଏଡ୍ ଫୋନରେ ଓଲା ଆପରେ ଏମପି ନଗରରୁ ରାଜାଭୋଜ ବିମାନ ବନ୍ଦରରୁ ଯିବାପାଇଁ ବୁକିଂ କରିଥିଲେ ଯେଉଁଥିରେ 310 ଟଙ୍କା ଭଡା ଥିଲା ମାତ୍ର ସମାନ ଜାଗାପାଇଁ ଆଇଫୋନରେ ପଡ଼ିଥିଲା ଅଧିକ ଭଡା।ଆଣ୍ଡ୍ରଏଡରେ 310 ଟଙ୍କା ଭଡ଼ା ଥିଲା ବେଳେ ଆଇଫୋନ ବୁକିଂରେ ଆସିଥିଲା 368 ଟଙ୍କା।କେବଳ ଡିଭାଇଓ୍ ଡିଫରେନ୍ସ ନୁହେଁ ଅଧିକ ଥର ବୁକିଂ କରୁଥିବା ଗ୍ରାହକଙ୍କୁ ବି ଅନେକ ସମୟରେ ଅଧିକ ଟଙ୍କା ଦବାକୁ ପଡୁଛି।ଓଲା ଓବେର ଉପରେ ଅନେକ ଉପଭୋକ୍ତା ନିର୍ଭର କରୁଥିଲାଳ ବେେ ଏଭଳି ମନୋମୁଖି ନୀତି ଉପଭୋକ୍ତାଙ୍କୁ ଅଡୁଆରେ ପକାିପାରେ ବୋଲି ଚର୍ଚ୍ଚା ହେଉଛି।ତେବେ ଏ ନେଇ ସରକାର ଯଥାଶିଘ୍ର ଉପଯୁଚକ୍ତ ପଦକ୍ଷେପ ନେବା ସହିତ ମନୋମୁଖି ନୀତିରେ ରୋକ୍ ଲଗେଇଇବାର ଆବଶ୍ୟକତା ରହିଛି।

ହ୍ରିତିକଙ୍କୁ ହିରୋ କରିବାକୁ ସମ୍ପତ୍ତି ବିକିଥିଲେ ବାପା

ହ୍ରିତିକ ରୋଶନ୍,ବଲିଉଡ଼୍ ଜଗତର ବେଶ୍ ଫେମସ୍ ଆକ୍ଟର।କୋଇ ମିଲ୍ ଗୟା,କହୋନା ପ୍ୟାର ହେ,କ୍ରିଷ ଆଦି ବ୍ଲକ୍ ବଷ୍ଟର ମୁଭିରେ ଦମଦାର ଆକ୍ଟିଂ କରିଛନ୍ତି ହ୍ରିତିକ ଯଦିଓ ହ୍ରିତିକଙ୍କ ବାପା ଫିଲ୍ମ ଲାଇନରେ ଯଥେଷ୍ଟ ପ୍ରତିଷ୍ଠା ଅର୍ଜନ କରି ସାରିଥିଲେ ତଥାପି ତାଙ୍କ ସକ୍ସେସ୍ ଜଣ୍ଣିଂ ଏତେ ସହଜ ନଥିଲାହ୍ରିତିକଙ୍କ ଫିଲ୍ମକୁ ଡେବ୍ୟୂ କରିବାକୁ ନିଜର ସର୍ବସ୍ୱକୁ ବନ୍ଧକ ରଖିଥିଲେ ହ୍ରିତିକଙ୍କ ବାପା

୨୫ ବର୍ଷ ପୂର୍ବେ, ଏହି ଅଭିନେତା ବଲିଉଡରେ ଡେବ୍ୟୁ କରି ସିନେମା ଜଗତକୁ ଦୋହଲାଇ ଦେଇଥିଲେ। ସେ ଭାରତୀୟ ଚଳଚ୍ଚିତ୍ର ଶିଳ୍ପର ଏକମାତ୍ର ଅଭିନେତା ଯିଏ ନିଜର ପ୍ରଥମ ଚଳଚ୍ଚିତ୍ରରୁ ହିଁ  ପ୍ରସିଦ୍ଧ ହୋଇଥିଲେ। ଏହି ଅଭିନେତାଙ୍କୁ ତାଙ୍କ ନିର୍ଦ୍ଦେଶକ ପିତା ତାଙ୍କର ସର୍ବସ୍ୱ ବନ୍ଧକ ରଖି ବଲିଉଡରେ ଲଞ୍ଚ କରିଥିଲେ। ସେହିପରି, ଏହି ଅଭିନେତାଙ୍କ ଫିଲ୍ମ କ୍ୟାରିୟରର ସବୁଠାରୁ ବଡ଼ ହିଟ୍ ଫିଲ୍ମ ହେଉଛି ତାଙ୍କର ଡେବ୍ୟୁ ଫିଲ୍ମ, ଯଦିଓ ଏହା ପରେ ସେ ଅନେକ ବ୍ଲକବଷ୍ଟର ଫିଲ୍ମ ମଧ୍ୟ ଦେଇଛନ୍ତି। ୨୦୦୦ ମସିହାରେ, ଏହି ନିର୍ଦ୍ଦେଶକ ତାଙ୍କ ସାରା ଜୀବନର ରୋଜଗାରକୁ ତାଙ୍କ ପୁଅ ଉପରେ ବିନିଯୋଗ କରି ଏହି ପଦକ୍ଷେପ ନେଇଥିଲ।

ଆମେ ୨୦୦୦ ମସିହାର ମେଗା-ବ୍ଲକବଷ୍ଟର ଫିଲ୍ମ “କହୋ ନା ପ୍ୟାର୍ ହେ”ର ନିର୍ଦ୍ଦେଶକ ଏବଂ ହ୍ରିତିକ୍ ରୋଶନଙ୍କ ପିତା ରାକେଶ ରୋଶନଙ୍କ ବିଷୟରେ କହୁଛୁ। କହୋ ନା ପ୍ୟାର ହୈ ରାକେଶ ରୋଶନଙ୍କ ଦ୍ୱାରା ନିର୍ଦ୍ଦେଶିତ ଏବଂ ପ୍ରଯୋଜିତ ହୋଇଥିଲା। ଏହି ଫିଲ୍ମ ମାଧ୍ୟମରେ କେବଳ ହ୍ରିତିକ୍ ରୋଶନ ନୁହଁନ୍ତି ବରଂ ଅମିଷା ପଟେଲ ମଧ୍ୟ ଡେବ୍ୟୁ କରିଥିଲେ। ପ୍ରକୃତରେ, ସମ୍ପ୍ରତି ନେଟଫ୍ଲିକ୍ସର ଡକ୍ୟୁମେଣ୍ଟାରୀ ଦି ରୋଶନ୍ସରିଲିଜ୍ ହୋଇଛି, ଯାହା ରାକେଶ ରୋଶନଙ୍କ ପରିବାରର ଫିଲ୍ମ ଯାତ୍ରା ବିଷୟରେ ବର୍ଣ୍ଣନା କରେ। ଏଥିରେ ହ୍ରିତିକ୍ ରୋଶନ ଏବଂ କିଛି ପରିବାର ସଦସ୍ୟ ପ୍ରକାଶ କରିଛନ୍ତି ଯେ ତାଙ୍କ ବାପା ତାଙ୍କ କ୍ୟାରିଅର ଗଢ଼ିବା ପାଇଁ ସବୁକିଛି ବାଜି ଲଗାଇ ଦେଇଥିଲେ।

ସେହି ସମୟରେ,ହ୍ରିତିକ୍ ରୋଶନଙ୍କ ଡେବ୍ୟୁ ଫିଲ୍ମ “କହୋ ନା ପ୍ୟାର୍ ହୈ”ର ନିର୍ମାଣ ବଜେଟ୍ ୧୦ କୋଟି ଟଙ୍କା ଥିଲା ଏବଂ ଫିଲ୍ମଟି ସେତେବେଳେ ୭୮ କୋଟି ଟଙ୍କାର ରେକର୍ଡ ଭାଙ୍ଗି ବ୍ୟବସାୟ କରିଥିଲା। ଏହା ପରେ, ହ୍ରିତିକ୍ କେବେବି ଫିଲ୍ମ ଇଣ୍ଡଷ୍ଟ୍ରିକୁ ପଛକୁ ଚାହିଁ ନାହାଁନ୍ତି। ତାଙ୍କ ବାପାଙ୍କ ସହିତ, ହ୍ରିତିକ୍ କୋଇ ମିଲ୍ ଗୟା ଏବଂ କ୍ରିଶ୍ ଭଳି ଦୁଇଟି ମେଗା-ବ୍ଲକବଷ୍ଟର ଫିଲ୍ମ ମଧ୍ୟ ଦେଇଛନ୍ତି।

ପୁରଣ ହୋଇ ପାରିବନି ଚାମ୍ପିଅନ୍ସ ଟ୍ରଫି ଡ୍ରିମ୍

ଭାରତୀୟ କ୍ରିକେଟ୍ ପ୍ରେମୀଙ୍କ ଅପେକ୍ଷା ଶେଷ ହୋଇ ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ଘୋଷଣା ହୋଇଛି  । ଅନେକ ଷ୍ଟାର୍ ଖେଳାଳିଙ୍କୁ ଆଗାମୀ ଟୁର୍ଣ୍ଣାମେଣ୍ଟ ପାଇଁ ଟିମ୍ ଇଣ୍ଡିଆରେ ସାମିଲ କରାଯାଇଛି। ଅନ୍ୟପଟେ କିଛି ଖେଳାଳିଙ୍କ ଚାମ୍ପିଅନ୍ସ ଟ୍ରଫି ୨୦୨୫ ଖେଳିବା ସ୍ୱପ୍ନ ଭାଙ୍ଗି ଯାଇଛି । ଟିମ୍ ଇଣ୍ଡିଆରେ ସ୍ଥାନ ପାଇ ନଥିବା ଖେଳାଳିଙ୍କୁ ନେଇ ଚର୍ଚ୍ଚା ଜୋର୍।

ସଞ୍ଜୁ ସାମସନ

ଟିମ୍ ଇଣ୍ଡିଆର ଷ୍ଟାର ୱିକେଟ୍‌କିପର ବ୍ୟାଟର ସଞ୍ଜୁ ସାମସନଙ୍କୁ ପୁଣି ଥରେ ନିରାଶ ହେବାକୁ ପଡ଼ିଛି । ୱାର୍ଲଡ୍ କପ୍ ୨୦୨୩ ଏବଂ ଟି-୨୦ ବିଶ୍ୱକପରୁ ବାହାରେ ରହିଥିବା ୩୦ ବର୍ଷୀୟ ଖେଳାଳିଙ୍କୁ ଚାମ୍ପିଅନ ଟ୍ରଫି ୨୦୨୫ରେ ବି ସୁଯୋଗ ମିଳି ପାରି ନାହିଁ, ଯାହା ଖେଳ ପ୍ରେମୀଙ୍କୁ ଆଶ୍ଚର୍ଯ୍ୟ କରିଛି।

ସୂର୍ଯ୍ୟକୁମାର ଯାଦବ

ଭାରତୀୟ ଟିମ୍ ପାଇଁ ଟି-୨୦ ବିଶ୍ୱକପ୍ ୨୦୨୪ରେ ଚମତ୍କାର ପ୍ରଦର୍ଶନ କରିଥିବା ତଥା ଟି-୨୦ରେ ଭାରତୀୟ ଟିମ୍‌ର ଅଧିନାୟକ ସୂର୍ଯ୍ୟକୁମାର ଯାଦବଙ୍କୁ ବି ଟିମ୍‌ରେ ସ୍ଥାନ ମିଳିପାରି ନାହିଁ।ଚାମ୍ପିଅନ୍ସ ଟ୍ରଫି ଦିନିକିଆ ଫର୍ମାଟରେ ହୋଇଥିବାରୁ ସୂର୍ଯ୍ୟଙ୍କୁ ବାଦ୍ ଦିଆଯାଇ ଥାଇପାରେ।

ମହମ୍ମଦ ସିରାଜ
ନିୟମିତ ଭାବେ ଟିମ୍ ଇଣ୍ଡିଆର ସଦସ୍ୟ ଥିବା ମହମ୍ମଦ ସିରାଜଙ୍କୁ ବି ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ସୁଯୋଗ ମିଳି ନାହିଁ।ନିକଟରେ ଶେଷ ହୋଇଥିବା ବର୍ଡର-ଗାଭାସ୍କର ଟ୍ରଫିରେ ସିରାଜଙ୍କ ପ୍ରଦର୍ଶନ ଭଲ ନଥିଲା।ଏହି କାରଣରୁ ବୋଧହୁଏ ତାଙ୍କୁ ଭାରତୀୟ ଟିମ୍‌ରେ ସାମିଲ କରାଯାଇନାହିଁ।ଭାରତୀୟ ଟିମ୍‌ର ପେସ୍ ଆଟାକ୍‌ରେ ମହମ୍ମଦ ଶାମିଙ୍କ କମ୍‌ବ୍ୟାକ୍ ହୋଇଛି।

ନୀତୀଶ କୁମାର ରେଡ୍ଡି

ଟିମ୍ ଇଣ୍ଡିଆର ଯୁବ ପ୍ରତିଭାବାନ୍ ଖେଳାଳି ନୀତୀଶ କୁମାର ରେଡ୍ଡିଙ୍କୁ ବି ଆଗାମୀ ଟୁର୍ଣ୍ଣାମେଣ୍ଟ ପାଇଁ ଦଳରେ ସାମିଲ କରାଯାଇ ନାହିଁ । ବର୍ଡର-ଗାଭାସ୍କର ଟ୍ରଫିରେ ଭଲ ପ୍ରଦର୍ଶନ ଯୋଗୁଁ ଚାମ୍ପିଅନ୍ସ ଟ୍ରଫି ପାଇଁ ନୀତୀଶ ରେଡ୍ଡିଙ୍କୁ ସୁଯୋଗ ମିଳିପାରେ ବୋଲି ଚର୍ଚ୍ଚା ହେଉଥିଲା।କିନ୍ତୁ ଏହି ଯୁବ ଖେଳାଳିଙ୍କୁ ନିରାଶ ହେବାକୁ ପଡ଼ିଛି।

କରୁଣ ନାୟର

ଘରୋଇ ଟୁର୍ଣ୍ଣାମେଣ୍ଟରେ ଚମତ୍କାର ବ୍ୟାଟିଂ କରୁଥିବା କରୁଣ ନାୟରଙ୍କୁ ପୁଣି ଅଣଦେଖା କରାଯାଇଛି।ବିଜୟ ହଜାରେ ଟ୍ରଫିରେ ୭ଟି ମ୍ୟାଚ୍‌ରେ ୭୫୨ ରନ୍ କରିଥିବା କରୁଣ ନାୟରଙ୍କ ଟିମ୍ ଇଣ୍ଡିଆରେ କମ୍‌ବ୍ୟାକ୍ ହୋଇପାରେ ବୋଲି ଚର୍ଚ୍ଚା ହେଇଥିଲେ।ଟିମ୍ ଇଣ୍ଡିଆ ପୂର୍ବତନ ଖେଳାଳି ମଧ୍ୟ କରୁଣ ନାୟରଙ୍କ ପ୍ରତି ଚୟନକର୍ତ୍ତା ଦୃଷ୍ଟି ଦେବା ଦରକାର ବୋଲି କହିଥିଲେ।  

ଖେଳାଳିଙ୍କ ସାଙ୍ଗରେ ଯାଇପାରିବେନି ପତ୍ନୀ

କଠୋର ହେବେ ବିସିସି୍ଆଇ। ଏଣିକି ଆଉ ଖେଳାଳିଙ୍କ ସାଙ୍ଗର ଯାଇପାରିବେନି ପତ୍ନୀ ତଥା ପରିବାର। ଗାର୍ଲଫ୍ରେଣ୍ଡମାନଙ୍କୁ ମଧ୍ୟ ଯିବାକୁ ମିଳିବନି ଅନୁମତି। ଅଷ୍ଟ୍ରେଲିଆ ବିପକ୍ଷ ଦିନିକିଆ ହାରିବା ପରେ ଖେଳାଳିଙ୍କ ପାଇଁ ଏଭଳି କିଛି କଠୋର ନିୟମ ଆଣିବାକୁ ଯୋଜନା କରୁଛି ବିସିସିଆଇ।ନିକଟରେ ଭାରତ ବର୍ଡର ଗାଭାସ୍କର ଟ୍ରଫି ହାରିଛି। ଅଷ୍ଟ୍ରେଲିଆ ଠାରୁ ସେ ପରାଜୟର ସମ୍ମୁଖୀନ ହୋଇଛି। ଏହାପରେ ଅଧିନାୟକ, ଖେଳାଳି ଏବଂ ପ୍ରଶିକ୍ଷକଙ୍କୁ କେବଳ ସମାଲୋଚନା କରାଯାଇ ନ ଥିଲା ବରଂ ବିସିସିଆଇ ମଧ୍ୟ ଟାର୍ଗେଟକୁ ଆସିଛନ୍ତି।ଏହାପରେ ଏବେ ଖେଳାଳିଙ୍କୁ ନେଇ କିଛି କଠୋର ନିୟମ ଆଣିବକୁ ବିସିସିଆଇ ପ୍ରସ୍ତୁତ ହେଉଥିବା ସୂଚନା ରହିଛି।

ନୂଆ ନିୟମ ଅନୁଯାୟୀ, ଟୁର୍ଣ୍ଣାମେଣ୍ଟ ମଧ୍ୟରେ ପତ୍ନୀମାନେ ଖେଳାଳିଙ୍କ ସହିତ ରହି ପାରିବେ ନାହିଁ। ପରିବାରକୁ କେବଳ ଦୁଇ ସପ୍ତାହ ପାଇଁ ରହିବାକୁ ଅନୁମତି ମିଳିବ। ଏହାଛଡ଼ା ସମସ୍ତ ଖେଳାଳି ଟିମ୍ ବସ୍‌ରେ ଯାତ୍ରା କରିବା ବାଧ୍ୟତାମୂଳକ। ହେଡ୍ କୋଚ୍ ଗୌତମ ଗମ୍ଭୀରଙ୍କ ନିଜସ୍ୱ ମ୍ୟାନେଜରକୁ ଭିଆଇପି ବକ୍ସ କିମ୍ବା ଟିମ୍ ବସରେ ବସିବାକୁ ଅନୁମତି ମିଳିବ ନାହିଁ।ଖେଳାଳିଙ୍କ ଲଗେଜ୍ ଯଦି ୧୫୦ କିଲୋଗ୍ରାମରୁ ଅଧିକ ହୁଏ ତେବେ ଅତିରିକ୍ତ ସାମଗ୍ରୀର ଶୁଳ୍କ ବିସିସିଆଇ ପଇଠ କରିବ ନାହିଁ।

ବିଏମ୍‌ସି ଆଣିବ ହ୍ୱାଟସ୍‌ଆପ୍‌ ଚାଟ୍‌ବଟ୍‌

ନାଗରିକମାନଙ୍କ ସମସ୍ତ ସମସ୍ୟାର ସମାଧାନ ପାଇଁ BMC ଆଣୁଛି ନୂଆ ଉପାୟ। ମୋବାଇଲ ହ୍ୱାଟ୍‌ସ ଆପ୍‌ ଚାଟ୍‌ବଟ୍‌ ଜରିଆରେ ଏଣିକି ନାଗରିକମାନେ ହୋଲ୍ଟି ଟାକ୍ସ, ଘର ଭଡ଼ା, ଦୋକାନ ଘର ଭଡ଼ା, ଆଦି ସମସ୍ତ ଟାସ୍କ ପୈଠ କରିବା ସହ ବିଭିନ୍ନ ସମସ୍ୟା ଉପସ୍ଥାପନ କରିପାରିବେ।ଏଥିପାଇଁ ଏକ ତ୍ରିପାକ୍ଷିକ ବୁଝାମଣାପତ୍ର ସ୍ୱାକ୍ଷରିତ ହୋଇଛି। ହ୍ୱାଟ୍‌ସଆପ୍‌ ଚାଟ୍‌ବଟ୍‌ ଦ୍ୱାରା ପ୍ରସ୍ତୁତ ଏହି ସଫ୍ଟୱେୟାରରେ ନାଗରିକମାନେ ନିଜ ଘର କିମ୍ବା ଦୋକାନର ହୋଲ୍ଡିଂ ନମ୍ବର ଲେଖିଲେ, ଆପେ ଆପେ ତାଙ୍କର ସମସ୍ତ ତଥ୍ୟ ବାହାରିବ। କେତେ ଦିନ ହେଲା ଟିକସ ବା ଭଡ଼ା ଦେଇ ନାହାନ୍ତି, କେତେ ଟଙ୍କା ଦେବାକୁ ହେଉଛି,କାହା ପାଖକୁ ପଠାଇବାକୁ ପଡ଼ିବ ଆଦି ସମସ୍ତ ତଥ୍ୟ ଆସିବ। ତେଣୁ ନାଗରିକଙ୍କୁ ଆଉ ବାରମ୍ବାର ୱାର୍ଡ ଅଫିସ କିମ୍ବା ବିଏମ୍‌ସି ମୁଖ୍ୟାଳୟକୁ ଦୌଡ଼ିବାକୁ ପଡ଼ିବ ନାହିଁ। 

ସେହିପରି ଭେଣ୍ଡିଂ ଜୋନ୍‌, ବିଭିନ୍ନ ମାର୍କେଟ କମ୍ପେ୍ଲକ୍ସ, ମାର୍କେଟ୍‌ ଆଦି ପରିଚାଳନା ଓ ଟାକ୍ସ ବା ଭଡ଼ା ଆଦାୟ ପାଇଁ ଏମରଟେକ୍‌ ଆର୍‌ ଏନ୍‌ ଡି ସଲ୍ୟୁସନ ପ୍ରାଇଭେଟ୍‌ ଲିମିଟେଡ୍‌ ଦ୍ୱାରା ଏକ ସଫ୍ଟୱେୟାର ପ୍ରସ୍ତୁତ କରାଯାଉଛି।ଏହା ମଧ୍ୟ ସେହି ହ୍ୱାଟ୍‌ସଆପ୍‌ ଚାଟ୍‌ବଟରେ ରହିବ।ଅର୍ଥାତ୍‌ ମୋବାଇଲରେ ଭୁବନେଶ୍ୱର ମହାନଗର ନିଗମର ନାଗରିକମାନେ ନିଜ ଟିପରେ ସମସ୍ତ ସମସ୍ୟାର ସମାଧାନ କରିପାରିବେ। ଏଥିପାଇଁ ବିଏମ୍‌ସି ଏକାମ୍ର ହଲ୍‌ରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ସମସ୍ତ କର୍ପୋରେଟରଙ୍କ ସହ ବିଏମ୍‌ସି ପକ୍ଷରୁ ମେୟର ସୁଲୋଚନା ଦାସ,କମିଶନର ରାଜେଶ ପ୍ରଭାକର ପାଟିଲ, ଅତିରିକ୍ତ କମିଶନର ଶୁଭେନ୍ଦୁ କୁମାର ସାହୁ, ଡେପୁଟି କମିଶନର ଅଜୟ କୁମାର ମହାନ୍ତି ପ୍ରମୁଖ ଉପସ୍ଥିତ ଥିଲେ।